سالم السيوفي
طبعا غني عن التعريف
سالم السيوفي الجد الاكبر صاحب امبراطورية السيوفي الصديق المقرب للملك من شده الوفاء والاخلاص بينه وبين الملك كان له الصلاحية في بعض الامور التي تخص شؤن البلد وطبعا السؤال هنا ملك وبيحكم البلد وموافق علي كده؟
هقولكم ان جدي سالم السيوفي مش اي حد لانه يعتبر من كبار الاعمال في الشرق الاوسط له الفضل في تقدم التجاره والزراعه والصناعه محتكر اغلبية السلع والمتحكم فيها الكل بيخاف منه ومن قسوته الخطأ عنده مش بيتكرر لانه مش بيسمح بالغلط اصلا مش بيعترف بيه مبدأه في الحياه الخطأ مثل الموت يأتي مره واحدة في العمر
هو الآمر الناهي في اسرتنا صاحب الكلمه الاولي والاخيرة ..
طبعا كلامي ينطبق علي كل من بالقصر ما عدا شخص واحد بس في العيلة صاحب القوة والجرأة والشجاعة الوحيد اللي يقدر يقف قصاد جلالة الملك ويعترض علي قراراته و بيجادله في كل الامور حتي الامور الخاصه
ها عندكوا الفضول تعرفوا مين ؟؟؟
هو ادهم اخويا ولي العهد
ادهم منير سالم السيوفي
الحفيد الاول لجلالة الملك سالم السيوفي جدي ولكن في الحقيقه هو النسخه الثانية من جلالة الملك
طباعه صعبة جدا وكأنه نسخة طبق الاصل قليل الكلام رزين وباااااارد لابعد الحدووووود بتخيل دايما واحنا بنفطر علي سفرة واحدة روتين كل يوم الاجباري والعائلة كلها مجتمعين علي الفطار وعلي رأسهم جدي سالم وحصل كارثه حريق مثلا في القصر اعتقد اننا كلنا هنهرب خوفا من الحريق وأدهم هيفضل في مكانه بيكمل فطاره وده كان نفس افكاري كل يوم وانا علي سفرة العظماء بتفرج علي كل شخصية منهم وتخيلها في موقف مختلف وكالعادة بتفضحني ضحكتي لوحدي ومهما حاولت اكتم ضحكتي بلفت الانتباه كل يوم مسببة احراج كبير هما تأكدوا اني مجنونة وايوة ايوة ده مش بيفوت علي جلالة الملك بيعاقبني طبعا زي ما انا متعاقبة دلوقتي جدي أمر اني افضل تلات ايام في اوضتي ما أخرجش منها هو ميعرفش ان ده اكتر شئ بيسعدني ويفرحني اني اكون دايما في اوضتي ومش عاوزه أنول شرف الفطار علي سفرة العظماء اصحاب الطبقة الارستقراطية
نسيت اعرفكم بنفسي انا (فرح منير سالم السيوفي )
كلية سياسة واقتصاد طبعا باختيار جدي لان مفيش في عيلتنا احفاد بتختار بنفسها اي كلية وده لان في خطورة علي حياتنا من المعارضين للملك والمقاومة مع ان جدي سالم السيوفي عمل خير كبير للبلد كان سبب رئيسي في التقدم لكن المعارضين بيكرهوه لانه صديق الملك المقرب والنتيجه كانت ان كلية سياسه واقتصاد وكلية الحقوق يكونوا كليات خاصة لأحفاد سالم السيوفي وطبقات الاثرياء طبعا
و باقي الجامعات للطبقات المتوسطه والفقراء
وهو ده حال بلدي من فترة طويلة منقسمة لطبقات ولكني رافضة المهزلة دي وانا مقتنعه اني في يوم من الايام هيجي شخص يغير النظام ويحكم بالعدل
أنت تقرأ
حفيدة الملك (آماليا)
Romanceعلمت من النظرة الاولي لها أنها ستكون ملكتي وملكة قلبي تلك الواقفة بخوف لا تنطق بحرف ولا تلقي السلام علي احد تختبئ خلف والدتها تمسك ذيل الفستان بأصابع صغيرة ترتعش بسبب صراخ جدي الجالس امامهم تظن انه لن يراها وقد بدأ قلبي يدق من تلك اللحظة اتت...
