بسم الله💛
~~~~~~~~~~~~~~
احمد: اممم اذا م تعرف قوانين المستشفى احب اذكر..
سعود: قفل فمك وسوي الي اقولك عليه
احمد: بس م بيدخلونك
سعود: خلاص اذلف ماعادني محتاجك اعرف اروح لوحدي
ومسك بعجلات الكرسي وكان بيتحرك الا انه احمد مسك الكرسي وحركه علطول وسعود سكت م قال شي وكلها ثواني وخرجو من الغرفة وم حصلو احد فيها
احمد: شكلهم راحو البيت
وكان يقصد بكلامه امه وابوه
وكملو طريقهم للعناية واول م وصلو شافو هناك الكل حتى ام سعود وابو سعود كانو هناك واول م وصلو سمعو صوت الدكتور وهو يبشرهم
: ابشركم هم طيبين وم عليهم شي وخرجو من مرحلة الخطر والحين كلها دقايق ونخرجهم من العناية
ابو تركي بفرح: الله يبشرك بالخير ي دكتور م تدري كيف فرحتني بهالخبر
تركي: بس من هم الي تقصدهم! حنا عندنا بس بنتنا الي جو
الدكتور: مو انتو عائلة ليليان محمد ال..!
سعود من وراء: ايه نعم حنا بس باقي م قلت من تقصد بهم؟
الدكتور ناظره وعرفه وقال: الحمدلله على السلامة
سعود: الله يسلمك
الدكتور: كنت اقصد بكلامي زوجتك وولدك الي ببطنها
سعود بصدمة: نعمم!!
وصار لحظة صمت حرفيا
وفجاة سعود استوعب وفز من مكانه وكان بيقوم لولا تدارك احمد ومسكته لكتف سعود
سعود: ددكتور اانت متأكد! هي حامل! بسس بس كيف حنا سوينا حادث وو..
الدكتور ببتسامة: كل شي بيد الله والي صار معجزة بالنسبة لنا انو يعيش طفل داخل بطنها رغم الحادث والاصابات الي صارلها بس مع ذلك سبحان الي خلق م صار للبيبي اي شي وم جاء صوب الطفل اي شي ولله الحمد وارجع اقول الحمدلله على سلامتك والحين اعذروني وراي اشغال ثانيا
كلهم بلا استثناء صارو يضحكون وهم من شوي كانت وجيهم تبشر انهم شوي ويبكون من حزنهم بس كل شي قلب فجاة وسبحان القادر قدر ان يغير من مودهم مئة وثمانين درجة وصارو يباركون لسعود وسعود م كان اقل منهم بالعكس قعد يشكر ربه ويحمده وزاد اصراره انه يشوفها وكلها نص ساعة ونقلو ليليان لغرفة عادية والكل كان عندها ماعاد الرجال وبعدها بساعة هي استعادت وعيها وكانت تناظرهم بعيونها واول شي قالته: الحمدلله
ورجعت ناظرت لامها وهي تقول: ييمة وينه سعود! وش صار عليه!
وجت ام سعود من وراء ومسكت يدها وهي تقول: م عليك ي بنتي هو بخير وينتظرك برا
ليليان : ابي اشوفه ي يمة ابي اشوفه ابي قلبي يرتاح
ليان قالت بمزح : ي خائنة تطردينا وحنا الي كنا خايفين عليك وقاعدة تدوري على حبيب القلب!
ليليان ببتسامة: متاكدة انو حتى هو م كان اقل خوف منكم وبعدين القلب وش يبي غير حبيبه
ام تركي وام سعود ضحكو عليها لانها باقي تحت تاثير البنج وقاعدة تقولها بالصريح ولا همها من احد
ورجعت ناظرت لامها: يمة قولي له يدخل
ام تركي: طيب انتي ارتاحي الحين شوي وهو بيدخل عندك لا تخافي
ليليان: لا ابيه يدخل الحين ابي اشوفه
وقعدت تصارخ باسمه: سعووود سعووود
عند سعود برا الي كان قاعد بالكرسي المتحرك وعلى يمينه تركي قاعد وعلى يساره اخوه احمد وجنبه عُدى قاعدين يسولفو مع بعض الا فجاة سمعو صوتها وهي تصارخ باسمه وم يدري ليه كل خلية من جسمه فز لصوتها وكان بيدخل وبتهور بس تركي وقفه: هيي هيي وقف يالحبيب اصبر هدي هدي باقي محارمنا جوا
سعود ناظر اخوه: انت روح شوف ابوي وعمي وينهم ولا ترجع خلك معهم
احمد: حلوة يجي منك اكثر ، طردة محترمة، يلا انا استاذنكم بروح اشوف عمي وابوي وينهم. وشد على اخر جملة وهو يناظر اخوه بحده
عُدى بضحك: اصبر بجي معك م يهون علي اترك تروح للشياب وتطفش من سواليفهم
احمد: تسوي خير مو زي بعض الناس الي باع اخوه
سعود ناظره بحده
احمد بسرعة: ماشي ماشي خلاص هدى
عُدى وتركي قعدو يضحكو عليهم
وراحو الاثنين من عندهم رغم ان عُدى كان وده يدخل ويشوف اخته بس ابد زي م قال م يهون عليه يترك احمد يروح لوحده
تركي ناظر لسعود بضحك وقال: ادخل وسكت هالمجنونه من بيفكنا منها الحين ومع تاثير البنج عز الله م خلصنا من كلامها الفاضي والشبه غير مفهوم
سعود : مالك شغل بكلامها ولا تقعد تنقد عليها
تركي ناظره بصدمه هذا الي ابد م توقعه
وبالفعل سعود دق الباب وراحت ام سعود تفتح له واول م دخل هو خرجت ليان علطول من الغرفة وراحت مع تركي وهم يحشون بالمجنونة الي جوا الغرفة وزوجها
اول م دخل سعود ليليان كانت بتقوم من مكانها بس امها هجدتها
ام تركي باحراج: اعذرها ي ولدي باقي تحت تاثير البنج
سعود م قال شي واكتفى بانه يبتسم
ام سعود ناظرت لام تركي واشرت لها عشان يخرجو
ام تركي: اجل يلا احنا بعد نستاذن
سعود: وين وين! توه الناس
ام سعود: م عليه نجيكم بكرة وابوك وعمك برا ينتظرونا
سعود م قال شي وراح خرج معهم وبالفعل شاف ابو سعود وابو تركي عند الباب
ابو تركي: اجل يلا دام سعود عندها ف حنا نسترخص
وبالفعل كلهم راحو من عندهم وراح رجع سعود للمجنونة الي باقي قاعدة تصارخ باسمه
سعود : جيت جيت
ليليان بزعل: وين كنت! تدري كيف خفت عليك! ليه كنت بتروح معهم وتتركني هنا لوحدي وانت تدري اني م أحب المستشفى وبذات اذا صرت مريضة عندهم!
سعود: م رحت بس كنت بشوف امي وامك تبيني اتركهم يروحو كذا وانا م ادري اذا ف احد برا ينتظرهم ولا لا!
ليليان: اممم ايه صح معك حق
سعود قرب منها اكثر ومسك شعرها وصار يمسح فيه وشوي يلعب: وانتي الحين كيفك!
ليليان ببتسامة شلعت قلب سعود: بخير دامني شفتك قدامي بخير
سعود: تدرين بالي ببطنك!؟
ليليان وهي باقي مبتسمة: وف احد م يدري وش الي ببطنه! اكيد ادري وش فيه ببطني
بس فجاة زعلت وبان عليها يوم عبثت بوجهها وقالت: بس حاليا مافي شي هم م خلوني اكل شي من يوم م صحيت
واشرت على الباب بزعل وكانت تقصد الممرضين والدكاترة
سعود: افا م خلوك تاكلي شي
ليليان هزت راسها بنعم: شربوني بس مويا يقولو لين ناخذك للفحوصات ونتطمن على حالتك ومن بعدها تقدري تاكلي اي شي
سعود: دامهم قالو كذا اكيد ف ضرر لك اذا اكلتي وبعدين مو انتي دكتورة ! اكيد تعرفي عن ذا الشي
ليليان هزت راسها وهي تقول: ايوة انا دكتورة انا دكتورة
سعود استلطف حركاتها وكلامها وهي تحت تاثير البنج وابتسم لكلامها وكل دقيقتين يضحك على كلامها الي كانه كلام اطفال مو وحدة بالغة
سعود: طيب تدرين انو بيجينا قريب بزر يملي حياتنا؟
ليليان بصدمة مسكت بطنها بيدينها: انا ف بطني ف نونو؟
سعود هز راسه : ايه ف ببطنك ورع
ليليان بعصبية: لا تقول عن ولدي ورع
سعود بصدمة: طيب وش اقوله!
ليليان: قول عنه نونو بيبي مو مهم بس لا تقوله ورع
سعود كان مصدوم منها
وهي ولا على بالها رجعت تناظر السقف وتسولف مع نفسها ومع ولدها وهي حاسة بالأمان دام سعود عندها ولا هي خايفة من شي: اممم لا تروح زي اخوك لا تروح ، انا يوم راح اخوك م قدرت اتحمل الوجع الي حسيت فيه مقدرت اشكي لاحد ولا قدرت اعبر عن الوجع الي حسيت فيه يوم فقدت اخوك لاني بكل بساطة معرفت وشلون اعبر معرفت كيف اشكي للي حولي عن وجعي بفقدان اخوك الكل قال عني اني ابالغ واني المفروض م ازعل كل ذا الزعل وانا اصلا معرفته الا من يوم قبل م افقده بس وقتها محد حس بالي حسيته محد حس اني بذا اليوم استشعرت به كل الشعور الي ممكن اي ام تحس به تجاه طفلها انا وقتها لو فتحت لهم قلبي كانو خافو ربهم من الكلام الي رموه علي بس هذا ماهو بيدنا حنا بالنهاية بشر وليومك ذا كل م اتذكر اخوك واني كنت حامل به قبلك وراح مني وانا م اعطيته اي حنان قلبي يبكي من القهر بس م اقول غير الحمدلله بالنهاية الي صار مو بيدي بس مع ذلك حتى هالمرة يوم عرفت اني حامل م عرفته وانا زي اي وحدة تحمل اشك وتعرف بالبيت وتروح تشيك مع زوجها او اختها او صديقتها لا انا عرفت بحملك بعد م صار علي انا وابوك حادث حتى طرقي لمعرفة حملي كانت بها مشاكل وكان المشاكل يقولي مالك مفر مني.
وفجاة صارت تضحك بقوة ودمعت من الضحك وكملت كلامها: بس تدري وش ! انا ادري اني انا وانت بنصير طقطقة على ألسنت خالاتك وعماتك
اعرفهم مستحيل يتركون ذا الفرصة الا ويطقطقون علينا بس م عليه المهم انت وانا وابوك كلنا بخير ودائما قول الحمدلله غيرنا حياتهم اقسى منا بس نحن ولله الحمد حتى لو ضاق بنا كلها ايام ويفرجها ربنا علينا وان شاء الله انها تنفرج للناس بعد عشان كذا لا تنسى تقول دائما الحمدلله
كانت تتكلم وهي تناظر بطنها
وكملت وهي تناظر لسعود: انت بعد ذكره يحمد ربه كثير.
سعود كان يناظرها بحزن وهز راسه بنعم
وهي رجعت تتكلم مع ولدها: امم تدري وش قبل م تجي بنسوي انا وابوك غرفة خاصة لك بنحط فيها دولاب خاص لك وسرير خاص لك وبننزل نقضي ونشتري لك احلى الملابس بالنهاية انت بتكون ولد اللواء سعود والدكتورة ليليان. ورجعت تضحك على كلامها: حلوة حلوة ولد اللواء والدكتورة. وميلت راسها بعفوية وكملت تكلم ولدها باحلامها الوردية: اول م تجي بالدنيا حياتنا بتزين اكثر وتصير حلوة ...
بالديرة عند ملاذ الي كانت مسويا قهوة وحلى وراحت قعدت بالصالة ونادت نوف وسارة والؤلؤة الي صارت تمشي وعبود وأمل والجد كان بالقعدة حق الشياب الي عند السوق ونياف ملتهي مع عيال الديرة يلعبون كورة
سارة: باقي م جاكم خبر عن سعود وليليان ؟
ملاذ: لا والله صارلي ساعات وانا اتصل على تركي وعمي ومحد يرد اخاف جدي يرجع وهم باقي م رجعو مدري شقوله اخاف يزعل ويصير له شي
نوف بسرعة: الله لا يقوله، ان شاء الله يرجعون ومعهم اخبار حلوة
ملاذ وسارة: ان شاء الله
ملاذ التفت للاثنين : ايه باقي م قلتو وش صار على تقديم!
سارة: انا باخذ راحة هالسنة وببداء شقى من السنة الجاي
ملاذ ناظرت لنوف: وانتي!
نوف: امم انا ودي بالحاسب بس مدري احسه تخصص ضعيف
ملاذ: بالعكس دامك تميلين للحاسب ف مافي شي يمعنك ادخلي وم عليك من كلام احد
نوف: وش رايكم بالبرمجيات؟
سارة: معرف لهم
ملاذ: حلوة
نوف: شكلي بفكر فيه
ملاذ: معك وقت فكري زي الناس
أنت تقرأ
يخبرني انه يحب عيناي وانا لأجل عيناه اعيش
Storie d'amoreانا ليليان الي كان كل حياتي بالحجاز بين القصور وحياة الرفاهية ويجي يوم ويشتاق جدي لديرته ولأجل خاطر جدي نرجع لديرتنا الي بالرياض
