﷽.
اللهم صل وسلم على نبينا مُحمَّدﷺ
بنات لُطفاً التفاعل بين الفقرات
وتصويت بـ⭐️
.............................
من جديد حياتي الى الهاوية
وعبالك الذنوب والمصايب ما مكتوبات ع بشر غيري والله اتعجب ع حياتي الي ما تخلوا من المشاكل والهموم الحياة الي ولا بيوم انصفتني اليوم خذلتني من جديد ..وخسرتني كثير اشياء
اولادي ..كرامتي..اسراري..كلشي خسرت
حتى زوجي
رجعت بهذا السجن انشمرت مثل الكلبه
الابواب انسدت عليه وكأني مُذنبة
انضربت وانهانيت وانداس ع كرامتي
تهجرت من بيتي بالغصب بس نامت
عينه من صدك حسيت بقيمته هنا
جنت ليل مع نهار ابجي بجزع وحركة
كلب ..ادُك الابواب بخبال اريد ينفتح
اريد احد يحن عليه ..اريد اعرف
ذنبي وجُرمي هلمره
جنت ادك بكل حيلي واصرخ..مظلومة والله مظلومة اني ..مظلومة يا ناس ماحد عنده رحمة ياناس ما الي ذنب بشي والله ما الي ذنب
..
اصرخ بقهر ..دموعي وصوتي الي
اختفى من كثر الصياح ..اريد جود اريد غيث
اريد اسمع اخبارهم اريد اسمع صوتهم كل يوم
اكعد لحد متنشف دموعي ..ابجي واكول اكيد
مفتقديني ومتعذبين لغيابي منو قايم بيهم
منو الهم من بعدي
اباوع من الشباك الفوك ..ابو جنان
ووياهم زلم ٣ ..استغرب وجود كل هذول كدام باب بيتي ..ما عندي لا تلفون ولا اي وسيلة اتصال ..
اتذكرت اليلة الاخيره الي بجنب اولادي
واني ابجي ..وصافنه بالشارع
تذكرت من اتصلوا لعاشور ووجهه صار
ينطي الوان وتغيرت كل معانيه..ويستفسر
بدهشة وكأن ما مصدك
بانفعال ..انا اخوك احمد راح بيها
سرور بخوف..شكو ياستاررر احمد شبيه
مروان ..شكووو شبي احمد شصاير فهمنا
عاشور ..مروان اخذ مرت عمي عدكم
هل ليلة لبين ما الله يفرجها ..عاف ومشى
انتبهت عض شفه الهم من سألوا عن احمد
بمعنى بعدين ..مروان لحكه لبرا وسرورً
كعدت يمي
بجيت من جديد ..سرور فدوه خاف محمد صار بيه شي ..ليش ميحجون يمي ..سرور اذا يصيبه مكروه اموت والله وجهالنا يضيعون وهذن ما ينطنياهم فدوه سرور راح اموت
..اششش حبيبتي اش هسه افهم السالفة ونشوف لو محمد بيه شي ما كان هيج عاشور بارد وجامد
السالفة اتخص احمد الضاهر ومحمد سألت
عليه حالته مستقرة والله
كتبولي خروج وطلعت ..وياهم لبيت سرور
بس وصلنا نمت من اثر العلاجات والتعب
ثاني يوم كعدت ب١٢
بس شفت نفسي مو غرفتي ومو مكاني ولا جهالي يمي بجيت بحركة كلب ..فاتت سرور ع صوتي
..ياستاررر شكو شكو كولي يالله
..سرور اريد جهالي فدوه
..لج ماما حبيبتي ما بيهم شي والله مساع خابرت ع عاشور كال عد زهراء وتبارك لا تخافين عليهم قابل بشارع غير عد اهلهم
أنت تقرأ
ما ذنبي انا (الموؤدة)
Short Storyأسِيْرُ ولَسْتُ أعْلَمُ أينَ أمْضي غَريبَ الدَّارِ قد ضَيَّعْتُ بعضِي فَبَعْدَكِ ليسَ لي وَطٌنٌ وخِلٌّ أبُوحُ لهُ بما أشْكُو وأُفْضِي وأُطْفِئَ في عُيُوني كُلُّ حُلْمٍ وجَفَّتْ كُلُّ عاطفتي ونَبْضِي أعِيشُ التِّيْهَ أسْبَحُ في ظلامٍ وآمالي تُواجِهُ...
