﷽.
اللهم صل وسلم على نبينا مُحمَّدﷺ
بنات لُطفاً التفاعل بين الفقرات
وتصويت بـ⭐️
.............................
فتحت الباب روحي ذايبة وحيلي بايد من شفتها
محمد واكف وراها عيونه تضحك من شفت وجهه نوعًا ما ارتاحيت
الحجية بعكازتها وشيلتها البيضة تمشي بالكوه
سلمت علي بس بثكل مو مثل قبل
فوتتها لجوه ..تباوع للبيت
متغير !
رحبت بيها بس جنت جامدة وساكته
ممتهيأه نفسيًا ولا مهيئة حتى نفسي
جابها فجأة وفرض عليه واقع سنين
صار خايفه منه
كعدت بالصالة رحت قدمت ماي
ورجعت ساكته وعيوني ما احطها بعينها
رحت للمطبخ اسوي جاي
اجا محمد وراي
حضنني من ورا واني على السنك واكفه
باس ركبتي بهدوء
..شلونها مريتي
..وخر عيب لا تشوفك
..واذا غير مرتي حلالي
..شوية عيب والله استحي منها
..شبيج ليلى شو احس ضايجه
التفتت عليه
هو متقدم علي ولازك بيه وجهه بوجهي
باوعتله بحيرة ..شسويت محمد ..مو كتلك ما مستعدة ..حتى ما انطيتني خبررر
..اششش لا تكثرين حجي ..اني عرفتج هيج راح تحجين فـحتى مكلتلج ..ادري بيج قنقينة صار هواي مراعيج اذا نبقى هيج كلشي منحصل
دمعت عيني ..اني قنقينة محمد !!. شفتها شلون مراضيـة وشلون تباوعلي
..راح تبدي قوانة جديدة ..شفتها شسوت وشكالت وشحجت وياي ها باوعتلي ها كلتلي ..رحمة لدينجن يالنسواننن فلااا تنرادننن
..اششش على كيفك يا حجاية ردي لمكانج
المره طبيعية عمي كافي ..شبيك عصبت لا تسمع من غير شي هي مراضيـة
عاكد حاجبه وتغير كل مزاجه
رجع للصالة واني شغلت الطباخ ورحت ورا
كعدت بالكاع
..شلونج حجيه شلون صحتج ان شاءالله بخير
باوعلي صفح
جاوبت بثكل..بخير
سكتت ما عندي كلام
سألت ..شكد عليج
..فتت بالخامس
..ولد يو بت
..ما اعرف مماخذه سونار
..هااا ..جا يمه شوكت جنتوا ناوين تحجون شنو هو سر لو لمن تجيبين ؟ ضام علي انه ولك يمه محمد
دمعت عيني ..والله حجيه انتي اكثر وحده تعرفين شنو ظروفي ويمكن ابو فهد حجالج شنو صار وياي فـ لا تلومين وتحجين وياي هيج دخيلج
انتي هم مسألتي عني من طلعت منج ابجي
قسم بالله جنت حاسبتج امي على كد الحنان الي شفته منج تالي هيج جازيتيني ..بالله عاملتج معاملة بت لامها ..جنت فاقدة الحنان وعوضته بيج وانتي ..طلعت مكسورة وخايفه حتى ما كلفتي نفسج تشيلين تلفون عليه وتطمنين عليه جنت ليلة ليلة اكول هسه تخابر هسه تسأل والايام تجر والاسابيع واني انتظر لحد ما يأست
بالله لو ما معتبرتج امي ما احيلج
الي بداخلي والي مريت بيه
أنت تقرأ
ما ذنبي انا (الموؤدة)
Nouvellesأسِيْرُ ولَسْتُ أعْلَمُ أينَ أمْضي غَريبَ الدَّارِ قد ضَيَّعْتُ بعضِي فَبَعْدَكِ ليسَ لي وَطٌنٌ وخِلٌّ أبُوحُ لهُ بما أشْكُو وأُفْضِي وأُطْفِئَ في عُيُوني كُلُّ حُلْمٍ وجَفَّتْ كُلُّ عاطفتي ونَبْضِي أعِيشُ التِّيْهَ أسْبَحُ في ظلامٍ وآمالي تُواجِهُ...
