"نجمة وكومنت "
__________
ام سعود وابو سعود من فرحتهم م قدرو يعبرو وم طلع منهم غير انو يسجدو سجود شُكر
ليليان بضحك: ي خالة القبلة مب على هنا القبلة وراكي.
ام سعود ضحكت من ضحك ليليان وابو سعود كذالك
ام سعود: والله من الفرحة ي بنتي من الفرحة احس اني مب قادرة اعبر احس ف شيء ف قلبي كان ثقيل وانزاح حاسة انو دعائي بيُستجاب حاسة انو الايام بتفرح لنا مرة ثاني احس زي م رجع لي ولدي بترجع لي بنتي انا متأكدة عمره م خاب ظن العبد بربه.
ليليان: ان شاءالله ي خالة ان شاءالله ترجعلك ضناك وتفرحين بعيالك كلهم وان شاءالله م يجي العيد الا وكل عيالك حولك وتفرحي فيهم
ام سعود وهي مستبشرة خير: ان شاءالله ي بنتي ان شاءالله ربي يسمع منكِ
ووينه ولدي وينه!
ليليان انعبص وجهها : هو حاليا فاقد وعيه بس انا استدعيتكم لانو ف شيء مهم.
ام سعود بقلق: وش فيه ي بنتي فيه شيء !
ليليان : لا لا بس يفضل انكم تروحو للدكتور حمد وهو بيفهمك الموضوع كله هو المسؤل عن حالته
ام سعود التفت لابو سعود:.. !
ابو سعود: ف شيء مب كويس في شيء صاير لولدي!
ليليان: زي م قلت ي عم يفضل انك تروح للدكتور حمد وهو بيفهمكم الموضوع كله
وعلطول ام سعود وابو سعود ومعهم احمد راحو لمكتب د/حمد
اول م وصلو احمد دق باب المكتب وسمعو صوت د/حمد يقولهم ادخلو
واول م دخلو شافهم الدكتور حمد وقام من مكانه بسرعة ووقف للمعلومية ابو سعود له هيبته واغلب الناس يعرفوه بحكم انو كان عسكري مشهور مرة وكان يطلع بالتلفزيون وهو م اتقعد الا لانه جاته اصابة بيده وهو كان ف مهمة لدرجة م عاد صار يقدر يحمل المسدس العادي حتى الفنجان العادي ماعد قدر يحمله وعندنا مثل يقول العسكري بينتهى صلاحيته اذا فقد قدرته بمسك المسدس بس م يختفي هيبته حتى وهو بقبره
وللاسف ابو سعود انجبر انو يتقاعد من شغله الي كان كالوراثة عندهم
اهل سلطان من اولهم الي كان جد سلطان الي هو عم الجد سعود وحتى ولد عم الجد سعود الي هو اب سلطان وحتى سلطان وولده سعود لاخر نسل عندهم كانو عساكر وسعود مسك خطاهم ومشي فيه وصار عسكري وابو سعود كان يبغى ولده الثاني بعد عسكري بس احمد م كان يميل للعسكر ف عشان كذا ام سعود اقنعت ابو سعود يترك ولده احمد دام ولده سعود دخل العسكر
*( ان شاءالله فهمتو اللخبطة لاني انا عن نفسي وانا اكتب اتلخبطت )* المهم نكمل...
احمد : سلام عليكم
د/حمد : وعليكم السلام ورحمة الله وبركاته
ابو سعود: ها ي دكتور وش صار
علمنا وش صار على ولدنا!
د/ حمد: اولا شيء بسم الله ثاني شيء ابغا موافقتكم على ذا الاوراق. واعطاهم الاوراق
ابو سعود: ووش ذا الاوراق؟ وصار يقراء المكتوب
د/حمد: زي م انت شايف نحن لازم نسوي له عملية ونحتاج موافقتك
ابو سعود: بس ي دكتور هنا مكتوب انو 50٪ ممكن جدا انو يصير فيه مضاعفات واذا صار المضاعفات فتطرو انكم تقصون يده
احمد انفجع وناظر ابوه علطول
احمد: يبه لا توافق
يبه انت تعرف سعود الموت عنده اهون من انه ينقص يده ي يبه
د/حمد: بس اذا م سوينا العملية فهذا المضاعفات 100 ٪ تصير بس اذا سوينا العملية اقلها ف امل انو المضاعفات م تصير
ابو سعود قعد يفكر م يبغا ولده يحس بالي حسه هو يوم فقد يده ووضيفته بس بنفس الوقت لازم يتخذ قرار الحين وقام من مكانه وخرج لزوجته وقعدت جنبها على الكرسي
ابو سعود: ي بهجتي عطوني ذا الاوراق يقولون حياة ولدنا ومسيرته وحلمه كلها تعتمد على ذا الاوراق
ام سعود باستغراب: ووش ذا الاوراق ي سلطان!
ابو سعود: هذي اوراق عملية يبونا نوقع عليها
ام سعود الي خافت بس هي خلاص مستبشرة
وهي قلبها مرتاح لأي شيء بيصير : اسمع ي سلطان استودع ربك ووقع على الاوراق وولدنا م بيصيرله الا كل خير وم بيصيرله الا الي ربي كاتبه له وانا ادري انك خايف يصير بسعود نفس الي صار فيك وادري انك خايف عليه بس انت قلت لي قبل وبرجع الحين انا اقولها لك هذا المستشفى من ارقى واحسن المستشفيات عندنا ف الرياض والاطباء الي هنا بذا المستشفى الواحد لازم ياخذ موعد عندهم قبله باسابيع بس عشان مجرد فحص وم اظن انو مستشفى بذا المهارة بتفشل بعملية نفس ذا العملية وانت كل الي عليك تستودع ربك وتوقع وصدقني بذا الشهر الفضيل م بيصير الا كل خير ترانا ليلة ٢١ خلنا نوقع ع الاوراق ونروح نصلي التهجد وندعي لولدنا وان شاءالله م يصير الا كل خير وانا متفائلة بربي
وبالفعل دخل سلطان على مكتب د/حمد ووقع على الاوراق واحذرهم ولده احمد وكان بيخلي احمد مع سعود لانو خلاص قررو تكون العملية فورية بس ليليان وقفتهم وقالت ترا م بتشوفون شي والقزاز فوق عندنا بغرفة الاطباء يعنى لو قعدتو هنا مستحيل تشوفو شيء وترا العملية ان شاءالله انها سهلة وكلها ساعتين ثلاث ويخرج يعنى بذا الوقت انتو قد خلصتو صلاتكم اصلا ف م يحتاج تكونو هنا واذا قلقين مرة عادي انا بكون هنا
احمد: لا م يصير انتي بعد لازم تصلي مو معقولة اخليكي تتركي صلاتك وتكوني مع اخوي
وليليان الي انحرجت من كلامه لانو هي اصلا م عليها صلاة وام سعود ركزت على عيون ليليان وعرفت انها خجلت من كلام احمد وهذا يعنى انو هي عليها عذر شرعي ف اتصرفت بسرعة وقالت: احمد ي ولدي اسمع الكلام وخلنا نروح نصلي ونترك البنت هنا
واحمد عيا يقول هو يبغا يكون وخلي البنت تروح تصلي لين امه بالاخير اقنعته بعد م الكل عرف انو ليليان عندها عذر شرعي الا احمد الي للان صامل يبغا يكون مع اخوه
ابو تركي حزن على بنته وهو يعرف بنته وشلون تخجل من ذا الموضوع لدرجة كبيرة ويدري انو حاليا الشيء الوحيد الي تبغا وتتمناه انو احمد ينقلع من وجهها ويروحو الكل معه والجد سعود بحده : ي ولد امشي قدامي اشوف ، ي ويلك اذا م كنت من الصفوف الاولى ي ويلك اذا م شفتك ف الصفوف الاولى واحمد الي خاف من الجد سعود والجد سعود الي رغم كبر سنه الا انه عنده هيبة مرة وهو بعد كان ف الخط العسكري
وراح بسرعة وماعد ناقش وليليان راحت من عند غرفة الاطباء والي هو فوق غرفة العملية وفي قزاز يقدرو يشوفو كل شيء يصير بغرفة العمليات ويتجمعو هناك الاطباء اذا صار عملية كبيرة وخطيرة وليليان راحت اقنعت الدكتور حمد انو يسوي العملية بذاك الغرفة بذات عشان تقدر تحضر العملية وتراقب الوضع
وقعدت ف الكرسي وصارت تراقب العملية ومر ساعتين وهي دخلت على تطبيق آية وكانت قاعده تقرأ قران وشويات تستغفر وشويات تطالع من القزاز وتشوف الوضع لين دق جوالها وكان ابوها
ابو تركي: ي يبه وينك انتي!
ليليان: موجودة يبه ليه!
ابو تركي: بس ي يبه نحن خلصنا صلاة وجينا بس مافي احد هنا
ليليان ضحكت بخفة: يبه انا مب عندكم هناك انا هنا قاعدة اتابع عمليته ولا تخاف ترا العملية واضح انها كويسة والدكتور حمد معه الدكتور سالم وصدقني كلهم دكاترة معروفين بمهارتهم انتو انتظرو هناك وكل الي عليكم انكم تدعوا وان شاءالله يقوم بسلامة.
قفلت المكالمة وطلعت من الغرفة وراحت نزلت تحت اشترت قهوة وشاي نعناع وهي راجعة شافت سلاف
سلاف: ماشاءالله عازمة القبيلة ف المستشفى انتي!
ليليان بضحك: ايه عازمتهم قلت بنفسي دام م عندي وقت اعزمهم ف البيت خلني اعزمهم ف المستشفى وش فيها!
سلاف: لا حول جيبي من يدك جيبي .
وخذت الشاي منها
وراحت وراء ليليان .
عند اهل سعود ف غرفة الانتظار عند الرجال :
دخلو ذياب وعساف بدفشة وابو سعود عرفهم وكذلك احمد وعلطول راحو يسلموا على الكل ذياب: بشر ي عم وش صار
عساف: احمد اتكلم وش صار وش قالوا!
واحمد صار يقولهم كل شيء م مر خمس دقائق الا ليليان دقت على عُدي وقالت له يخرج عُدي قام من مكانه
ابو تركي: وين !
عُدي: عند دكتورتك الكبيرة
ابو تركي ابتسم وهز راسه
عبد العزيز : ي عم انت بعد تعبان!
ابو تركي: لا ليه تسال !
عبدالعزيز: توه عُدي قال عند دكتورتك
الجد سعود ضحك: يقصد بنته
ابو عبدالعزيز: وانت عندك بنت دكتورة ماشاءالله
ابو تركي بابتسامة وفخر ببناته : عندي اثنين
ابو عبدالعزيز: ماشاءالله ماشاءالله الله يخليهم لك
ابو سعود: ولا بعد يشتغلون الاثنين بذا المستشفى
عبد العزيز بصدمة: ماشاءالله ماشاءالله معقولة يشتغلون الاثنين بذا المسشتفى!
ابو تركي: ايه نعم وترا الدكتورة الي شفتها اول م جينا واتكلمت معنا هي بنتي الكبيرة
وعبد العزيز علطول اتذكر الموقف وعرف الحين ليه الدكتورة الي شافها كانت تمون عليهم.
ابو سعود بفخر: شايف كيف ماشاءالله زوجت ولدي.
صار لحظة صممممت.......:
ابو عبد العزيز واحمد: كيف!
احمد: يبه كيف زوجت ولدك!
ابو عزوز: ماشاءالله زوجت احمد
ابو سعود مسك بسرعة احمد وطلعوا من الغرفة:
احمد بسرعة: يبه لا تقول انك بتزوجني هي
ابو سعود: ايه نعم بزوجك
وانا خطبت لك بنت عمك محمد ليليان على سنة الله ورسوله.
احمد: يبه انا م ابيها
ابو سعود: الا تبيها وغصب عنك سامع
انا ابي القرب من محمد ويا ويلك ترفض
احمد: دامك تبغا القرب منهم ليه م تطلبها لسعود!؟
انا م ابي اتزوج الحين
ابو سعود: وانت خابرك انهم بيوافقون على سعود وهو مطلق مرتين وبنتهم مب ناقصها شيء!
ابو تركي والجد سعود من وراء: عيب عليك ي سلطان عيب
ابو تركي: تحسبنا م بنوافق لو طلبتها لسعود وعشان كذا طلبتها لاحمد! هذا احمد ي دوب يصحى من نومه عشان يصلي الفريضة وتبيني اوافق عليه وارفض سعود الي يصحى من عز نومه وهو تعبان عشان بس م يفوته الصلاة !
الجد سعود: ي سلطان انت منا وتعرفنا ونعرفك من متى عندنا الرجال يعيبه الطلاق!
ابو تركي : ي سلطان عيب بحقنا وحقك انك تجبر ولدك على بنتنا وهو م يبيها.
وليليان كانت سامعة كل شيء وكرهت احمد
وراحت لسلاف الي قاعدة مع ام سعود ف غرفة الانتظار حق النساء وجابت معها القهوة حق سلاف وحقها وحق ام سعود.
أنت تقرأ
يخبرني انه يحب عيناي وانا لأجل عيناه اعيش
Romanceانا ليليان الي كان كل حياتي بالحجاز بين القصور وحياة الرفاهية ويجي يوم ويشتاق جدي لديرته ولأجل خاطر جدي نرجع لديرتنا الي بالرياض
