﷽.
اللهم صل وسلم على نبينا مُحمَّدﷺ
بنات لُطفاً التفاعل بين الفقرات
وتصويت بـ⭐️
.............................
دخلوا للاستقبال قدمت الضيافة وكعدت يمهم مجاملة رغم جنت خجلانه منهم بعدني
سرور كاعده وتباوعلي وتضحك استغربت شبيها اليوم طايره حسيت اكو ان بالموضوع
ابو فيصل..
يابه ليلى الله بالخير عليج ..
باوعتله باستغراب ..من دون ما انطق بحرف
جله صوته وحجه برزانه تامه وبايده سبحته يحركها بين اديه يساراً ويمينًا ..عينه بالمسبحة ويتكلم ..انا حمحم وكمل
جنت متوترة كون الحجي موجه الي ..
..عمي انتي مره غريبة وتحرمين عليه
وطبتي وطلعتي عليج بيها اشكالات من ناحية الشرع ومن ناحية عاداتنا وما اكدر اعوفج لحالج وباقي بين نارين ومثل ما
ما اقبل هلشي لاخواتي وبناتي الج هم ما اقبل اولا ولنفسي ثانيًا ..يعني هسه بقائج ببيتي بأي صفه ؟ والدنيا كلشي عليها ..
كمت ابلع بريكي بخجل وترقب
حسيت الدنيا ضاكت بيه والف فكره ع بالي
كول ابو فيصل شتفصل اني البس
..ام حسون سولفتلي شصار وياج والي فهمته انتي حاليا منفصلة..بما انو انتي خاليه مختليه..اني اعقد عليج وتصيرين بعصمتي وبحمايتي والي يمسج يمسني..شكلتي ؟؟؟!
رمشت عيوني مرتين
مو خجل وانما مفاچاه من طلبة الي مكان بالحسبان ابد ابد ولا بيوم تخيلته
انصدمت بيه حيل ..وتلبكت معرفت شنو احجي
حمحم ..الي يجول بخاطرج لا تترددين تحجيه هو مجرد حبر على ورق هم كدام الناس وهم بما يرضي الله ..ما عندي اي نيه مو زينه تجاهج
وما مفكر بيج بأي شكل من الاشكال خليها بعلمج هالاجراء شكلي وميخدم الا مصلحتج انتي وبالتالي القرار الج اكيد..!واذا عندج غير هالحل ما اقصر..بس يعجبج انطيج حريتج وشوفي حياتج بالنسبة الي لا راح يقدم ولا يأخر
بقيت مبحلقه بوجههم
وصافنه
سرور ..حبيبتي فكري عدل
يعني وبعدين تبقين عدنا وبحمايتنا
اذا سمع بيج احد من اهلج او اهل ابو فيصل لا تتوقعين يسكتون ..دخلتج عدنا وراها مصايب وطلايب وحجي اشكال الوان وكلنا نعرف الناس شنو ..ومو حلوه بحق اخوي حاط مره غريبة ببيته ويتردد عليها وهو وراه شمات وناس ادور الزله عليه ..ما اقبل عليه العيبه اني ووالله لو ما بيتي بيه ولد شباب جان خليتج بنص عيني ..فـ نصيحة من اخت وافقي وان شاءالله الرحمىٰن بيناتكم صح بالاول بس على ورق بس ان شاءالله يجعل بينكم المودة والرحمة
ابو فهد باوعلها صفح
كملت وهي تبتسم وهم ما الج احد غيره بعد اهلج ودمج مهدور عدهم ..وبس يشمون خبر عنج مستحيل يتركوج ..تدرين اخوج رايح لاهل زينب صديقتج ومسويلها مشاكل جان مراقب بيتج ويعرف منو يطب ومنو يطلع عليج
فـ اذا درى الله اعلم شنو يطلع منه هل مجرم هذا
أنت تقرأ
ما ذنبي انا (الموؤدة)
Kısa Hikayeأسِيْرُ ولَسْتُ أعْلَمُ أينَ أمْضي غَريبَ الدَّارِ قد ضَيَّعْتُ بعضِي فَبَعْدَكِ ليسَ لي وَطٌنٌ وخِلٌّ أبُوحُ لهُ بما أشْكُو وأُفْضِي وأُطْفِئَ في عُيُوني كُلُّ حُلْمٍ وجَفَّتْ كُلُّ عاطفتي ونَبْضِي أعِيشُ التِّيْهَ أسْبَحُ في ظلامٍ وآمالي تُواجِهُ...
