الحلقة 4
ما ذنبي انا
للكاتبة banu
وكل لجوء لغير الله خذلان "
مرت ايام طويلة
اجا الصيف واسمهان نوعا مصارت تزعجني بالسؤال عن امها
جنت بين الشغل والبيت
جنت اجمع بالفلوس اخاف اخسر شغلي
الي فهمته انو هل انسان الي اشتغل
عندهم من احد رجال الدولة
جان ممرتاحلي نظراته مليانه شك وريبة
مجان حاب وجودي لكن لخاطر والدته ساكت
جنت اتحاشى وجودة
ما اخلي يشوفني الا نادرًا
اليوم كعدت من الصبح
لبست نقابي ونزلت من ٦ الصبح حتى
محد يشوفني..ركبت ووصلت لبيتهم
اشتغلت والحجية تسولف وياي
مونستها ..اقاربها كلهم عرفوني بس محد يعرف قصتي ..الحجية كلتلهم مهجرة وهذي بنتها ف تعاطفوا وياي وهواي ساعدوني هوايي
مو شلون ما كان جانوا عائلة طيبة وياي حيل
بالاخص الحجيه الي صارتلي ام
جانت تون على بنتها الي بالخارج مزوجه وحتى وكت وفاة ابوها مكدرت تجي لان بوقتها لسا ممحصله الجنسية وبس ترجع للعراق قبلها راح تسقط الاقامة ما اعرف تفاصيل بس هيج فهمت
جانت تخابرها وتشبع بجي عليها
حنينه حيل هل مره جانت تكلي اشوف بيج بنيتي ومثل ما اعاملج ربي يدزلها ناس توكفلها بالغربة
تحبني وتعزني هواي تقدرني احس نفسي جزء من العائلة عاشرتهم هواي من الصبح لليل أنيـہ ببيتهم
لكن استاذ محمد جان منغص عليه ومتكبر هو وجهالة مرات بنته تعيط بوجهي او تعاركني ؏َ اتفه سبب تحس نفسها سيدة البيت واحنا الخدم مالتها جنت ابلع واسكت
الغرور عاميها حتى وي اخوها علاقتهم
اعوذ بالله صرت اتحاشاها وما اتصادم وياها قدر الامكان تضوج لان بيبيتها تعاملني غير عن الكل جانت حتى وي بيبيتها خبيثه ومو هلكد تحبها دوم تذمها ابوها لو يدري يموتها
مره جنت دا اطبخ للغده ومخبوصه اريد اكمله حتى اسوي العشه لانو ابوهم عازم ناس وجايب قيامة لحم وتمن وقلاقيل كومه
اريد بس الحك اسوي من وقت هم يالله لان وحدي وطبخ هوايي حيل ومتعب
اغسل بالدجاجة والتمن منكعته
ومناك اللحم مال عشى حاطته بالجدر الكبير وببطنه صونده دينكع بالترك مال مطبخ واخاف عليه لا تجي بزونه واسمهان كاعده بالكاع يمه وصافنه
اجت بتهم هديل
..انتييي هييي
باوعتلها صفح ..خيررر
..اكلي خرا ولتنترين ترى اخلي بابا يطيح حظج بالقران حاجيني عدل كلج خلك خدامة عندي
رفعت حاجبي..شرايده خيرج!!
تعالي سويلي غرفتي مو بس ننطيج كومه اكل وفلوس وتاكلين براسنا وبس اطبخين حتى شغل متشتغلين وبيبي مكبره راسج صايره خيره
أنت تقرأ
ما ذنبي انا (الموؤدة)
Short Storyأسِيْرُ ولَسْتُ أعْلَمُ أينَ أمْضي غَريبَ الدَّارِ قد ضَيَّعْتُ بعضِي فَبَعْدَكِ ليسَ لي وَطٌنٌ وخِلٌّ أبُوحُ لهُ بما أشْكُو وأُفْضِي وأُطْفِئَ في عُيُوني كُلُّ حُلْمٍ وجَفَّتْ كُلُّ عاطفتي ونَبْضِي أعِيشُ التِّيْهَ أسْبَحُ في ظلامٍ وآمالي تُواجِهُ...
