يخبرني انه يحب عيناي وانا لأجل عيناه اعيش

يخبرني انه يحب عيناي وانا لأجل عيناه اعيش (26).

سلام عليكم💛
اتفاعلو مع البارت حبايبي🦋:
~~~~~~~~~~~~~~~~~~~~~~

امجاد: الله يسلط على عدوك انتي مب انا وش الي عادي وحلال م حلال!!
الجود: انطمي انطمي ، والحين كملي وش صار بعده!
امجاد : انا حبيته
الجود ناظرتها وقالت: حبتك النيقاة ي بزر
امجاد: اوف منك ي الجود ، وترا لا تنسي حتى انتي بزر وهذاك حبيتي اخوي واتزوجتيه
الجود: بس اخوك حبني نفس م انا حبيته وكان ف أمل بيننا
امجاد: لا تحطميني
الجود: عاد شوفي لاني صحبتك بعطيكي نصيحة، اتركي امرك لله وان كان من نصيبك بيكون لك لو وقفت الدنيا كلها بوجهكم وان كان مالكم نصيب ف لو اجتمعت الدينا كلها عشان تجمعكم م اجتمعتو ولا صرتو لبعض ف ابعدي عن ذا الشي وحاول م م تخلين الشيطان يؤوس براسك ولا تروحي لدرب الحرام وان كانك تحبيه صدق ف ادعي بصلاتك وبس وبأذن الله هو لك
امجاد: امم انا راسلته
الجود فتحت عيونها بقوة: وشووووو.!!!!!!
امجاد: بس ترا حذفت الرسالة علطول وهو م شافه اساسا
الجود رجعت ارتاحت وهي تقول: انتي بتجيبين مصيبة لنفسك ولي بعد، اقول ابعدي عني من اليوم ، م ابي اسقط ولدي عشانك
امجاد بنظرة قهر للجود: اقول اذلفي عني لا  اتوطى ببطنك والي فيه
الجود: انقلعي بس.
عند احمد بالديرة الي جته رسالة على الواتس واول م فتح جواله شاف الرسألة من رقم مجهول ف قرأ من برا ولا دخل الواتس ولا امداه يدخل ويرد عليها الا وهي حذفت الرسألة علطول وكان مكتوب اخر السطر اسمها "معك امجاد بنت فيصل "
وكانت الرسالة عبارة عن اعتراف امجاد.
سعود الي جته اتصال وعلطول فز يوم شاف الرقم ورد عليه
سعود: ها بشر وش صار؟
: ابشرك حصلنا طرف الخيط
سعود: وشلون
:بحثت عن الممرضين الى كان عندهم مناوبة بيومها
سعود:كمل
: وابد ي طويل العمر حصلت وحدة من الممرضين
سعود: وكيف حصلتها ؟
: هو والله قصة غريبة
سعود: وشلون!
: يوم كنت قاعد اطقطق على الجوال وكنت داخل وحدة من التطبيقات التواصل الاجتماعي وهناك شفت حساب ينزل عن قصص حقيقة وهناك شفت قصة تشابه قصة الي انت قلت لي عنه بس من منظور الممرضة والمهم اني طلبت من صاحبة الحساب تعلمني من هي راعية القصة بالبداية م وافقت بس بعد اصرار مني وبعد م عرفت اني محقق رضت تعطيني راعية الحساب والمهم اني وقتها رحت كلمت الحرمة وطلبت منها موعد عشان اجي عندها وافهم السالفة كلها واذا هي ممرضة بنفس المستشفى ذاك ولا لا!
سعود: خلاص اجل اذا الحرمة تعطيك عنوانها ارسله لي وانا بروح بنفسي
: ابشر طال عمرك
سعود:اجل ف امان الله
: ااا..

سعود باستغراب: عندك شي ثاني!
ببتسامة: لا بس حبيت ابارك لك
سعود: تبارك لي على ايه؟
: على الترقية
سعود: ترقية وش؟
: م عندك علم!!
سعود: لا والله وش العلم؟
: مبروك ي حضرة اللواء سعود بن سلطان
سعود انفجع: ي ولد وش تقول انت؟
بضحك: والله هذا الي طلعلي والاكيد انهم بيستدعونك الحين
سعود: شكلك مخربط
بضحك: لا والله ماني مخربط هنا مكتوب عندي اللواء سعود بن سلطان آل وافل
سعود حس بهبوط وودعه وقفل منه
مو معقولة خلال سنة وحدة بس ترقى مرتين وصار من عقيد لعميد ومن عميد للواء وكان بيروح يبشر ليليان بس اتذكر انها ماهي موجودة بالبيت وانها زعلانة منه بس اتشجع ورجع اتصل عليها رغم انه كان متوقع انها م ترد او تفصل الخط بوجه بس قعد يتصل عليها لين حس انها م بترد وكان بيقفل الا انها على اخر الدقائق ردت وكانت ساكتة وسعود انبسطت وفرح لدرجة ابتسم وعلطول بدا يتكلم معها وفجاة قال: تدري اني اترقيت توه يجيني مكالمة واحد وقالي اني اترقيت للواء
وكمل بفخر: صرتي زوجة اللواء سعود بن سلطان
واستغرب من سكوتها: ليليان ......ليليان
وم كان ف رد وحس بغيض يسكن صدره من حركتها
بعكس ليليان الي كانت نايمة بالصالة ولا تدري عن شي وجوالها بالغرفة عند ليان الي نومها ثقيل وصحت على صوت جوال ليليان ومن القهر فتحته ورمته على الكنبة عشان ماعاد تسمع ازعاج ورجعت نامت وليليان باقي بالصالة نايمة ولا تدري عن حركة ليان
وسعود كان مقهور وقال: اليوم نشوف ي انا ي انتي والجوال ماني مقفله. وقعد فاتح الخط
الساعة ٢:٤٤  :
لين مر ساعة كاملة ومر نص ساعة بعد وهو قاعد يفرفر بالسيارة والخط باقي مفتوح وفجاة سمع صوت تخبطات على حركة على فتح الباب وكان من الجوال او بالاحرى من الاتصال الي كان فاتحه.
عند ليليان الي صحت من نومها الي كانت نايمة وهي قاعدة وراسها على الكنب وهي بالارض وجنبها اقلام ودفاتر وفجاة صحت من نومها بسبب الوجع على رقبتها الي صار يعورها واول م صحت شافت اللمبات كلها شغالة ومسكت رقبتها وصارت تلف وكانت تدور جوالها وهي ناسية اساسا وين حطته قبل لا تنام وقامت من مكانها وشافت الساعة الي معلقة بالجدار وكان الساعة اثنين الليل واستغفرت وراحت فتحت باب الغرفة ودخلته ولانها تخاف فـ ليان اتعودت تخلي الابجورة مفتوح وكان منور شوي وهي بدات تدور جوالها وكان منور بس من جهة السرير وراحت لليان
ليليان بصوت مبحوح وتعبان: ليان ليان بنت
وم كان من ليان غير الصمت
ليليان بحلطمة: يالليل هذي من يصحيها الحين صدق كيس نوم
وراحت لجهة لُجين: لُجين بنت لُجين
لُجين بهمهة: هممم
ليليان: شفتي جوالي وينه!