الحلقة 7
ما ذنبي انا
للكاتبة:banu
مساء الخير بنياتي فراشات قلبي ♥️🦋
همه ركضو وانه واگف ماجزوني .
لـ علي البديري
وصلت للشارع العام
سمعت هورن وراي التفتت
..عميييي ترديننن تبلينييي ذابه نفسج جوه السياراتتتت ..
وخرت من الطريق..امشي هايمه
صعدت فورتات
نزلت بخيبة ومكسور خاطري وكلبي موجر
كعدت كبال المرايا
ايييهه فشلتني كبال روحي كابلت روحيي وبجيت
انهاريت بالبجي
شبعت بجي بعرفه لحد ممليت
نمت المغرب بدون اكل وما الي طاقة لاي شي ثاني
وبس دموع
واثغب بصوت من ضيم كلبي
نمت ونومتي قلقة
فزيت الفجر على حلم ارعبني
جنت امشي ببستان او مزرعة كبيرة
مكان مألوف الي ..وجان فارغ ما بيه بس اني واسمهان ..جنت لازمه بيدها واتمشى وصافنه اباوع للمكان
فجأة ادور عليها مموجوده
ارتعب كلبي وكانه حقيقة مو حلم
جنت امشي مفزوعة وادور بين الزرع
حسيت حركة بالزرع
باوعت هذا جلب وهل جلب اسود وطويل وضعيف حيل..بس وجهه حقير جان وجهه مخيف ومبين يريد بيه سوء
ركضت منه وهو يركض وراي ويلهث
اكثر من مره يوصل كرشة رجلي ويفتح حلكة يريد ياكلني ويريد يعضني ميلحك اسرع بركضي
جنت اباوع منا ومنا واركض
وصلت عند رجال ديشرب جاي وويا ولد شاب
لزم ايدي وحطني وراه وهل مره الجلب وصلي وخدش ساقي باسنانه بس ملحك يعضني
جان حلم اشبه بالواقع
صرت وراه ضربه بالعودة على راسه ويصيح بيه عوفها شكلتلك انييي وخررر منهااا
اتراجع ليوره جان يباوعلي بنضره خبيثه
نضرة واحد جبان ويريد يسوئني
فجأة تحول هل جلب طفل
طفل وجهه خبيث حقير ..يتحلفلي ويحجي
..الزمج لو ما الزمج..يجيج يومم..اذا ما اندمج والزمن طويل
فزيت عركانة
بجيت بحركة كلب ..لشوكت هل كوابيس ليش فجأة صارت تتزاحم بنومتي وتقلقني كافي تعبت انييي كافييي حتى نوم مثل العالم ما انام
اريد انام نومة ارتاح بيها ابد ماكو
فزت اسمهان صافنه بيه
سكتت ما اريد اخوفها امسح بدموعي واحاول احمحم اعدل صوتي..رجعتها نومتها
ايام طويلة صعبه..الحجية مبينت ابد
انقهرت منهم حيللل شكد خدمتهم وداريتهم بماي عيوني والله عاملتهم معاملة اهل مو غير شي شكد غلطت وياي بنتهم ..صبرت لعيون امهم
أنت تقرأ
ما ذنبي انا (الموؤدة)
Short Storyأسِيْرُ ولَسْتُ أعْلَمُ أينَ أمْضي غَريبَ الدَّارِ قد ضَيَّعْتُ بعضِي فَبَعْدَكِ ليسَ لي وَطٌنٌ وخِلٌّ أبُوحُ لهُ بما أشْكُو وأُفْضِي وأُطْفِئَ في عُيُوني كُلُّ حُلْمٍ وجَفَّتْ كُلُّ عاطفتي ونَبْضِي أعِيشُ التِّيْهَ أسْبَحُ في ظلامٍ وآمالي تُواجِهُ...
