كمت للحمام سبحت وطلعت جان ديصلي بالحديقه والشمس لساها مطالعه
كمل وباوعلي
..لبسي شال ليطلع ابو جنان
..ميطلع هسه يكعد ب ٩ يوميه اطلع هيج وكت
كعد يسبح ويباوع بالحديقة
صوت العصافير والفجر كلش حلو الجو
كمل ولف المصلاية وكعد بصفي على المرجوحه
جبت الصونده اسكي الزرع
سأل ..بعدج تضوجين لوحدج ..؟ لو تعودتي
..والله هو اني من زمان عايشة لوحدي من زمان كلش حتى قبل لا انهزم اني لوحدي ..بعدها من اجيت ع بغداد هم جنت وحيده .بس مو هلشكل
محبوسه ..فـ جان. تمهيد
..شلون يعني تعودتي لو شنو ..؟
..قبل من جانت اسمهان وياي عادي
بعدين اجت امها ضلت كم شهر وراحت
عقد حاجبه ..تدرين رايحه عن بالي اسمهان وين راحت ..
..ههه تتذكر من طردتوني وراها بمده امها طلعت من السجن
عقد حواجبه..مو كلتولي قريبتج وامها متوفيه
..هههه الحجيه مقبلت احجي هي كالت من يسألج هيج كولي
عض شفته بأسى..امييي ولا تكعد راحه
..المهم من طلعت امها بقت فترة وبعدين كالت حتسافر ..
..هممم ..هم تشتاقيلها ؟
دمعت عيوني..ايي كلش عبالك بنتي والله عشت وياها من جانت متعرف تحجي لحد ما كبرت كبرت ع ايدي ..چم سنه واني وياها عائلة
بحالنا الله يذكرهن بالخير ..ويكونون
بصحة وسلامة
محجه شي
بعدها كال ..هم ضجتي من عفتينا
ابتسمت ..ايي هواي شبعت بجي منا سمعتوني حجي ومنا تعودت عليكم حيل وكنتوا رادين الوحشة عني ..واكضي وكتي كله وياكم حيل ضجت بس جنت متوقعه يجي يوم واعوفكم
بالذات انت جنت اكثر واحد مكعدني ع اعصابك
عود ليش ما ادري
ابتسم ههه تدرين شكد جنت اكرهج وما طايقج
باوعتله ..شنو..؟
..والله جنت اتخبل منج ما رايدج ببيتي ما ارتاحلج
سبحان الله هسه اني ضامج بنص بيتي وفنج تعتبين باب الشارع هههههههه
انقهرت كلش من حجايته ..يعني ليش تكرهني ..وبعدين شنو هاي الصراحة المفرطة الي كل جيه الك تجلدني بيها وتسميها صراحه ترى هواي تجرحني بكلامك وبعدين ليش تكرهني جنت خادماتكم بعيوني و صوتي ميطلع والله جنت احبس نفسي بالمطبخ وما اطلع حتى متشوفني جنت مسوي بيه حاله نفسيه وقلق ع طول ..جنت اشتغل من حس ساكت وانت كل هذا كل حجايه تذبها علي تخليني ليلي ما انامه هيج بالك ع طول يمي و معقدني والله كان عندي فضول اسألك ليش بس اخاف واستحي باللله بالله كمللل ليش ليش تكرهني بما
انو هاي فرصة ..؟
جنت احجي فحطانه ومنفعله
ضحك
..يابه شكد شايله بكلبج عليه ههههههههههههههههههههههههههههههههههههههههههههه
أنت تقرأ
ما ذنبي انا (الموؤدة)
Short Storyأسِيْرُ ولَسْتُ أعْلَمُ أينَ أمْضي غَريبَ الدَّارِ قد ضَيَّعْتُ بعضِي فَبَعْدَكِ ليسَ لي وَطٌنٌ وخِلٌّ أبُوحُ لهُ بما أشْكُو وأُفْضِي وأُطْفِئَ في عُيُوني كُلُّ حُلْمٍ وجَفَّتْ كُلُّ عاطفتي ونَبْضِي أعِيشُ التِّيْهَ أسْبَحُ في ظلامٍ وآمالي تُواجِهُ...
