اتفاعلو مع البارت واسفة اني طولت 😣💛
~~~~~~~~~~~~~~~~~~~~~~~~~~
مرتاحة؟
ليليان هزت راسها بـ نعم
سعود: اجل نكمل طريقنا ولا اتعذر منه!
ليليان هزت راسها بـ لا : لا خلنا نكمل طريقنا اكيد انهم بانتظارنا
سعود: تمام يلا البسي شيلتك عشان نكمل طريقنا
ليليان هزت راسها ومسكت الطرحة وخذته من رقبتها وعدلت من جلستها ولبست الطرحة زي الناس وقفل سعود بابها بشويش وراح هو من جهته وركب السيارة وشغله وكملو طريقهم لنجران وسعود عاف الشاي وعاف طاريه
ليليان: اجل تبي قهوة اصب لك قهوة؟
سعود ناظر فيها وم حب يكسرها وهز راسه بنعم وكملو طريقهم وقبل الظهر بساعتين وصلو لنجران وسعود خذا اقرب فندق وحطو اغراضهم وقعدو ينتظرون صلاة الظهر عشان ينامو بعد م يصلو
بس سعود اتعذر وطلع من الشقة
وليليان دخلت غرفة النوم وهي غيرت ملابسها لبجامة مريحة علاقي بدون اكمام ورقدت بوسط السرير بدفشة وكانت تذكر نفسها بالصلاة وحاولت تكون صاحية بس غلبها النوم وهي فوق السرير وماهي متغطية حتى بالبطانية ومن شدة البرد اتكورت على نفسها
بعد ساعة عند سعود الي كان طالع عشان يجيب غداء كان ناوي يتغداء قبل الصلاة عشان لارجع من الصلاة يقضيها نومة علطول وم بقى على الصلاة الا ربع ساعة وهو اتاخر مرة واول م دخل الجناح كان يدورها بعيونه شاف الصالة فاضي وعرف انها بالغرفة راح وحط الغداء على الطاولة الي بالصالة وراح هو دخل للغرفة واول م دخل شافها متكورة فوق السرير وراح هو بعد م اتنهد بقوة من حركتها وشالها من فوق السرير ورفع البطانية ورماه على الجهة الثانية ورجعها على السرير ورجع مسك البطانية وغطاها فيه كان وده يصحيها عشان تاكل بس يعرفها بتقعد تتذمر فوق راسه وانها م تبي وانو فيها نوم ومن ذا الكلام ف حطها على السرير ورجع هو للصالة و اكل من الغداء والباقي رجعه زي الناس وحطه بالمطبخ واول م اذن الظهر راح هو وصحاها وقالها تصلي وترجع تنام وراح هو يصلي ف المسجد وبالفعل يوم رجع شافها باقي نايمة وراح عندها عشان يصحيها تصلي، بس هي كانت صاحية واول م مسكها سعود
ليليان: لا تخاف توي رقدت بعدما صليت
سعود: دامك صليتي اجل قومي اتغدي جبت الغداء اتغدي وارجعي نامي
ليليان: شفته بالمطبخ بس م ابي مالي نفس الغداء ابغا انام وبس
سعود: ي بنت الناس م يصير قومي اتغدي وارجعي نامي
ليليان: سعوود قلتلك يخي مابي وربي فيني نوم خلني انام ترا مجبورين نصحى العصر عشان العزيمة
سعود بتنهيدة: براحتك اجل، بس اقل شي دخلتي الاكل بالثلاجة؟
ليليان: ايه دخلته لا تخاف وانت بعد نام ورانا طريق ويوم طويل
سعود م تكلم ودخل هو بعد م غير ملابسه
ونامو الاثنين مرة ثاني بعد م حط سعود منبه على صلاة العصر
الديرة بيت ابو تركي:
ام تركي الي كانت قاعدة على الصالة وقدامها القهوة والشاي وتمر وكانت قاعدة مع عبود لوحدهم ابو تركي كان نايم والبنات مالهم حس وعُدى ونياف طلعو الرياض يتمشون وتركي واهله ف بيتهم وم بينزلون الا بعد بكرة
ونزلت ليان عندها وقعدت معها وقعدو يسولفو
ام تركي: الا م قلتي ليه الان م اعطيتي ابوك الخبر
ليان: خبر ايه؟
ام تركي: على ولد قصي
ليان بتفكير: ومن ذا؟
ام تركي ضربتها على راسها: حاتم ولد شهد وقصي الله يرحمه و اخ هيام الي جاء واتقدم لك ي عزتي له بس
ليان بحرج: اها قصدك على الي جاء واتقدم لي
ام تركي: ايه هو ، ليه باقي م ردتي على ابوك اذا تبيه ف قولي موافقة واذا م تبيه ف محد مجبرك على شي وقولي لا وخلصنا ليه تماطلين
ليان بهدوء: منتظرة ليليان
ام تركي: وليه ان شاءالله هي الي بتتزوج ولا انتي؟
ليان يقهر: اعرفكم انا اذا قلت موافقة ياروحي وتقولي لابوي وتكلمون الرجال وتستعجلون وممكن حتى تسون فرحي قبل لا ليليان ترجع وانا...
ام تركي بفرح: يعنى موافقة؟
ليان: ها؟
ام تركي قامت من مكانها بفرح: بروح اعلم ابوك انك موافقة
ليان بسرعة مسكت يد امها: يمة يمة تكفين لا تقولي لابوي مو الحين تكفين خلي ليلي ترجع وبعدين قولي بس مو الحين
ام تركي بعتب: وليه م اقوله الحين خليه يفرح
ليان بزعل: شفتي شفتي عشان كذا كنت ساكتة ليه ترجع ليليان واقولكم، اعرفكم انا مستعجلين تبون كل شي بسرعة
أنت تقرأ
يخبرني انه يحب عيناي وانا لأجل عيناه اعيش
Romanceانا ليليان الي كان كل حياتي بالحجاز بين القصور وحياة الرفاهية ويجي يوم ويشتاق جدي لديرته ولأجل خاطر جدي نرجع لديرتنا الي بالرياض
