﷽.
اللهم صل وسلم على نبينا مُحمَّدﷺ
بنات لُطفاً التفاعل بين الفقرات
وتصويت بـ⭐️
.............................
بعد مرور ثلاث سنوات ..
جنت كاعده بغرفتي ..ارد لجود املاء ..
وغيث يمي يرسم ..ومن يغلط جود يصححله
كان عندي غيث ذكي بشكل اذكى من جود احسه سابقه بخطوات ما شاءالله ..غيم بنتي كالعادة
كاعده بعيد عني ..ومخنزره عليه ..تذكرت
ابوها ونظراته الي ..حسيت بغصة بنص كلبي
واني اشوف عيونها الي تذكرني بيه وبتفاصيله
ليش هلكد طلعت تشبهه ما اعرف يمكن السبب
كونها صارت بعز اشتياقي اله بعز مشاكلنا وقلق حياتنا مو بس بالشكل حتى بالتصرفات شبيهة ابوها ..جنت من اصفن بيها يصيبني الحزن
والحسرة ..ما يجي ببالي غير صورته
صحت الها ..تعالي ماما
دارت وجهها بزعل..مااا
..لج غيوم .لا تشلعين كلبي
كام جود سحلها من قميصها..تحاجيج امنااا كومي
ضحكت ..لك معليك عوفها اني وياها لا
تدخل
جان جود مسوي نفسه الجبير وسايك
عليهم ..ومن يعاندوني هو يجيبهم الي
عندت متجي ..
طلعت المكياج..هاج بس لا تخزريني
اخذته تلعب بيه.وفرحانه بقيت صافنه
بيها اتذكر كل ذكرياتنا صور اجي ببالي
كلشي هنا يذكرني بيه انكر اذا اكول نسيته
اتصلت بيه سرور ..فتحت خط
..الو هلا سرو شلونج
..الحمدلله بخير ..انتي شلونج احوالج
..ع الله بخير
..شو تذبين حسرات
..هههههه لا بس جنت اقري بجود تعبني
..يوووه الله يساعدج اني خلصت من هاي
الفقرة وكبر حسن بعد اعتمد ع نفسه
..اييي والله اني وراي حصبه وجدري وراي
تلاثه هههههههه
..الله كريم ..يكبرون وتشوفين خيرهم
..امين ..اييي شلونكم
..الحمدلله قبل لا انسى ..خابرتج معزومة يوم الجمعة هاي خطبتي والخميس حنة مروآن عود هم كولي ما اجي شلون بخطبة مروآن؟
بفرح ..صدك يا عمري فرحتتت الج هواي والله
..يا بعد عمري مو ما تجين والله العظيم ازعل عليج انتي وجمانه معزومات تعالوا ما عندي احد
..منو عزمتوا حتى من هسه اكلج اجي او لا
..لا تخافين ..بس عماتي من جهة بيت ابو محمد محد يحظر بعد ما عندج عذُر تراا
..زين زين ان شاءالله اجيج ما اقصر
..امر عليج تجهزين نفسج اخاف ما عندج احد
..لا ليش اخابر ع عثمان يجي عليه جهزي لمهرج لا تشغلين نفسج بيه
..لا اله الا الله ..اني اجيج عوفي صخمان
..ههههههههه يالله يالله الله كريم منا للجمعة
فاتت جمانة ..يوه رويدة طكت روحي
..شبيج
..ضووووجةةة خنكةةة ابوي حابسني وياج
شلون ورطة هاي وكعت بين ابوي ومحمد
وعنادهم
..ههههههه شنسوي حكم القوي هذا ..ابنج
وين
..هذاك يباوع افلام كارتون بالصالة
..لج مو الدكتور كال مو زين عليه سگطتي الولد
..لج موتنيييي يززززن يزن فجر راسي من ورا
اني ما اتحمل رويدة اتخبلللل شغلتله تلفزيون اريد اخلص منه ضايقني اريد اصفننن اريد اتخيل
اريد اسرح بخيالي مقيدني
.
أنت تقرأ
ما ذنبي انا (الموؤدة)
Short Storyأسِيْرُ ولَسْتُ أعْلَمُ أينَ أمْضي غَريبَ الدَّارِ قد ضَيَّعْتُ بعضِي فَبَعْدَكِ ليسَ لي وَطٌنٌ وخِلٌّ أبُوحُ لهُ بما أشْكُو وأُفْضِي وأُطْفِئَ في عُيُوني كُلُّ حُلْمٍ وجَفَّتْ كُلُّ عاطفتي ونَبْضِي أعِيشُ التِّيْهَ أسْبَحُ في ظلامٍ وآمالي تُواجِهُ...
