يخبرني انه يحب عيناي وانا لأجل عيناه اعيش

يخبرني انه يحب عيناي وانا لأجل عيناه اعيش (1).

بارت الـ(1). "نجمة م تضر ولا تاخذ من وقتك "🫶🏻

الشخصيات:
عائلة البطل:
الجد عبدالله:متوفي
الاب سلطان: متقاعد
الام عزيزة: ربة بيت
سعود (البطل): عقيد 30
احمد:مبتعث 27
مزن: متخرجة 25
سارة: طالبة ثنوية17
لؤلؤة: سنة ونص
اميرة (طليقة سعود الاولى وحبه الاول)
سوسن(طليقته الثانية)
____________________________________

الشخصيات:
عائلة البطلة:
الجد سعود: عايش
الجدة وجد:متوفية
الاب محمد:صاحب شركات
الام حفصة: كانت معلمة بس استقالت
تركي بن محمد: ارمل وعنده بنت 31
عدي بن محمد: مدير مالية للشركة 27
ليان بنت محمد:جراحة قلب 24
ليليان بنت محمد( البطلة) : دكتورة اطفال 24 تؤام ليان
نياف بن محمد: طال ثنوي 17
نوف بنت محمد: طالبة ثنوية 17 تؤام نياف
عبدالله (عبود): اخر العنقود 6
أمل بنت تركي بن محمد: اكبر حفيدة للبيت 3
____________________________________

شخصيات ثانوية:
حاتم بن قصي:طيار 30
هيام بنت قصي:مصممة ازياء 24
الام شهد بنت عايض: مصممة ازياء مشهور
الاب قصي بن مساعد: متوفي من ثمان سنين
______
عائشة الرشيدي: 23
خديجة آل سيد: محامية 25
علي بن فهد: يتيم طيار 26
خالد بن سالم: محامي 26
سياف بن حامد: 29
منير بن عزام: خطيب مزن 27
فهدة بنت عزام: خطيبة سياف واخت عزام 23
____________________________________
البارت الـ( 1 ) :

2022.
احمد: الوو
مزن: ي هلا ليه م رديت يوم اتصلت عليك قبل ساعة؟
احمد: كان الجوال مقفل ماكان فيه شاحن
مزن: انا كم مرة اقولك خلي جوالك مشحون دائما !
احمد: يختي اكيد بيخلص شحنه لو مرة باليوم
مزن وهي مقهورة: تمام تمام خذ كلم امي
الام عزيزة: ها ي ولدي متى بترجع مو كانك طولت!
احمد وهو مشتاق لأهله: يمة ان شاءالله قريب
الام عزيزة: ي يمة ارجع بسرعة ترانا مشتاقين لك بالمرة.
احمد وهو يطلع بالسيارة: ان شاءالله يمة قريب قريب مرة
الام عزيزة: ي يمة انت وينك الحين !
احمد وهو يناظر شوارع الرياض اللي اشتاق له مرة قال: يمة طلعت مع العيال والحين راجع
الام عزيزة: ي يمة لا تتاخر برا البيت ترا بلاد الكفار مامنهم امان م تدري وش يصيرلك هناك لا تتاخر برا البيت، احمد وهو يكمل عن امه اللي دائما تقول نفس الكلام: ولا تمشي مع العيال كثير وانتبه يخربونك ولا تاخذ اي شيء يعطونك. وقام ضحك يوم شاف امه سكتت وقال ي يمة ي يمة تراني كبير
الام عزيزة: مهما كنت كبير انتبه شوف ولد حنان هذا وهو ف داخل السعودية واكبر منك وعاقل يتعاطى
احمد وهو يقاطعها: ي يمة انتي قلتيها هذاك ولد حنان اما انا ولد عزيزة وسلطان ومافي شي يخربني باذن الله لا تخافي.
بعد ساعة بالضبط من مكالمته مع امه واخته.
واخيرا وصل ديرته اللي كبر واتربى فيه وهو صارله 6 اشهر مختفي عنهم بحكم انو خلاص قرب الاختبارات النهائية وهذا كان اخر فاينل له وبعد م خلص م قال لاحد انو خلص الدراسة وخلاص راجع اليوم كان بيخليه مفاجآ بس م كان يدري انو المفاجاة هي اللي تنتظره ف البيت .
نزل من السيارة وراح من الباب الخلفي للبيت ودخل بشويش وراح المطبخ علطول عند أخواته بيفاجئهم بس وقف واتصنم بمكانه وهو يسمع كلام اخواته.
عزة وهي تقول لسارة: انتي صادقة؟ منجده طلقها!؟
سارة وهي تحلف: والله اني سمعته وهو يقول لابوي انو طلقها
مزن وهي للان ماهي مصدقة: احس... لا يمكن انتي سمعتي غلط .. م اظن ....سكتت شويا وقالت :
يخي ماقد شفنا منها شيء وحتى يوم تجينا كانت دائما تفكر فيه وشلون طلقها وليه طيب؟
سارة وهي تكشر وجهها: تكفييين لا تقولي انك مانتي مبسوطة انو طلقها؟!
مزن وهي تناظر اختها: وليه انبسط ان شاءالله؟!
سارة بكره: الحمدالله والشكر معقولة للان مانتي مصدقة انها هي كانت وراء حرق رجلك ؟!
مزن: اكيد م بصدقك وبعدين انتي ليه متأكدة مرة انها هي وراء الحرق؟
سارة: لانو بكل بساطة ليان م تكذب وهي قالت بنفسها انها شافت سوسن وهي ترمي الزيت عليك بس انتي بقرة ومشت عليكي كلام سوسن اما انا م يمشي علي ذا الكلام . وقلبت عيونها وكملت تقطع الفواكه.
مزن: بس هي قالت طاح بالغلط من يدها
سارة وهي خلاص م ودها تجيب سالفة سوسن ولا طاريها حتى: قالت ايه ايه صدقي صدقي بس احب اقولك مشوارنا مع سوسن الز*فت لين هنا وخلاص خلصنا منها والحمدالله اخونا طلقها وارتحنا من شرها.
مزن وهي ترجع بسالفة الطلاق: طيب م عرفتي ليه طلقها؟
سارة:لا بس سمعت ف جنين بالموضوع بس م عرفت وش قصته.
مزن وهي تحرك الاكل قالت: يلا الله يعوضه بالثالثة.
سارة بضحك:قولتي نفس الكلام يوم طلق حرمته الاولى ونفس الشيء الحين.
مزن:اميرة انا كنت احبها من حب سعود لها بس من يوم م عرفت انها كانت تكلم عيال وتطلع معهم حتى بعد الزواج كرهتها وحسبي الله عليها من بعدها سعود اتغير ماعد هو سعود القبل اللي كنا نعرفه ويضحك وطول وقته وجهه مبشوش والابتسامة م تفارقه
سارة بقهر ع اخوها:الله لا يوفقها .
وبذا الجملة دخل عليهم احمد المطبخ وقال: بذمتك ي سارة صدق انو سعود طلقها خلاص ماعد بشوف شكلها هنا يعنى مرة ثاني الحمدالله ؟!
سارة ومزن من الصدمة نسو انهم يسلمو عليه حتى ولا هو سلم عليهم وهو للان مصدوم من اللي سمعه
وقالت سارة: ايه ايه وتصدق بعد وش!
احمد بحماس: وش؟
سارة: تدرو انو قبل لا يطلقها تركها ببيت اهلها شهرين تخيل وبعد شهرين ابوي حاول فيه يروح يرجعها، واللي م تدرو انو قبل شهرين هو طلقها مرة وحدة بس وابوي جبره يروح يرجعها وقال م يصير وكذا واليوم يوم راح سمعت واللي فهمته من كلامه انهم طردو وقالو م عندنا بنت لكِ هنا ، وتخيل المشكلة مب هنا المشكلة انو حتى التستس سوسن بنفسها م حاولت تدافع عنه ولا ترجعله تقولن وكانها م صدقت على الله اهلها وقفو معها بشيء لاول مرة وعلطول عشان رضاهم م اتكلمت وكانت ساكتة وقالت بس ابي ورقة طلاقي توصلني اليوم قبل بكرة ومن كلامه بعد فهمت انها هي اللي اصلا كانت غلطانة مدري بايش غلطت الله يعلم وطبعا اخونا كل شيء ولا الاهانة علطول بنفس الوقت طلقها بالثلاث وقال بتوصل ورقتك اليوم وقال كمان انو قبل لا يجي البيت راح كمل جميع الاجرات وخلاص اظن الحين الورقة وصلها وبكذا نقول التستس سوسن رسمية صارت طليقته وماعاد يجمعنا شيء مع بعض ونقطة على السطر.
وبعد نص ساعة الام عزيزة وهي تدخل غرفة البنات وقامت تنادي ع سارة وتقولها : ي سارة روحي جيبي لؤلؤة من المجلس ابوك بيطلع للعزبة روحي جيبها خلاص واول م دخلت شافت احمد ومزن وسارة قاعدين وقدامهم ابريق شاي وفصفص وقاعدين يحشو بسوسن
الام عزيزة بصدمة: احمد!! احمد ي حبيبي متى جيت وليه م قلتي ليه م جيت تسلم علي؟!
وهنا كانكم تقولن الثلاثي صحيو ع نفسهم ومزن وسارة قامو يطالعوا باحمد بفهاوئ واحمد يناظر بامه واخواته وعلطول قام وراح يحضن امه ويسلم عليها ويبوس يدها ورجولها وراسها وبعدها علطول مزن وسارة قاموا وراحو يحضنو ويسلموا عليه وقامو يضحكو على بعض ضحك مب صاحي