ما ذنبي انا ..
للكاتبة:banu
ما طبكن سره طبن علي كلهن
كتلني وبعد ما اكدر اكتلهن
واذا شدن اجدامي وشدن الجفين
وكعدن عالصدر چا بعد شيحلهن
ويلتمن عليك مشتتات البال
يا عريان كلي شلون تنفضهن.!
يمكن اسوء بارت هو هذا اسفه لـ كلشي💔💔💔
الحجية ..احجي يمة كولي الج الامان
هزيت راسي برفض..والله صعبه والله
لزمت ايدها بين اديه..اذا اكلج حتصدكين ؟!!
هزت راسها بايجاب
بجيت..بس أنيـہ نفسي مدا اصدك الصار ولا دا اتخطاه تعبت والله تعبت مثل البالع موس ظاله
لزمت وجهي ..سولفي يمكن ترتاحين
هزيت راسي بالرفض ..لااا..!
..ليش؟
..اوكع من عينج ..راح تكرهيني ..!
سكتت محبت تضغط عليه
باوعتلها اشهك ..سولفتلها الحلم وهي تحاول تهدي بيه
لزمت اديه تحاول تسكتني
منا لمن ارتاحيت وهي كاعده واني بحضنها نايمة
تمسد ؏َ راسي ..مشفت حنان ؏ــمريـہ
كله محسيت بحنان من احد ولا ارتاحيت بيد احد ولا ببيت احد ..غريبة ببيت اهلي
غمضت ؏ــيني وهي تقرا ؏َ راسي
بحنان ام ..
حجيت واني مغمضة
احجي برجفه وخوف ..وقلق
ء اني
سكتت ابرطم واحجي
..جان ؏ــمريـہ ١١ سنه ..وعيت على عائلة ابوي متزوج قبل امي ..أمي فصلية
سكتت
..جانت امي خدامة عند مرته الاولانية..تضربها تهينها محد يحجي او يدافعلها ..جنت اتذكر تنضرب كل ضربه تهد حيلها
من دون سبب او بسبب
من يلزمها ابوي يكفر بيها ..يطلع من الاسلام بساعتها ..جنت رغم أنيـہ بنته من صلبة..معاملة وياي ابد مو حلوهه مسمعت منه كلمة حلوه ولا فديوم طيب خاطري بحجاية كله زكر وياي
واي غلطة يفشلني يغلط عليه يضربني
اسلوبه وياي كاني عدوته
..جان ميطيقني..يكرهني
جنت منبوذة ..امي تدافعلي وتطالب بحقوقي جانت متلكا جواب غير الاسلوب الارهابي منهم
اخواني يضربوني ..اخواتي
كلها متحبني بهل بيت ..امي كل متحبل جانت تطرح وكله بسببها مرت ابوي ..بأذني سمعتها تسولف انو جانت تحطلها شي باكلها وتطرح لحد مامرضتها
جانت امي حنينة ..طيبه ؏َ نياتها
تحبني وكأني الهوى ..تسوي المستحيل علمودي
جنت متعلقة بيها هواي
ما انام وما اكعد الا على صوتها وعطرها ؏ــمريـہ ١١ سنه حتى للحمام هي تفوتني
من بلغت ..جانت صديقة
لا لا والله جانت هي الروح هي النفس هي الذات
ملابسي الداخلية هي تشطفهم
هي تخليلي الفوطة ..لهل درجة جانت حتى متلعب نفسها مني وكانوا بعدني طفلة تداغيها
أنت تقرأ
ما ذنبي انا (الموؤدة)
Historia Cortaأسِيْرُ ولَسْتُ أعْلَمُ أينَ أمْضي غَريبَ الدَّارِ قد ضَيَّعْتُ بعضِي فَبَعْدَكِ ليسَ لي وَطٌنٌ وخِلٌّ أبُوحُ لهُ بما أشْكُو وأُفْضِي وأُطْفِئَ في عُيُوني كُلُّ حُلْمٍ وجَفَّتْ كُلُّ عاطفتي ونَبْضِي أعِيشُ التِّيْهَ أسْبَحُ في ظلامٍ وآمالي تُواجِهُ...
