يخبرني انه يحب عيناي وانا لأجل عيناه اعيش

يخبرني انه يحب عيناي وانا لأجل عيناه اعيش.16.

تفاعلو مع البارت لاني تعبت عليه 🫶🏻
~~~~~~~~~~~~~~~~~~~~~~~~~~~~

عند ام حاتم الي حسبت انو يتكلم عن ليليان اما حاتم فـ راح هو يستريح نرجع لام حاتم الي حطت موضوع الخطبة براسها
وبعد ساعتين راح حاتم وجاب اخته وانتهى العزيمة بفرح البعض وقهر البعض وحسد البعض وتساؤلات البعض الي منهم ام تركي الي قعدت تتسأل ليه بنتها ليليان م رجعت وبعد م خلص العزيمة ورجعو العيال وبعد م غيرو البنات فساتينهم ومسحو الميك اب وغسلو واتنظفو قعدو كلهم بالصالة ماعاد الجد وابو تركي الي راحو ينامو حتى ملاذ كانت موجودة ومتنقبة وطبعا م كانت بتجي لولا نوف الي قعدت تزن فوق راسها وانو بيفوتها الحش والسواليف
ام تركي : ي بنات احد فيكم اتصل على بنتي!
نوف: بنتك من ! انتي عندك ماشاءالله اربعة بنات تقصدي من فيهم؟
ام تركي ضربتها على كتفها: ومن الاربعة ثلاث قاعدين قدامي كانهم بهايم قاعدة اسال عن الي مب موجودة
ليان: مدري يمة انا اتصلت عليها بس م ردت
تركي بهدوء وهو يشرب من فنجانه: م عليكي يمة كلمني سعود المغرب وقال انو هو رجع بيته وبيقعد مع ليليان اليوم
ام تركي بزعل: طيب ليه م اتصلت وقالت لي انها م بتجي
لُجين: يمة اكيد انها مشغولة وزي م سمعتي زوجها اليوم رجع ف اكيد بتكون مشغولة
ام تركي باقي زعلانة: كانت تقدر ترسل رسالة تقولي فيها انها م بتجي ولا انها تقعد وتخليني خايفة عليها انا قلبي قابضني من يوم م راحت واحس بيصير فيها شيء واخرتها نست ترسل رسالة لامها بسبب ...
استغفرالله بس
يلا انا بقوم وانتو بعد قومو لا تتاخرو
الكل: تمام ، شويا ونقوم، ابشري
وراحت ام تركي تنام وهي زعلانة من ليليان
نرجع للبقية الي قعدو يسولفو
أمل الى جاها نوم راحت لملاذ : ماما بنام معك ومع بابا اليوم عاتي ؟(د)
ملاذ بسرعة : ايه طبعا عادي يلا تعالي نروح ننام
أمل: بابا كمان
وناظرت لابوها الي كان يناظرهم
أمل: بابا تعال يلا
تركي بربكة: انتو روحو اول انا شويا واجيكم
أمل: تمام
وراحو الاثنين طلعو لفوق لجناحهم طبعا بعد م نقل عُدى مواقتهً لغرفة الضيوف الي تحت وبيرجع لغرفته بعد اسبوع بالضبط بعد م يمشي تركي وحرمته وبنته ويروحو للرياض لبيتهم
عند ملاذ الي اول م وصلت فتحت كل شي وعلقته وراحت مسكت أمل ودخلو الاثنين لغرفة أمل ومشت ملاذ للدولاب وخرجت بجامة خفيفة ولبستها ودخلو الاثنين للحمام وقعدت أمل تفرش اسنانها وملاذ بس تناظر فيها تحس انو كل ذا حلم تحس انو فجاة بيوقف فيها الزمن وتصحى من النوم ويكون كل ذا مجرد حلم هي للان ماهي مصدقة انو أمل قدامها وبتعيش معها وبدون م تنتبه خرج من عيونها دمعة وم صحيت الا على
صوت أمل وهي تقول: ماما عيونك تمطر مرة ثاني
ملاذ: ها ! وش قلتي م سمعت
أمل: عيونك تمطر
ملاذ: عيوني تمطر!
ورفعت نظرها للمرايا الي قبالها وشافت بالفعل ف دمعة نزلت منها وعلطول مسحته م تبي احد ينتبه على دمعتها
ملاذ: م عليه بالغلط نزلت
أمل: خلاص انا خلصت
ملاذ ببتسامة وبتغير للموضوع: م دريت انو نتفتي صارت كبير لدرجة تمسك الفرشة وتفرش اسنانها بنفسها اخر مرة كنتي عندي كنت انا افرش لك اسنانك وش صار وكبرت نتفتي كذا؟
أمل: انا ثرت (ص) كبيرة خلاث (ص)
ملاذ: افا ماعاد صرتي تحبين وانا افرش لك اسنانك؟
أمل: لا بس بابا قلي انا صرت كبيرة ولازم اسوي كل شيء بنفثي (س)
ملاذ بقهر: حسابه معي
أمل: حثاب (س) من؟
ملاذ: ولا شيء خلصتي صح! يلا تعالي نروح ننام
أمل: وتقرين فوق راثي (س) القران؟
ملاذ ببتسامة: ايه وبقراء قران لين تنامي
أمل: ماما انا لما اكبر بحفظ القران كله زيك
ملاذ: ان شاء الله ي رب
وراحو الاثنين ينامو بغرفة أمل ودخلو السرير وانسدحو الاثنين وملاذ قعدت تقراءة قران وهي تمسح على راس أمل لين حست انها نامت وهي بعد دخلت ونامت معها
عند تركي الي طلع لفوق بعد م خواته واخوانه نصحوه وقالوله يعاملها كزوجته الحقيقي م يعامله كأم لبنته وبس ، وهو طلع من عندهم بس عشان م يسمع منهم شيء ثاني ولا كلامهم م هز فيه شيء اساسا واول م دخل الغرفة شاف السرير فاضي وحتى الكنب كان فاضي واول شيء خطر بباله غرفة أمل وراح دخل غرفة أمل وبالفعل كان ظنه بمكانه وقرب من عندهم لين شاف الاثنين نايمين بسلام وقعدت جنب أمل وصار يناظرها ويتأمل فيها وشوي الا ناظر لملاذ وقعد يناظر فيها اشتاق لذا الوجه اشتاق لصاحبة ذا الوجه هو للان يتذكر كيف اول مرة شاف ذا الوجه كان بحفلة لتخرج حنين وملاذ وهو م كان يدري هو بس جاء بسبب ابو بندر الي كان يعرفه من المسجد وعزم عليه بذا اليوم الا ويجي ويتعشى ببيته دام عندهم مناسبة، بمناسبة تخرج بناته كان مسوي عشاء كبير وهو خارج الا...