﷽.
اللهم صل وسلم على نبينا مُحمَّدﷺ
بنات لُطفاً التفاعل بين الفقرات
وتصويت بـ⭐️
.............................
لن يفهموك
فأنت تتحدث عن أمر قطعت
فيه ألكثير تفكيراً
لن يشعروا بك
فأنت تشرح شعوراً جال في قلبك كل ليلة ملايين ألمرات
ليس ذنبهم
بل هي ألمسافة الهائلة بين ألتجربة ، وألكلمات .
محمد بعد كل الي صار
شوي شوي رجع لطبيعته لاول ما التقينا ساكت وحدي بشكل جارح وياي جداً اصلا نادرا ما يجي بالبيت حتى اكل صار مياكل يشوفني شوي يسلم ويروح بس ماي يشرب حتى جاي ميقبل اسويله
يجي وي اذان المغرب يصلي ويروح حتى
ما الحك اشوفه
ابتعد بشكل كلي عني احسه كارهني
حتى النظرة واللهفة الي جنت اكرهه صرت اتمنى اشوفها بعيونه .. احس خسرت الشخص الوحيد بحياتي الشخص الي يحميني بلش يمل مني ويقرف بلش ينفر
حياتي فرغت من بعد الصار
شنو يفكر وشنو بباله عني مدا افهم شبي ليش هلكد ابتعد ..وليش رجعت علاقتنا اسواء من قبل
تنهدت راح تخلص حياتي بين مد وجزر
يوم حلو الباقي يطلع الروح
صار يتردد علي بين فترة وفترة
ربع ساعة ميطول ..يشوف احتياجاتي ويمشي من دون كلام اضافي ..هو هم مهموم من مشاكل بيتهم ومضغوط حسب اخر شي كالي وجان حتى من يخابروه يبقى ساكت ويتنهد بملل وعجز و تعب ويلعب بلحيته بطريقة لتخفيف التوتر
مر وقت طويل ..مر الشتا والربيع والخريف
لاشهر واحنا هذي علاقتنا..اجت موجة حر فضيعه
كالعادة المغرب متمددة اسمع الاذان
بالتلفزيون وصافنه اريد اكوم اصلي بس حيلي مهدود اليوم الصيف الحقيقي ومثل كل مره السبلت نوب هالمره مال غرفة صاير يفصل
البيت بوخه بس البنكه والترك اخذ مفتاحه
مني ههه والمبردة بشباك الترك ابواب البيت كلهم عنده المفاتيح عاف بس المطبخ عندي ..شنو الغاية ما افهم لا هو شك ولا هو خوف لا انهزم وعندي باب المطبخ اكدر اطلع منه وتلفوني اخذه بعد ما انطانيا صار اسبوعين ممبين واني هنا مثل الشخص الي ديجالع من شدة الحر والتعب
سمعت طكه مفتاح عرفته هو
كمت على حيلي اعدل ثوبي بارهاق اسمعه يحمحم بقيت على كعدتي بالكاع خليت كذلتي ورا اذني
اباوع الباب أنتظره يطل عليه..فات ابتسمت بمجاملة مزيفة
..السلام عليكم ..
..عليكم السلام ..بعقدة حاجب واستغراب
شنو هالبوخه يابة ..فتحي الشبابيك الابواب البيت يخنكك
جنت تعبانة من الحر مسحونه
روحي سبحت اربع مرات وارجع ابوخ حتى تمشيط ما امشط بس ابلل نفسي واطلع
تنهدت بتعب ..ما عندي مفتاح
سكت متخصر ومتضايق شوي ورجع
بيده مفاتيح شمرهم على الطبلة وراح غسل وجهه
أنت تقرأ
ما ذنبي انا (الموؤدة)
Short Storyأسِيْرُ ولَسْتُ أعْلَمُ أينَ أمْضي غَريبَ الدَّارِ قد ضَيَّعْتُ بعضِي فَبَعْدَكِ ليسَ لي وَطٌنٌ وخِلٌّ أبُوحُ لهُ بما أشْكُو وأُفْضِي وأُطْفِئَ في عُيُوني كُلُّ حُلْمٍ وجَفَّتْ كُلُّ عاطفتي ونَبْضِي أعِيشُ التِّيْهَ أسْبَحُ في ظلامٍ وآمالي تُواجِهُ...
