﷽.
اللهم صل وسلم على نبينا مُحمَّدﷺ
بنات لُطفاً التفاعل بين الفقرات
وتصويت بـ⭐️
.............................
اعتذر ع البارحة بس ما جان الي واهس
بس تعليقاتكم حسسوني بتأنيب الضمير ع كيفكم ويايا زعلكم يهمني وزعلي يهمكم🦦
بس طلع شلت المفاتيح كلت والله لو ابقى بدون قفل وهيج انام ما عاد يهمني اهمشي ما ينقفل هلباب
كان بيه فقط سركي بالباب من الداخل
خلص اليوم واني انظف وافتر بالبيت سويت حملة على كل الغرف بحيث من ٨ الصبح بديت للمغرب يالله كملت كلشي ..غيرت الاثاث
وعطرت البيت ..تغيرت نفسيتي بهل تغيير
صعدت فوك جانت تمارة رايحة لبيت جدها بهل يوم ..كعدت مكابله الشباك من دون اي هدف
بس صافنه ..اباوع للجوارين للشارع
الوقت متأخر من الليل
لمحته فوت سيارته للكراج ياااع مو الصبح جان هنا شعجب رجع ..بقيت ع كعدتي ما كمت
اباوع عليه ارتجى ع السيارة يشرب
جكاره وعينه بالحديقة ..خلصها
وفات جوه ..جنت اباوع اله
بهيام يالله ليش هلكد احبه
حتى وهو مأذيني
سمعت الباب انفتح ..غميت كصتي ما قافلته
للحظة طخت ببالي اختل والعب باعصابة
بس تراجعت ..
واني كاعده سمعت خطواته ع الدرج
كان الطابق اظلم واني فاتحه البردة بحيث
ضوه خفيف من الشارع
تنهد ..متخافين كاعده بهل ظلمة
..ضايجة وين اروح التلفزيون فارررغ مليت
اجا كعد يمي بالارض ..وعلساس الشارع مليان
..ههه شسوي من لا چاره
..تطلعين افرفرج منا منا تغيرين جو
..هيج وقت
..چا شعدنا
..ما بي حيل
..شبيج البارحة ..؟ سولفيلي
..ما بيه شي
سكت متضايق
عافني ونزل ..بقيت مُدة فوك
حسيت بالنعاس ..نزلت جان متمدد بالارض
وبس عالمخده نايم ..انقهرت عليه
فرشتله بالغرفة علمود السبلت
رحت ندهته
كام يفرك بعيونه..
..كوم نام هناك ..هنا حاره
..فرشيلي بالاستقبال
صفنت بوجهه وبرطمت..
كمت بخيبة امل ..دا اشيل فراشة
فات وراي ..بتنهيدة عوفيه بابا عوفيه
نام بفراشة ..واني كذلك نمت
ثاني يوم كان جمعة ..مكان عنده شي
بقى كاعد ..للعصر جو جماعته بالاستقبال اضافهم وحتى اكل من برى مجرد رتبتهم وسويت زلايط ..جان ميحجي وياي هواي ..ولا اني اتمنى اعرف شغير حاله هيج ...شجان متوقع يسمع عن حياتي ..وهوا ازوجني باسوء الاحوال والظروف
ليش هسه ممتقبل الوضع الجنت اعيشه واصلا ما كان بايدي..عجزت افهمه ..
فات للمطبخ بيده صينية الجاي
والنفاضات
حجه ..ليلى
..هممم
..ترحين وي الجماعة كم يوم
صفنت وبهت لوني ..وين ..؟ ما عدت تريدني مو
دمعت عيوني صافنه الف فكرة اجت ع بالي
رجعت حجيت بغصة..هاهيه حتعوفني..بس ما عندي احد غيرك اني ا.....
أنت تقرأ
ما ذنبي انا (الموؤدة)
Short Storyأسِيْرُ ولَسْتُ أعْلَمُ أينَ أمْضي غَريبَ الدَّارِ قد ضَيَّعْتُ بعضِي فَبَعْدَكِ ليسَ لي وَطٌنٌ وخِلٌّ أبُوحُ لهُ بما أشْكُو وأُفْضِي وأُطْفِئَ في عُيُوني كُلُّ حُلْمٍ وجَفَّتْ كُلُّ عاطفتي ونَبْضِي أعِيشُ التِّيْهَ أسْبَحُ في ظلامٍ وآمالي تُواجِهُ...
