﷽.
اللهم صل وسلم على نبينا مُحمَّدﷺ
بنات لُطفاً التفاعل بين الفقرات
وتصويت بـ⭐️
.............................
مَاذا يُفيدُكَ أن حَضيتَ بَودَّهم،وخَسرتَ نَفسك والحياةَ جَميَعا.
*صار خطأً بالتسلسل ف رجعت نشرت هل جزء
مر اليوم ع طوله واني مقهورة ع الي صار الصبح ..الموقف ينعاد بمخيلتي كل ثانية
ساعة الوم نفسي واكول اني غلطانه
وساعة اكول هو مخبل ..
الفرح والضحكة متوكعلي
حجيت بسري ..بعد اخلي حدود لعلاقتي بيه ما اطوخها ويا ابد لا بالشقى ولا بالصدك شو هو كل شهر دا اشوفه مره اخلصها ويا والله كريم منا البعدين وين يصفى بيه الدهر وشنو راح يصير ويانا لان دا الاحظ مو صاحب طويلة وياي ابد
بين فترة والثانية نتعارك فالله يستر من اخرها ويانا
نمت بعد تفكير ..
احلم بكابوس مزعج ع طول ..من النوع الي ميفارقني افز وارجع احلم بيه ..احس مختنكة كابت ع انفاسي اريد اكعد
مر وقت طويل ..احاول استفيق من هل
كابوس المزعج
كمت عركانه ..رغم السبلت معلوك
طلعت البيت فارغ يخوف شغلت التلفزيون اضيع الهدوء رحت غسلت وجهي ..احس بكتمة ع صدري
طلعت فتحت باب المطبخ صاروا
بوجهي ابو جنان وام جنان كاعدين بالحديقة يسولفون من شفتهم عفت وفتت جوه ادردم شوكت ما اطلع مستحلين الحديقة حسرة علي اعتب باب المطبخ ..شربت ماي
افتر بالبيت ..الساعة ب ١ ونص
صعدت فوك ..حسيت بخنكة اريد بس
اطلع اشم هوى .صعدت الطابق الاخير ..
فتحت الباب ..وطلعت ..الهوى الي بالجو
نظيف رغم صيف ..
افتر منا ومنا ..مشايفه السطح هاي
ثاني مره اصعد .. عيوني تتنقل هنا وهناك
اباوع ع البيوت الي ورانا والي
بصفنا ..رحت ع جهة حديقتنا
اباوع والكا سيارته بالطرمة
يالله احس الدنيا وكعت ع راسي ارمش بعيوني اريد استوعب هذا شجابه هيج وقت حظي الفكررر ..
احس حيلي باد ..انخبصت شسوي رجعت اركض واني اركض وكعت ..ركبي تزلغن بس حتى الوجع ما حسيت بيه بس اريد اوصل للباب ..فتت الهث
رديته بدون لا اقفلة وايدي ترجف اروح منا وارجع منا ..اسمع صوته بالبيت بنادي باسمي
اخرمش بخدي ..بتوتر ..شسوي شسوي ياربي ياربييي
نزلت اركض واتعثر
بعدني ع الدرج مال طابق اخير وهو صعد
رجعت لورا ..لزكت بالحايط اباوعله يتلفت يدور
جان الدرج اظلم فـ ما لمحني
احس كلبي ..صار طبل من الخوف ..اجت
ببالي ذكريات وي هيج موقف ..صرت ارجف
اسمعه نزل يهرول ..طفرت من الدرج شسوي
شسوي وين انهزم وين اختل ..ماكو غير حل انو اشمر نفسي من البيتونه حتى ينقهر عليه وما يحاجيني بس ما انطاني كلبي ..عاد اني بهيج مواقف الله يذب علي ذكاء خارق ..احير شسوي
نزلت افتر بالصالة مال طابق ..انزل شكله بالله وين جنت ..هسه يطيح حظ اهلي
أنت تقرأ
ما ذنبي انا (الموؤدة)
Cerita Pendekأسِيْرُ ولَسْتُ أعْلَمُ أينَ أمْضي غَريبَ الدَّارِ قد ضَيَّعْتُ بعضِي فَبَعْدَكِ ليسَ لي وَطٌنٌ وخِلٌّ أبُوحُ لهُ بما أشْكُو وأُفْضِي وأُطْفِئَ في عُيُوني كُلُّ حُلْمٍ وجَفَّتْ كُلُّ عاطفتي ونَبْضِي أعِيشُ التِّيْهَ أسْبَحُ في ظلامٍ وآمالي تُواجِهُ...
