يخبرني انه يحب عيناي وانا لأجل عيناه اعيش

يخبرني انه يحب عيناي وانا لأجل عيناه اعيش. (7).

✨نجمة وكومنت لطيف زيكم✨🥹

شافت مواشراته الا جد يتحرك طلعت بسرعة وكانت بتروح تنادي دكتور سعود بس شافت اختها وعلطول صرخت : لللليااان.
ليان التفت
ليليان: تعالي بسرعة تعالي شوفيه رجع مواشراته.
ليان عرفت انو صار شيء لسعود ومافي وقت تروح تنادي دكتوره وراحت جري لغرفة سعود.
واحمد من سمع صراخ ليليان راح بسرعة للقزاز يشوف وش فيه اخوه وكان خايف بس بنفس الوقت حس بفرحة انو ممكن اخوه يصحى وكان متأمل.
ليان اول م دخلت راحت تشوف سعود ويوم فحصته اكتشفت انو قادر يستوعب وقادر انو يجيب عليهم بس للان م صحي من غيبوبته بس الحين ف امل 50٪؜ انو يصحى قريب.
طلعو من عنده وبذا الوقت جاء الدكتور حق سعود وكانت ليان تتكلم مع الدكتور وليليان راحت لـ احمد وقالته انو اخوه اتحسن اكثر من اول و حالية ف أمل انو يصحى قريب.
واحمد استبشر وراح علطول اتصل على ابوه وقاله
ابو سعود اول م سمع الخبر بكي من فرحته وهو كان بين الرجال ف المسجد والكل يناظروه بس ابو سعود كان هذا اخر همه وقعد يحمد ربه وسجد من الفرحة وصار يدعي انو خلاص يصحى ولده قريب وترجع بنته بعد لأحضانه وقام بسرعة مسح دموع بطرف غترته وراح بسرعة وصار يجري يبغا يلحق يبغا يبشر خليلته يبغا يبشرها بولدهم ومن قوة الجري طاح على ركبته وصار يخرج منه دم بس م اهتم وقام وكمل جري لين وصل البيت وراح بسرعة لغرفته وفتحته وشاف خليلته لابسة شرشف الصلاة وقاعدة على سجادتها وتدعي لربها.
وراح حضنها من وراء وقالها بصوت مهزوز : ابشرتس ابشرتس ي ام سعود ابشرتس ي الغلا ولدنا ف امل انو يصحى ابشرتس ولدنا قريب بيصحى بإذن الله وصار يبكي عندها وهذا ثالث مرة تشوفه يبكي عندها من يوم م تزوجته
اول مرة بكي بولادت سعود وثاني مرة بكي يوم مات ابوه، جد سعود وهذا ثالث مرة تشوفه يبكي التفت عليه وحضنته بقوة وصارت هي بعد تبكي وتردد: الحمدالله الحمدالله
ومافي بلسانها غير الحمدالله.
*" الام والاب نعمة لحد يفرط فيهم "*.
بعد اسبوع كامل بدون اي احداث مهمة:
كانت امجاد مداومة بحكم الدراسة برمضان ونفس الشيء مع نوف وسارة وخلو لؤلؤة مع ام تركي لانو ليان كانت نايمة وليليان للان م رجعت بحكم انو ينتهى دوامها ١٠ وام سعود راحت المستشفى مع ابو سعود واحمد نزلهم المستشفى وراح للمركز يبغا يشوف اذا وصلو لشيء يبغا اي اخبار عن اخته بس للاسف رجع وهو م معه اي اخبار عنها

الساعة 10:00 الظهر:
ليليان وتركي رجعو مع بعض واول م دخلو شافو ام تركي ولؤلؤة قاعدين مع بعض ف الصالة.
ليليان علطول راحت جري لؤلؤة : حي والله من جانا .
وتركي وام تركي ضحكوا عليها وليليان خذت لؤلؤة وخرجت من شنطتها حلاوة مصاص وعطتها ولؤلؤة خذتها وحطت بفمها علطول وصارت تلعب مع ليليان.
ام تركي : يلا ي بنيتي انتي تعبانة توك راجعة من الدوام روحي ارتاحي وخلي اللؤلؤة عندي
ليليان: لا يمة ماني تعبانة ولا شيء وخلي اللؤلؤة معي بطلع فوق بالغرفة.
وتركي جاء وجلس جنب اخته ولعب شوي مع اللؤلؤة وبعدها قام وسال امه وين أمل وقالت ام تركي: نايمة عند ليان، ليان نومتها ف غرفتهم
تركي بضحك: غرفة التؤام صار حضانة
ليليان: هيهيهيهي سامج م يضحك وبعدين حنا نحب البزارين وش فيها اذا كانو ف غرفتنا.
تركي بابتسامة: خلاص خلاص م قلنا شيء بروح اغير وخلي امل عندكم اجل بروح اريح انا عبال م ياذن الظهر.
ليليان: تمام روح انت وارتاح واذا صحيت بأكلها وهي ترجع تنام من حالها.
وطلع تركي فوق وليليان خذت لؤلؤة وطلعت هي بعد غرفتهم
عند سعود كان سامع صوت امه وصوت ابوه بس ماهو قادر يصحى ماهو قادر ينطق ماهو قادر يفتح عيونه.
ام سعود كانت تمسح على راس سعود وتدعي وشويا تتكلم معه كانه معها وصاحي ونفس الشيء ما ابو سعود الي قاعد يتكلم وبنفس الوقت يدعي.
وصار الساعة وحدة وليان صحيت واكلت امل وكانو ليليان ولؤلؤة نايمين من التعب
وراحت صحت عُدي ولبست وخلصت وقعدت تنتظر
بعد ربع ساعة خلص عُدي وراحو للمستشفى
ونزلت ليان وعُدي راح لشغله.
مزن وام سياف:
ام سياف: ي بنيتي قلتي لخليفة تخرج الاغراض!
ملاك: ايه يمة قلتلها وشفتها خرجت وانا اصلا خلصت الي ف يدي الحين اروح اسوي العصير
ام سياف: ايه ي يمة خلاص بعد م تسوي روحي انتي غيري وانزلي باي وقت ممكن يوصلوا الضيوف.
ملاك: ان شاءالله.
وراحت ملاك تقلي السمبوسة وخرجت المواعين الجديدة وسوت العصير ورتبت الأواني وطلعت غرفتها هي وسياف وراحت ع السريع تاخذ لها دش يخفف منها
وطلعت ونشفت شعرها وخلته ناعم بس من تحت فير ولبست الجلابية الي سياف جاب لها هدية وجاب لامه نفس الشيء بس مجرد اختلاف بسيط وحطت كريماتها واتبخرت ع الخفيف وعطرت نفسها بعطر خفيف مرة ونزلت واول م نزلت شافت كل اهل سياف وكلهم يناظروها وراحت لهم وسلمت على الكل وقعد ف الصالة و ما بين سوالف
قبل المغرب بدقائق:
ملاك: يمة خلاص م بقي شيء على الصلاة
ام سياف: يلا ي حبايبي م بقي شيء على المغرب تعالو اقعدو.
وكل الحريم قعدو علطاولة ف غرفة الاكل والرجال كانو بالمجلس قاعدين على السفرة وكلهم رفعو اياديهم وصارو يدعو شويات واذا المغرب وكلهم لمو اياديهم على التمر .
عند ليان وصحباتها ف الغرفة المشتركة بالمستشفى اول م سمعو الاذان كلهم مدو اياديهم وخذو تمر وبعدها المويا واول م خلصو من المويا كل وحدة خذت قهوتها ومشت لاشغلها
وهذا مهنتهم م عندهم شيء اسمه وقت فراغ هما ف اي وقت يستدعوهم وهم واجبهم يستجيبو للنداء
مهنة الطب حلوة بس بتاخذك كلك بتاخذ كل وقتك بتاخذك من عائلتك بتاخذك من اصحابك وعشان كذا مو اي احد مستعد يخطي هالخطوة ويدخل طب.
عند ليان بعد المغرب وهي راجعة سلاف شافتها ونادتها
الممرضة سلاف: دكتورررة
ليان ناظرت فيها : ي هلا بـ سلاف وشلونس !
سلاف : بخير الحمدلله لك الحمد.
ليان: عاش سلاف تحترمني وتقولي دكتورة ! من وين طلع الشمس اليوم!
سلاف بضحك ومزح: واضحة اكيد من الغرب.
وقامو يضحكو الاثنين.
سلاف : احمم اسمعي هذا الملفات عطاني الدكتور حسام قالي اعطي الدكتورة ليان اول م تجي.
ليان: واضح اوراق مهمة ولا م سلمك هالاوراق.
ليان: تمام يلا باي سيوو .
سلاف: سلااام.
ليان خذت الملفات وصارت تشوفه وهي تمشي الا تندق بواحد وطاح الملفات من يدها وطاح فوقه القهوة حق الشخص الثاني.
وناظرت ف الشخص الي اندقت فيه الا يطلع ذاك الطيار نفسه الي بغت تكسر يده .
ناظرت فيه وناظرت ف الملفات واتنهدت بقهر بس سكتت لانو الغلط من الطرفين .
حاتم ناظر فيها وعرفها علطول من نقابها وعيونها الحادة وقال:الدكتورة ليان!
ليان ناظرت فيه بحدة وكانت ساكتة لانها انقهرت واخلاقها بانفها من يوم شافت الاوراق ومحتواه وم تبغا تغلط على احد فسكتت .
حاتم حس كأنه جاب العيد: العذر والله م انتبهت كنت مستعجل اشوف يدي وش صار عليها.
واتعمد انو يقول يدي لعلها تعرفه وتتذكر .
وليان الي اصلا م نست وجهه .
: م عليه حصل خير تقدر تمشي .
حاتم: عساء بس انها مب اوراق مهمة!
ليان: م عليه مب مهمة.
صرفته وهي تعرف انو الدكتور حسام م اعطاء سلاف الا انه اوراق مهمة.
سكت حاتم وليان قامت تلم الاوراق وهو بعد حس على نفسه وجاء بيساعدها بس قام كب المويا الي بيده بعد
وليان احمر وجهها من الغضب بس ماسكة نفسها بالقوة.
حاتم: اسف والله اسف بالغلط.
ليان بحده: وقف خلاص انا بلم الاوراق تقدر تمشي.
حاتم انتبه لنبرة صوتها الحاد والي م زادها الا جاذبية .
وحاتم الي قام بسرعة بيروح الا ويتزحلق على المويا وطاح طيحة قوية على نفس اليد الي ليان وجعته فيه قبل وهو من قوة الوجع كتم صراخه وكتم نفسه ووجه صار احمر من الكتمان وليان انتبهت على وجهه وعرفت علطول انو كاتم صراخ ووجعه وساعدته يوقف مرة ثاني وخذته غرفتها بسرعة وقالت: هالحين تقدر تصرخ الغرفة عازلة عن الصوت. حاتم الي وده يصرخ بس كان ماسك نفسه لا يضيع هيبته عندها وهي يوم شافته كذا طنشت وكملت شغلها الا مسكت يده بقوة خفيفة بالغلط وهو م
تحمل وصرخ صرخة لدرجة طبول ليان تقولنه انفجرت بسببه وعلطول مسكت اذنها ولانها كانت قريبة منه فكان الصوت عالي بالنسبة لها
وهي الي من اول برضوا قاعدة تحاول تمسك نفسها وم تعصب م قدرت وقالت بصراخ: عمى ان شاءالله قلنا اصرخ بس مو تفجر طبولي!
وحاتم الي مستغرب ومصدوم هذا اول مرة يشوف دكتورة تصارخ على مريض بسبب شيء تافه: بس انتي قلتي اصرخ
ليان: بس لما قلت اصرخ م صرخت ويوم مسكت يدك قمت صرخت وفجرت طبولي مالت..
اووف خلاص اصبر. وراحت جابت قماش وقالت: افتح فمك
حاتم بضحكة سخرية وصدمة: قولي انك تمزحين
ليان: شايف ذا المكان مكان نمزح فيه؟
حاتم؛ اجل ليه جايبة القماش! بتحطيه بفمي زي الافلام يعنى!
ليان: صح انو مو كل شيء بالافلام حقيقة بس برضو ف اشياء يجيبوها من واقع الحياة يعنى عادي
حاتم: اقول دكتورة استهدى بالله وكملي بلا قماش بلا خرابيط
ليان: وان سمعت صوتك!
حاتم: م عليك م بصارخ
ليان: نشوف الحين.
ومسكت يده بقوة اكثر من قبل وهو م اتحمل لانو الطيحة كانت قوية وعلى جهة بس وصرخ مرة ثاني وم امداه يكمل الا وليان مدخلة القماش بفمه وهو مبقبق عيونه بصدمة وشلون تتجرا تدخل قماش على فم ولد المرحوم شيخ القبيلة السابق .
بس سكت يوم رجعت اكمل شغلها وقالت: لازم تجبرها .
وسكتت ورجعت كملت شغلها ووصفت له ثلاث ادوية وهو انسان م يحب الادوية خير شر واول م قالت ادوية قال: م ابي ادوية مافي بديل إبر او شيء ثاني!
ليان: لا اذا تبغا صحتك فهذي اسماء الادوية قدامك وتعال راجع عند الدكتور وليد وانا باخذلك عنده موعد تحصله بقسم العظام بس حالية روح سجل سجلك .
حاتم: تمام .
قام وطلع وراح يطلع له سجل وراح ف قسم العظام وراح سأل واحد من الممرضين عن الدكتور وليد وانصدم لما سمع انو هذا رئيس قسم العظام وانو عشان تاخذ موعد عنده لازم قبله باسبوع تحجز من كثر م هو مشغول وشاف ورقته كان مكتوب رقم ٧٧ وشاف قدامه كان المكان زحمة مرة وراح وقعد على الكرسي الي الرجال قام منه وم امداه يجلس الا وينادو على رقمه وهو انصدم يحسب لازم ينتظر بس هو حتى م جلس وجاء رقمه وعرف انو ليان اتوسطت له عند الدكتور وراح ودخل عليه وسلم عليه وجلس وقال للدكتور كل الي قلته ليان وانه يحتاج تجبير
وليد: طيب اتفضل معي ...
عند ليان الي كملت شغلها واخيرا راحت تفطر وتاكل شيء من المطعم الي تحت عندهم
وبعد م خلصت راحت خذت لها قهوة مرة ثاني واول م شمت ريحة القهوة اتذكرت الموقف
عند ملاك واهل ابو سياف:
كانو قاعدين يسولفو وملاك كانت قاعدة مع بنات العائلة
حور: وجع ليه سلاف م جت !
ولاء: عندها دوام
حور: كانت تقدر تاخذ اجازة
ولاء: تبيها تاخذ اجازة وهي الي حاربت القبيلة بكبرها بس عشان تدخل ذا المجال!
حور: م اختلفنا انها تحبه بس اقلها يوم واحد تاخذ اجازة
ولاء: قلتي نفس الكلام بثاني يوم رمضان وبسببك اخذت اجازة وقلتي نفس الشيء خامس يوم رمضان وبرضوا خذت اجازة والحين برضوا تبيها تاخذ اجازة؟
حور: طيب وش اسوي يخي احبها
ولاء: كلنا نحبها
حور: اوف انكتمي خلاص
ولاء: وهذا الصدق طيب.
ملاك: من هذي سلاف!
حور بحماس: هذي بنت عمي حمدان سلاف وتشتغل ممرضة بمستشفى الـ****.
وترا تونس مرة وصدرها وسيع متأكدة اذا بتقابليها بتحبيها زي.
ولاء: قصدك زينا
حور ناظرت فيها وشمقت بعيونها ورجعت تتكلم عن سلاف لملاك .
وريد بهدوء وهي تلعب بجوالها : تدرون انو دوامها اختلف والحين صار دوامها مسائي وبعد شوي بينتهى دوامها.
حور وولاء: احلفي
وريد ناظرت فيهم وسكتت ورجعت نظرها على الجوال.
حور: وجع نفسيه
ولاء: اشفيه هذا مب طبيعي!
حور: اول مرة اتفق معكِ
ولاء سفهتها وحور ندمت
حور بينها وبين نفسها : ليتني م اتكلمت
حور بصوت عالي: حييي بـ سلاف حيي
سلاف وهي تدخل ضحكت بصوت عالي والكل عرف انو سلاف جت من ضحكتها.
سلاف: ي هلا ي هلا اشوف الكل مجتمع بدوني!
حور: شفتي كيف! ترا محد درا عنك غيري
سلاف : اقول شيليني من راسك اخوكِ ماني ماخذته
حور وهي تمثل الزعل: وش فيها اذا اخذتي اخويِ كامل والكمال لله
سلاف: بالضبط لانو اخوكِ كامل والكمال لله على قولتك زوجيه وحدة كاملة والكمال لله نفس هذي الي قدامك واشرت على ملاك والكل سكت فجاة وناظرو بملاك
ولاء بسرعة: هذي زوجت سياف
سلاف:
ها !!
ملاك ناظرت فيهم ونزلت راسها باحراج.
سلاف انكمش وجهها
بس حاولت قد م تقدر تمسك نفسها: ي هلا وشلونك!
ملاك: بخير الحمدالله
سلاف: دوم ي رب ،وو... مبروك الزواج واسفة م قدرت احضر زواجكم
ملاك: الله يبارك فيكِ وعقبالك ي رب
ولاء وهي تحاول تغير الجو: ايه م عرفتكم صح سلاف هذي زوجت سياف ملاك ، ملاك هذي سلاف بنت عمنا
ملاك: تشرفنا
سلاف : الشرف لي
وقعدت سلاف بعد م خذت الشغالة عبايتها وكلهم قعدو يسولفو وسلاف وجهها كان حزين وكل شوي تناظر بملاك وتناظر بحركاتها وتصرفاتها وكلامها وقالت بنفسها: والله م الومه سياف يوم تزوجها اقلها هذي احسن من فهدة بنت خالته هذي على قولتي قبل لا اعرفها كاملة والكمال لله وحده وابتسمت ابتسامة باهتة .
سلاف الي كانت تحب سياف من وهي بعمر الـ ١٦ يوم ساعدها من العقرب .