سلام طولت الغيبة بسبب تعب جسدي ف اعذروني:🤍
~~~~~~~~~~~~~~~~~~~~~~~~~~~~~
خرجت شافتهم ف البلكونة واقفين وسعود لابس لبس المزارعين وف حضنه ولده وواقف وهي م اتحملت المنظر وابتسمت ودمعة سايلة نزلت على خدها وهي علطول مسحته وراحت المطبخ وشافت الشاي زي م هو وقررت تحميه وبدات تسوي فطور وسوت لسلطان من اكله الخاص واول م خلصت حطت كل شي بالصحن الكبير ومسكت الصحن ودخلت للغرفة وحطته على الطاولة الصغيرة الي عند البلكونة وسعود التفت اول م حس فيها وشافها جايبة الفطور واخخ من المنظر كان منظر ليليان هنا يشرح الصدر رغم انها م اتجملت إلا انها كانت حلوة وصغرت اكثر من قبل ونحفت بمبالغة بس مع ذالك تبقى حلوة
ليليان: يلا تعالو سويت الفطور
وبالفعل جاء سعود وقعد وراحت ليليان واخذت منه سلطان وهي بعد قعدت على الكرسي الثاني وبدات تاكل سلطان من اكله
وسعود هنا مد يده لها : يلا افتحي فمك
ليليان ناظرته بهدوء وهي داخلها بركين وحروب وفتحت فمها بشويش وبدا سعود ياكلها
وبعد م خلصو اكل
ليليان: الحين تقدر تسال الي تبغاه
وسعود هنا قرب ومسكها وراح فيها للسرير وقعدو الاثنين ماسكين أيادي بعض وسلطان جنبهم قاعد ويناظر بصمت
سعود: وش صار خلال السنتين ذي؟ ووشلون انتي باقي عاي..
ليليان ناظرته وابتسمت بوجع: قبل سنتين اول م دخلت غرفتنا ارتاح فجاة شفت رجال داهمو الغرفة ولا يمدي اتكلم ولا اقول شي إلا واحد جاي واحقني بإبرة وكانت مخدر ووقتها ماعاد حسيت بشي ولا دريت عن شي ويوم صحيت صحيت وانا على سفينة وهناك قابلت وحدة م كانت تدري عن شي ووقتها حاولت افهم منها أنا وين ووش صار بس زي م قلت م كانت تدري عن شي والسفينة كان تقريبا هي الي ممشيته ووقتها عرفت ان السفينة غير قانونية ويتاجرون فيها الممنوعات ويوم شافتني هي ف السفينة انصدمت ووقتها حاولت معها انها ترجعني واتفقنا بعد كلام طويل بس للاسف لاني كنت تعبانة غفيت بيوم وانا مدري كيف غفيت ويوم صحيت م اشوف نفسي إلا وقدامي رجال ومتوسطتهم واحد جالس قبالي علطول واول م صحيت انفجعت ووقتها هو علمني كل شي وان السبب وراء كل ذا هو خالتي ام منصور ف البداية م كنت بصدق بس يوم شفت الرسائل بينهم هنا صدقت كلامه والمهم اني قعدت احاول أتفاوض معه لين قالي انه بيتركني بس بشرط اني اسوي نفسي ميتة لمدة لين ربي يفرجها وتموت خالتي وهو قالي ان خالتي معها مرض السرطان ومالها وقت طويل وبتموت واذا م سمعت كلامه وسويت العكس وقتها بينجبر انه يقتلني او حتى يقتل وحدة من خواتي لان بكل البساطة بالرسألة مذكور انها تبغى وحدة مننا مو مهم من بس المهم تحرق قلب امي وبالفعل اهنيها نجحت انها تحرق قلب امي علي المهم ان من بعدها وصلنا هنا وهو اخذلي شقه وكان كل اسبوع يجي ويعطيني اكل واشياء تساعدني اني اعيش ويروح وماعاد يرجع إلا الاسبوع الجاي واحيانا كان يرسل احد من رجاله ومرت فترة قرابة الأسبوعين وهنا حسيت بالطلق ولا كان معي احد وانجبرت أولد سلطان لوحدي بالبيت والحمدلله ي رب انه كان بصحة جيدة بس ذاك اليوم...
سعود وهو عاقد حواجبه: وش صار ؟
ليليان قفلت عيونها بقوة وبدا صوتها يختفى شوي شوي ودموعها بدات تنزل وقالت ببحة: واول م ولدت واطمنت ان سلطان بخير قررت اني انام لاني كنت تعبانة وكلها ساعتين بس نمت واول م صحيت م حصلت سلطان جنبي
سعود أنصدم وناظر لسلطان الي ابد ولا هو معهم كان هادئ : ووشلون من اخذه؟
ليليان: ذاك اليوم صحيت والولد م كان جنبي وهنا أنا أنجنيت م عرفت وش اسوي ولا دريت وش صار ووين راح الولد ووقتها وصلت فيني اني قلت يمكن تخيلت اني ولدت او اني اهلوس حاولت م انهار بس م قدرت ومر اليومين وانا ابكي وادور عنه بكل مكان بس ابد م حصلت وهنا بعد يومين جاء نفس الرجال الي خطفني وساعدني واول م جاء علطول خرجت عنده وعلمته بالسالفة وهنا هو قال انه بيشوف وبعدين عرفت انه كان حاطط كاميرات برا البيت ومن وقتها ماعاد شفت شكله ولا الولد كان هو يرسل واحد ويجيب لي الي احتاجه من الاكل والأغراض ومر شهر كامل من يوم ولدت وانا ماعادت شفت سلطان شهر كامل وانا محرومة من ولدي وبعد شهر بالضبط وانا اصلي وادعي إلا اسمع دق باب وهنا بديت اخاف لانه كان آخر الليل واول م رحت اشوف من إلا اشوف الرجال نفسه بس هالمرة بيده ولدي واول م فتحت الباب مد لي سلطان وجاب واحد معه واثنين ماسكينه بالقوة ووجه مورم وواحد من يدينه مكسورة ووقتها شف شكله والرجال علمني ان هذا هو الي دخل علي البيت واخذ ولدي وقتها م اتحملت بكيت وانهرت بس رجوع ولدي كان مصبرني ومن بعدها مر اسبوعين اسبوعين وانا م اشوف احد كانو يحطو الاغراض عند الباب ويروحو بدون م اقدر اشوف من الي حط
وبيوم كنت ماخذة سلطان وأنظار الشارع من الشباك ووقتها شفت نفس الرجال الي حرمني من سلطان وهنا م اتحملت لبست ولدي اي شي وانا لبست الطرحة وخرجت من ذاك الشقة وهنا قابلت وحدة الله يعطيها العافية ومن هنا عرفت البنات الي اسكن معهم هنا
كانو من السعودية زيي وم قصرو أخذوني واحتوني أنا وولدي عندهم ومن بعدها ماعاد شفت احد وبعدها بفترة قصيرة بس انتقلنا أنا والبنات هنا بذا البيت ومن ذاك اليوم وحنا نعيش هنا
سعود كان مصدوم ولاهو يدري وش يقول يناظر ولده ويناظر ليليان م يدري وش يقول عذابه هو بفقدهم قدام الي عاشوه هالاثنين كان ولا شيء ولد انحرم من ريحة امه باول ساعاته للدنيا وام انحرمت من ولدها واهلها ولا هي بيدها شي كان واقع هالقصة يوجع
سعود بتردد: والصور الي وصلتنا؟
ليليان: اي صور؟
سعود: صور لك وانتي كلك دم
ليليان قالت بعد تفكير: لايكون قصدك الصور الي قالي انه بيرسله لخالتي عشان م تشك واني أنا ميتة
سعود م قال شي وسكت
ليليان: م ادري متى اخذ الصور لي ولا كيف بس الرجال قالي انه بيرسل الصور عشان خالتي تتاكد اني مت
سعود: طيب يمكن هذا مو ولدن...
ليليان بحده وصراخ: لا تشك حتى ، هذا ولدي وانا اعرفه هذا ألي أنا ولدته واعرف ريحته لا تشك بيوم وتقول مو ولدنا او مبدلينه هذا ولدي وأعرفه بين مليون طفل
وقامت من عنده وهي زعلانة وهذا اللي م يبيه سعود وخصوصا ان م مر وقت طويل وهو محصلها وعلطول راح عشان يراضيها
مر يومهم طبيعي ونامو الثلاثة بعد يوم متعب
أنت تقرأ
يخبرني انه يحب عيناي وانا لأجل عيناه اعيش
Romanceانا ليليان الي كان كل حياتي بالحجاز بين القصور وحياة الرفاهية ويجي يوم ويشتاق جدي لديرته ولأجل خاطر جدي نرجع لديرتنا الي بالرياض
