﷽.
اللهم صل وسلم على نبينا مُحمَّدﷺ
بنات لُطفاً التفاعل بين الفقرات
وتصويت بـ⭐️
.............................
بطني كبرت وثكلت اكثر بس فتت بالتاسع
ما عاد صرت انام فوك ..رجعت انام جوه
محمد متخبل من هل حالة غرفة الحجية
طابين طالعين الها ..واني بشهر التاسع
انتهي من الثكل والخنكة..اخلصها نايمه
ما الي خلك شي ..صرت ما اصعد هواي
خصوصا بالنهار حتى مراتٍ انام جوه
الضهر وكلها نايمة ..جنت انوم بجود
ومتمددة..اندك الباب بخفه وفات احمد
كعدت ع حيلي متضايقة..محد كده سالب
راحتي ..يجفت بكل وكت
..ليلى كلها نايمة ..؟
..اييي
..اكويليا عندي عرس ب ٤ اطلع ونسيت اودي للكوي
شمرلي قاط مالته ..هزيت راسي
..صار هسه
راح هو كمت وبيني وبين نفسي
ادردم باي حال وهذول بطرانين
ميروح لهديل لتبارك ميانته وياي
بس بالأذية
شكلت المكواه وفرشت خاولي بالارض
كعدت اكوي الحجية غفت
فات احمد واني دا اكوي البنطلون
حجه بهدوء ..كملتي
..ثواني
جان مبين هسه سابح مشط شعره
ويباوع لوجهه..جان. هسه محلق وجهه
باوعلي ..شلون طالع
ابتسمت ..بعدك كلشي ممسوي
غمني..وثول مو مزين
ضحكت بهدوء ورجعت اكوي
كملت الملابس هو فات لحمام الحجية بدل وطلع
شمر ملابسه بالارض
اني على كعدتي حتى الاوتي ممطفيته
بعدني ما بيه اكوم للنقطة
بغرور ..ها وهسه
ضحكت .. جنك عريس عوزك بس عروس هههه
عدل ياخته بتكبر ..چا شعبالجج
يباوع بالمرايا ويرتب بنفسه
وبالرباط مالته متعجب بروحه
جان بيده ساعة حاطها على الميز ابو تواليت ومحابس
لبسهم وحط الساعة يحاول يلبسها
بتك ايد ممسيطر
..سويها مدا اسيطر
مد الي ايده واني اسوي بالساعة
..ليلى الله عليج شسواري فوك منزلته واتعاجز اصعد بعد ..ما عندج انتي هنا
..هسه من عيوني
كملتها التفتت على محمد واكف بباب الغرفة
مرتجي ونظراته علينا مال واحد معاجبه
فز كلبي ..وباوعت للحجية الغافية
وهو يباوع الي ..جود جان نايم هم
احمد ممنتبة اصلا مو على باله
..ها ابو فهد ..هنا
برفعة حاجب..شعندك هنا ووين ان شاءالله
وهو يباوع بالمرايا ويرش عطر ملئ ملابسه
..معزوم على عرس مصطفى صاحبي
يباوع علي..هممم
انتبهت لنظرة عيونه الي تحولت لملابس احمد
المشمورات قريب علي
حسيت بخفقان بكلبي ..لان نظرته كلها
انكلبت حسيت وجهي نار ..شافني واني اسويله ساعتهوهسه ملابسه
أنت تقرأ
ما ذنبي انا (الموؤدة)
Short Storyأسِيْرُ ولَسْتُ أعْلَمُ أينَ أمْضي غَريبَ الدَّارِ قد ضَيَّعْتُ بعضِي فَبَعْدَكِ ليسَ لي وَطٌنٌ وخِلٌّ أبُوحُ لهُ بما أشْكُو وأُفْضِي وأُطْفِئَ في عُيُوني كُلُّ حُلْمٍ وجَفَّتْ كُلُّ عاطفتي ونَبْضِي أعِيشُ التِّيْهَ أسْبَحُ في ظلامٍ وآمالي تُواجِهُ...
