﷽.
اللهم صل وسلم على نبينا مُحمَّدﷺ
بنات لُطفاً التفاعل بين الفقرات
وتصويت بـ⭐️
.............................
فتح الباب وشمرني لداخل البيت ..
وكعت على وجهي من قوة الدفعه
فوتني بداخل البيت
يدفر بيه ولازمني من شعري ..يعت بيه بقوة
قفل الباب ..اباوعله نزع حزامه
وصار مثل المجنون يجلدني ..ضربه ورا ضربه صوتها وآلمها لليوم براسي يرن ..ما انسى مدى حياتي ...
كنت اصيح بكل صوتي لحد محسيت حنجرتي خلص انتهت..والي يقهر محد سمعني بذيج الساعة
الضربات مدري من وين تجيني
اخر جلده من حزامه على جهة الحديد انضربت بعيني احس روحي شاطت..صرخت بعلوا صوتي بالم ولازمة عيني
منها وصارت الضربات تتوالى علي
بدون توقف بكامل الاجرام ..بحيث اي احساس ما بقى بيه
خدر كل جسمي ..الله شاهد حتى دم طلع حتى ثوبي انشك من قوة الضرب ..يتعب ويرجع يضربني..انبح صوتي من الصريخ والوجع
جنت اكول خلص راح اموت
لحد ما وكعت كلش اصلا صرت ما اقاوم
والضربات ما عادت تهم يا جرح تلچملي
فقدت الوعي ما عدت اسمع ولا اشوف شي
فززني الم قوي باصابع رجلي ..بحيث اول مفتحت عيني صرخت ودموعي صبت
خلع اظفر رجلي احس الدم حار ينزل
عليه ..احس النبض صار بكلبي من قوة الوجع
يباوع علي بحقد عيونه حمرررر دم
ووجهه يتصبب عرق رُغم الجو بارد
صرخت من الوجع واسحب برجلي
ثبتها بقوة..وخلع الثاني
احس يسحب روحي بهل حركه
اناشغ بوجع وكلبي احسه راح يطلع من
مكانه ..روحي ساحت وصرت ادوخ معدتي تكلب
من شافني سكنت وهدئت عافني
اباوع صاير الليل ..
واني لهسه يله كعدت ..يمه بجيت بجي وهو كاعد على كرسي مكابلني ويشرب وكأنه متشفي بيه
صاح بيه بصوت ..بسسسس كافييييييي حس ما اسمعلج
زحفت للزاوية ..بونات مخنوكة
جان يدخن ويباوعلي ..وياكل باصابعه واني محتضنه رجليه ولازمه اصبعي ضاغطة عليه حتى يخف الوجع ..عيني الجفن نازل عليها حتى متنفتح..تمنيت اشوف منظري ذيج الساعة حتى ما انسى ..حتى طول عمري اشيل الحقد بداخلي وما اغفر..جنت اباوعله بخوف ..وكلبي مليان اطنان من الحقد
يتنفس سريع ..وعيونه حمر
مرت فترة طويلة واحنا على هل وضع
عاط بصوت رج البيت رج
..لييييش رويدة ليششش سويتي بينا هل شكل هاا
بجيت واباوعله ما عندي كلام
كام يدك على راسه ..انجنيت واني ادور عليج واكول وين.راحت ..تعرفين شنو شعوري ..واني ادور بالملاهي بلكي الكاج..تعرفين شنو عيشتيني من انهزمتي ولليوم عايف حياتي وملتهي ادورج..الليل ما انامه بسببج
أنت تقرأ
ما ذنبي انا (الموؤدة)
Short Storyأسِيْرُ ولَسْتُ أعْلَمُ أينَ أمْضي غَريبَ الدَّارِ قد ضَيَّعْتُ بعضِي فَبَعْدَكِ ليسَ لي وَطٌنٌ وخِلٌّ أبُوحُ لهُ بما أشْكُو وأُفْضِي وأُطْفِئَ في عُيُوني كُلُّ حُلْمٍ وجَفَّتْ كُلُّ عاطفتي ونَبْضِي أعِيشُ التِّيْهَ أسْبَحُ في ظلامٍ وآمالي تُواجِهُ...
