اسفة مرة على التاخير اعذروني💔💔:
~~~~~~~~~~~~~~~~~~~~~
وشلون تعجب بمريض عندها ولا بعد متزوج
عند سعود الي كان يسمع تحلطمها وهو يضحك عليها
ليليان بقهر: سعود ترا م يضحك
سعود وهو يمسك نفسك: تمام
ليليان سكتت وشافته يرجع يضحك وقالت بقهر وحده: سعود ترا م يضحك لا تضحك
سعود م كان يسمعها
ليليان بقهر دمعت وقالت بصراخ؛ لا تضحك م تفهم انت لا تضحك لا تضحك
سعود قرب ومسح دمعتها باصبعه وهو باقي يضحك وهي صدت عنه بقهر وعصبية: م حصلت الا انت تعجب فيك! وش كثر الرجال الي بالمستشفى ليه م حطت عينها على غيرك ليه لازم انت بذات؟
سعود: وش اسوي زوجك حلو وعنده هيبة
ليليان: م انكر انو عندك هيبة بس حح..لو!!!
سعود: حطمتيني كل ذا الجمال وم تشوفيني حلو؟
ليليان هزت راسها بلا بسرعة وقالت: لا لا انت حلو واحلى واحد بعد
سعود: اشك انك تسلكي
ليليان: صدقني انت بالنسبة لي احلى واحد مافي منافس
سعود ناظرها وكانه مو مصدقها بس سكت وهو يدري اساسا انو هو ماهو ذاك الزود بالعكس هو شكله عادي مرة بس ماهو بالشين بعد هو نص نص لا هو ذاك الحلو ولا هو ذاك الشين هو وجه زي اي وجه بدوي عايش بالديرة بس اللهم شكله مرتب وحياته مرتب ونظيف وهيبته طاغي
ليليان بطفش: وش رايك نطلع من المستشفى؟
سعود:والله ودي بس رجلك مكسور وفوق ذا باقي م اطمنأ على الورع
ليليان: وش قلنا!
سعود بتنهيدة بملل: على البيبي الي ببطنك
ليليان: ايه كذا، ... بس تدري انا باقي م بردت قلبي على ذيك الممرضة باقي احس بحقد
قالته وهي مو مستوعبة اساسا م تدري كيف حقدت على الممرضة وهي الي م بعمرها حقدت على احد وحتى لو انها تحقد بس م تقولها كذا بصريح العبارة
سعود ببتسامة ووناسة : عشنا وشفنا غيرتك اللهم لك الحمد
ليليان ناظرت فيه بصدمة هذا اشلون كذا علطول قال انها غارت وهو م يدري عن شي وقالت بقهر: من قال اني غرت!
سعود ببتسامة مستفزة قال: متأكدة انه ماهو غيرة! نروح نجيب الممرضة عشان نشوف اجل هو وش اذا ماهو غيرة!
ليليان بلا واعي: جبها عشان اقلب ملامح وجهها
سعود ببتسامة: وباقي تقول مو غيرة
ليليان فجاة سكتت وحست على نفسها وهي باقي مصدومة من نفسها هي وش الي قاعدة تقوله وش الي قاعدة تسويه! هي مو كذا هي انسانة هادئة وحكيمة مو من طبعها تنفلت كذا وتعصب وتحقد على احد مو من طبعها التسرع ابد بس م تدري ليه اذا الموضوع يتعلق بسعود يخرج عن طوره حتى بوقت الحادث اذا كان شخص ثاني بمكان سعود كانت م توترت بذاك الشكل المبالغ بالعكس كانت هدأت نفسها وتحدت نفسها وتدخلت بالاسعافات الاولية بس هي وقت شافت سعود بذاك المنظر نست كل شي اخذته بالطب نست وشلون تسعف بس من لطف ربي عليها انو جسمها كان حافظ احيانا العقل ينسى بس الجسم اذا اتعود على شي حتى لو العقل نسى بس الجسم والتحركات تصير من حاله وهذا بالضبط الي صار مع ليليان وقتها
سعود: وش فيك! وش تفكرين به؟
ليليان ناظرته وقالت بكل هدوء وصدق ولاول مرة تعلمه عن شعورها : خفت افقدك
سعود طاحت عليه هالجملة بشكل قوي وصعب م اتوقع انها تصارحه بيوم عن ذا الشي م اتوقع ان بيجي يوم وتخاف انها تفقده وقال وهو باقي متأثر من كلامها بس حاول انو م يبين: لا تخافي ماني بتاركك وبذات انو ولدي الحين ببطنك
ليليان: م خفت الدنياء تاخذك مني، خفت من ال..
م كملت كلامها وصدت بسرعة تمسح دموعها
سعود: ي بعد اهلي انتي لا تخافي م يصير الا الي كاتبه ربي
ليليان سكتت وم قالت شي
سعود: ت...
فجاة سمعو صوت رنين جوال وكان جوال سعود وراح سعود ورد علطول اول م شاف الاسم
: حضرة اللواء
سعود بأمل: بشر
: ابشرك جبناها
سعود: تعال بكرة المستشفى ال*** ومعك كل المعلومات
: بس قبل لازم اقولك انو الحرمة تراها ماتت من شهر
سعود بقهر: وشلون!
: هذا الي حصل للاسف ي حضرة اللواء
سعود: يصير خير انت تعال بكرة وانا اشوف الموضوع
: ان شاء الله، تامر على شي ثاني!
سعود: الله معك
: مع السلامة
وقفل منه سعود وليليان كانت تناظره بهدوء
ليليان بهدوء: ودي اخرج من هنا
سعود: اصبري كلها اسبوع بس ونخرج ان شاء الله
ليليان: وانا وش يصبرني اسبوع؟
سعود بداخله؛ هذي الي ودي اصفقها
سعود بمحاولة : انتي شايفة حالتك!
ليليان : وش فيها حالتي! مافيني الا العافية الحمدلله
سعود باقناع: ي بنت الناس هذا توه اول يوم لنا بالمستشفى وانتي كذا اجل لو قعدنا يومين وش بتسوين؟
ليليان: هذا اذا قعدت يومين هنا
سعود بقهر: ووين بتقعدين ان شاء الله ؟
ليليان صدت عنه: ببيتي
سعود: انا مكسور وانتي مكسورة من بيشوفنا ان شاء الله ؟
ليليان: انا اعرف اعتني بنفسي واقدر اعتني فيك بعد باقي ربي معطيني قوة الحمدلله
سعود بتنهيدة قوية: ي ربي الهمني الصبر
أنت تقرأ
يخبرني انه يحب عيناي وانا لأجل عيناه اعيش
Romanceانا ليليان الي كان كل حياتي بالحجاز بين القصور وحياة الرفاهية ويجي يوم ويشتاق جدي لديرته ولأجل خاطر جدي نرجع لديرتنا الي بالرياض
