သက်ရှိအရုပ်
အပိုင်း၃၂
"ညီလေး....."
မိမိ၏ညီဖြစ်သူအန္တာယ်ရှိနေသည်ဆိုသောတပည့်ေတွ၏သတင်းပေးချက်ကြောင့်
မိမိမှာ သူ့ယောက်ျားနဲ့ပြသနာဖြစ်တယ်ထင်သွားတာ
လွန်ခဲ့သောလေးရက်လောက်ကမိမိနဲ့အတူစားေသာက်နေတဲ့
ညီလေးကိုအတင်းလာဆွဲခေါ်သွားတာလေ
ဒီရောက်တော့မြင်လိုက်ရတာကအဲ့လိုဖြစ်ဟန်မတူဘူး
သူ့ညီကသွေးအိုင်ထဲလဲနေတဲ့လူတစ်ယောက်ကိုငူငူကြီးကြည့်နေသည်
အရုပ်အကိုဖြစ်သူကိုမြင်တဲ့အခါ
ကလေးတစ်ယောက်လိုပြန်တိုင်တယ်
"ကိုကို..အဟင့်! ဟိုမိန်းမကြီးလူသတ်တယ်"
ညီဖြစ်သူလက်ညိုးထိုးပြတဲ့ဘက်ကိုကြည့်လိုက်တော့
သွေးအိုင်ထဲလဲနေတဲ့အမျိုးသမီးတစ်ဦး
သူမကတစ်ခြားသူမဟုတ် ဒေါ်မနောဖြူပင်
"ဘယ်လိုဖြစ်ရတာလဲ ညီလေးရယ်..."
အရုပ်သည်ပြင်းထန်စွာငိုထားသောကြောင့်
မျက်လုံများနီရဲယောင်ကိုင်းနေပြီ
သူညီေလေးတစ်ယောက်လိုသံယောဇဥ်ရှိရတဲ့သူက
သူ့ကြောင့်အသက်ဆုံးရှုံးသွားရသည်လေ
မငိုဘဲနေပါ့မလား
"ကိုကို..မာန်ကလေ မေမေ့လိုဘဲကျွန်တော့်ကြောင့်သေသွားတာ"
အရုပ်သည် မိခင်သေသည့်နေ့ရက်ကိုအခုထိမှတ်မိနေတုံးပင်
မိမိပုန်းနေသည့်နေရာအား ဒေါ်မနောဖြူတွေ့မှာဆိုးသည့်အတွက်
မေမေကပုန်းနေရာကနေလူးလုံးထွက်ပြခဲ့တာ
ဒါကြောင့်အမေသေခဲ့ရတာ
အခု ....အခုလည်းသူကြောင့်မာန်သေပြန်ပြီ
သောရဝမ်းနည်းလွန်းနေသည့် ညီဖြစ်သူအားမေ့ဆေးထိုးချလိုက်သည်
သူကဆရာဝန် ပြီးတော့သူ့အိမ်သူကလည်းစိတ္တဇဆရာဝန်
ညီဖြစ်သူယောက်ျားကိုတာဝန်ယူထားသည့်ဆရာလည်းဖြစ်သေးသည်
အခုယူလာတဲ့ဆေးကညီယောက်ျားအတွက်
သို့သော်လိုအပ်တာမို့ ညီအပေါ်သုံးလိုက်ခြင်းပင်
××××××××××××××××××××××××××××××××××××××××××××××××××××××××××××
ဧကရာဇ်နိုးလာသည့်အချိန်မှာစိတ်ကပုံမှန်အခြေအနေထိရောက်နေပြီ
ကြားထဲဘာဖြစ်ခဲ့တယ်ဆိုတာလဲ
အကုန်မှတ်မိနေသည်
နိုးနိုးလာခြင်းအရုပ်ကိုမတွေ့တဲ့အခါမှာတော့
စိတ်ပူသွားရသည်
အရုပ်သူ့ကိုစိတ်ပျက်သွားပြီလား
"သား သတိရပြီလား"
"အဖေ အရုပ်ရော"
"အပြင်ခနထွက်သွားတယ်သားရဲ့"
ထိုအခါမှဧကရာဇ်စိတ်သက်သာရာရသည်
အရုပ်သူ့ကိုစိတ်ပျက်သွားတာမဟုတ်သေးဘူးဘဲ
"ကြာပြီလားအဖေ ......"
"မကြာသေးပါဘူး"
သားမက်ဖြစ်သူထွက်သွားတာအနည်းငယ်ကြာနေပြီဖြစ်ပေမဲ့
သားစိတ်သက်သာရာရစေဖို့ဦးမင်နိုင်ဦးလိမ်ပြောလိုက်သည်
ထိုစဥ်ခြံရှေ့မှကားဟွမ်းတီးသံထွက်လာသည်
"အရုပ်ပြန်လာပြီထင်တယ်အဖေ..."
"ဟုတ်မယ်အဖေသွားဖွင့်ပေးလိုက်ဦးမယ်"
"ဟုတ်ကဲ့အဖေ"
သူကိုယ်တိုင်လည်းလှုပ်ချင်စိတ်မရှိတာမို့ခေါင်းသာငြိမ့်ပြလိုက်သည်
#လွန်ခဲ့တဲ့အပိုင်းမှာအရုပ်မှာအကိုရှိတာထည့်ရေးခဲ့ပါတယ်
#ဒါလေးကပြီးတော့မှာပါ
#ဒေါ်တာညီမင်းနောင်(ဧကရာဇ်ရဲ့စိတ်ရောဂါကုဆရာဝန်) နဲ့သောရမင်းသွင် (အရုပ်ရဲ့အကို)တို့ကို
ဇာတ်လမ်းတွေးထားပါတယ်
