اتفاعلو مع البارت 💛
~~~~~~~~~~~~~~~~~~~~~~~~~
وابتسم وراح دخل للمجلس مرة ثاني وسعود كل م حاول يخرج كان ذياب يمنعه بطريقة ما وهو خايف انها للحين سلاف تكون برا ويخرج سعود ويشوفها مو شك بس غيرة
نرجع للوضع الحالي:
اخت ذياب وهي تكلم امها: يمة وش ذا الزين الي عندهم؟
والله يوم دخلت احسب ذا عرض ومنافسة من احلى وحدة فيهم تقولي داخلة على عارضات وممثلات
ام حارث: عاد انا سالت عنهم وطلعو اغلبهم متزوجين والاغلب باقي
اخت ذياب: ها ي ام حارث علميني شفتي لولدك عروسة هناك حصلتي لولدك نفس الي يبيها!
ام حارث ضحكت: ايه حصلت واخذت رقم امها
ام حارث: ذيك المملوحة الي قلتلك عنها بالبداية
اخت ذياب: اممم حلوة والله مزيونة لو اني ولد كان خطبتها لنفسي ولا اتركها لولدك ذا
وكان طول م يتكلمو وذياب مب معهم
واول م رجعو ...
عند سعود الي كان واقف عند الباب وهو راح يودع اهله ومشى بعده بالسيارة للسوبر ماركت بطلب من ليليان الي طلبت اغراض للسهر
عند البنات بالبيت كانت مزن وسارة وليليان بس هم الوحيدين الي موجودين حتى الشغالة راحت بعد م نظفت البيت بمساعدة سارة ومزن لليليان والشغالة وبعد م خلصو
سارة نقزت وهي تقول: عاد انا عندي طاقة كبيرة وباقي م خلصت ابغا اقوم ارقص
وبالفعل شغلت اغنية وبدات ترقص وتستهبل وقامت مزن معها وليليان بعد والكل كان جوه بهاليوم عالي لدرجة م كان عندهم وقت يستحو من بعض وبالفعل كل وحدة مسكته الطرحة وحطته على خصرها وقامو يرقصو وليليان بعد دقايق فتحت الطرحة ورمته على الكنب ورجعت ترقص معهم بدون الطرحة ومزن تعبت وقعدت بعكس ليليان وسارة الي جوهم كان عالي وغيرو الاغنية وحطو اغنية اسباني وصارو يتمايلو على الاغنية وم حسو على سعود الي دخل البيت وراح وحط الاغراض بالمطبخ وكان يسمع صوت الاغاني والغريب اغنية اجنبية ماهو متعود عليه وراح وراء فضوله الي وداه الصالة وكان متوتر شوي لانو كان يظن احتمال انو ف باقي حريم بس جشع نفسه ودخل واول م دخل شاف اخته سارة وحرمه يرقصون على الاغنية بس عيونه م راحت الا عليها على الي الحمراء الي لابسة احمر وتتمايل مع الاغنية وشعرها معه ونسى اخته وصار يناظر فيها وهذا ثاني مرة يشوفها ترقص بس هالمرة بحركات اكثر مرونة واكثر روعة هالمرة م كانت تحرك خصرها وبس هالمرة كانت ترقص مثل م لما تكون ماخذة راحتها مع البنات ترقص وتستهبل وبالفعل كان اغلب رقصها استهبال مع سارة وقبل لا يخلص الاغنية اتقدمت ليليان من اللآب وقعدت وهي تشوف الاغاني عشان تغيره قبل لا يخلص ذا وبالفعل اول م خلص م امداها تشغل الا وتسمع صوت سعود
سعود بحده: باقي م خلصتو!
واول م سمعو صوته وقفت ليليان بربكة وارتعاش وسارة ناظرته ورجعت لوراء وقربت من ليليان ومسكتها واتخبت وراءها من الخوف اما مزن ف اتسمرت بمكانها من الخوف
سعود بحده: سالتكم خلصتو!
الكل كان ساكت
سعود بحده اكثر: كل وحدة على غرفتها يلا
واول م خلص كلامه قامت مزن وجرت سارة وخرجو الاثنين من الصالة وهم علطول راحو لغرفة الضيوف الي ليليان ورتهم قبل ودخلو وقفلو على نفسهم الباب اما ليليان ف كانت واقفة وفيها رعشة وخوف م تدري وشلون تشيله
سعود: انا مو قلت كل وحدة على غرفتها!
ليليان رفعت راسها وشافت الجدية بكلامه وعلطول مسكت فستانها وراحت جري لغرفتهم واول م وصلت حطت يدها على قلبها الي كان يدق بقوة ليليان: وشبلاي خفت!! بس... عاد شي طبيعي اخاف وهو يصارخ كذا
سعود من وراء: ومتى صارخت انا؟
ليليان ناظرت على ورا بسرعة وسكتت
وقرب منها سعود زود
ليليان بتوتر: تو..وك من.. شوي صارخت علينا
سعود رجع لحدته: وانتو ليه ترقصون على ذا الاغاني
ليليان بنفسها؛ يالليل والحين وش بقوله
ليليان: عجبنا ورقصنا عليه وش صار يعنى!
سعود قرب منها بحدة: م همني اذا عجبك ورقصتي عليه بس م ترقصين قدام غيري فاهمة!
وكان ماسك من اكتافها وهزها بقوة وهي مصدومة منه
ليليان: ووش فيها !! ترا كنت مع البنات
سعود بحده وعينه على عينها: م ترقصين ذا الرقصات قدام حد غيري
ليليان اول م سمعت كلامه انصدمت وميلت شفتها بسخرية وقالت بداخلها؛ لا عاد انت اتعديت مرحلة الغيرة وانا زوجتك
ليليان بهدوء وابتسامة خفيفة: سعوود مو كانك بالغت بالموضوع!
سعود: انا بالغت!!!!
ليليان: لا لا لا تفهمني غلط ي رجال بس يعنى... مو كانك قاعد تكبر المو
سعود قطعها: انا اكبر الموضوع!! اجل انك ترقصين وتتمايلين قدام خواتي عادي عندتس؟
ليليان هزت راسها بخفة وابتسامة صغيرة ومرسومة على ملامحها: ااايه عادي وش فيها ذي بعد!!
سعود بغا ينجلط منها ؛ وتقول عادي ي عرب!!
سعود بعد م فقد الامل انو يفهمها انو هو م يستحمل احد غيره يشوفها يرقص حتى لو انها بنت واخته بس هو يغار على زولها فمابالكم بان حد غيره يشوفها ترقص وقرر انو يكذب بعادات القبيلة بحكم انها تجهل القبيلة وعاداتهم رغم انها وحدة منهم: ليليان ي روحي ترا ذا الشي عندما م يصير
ليليان: كيف يعنى م يصير!
سعود بطولة باب: يعنى انك ترقصين قدام اهل زوجك م يصير
ليليان: وليه م يصير! .. وبعدين ذاك اليوم رقصت ببيتكم ولاحد قال شي
سعود بتصريفة: وقتها م كنتو لوحدكم كانو ف معازيم وقتها
ليليان ببرأة صدقته لانها بكل بساطة تجهل عادات القبيلة بس باقي عقلها مو مستوعب يعنى وش فيها لو رقصت قدام حمولتها!!
سعود : فهمتي!!
ليليان رفعت نظرها له وهزات بخفة على راسها : ايه فههمت
سعود ابتسم لانو كذبته مشت عليها واتقدم وباس جبهتها
ليليان بعد م قعدت منه: خلاص انت روح غير وانا بجيب لك شي تاكله
سعود: خواتي اكلو!
ليليان ببتسامة: ايه صح ذكرتني بعطيهم اكل وبعدها بجيب لك
سعود هز راسه وهي دخلت غرفة الملابس وعلطول غيرت ملابسها وفتحت شعرها وتركته وغيرت لفستان بيت وينفع للنوم وفوقه روب حلو وشتوي مفتوح وراحت خرجت من غرفة التبديل ونزلت تحت للمطبخ
اما سعود ف ابتسم على براءتها ودخل هو بعد يغير ويتروش
أنت تقرأ
يخبرني انه يحب عيناي وانا لأجل عيناه اعيش
Romanceانا ليليان الي كان كل حياتي بالحجاز بين القصور وحياة الرفاهية ويجي يوم ويشتاق جدي لديرته ولأجل خاطر جدي نرجع لديرتنا الي بالرياض
