"တက္ကသိုလ် ဟုပြောလိုက်သည်နဲ့...ပျော်ရွှင်မှု၊လွတ်လပ်မှု နဲ့ အချစ်ဇာတ်လမ်းလေးတွေ ကပ်ပါလာစမြဲ။ တက္ကသိုလ် တက်နေစဥ် ကြုံရတဲ့ ကိစ္စတစ်ခုချင်းကို မှတ်မိသူတွေ များလှပါသည်။တစ်ချို့ကတော့ တက္ကသိုလ်ရဲ့ ပထမအပတ်မှာပဲ ချစ်စရာအလွှဲလေးတွေ ကြုံကျပေမယ့် ကျွန်မကတော့ အတန်းချိန်မှန်ပြီး...ပုံမှန်သာ ဖြတ်ကျော်ခဲ့ရသည်။ ကျွန်မချစ်သော မြတ်နိုးသော မြန်မာစာတွေ၊ကဗျာတွေ ဖတ်ရင်း လေ့လာရင်း ဒုတိယနှစ်ကို ရောက်ရှိလာခဲ့သည်။ ခုဆို ကျွန်မဟာ ဂုဏ်ကြီးသည့် ရန်ကုန်တက္ကသိုလ်ကြီး၏ တောင်ငူဆောင်မှ ဒုတိယနှစ် ကျောင်းသူကြီး တစ်ဦး ဖြစ်နေပြီ ဖြစ်သည် ။
"ကဲ အခန်းသစ်မှာ ဘဲအသစ်နဲ့ ပျော်ကြတာပေါ့"
"ဟယ်..ဘယ်လို ဘယ်လို ပြန်ပြောလိုက်စမ်း.."
"သြော်..အခန်းအသစ်မှာ ဘဲ အသစ်.."
"ဘာ ဘဲ အသစ်ဟုတ်လား.ဟား ဟား ဟား ..အခြောက်မနော် ပြင်ပြောလိုက် ဘဲအသစ်ဆိုရအောင် ဘယ်မလဲ အဟောင်းက"
"ဟဲ့...အစစ်မနော်..ငါ့ဘဲက မဟာတန်းပထမနှစ်က ကိုကိုမြတ်လေ..သူ ဘတ်စကပ်ဘောဆော့နေချိန် သူ့ရဲ့ ချွေးလေးတွေနဲ့ ပြည့်နေတဲ့ ခန္ဓာကိုယ်ကို..အမလေးလေး..ရှက်လိုက်တာဟယ်"
"ဖီ..."
ပထမနေ့မှာ အတန်းတက်တဲ့သူ သိပ်မရှိတာမို့ အခြောက်မလို့ ချစ်စနိုးခေါ်သည့် အောင်ကျော် နဲ့ ငစွာမ သစ္စာတို့ ရန်သတ်နေကျသည်။အောင်ကျော်က သူ့လက်သွယ်သွယ်လေးများကို ကော့ကာ ဟန်လုပ်တက်သည့်အတိုင်း ယခုလည်း သူ့ဘာသာ သတ်မှတ်ထားသော ချစ်သူကိုကိုမြတ် ၏ ခန္ဓာကိုယ်ကို ပုံဖော်ပြကာ သူ့ဘာသာ ပြန်၍ အရှက်သဲနေသည်။ ငစွာမ သစ္စာ ကတော့ အကြောမခံ တစ်ခွန်းမကျန် ပြန်ခံပြောရင်း တက္ကသိုလ်ဒုတိယနှစ် ပထမရက်ကို ဆူဆူညံညံ ဖြတ်သန်းနေသည်။အားတဲ့အချိန်တိုင်း ခုံပေါ်အိပ်နေတက်တဲ့ ကျွန်မကတော့ သူတို့ကို ကြည့်ပြီး ရယ်နေမိသည်။
"ဟဲ့...မောင် ကူပြောပါအုံး..ငစွာမ ကငါ့ကိုကိုမြတ်ကို ဖီ တဲ့"
"ငါ့ဘာသာ အိပ်ပါရစေနော်..ရန်ပွဲထဲ စွဲမထည့်နဲ့..တို့က အေးဆေးနေချင်လို့ အချစ်ကို လိုက်ရှာမနေဘူး.."
ŞİMDİ OKUDUĞUN
STAY {COMPLETED }
Romantikဒီဇာတ်လမ်းလေးမှာတော့ ရန်ကုန်တက္ကသိုလ်ရဲ့ ဒုတိယနှစ်ကျောင်းသူလေးရဲ့ ဆရာမရဲ့အချစ်ကို ပြန်လည်ရရှိဖို့ကို အပူအပင်မရှိဘဲ...ဘေးနာမှာရှိနေပေးပြီး ဂရုစိုက်ခြင်းအပြည့်နဲ့ ချစ်ခြင်းရဲ့အလကာ်ကို တွေ့ရှိရမှာပါ။အချစ်ဆိုတဲ့ ချစ်ဖို့ပဲ မဟုတ်ဘူး...ဖွင့်ဟဖို့ လိုကြော...
