اتفاعلو مع البارات ي حلوين🦋:
~~~~~~~~~~~~~~~~~~~~~~~~~~~~~~~
عليه رفعت عيونها عليه وهي باقي تتكلم بالجوال
ليليان: تمام انتي قلتي انك رسلتي البيانات ف ايميلي صح!
: ايه نعم تقدري تشوفيه الحين
ليليان: ايه تمام اصبري الحين اشوفه.
وبالفعل سكتت وصارت تشوف باللاب الي قدامها
ليليان: تمام ي روحي خلاص وصلني البيانات بس باقي ارسلي الملفات الي قلت لك عنه قبل يومين
: تمام الحين اشوف لك هو وارسلك
ليليان: م تقصرين شكرا يلا انتظرك
وقفلت من الجوال وحفظت البيانات وقفلت اللاب وناظرت فيه كانت شايفة من اول نظراته لها بس كانت تصد بتوتر
ليليان: مافي شي ناكله قوم روح جيب شي ناكله
سعود: تمام الحين ننزل السوبر ماركت ونشتري كم غرض بس لا نكثر لانو بعد ثمان ايام بننزل مكة خلاص بنحج .
ليليان هزت راسها
ليليان مسكت كوب القهوة ومدت له: خذ اشرب ذا وصحصح سويت لك
سعود خذا منها الكوب وكان قاعد يشرب بهدوء واول م خلص رجع يناظر فيها لانها رجعت انشغلت وكانت قاعدة تشوف الملفات الي طلبته
سعود: اذا خلصتي قومي عشان نروح السوبر ماركت
ليليان هزت راسها وخذت كل اغراضها وقامت وهو بعد قام وراءه ونزلو للسوبر ماركت وقعدو يشترو كم غرض لهم وبعد م خلصو رجعو البيت وليليان طلعت لفوق وفتحت العباية وغسلت يدها ورجعت نزلت لتحت اما سعود ف كان بالمطبخ قاعد ينزل الاغراض الي جابوه من السيارة للمطبخ ورتبهم اي كلام
وجت ليليان وقالت له ينزل الاغراض ف الارض عند الثلاجة وبالفعل نزل الاغراض وهي بدت ترتبهم بالصفوف ف الثلاجة وبعد م خلصت قامت
سعود: وش بتسوين!
ليليان؛ مدري والله بس شكلي بسوي شكشوكة اشتهيته اول م شفت البيض
سعود شمر اكمامه وقال: اجل انا بقطعلك الخضار
ليليان ناظرت فيه بصدمة وقالت: انت منجدك!
سعود ناظر فيها وعرف انها مصدومة من شكلها : ايه
ليليان: سعود!! انت منجدك بتقطع الخضار وبعيدا عن ذا انت اساسا تعرف تقطع خضار؟
سعود كان بيقول ايه اعرف كنت لا تعبت اميرة انا الي اطبخ بس استوعب قبل لا يتكلم انو بيقلب حياته
وقال: ايه اعرف كنت اطلع البر مع اصحابي وانا الي كنت اقطع واحيانا اطبخ
ليليان هزت راسها بفهم وراحت لجهة الثلاجة وفتحته وخذت طماطم وفلفل اخضر وحبة بصل صغير وراحت حطته عند سعود وجابت له كل الاغراض وغسلت الاشياء وسعود مسك السكين وبدا يقطع الخضار وهي بذا الوقت راحت حطت على النار مويا عشان تسوي كرك
وهو اول م خلص من البصل هي راحت حطت الطاسة الصغيرة على النار وخذت شوي زيت ونزلت البصل على الطاسة وقعدت تحرك فيه
سعود: اتغير لونه!
ليليان: ايه بدا يتغير لونه اذا خلصت هات الفلفل احطه علطول
سعود: خلصت خلصت انتي بعدي ارجعي لوراء وانا بكمل عنك
ليليان م تنكر انها مصدومة منه لانو ذا اول مرة يساعدها بالطبخ وبالفعل بعدت وهي باقي بيدها الملعقة الي قعدت تحرك فيه
اما سعود ف جاء وحط الفلفل مع البصل وقعد يدور شي يحرك فيه وقعد يلتفت يمين يسار لين جاء نظره عليها وشاف الملعقة بيدها
سعود: وانا من دقيقة ادور عليه
وراح لين عندها وكان بياخذ منها الملعقة بس هي استوعبت الي قاعد يصير وقالت: خلاص انت حط الاشياء وانا علي التحريك
سعود: ي بنت انتي ارتاحي اليوم ولا اقول روحي شوفي الشاي الي حطيتيه على النار لا يفور
ليليان اتذكرت الشاي حقها وتركت الملعقة بيد سعود وراحت لجهة النار وكان باقي قاعد يتغير لونه مع الحليب وزفرت براحة وجاء سعود جنبها ووقف عند النار وصار يحرك البصل مع الفلفل وشويات وكمل وهو يحط الطماطم ومعه البهارات والملح وبعد تحريك جاء وكمل وحط البيض وصار يحركه وليليان خلصت من الكرك وجابت الكاسات وصارت تصب فيه اما سعود ف اول م قفل كان بيروح يجيب صحن يحط فيه بس شافها اساسا هي جابت له وحطته عنده وابتسم لانو يشوفها سريعة ف الملاحظة وذكية وفطينة
ليليان التفت على سعود بعد م خذت الكاسات : خلصت!
اذا خلصت ف تعال انا باخذ الشاي اول
سعود هز راسه وراح وراها وحطه بالطاولة وراحت جابت المويا والخبز وحطته على الطاولة
سعود: مو تحبين العصير وقت الصباح؟ ليه م جبتيه!
ليليان: ايه احبه بس مالي نفس اليوم احس ودي بكرك
سعود هز راسه وم اتكلم وقعدو الاثنين يفطرو
أنت تقرأ
يخبرني انه يحب عيناي وانا لأجل عيناه اعيش
Romansaانا ليليان الي كان كل حياتي بالحجاز بين القصور وحياة الرفاهية ويجي يوم ويشتاق جدي لديرته ولأجل خاطر جدي نرجع لديرتنا الي بالرياض
