بسم الله الرحمن الرحيم
السلام عليكم ورحمة الله وبركاته
عساني م اتاخرت ؟
ادري ادري اتاخرت بس اعذروني فترة دراسة والضغط علي كبير مرة والحين بتركم مع البارت:
~~~~~~~~~~~~~~~~~~~~~~~~~~~~~~~~~~~~~~~~
ريحته وهنا بدأت ترمش بكثرة وكانها بدات تستوعب ويوم كانت بتدخل وقفها مرة ثاني يوم قال: اربع سنين
وهي علطول التفت له باستغراب وش الي يقصده باربع سنين!! وقالت بحده وتساؤل : وش الي اربع سنين؟
رائد ابتسم يوم سمع صوتها وم صدق ان صوتها الي يخرج الحين يعنيه هو وبيقصده هو كان يحسب ان صوتها مجرد صوت يهلوس فيه بس هنا بدات له الامور توضح وقال ببتسامة : انتظريني اربع سنين بس
نوف باستغراب: وليه ان شاءالله انتظرك اربع سنين !
رائد: بتقدملك بعد اربع سنين ، اربع سنين بس
وهنا نوف وضحت لها الامور بس فهمت بشكل غلط وقالت بحده: اذا كنت تظن ان بذا الطريقة ممكن اني اكلمك واتواصل معك واحبك واسولف معك اربع وعشرين ساعة ف احب اقولك انك غلطان ي ولد الناس انا مو من البنات الي يروحو وراء حب غبي مو مأمنة نهايته ولا يرضى ربي
وان كانك صادق بكلامك اجل اشوفك بعد اربع سنين بمجلس ابوي وان كان غير كذا ف الله يستر عليك وعلينا روح م عندي شي غيره لك.
ورجعت نوف لواقعها وهي خايفة وترجف بس بعد فترة طويلة من التفكير قررت انها تنسى وتكمل حياتها زي قبل بس وشلون تنسى وتكمل حياتها وهي بدات تحس بشي غريب من اول م قال بجي اتقدم لك
والي م كانت تعرفه نوف ولا رائد ان تركي كان شايف وسامع كلامهم وم يحتاج اقولكم وشلون حس تركي بذا الوقت بس بنفس الوقت م ينكر ان خلال ذا الموقف حس وتأكد تركي ان امه وابوه عرفو يربوهم احسن تربية وكان فخور بنوف لدرجة لو طلبت منه اي طلب الحين كان مستحيل انه يرفض بس هي بذا اليوم كانت خايفة بشكل غريب لان اول مرة يصير لها ذا الموقف
نرجع للتوائم الي كانو قاعدين على سريرهم وهم ببجايمهم ويسولفو
ليليان بحماس: يلا انطقي وش صار بالشوفة؟
ليان ناظرتها وقالت بهدوء: م صار شي بس اتكلمنا وسولفنا شوي واخذنا ارقام بعض
لُجين: شوفي الكذوب تقول سولفنا واتكلمنا شوي وهم كانو قاعدين مع بعض نص ساعة لدرجة جاء تركي بكبره عشان ينادي عريس الغفلة ويرجعه للمجلس هذا غير ابوي وامي الي اختفو فجاة
ليان انحرجت من كلامها بس ابدا م وضحت
ليليان: اقول ترانا تؤامك محنا غريبين عشان تخبي علينا عشان كذا يلا خرجي الي بفمك وانطقي بسرعة
ليليان رجعت وقالت: طيب قولي لنا اتكلمتو عن العرس؟
ليان: لا م اتكلمنا بس هو قال قبل لا يخرج ان يبي العرس بعد شهر
لُجين: وانتي ايش رايك؟
ليان: اكيد برفض
ليليان بشبه صراخ: لييه!
ليان: وش الي ليه! تبيني اتزوج خلال شهر بس واحوس زيكم
لُجين؛ صادقة مو معقولة كلنا زواجنا كان سريع وحوسة،
طيب متى قررتي تبين الزواج؟
ليان: اقل شي بعد ثلاث شهور
ليليان بصراخ: تكفييين لااا
ليان: وانتي شبلاك تبين الفكة مني بذي السرعة؟
ليليان: تكفين وافقي وسوي الزواج خلال شهر
لُجين: وليه ي اخت ليليان؟
ليليان بزعل: انا بعد ثلاث اشهر بكون بشهري الخامس او السادس ووقتها بطني بيصير كبير ويبرز وانا ف خاطري فستان البسه بزواجك ومستحيل اقدر البس الفستان دام عندي بطن تكفين ابي البس الفستان الاسود الي شفته والله اني حتى طلبته من كثر م اني متحمسة
لُجين ناظرت ليليان وكانها اتذكرت جد ان ليليان حامل وبعد ثلاث اشهر بيبرز بطنها وابتسمت وهي تقول: عادي م يضر شهر واحد نقدر نلحق صدقيني
وقعدو الاثنين يناظرو ليان بنظرات بريئة عشان توافق بس '🥹'
ليان اتنهدت وقالت: مدري اول شي بكلم ابوي واذا وافق خير ان شاء الله
ليليان فزت بحماس وقالت: yesss يخي والله اني احبك
أنت تقرأ
يخبرني انه يحب عيناي وانا لأجل عيناه اعيش
Romanceانا ليليان الي كان كل حياتي بالحجاز بين القصور وحياة الرفاهية ويجي يوم ويشتاق جدي لديرته ولأجل خاطر جدي نرجع لديرتنا الي بالرياض
