حفيدة الملك (آماليا)

الفصل الثامن عشر

يوم الحفل
استيقظت اماليا وفرح باكرا ليذهبوا الي جناح نانسي  ليوقظوها  بحماس
فرح وهي ترفع الغطاء من عليها : اصحي يا ست العروسه الكسلانه 
استيقظت نانسي  لتتحدث بانزعاج بعد ان القت  نظره علي ساعتها لتعرف الوقت : انا كنت اتجننت وانا بنسحب من لساني تشاركوني من اول اليوم انا ليه مقولتش تيجوا متاخرين او ياريتني قفلت الباب بالمفتاح
اماليا بضحكة رقيقه : كانت فرح هتنطلك من الشباك
نانسي بابتسامة  واسعه :  انا مش عارفه انا ازاي كنت بعيده  عنكوا يا بنات فاتني كتير جدا
فرح بشقاوة : بيقولوا ان ده العوض الجميل بعد الصبر الطويل
ضحكوا عليها لتقوم اماليا وهي تخلع ملابسها لتكون بحريتها امام البنات
نانسي بانبهار : ايه الجمال ده  بجد انتي  طلعتي ملكة جمال انا مبهورة اوي بجمالك ورقتك    انتي ازاي مخبية الحلاوة دي  كلها
اماليا بهدوء : الجمال دايما  جمال الروح يا نانسي قبيح الروح قبيح الشكل حتي لو كانت ملامحه جميلة 
نانسي بموافقه : معاكي حق انا مثلا كنت دائما بتباهي بجمالي وبحب اشوف الاعجاب في عيون  الناس لكن معرفتش  اكون اصحاب بجد ولا حب حياتي كان هيكمل لو كنت فضلت بنفس التفكير والعقلية دي   لما بدات اركز مع روحي وحاولت اكون جميله من الداخل قبل الخارج انتوا اللي ظهرتوا قصادي لاقيت معاكوا اللي ملقتوش مع اختي وماما واصحاب مزيفين وحبيبي كمان بقي متغير معايا والحب في عيونه بقي ظاهر  
فرح باعتراض: كفاية نكد بقي يا ست  نانسي 
هو بنات القصر كلهم حلوين  من الداخل والخارج ومميزين  في كل حاجه المهم بقي  انا النهاردة عاوزة ادوب قلب اخوكي يشوفني مينزلش عينه من عليا عاوزاه  يدوب فيا حرفيا ميسيبنيش ولا ثانيه واحدة
نانسي بضحكة واسعه : احلامك اوامر يا ليدي فرح افتحي الدولاب وشوفي فستانك
جرت فرح علي الخزانة لتفتحها لتتسع عيناها من جمال الفستان لتقول بعدم تصديق : ده تحفه فنية انتي معقول صممتي الفستان ده يا نانسي ده انتي عبقريه 
كانت اماليا تضحك علي ملامح وجه فرح وهي مبهورة بجمال التصميم ومعها حق فهو رائع فعلا

ليخطف بصرها ذلك الفستان المعلق بهدوء بجانبه وكأنه يناديها لتلبي النداء وهي تسير اتجاهه ببطئ وصلت اليه لتمتد اناملها تتلمس جماله ونعومته كان فستان خرافي  رائع كلمة قليلة عليه من اللون الازرق القاتم نفس لون عيناها والقماش الناعم الحرير يشابه نعومة بشرتها لمعت عيناها اعجابا به وبتصميمه كل شئ به خرافي شئ خيالي  هل هذا ما سترتديه اليوم ولاول مره تحضر حفل في القصر وسط المدعوين كانت عيناها تلمع  عشقا به هل سيراها اليوم بهذا الفستان ارتجف قلبها وارتعشت يداها تريد ان تري ملامحه
الفضول  يحركها لتبتسم برقه وهي تقترب من ذلك الفستان وهي تهمس له   : ياتري هيغرم بيك زيي
فرح بذهول: انتي بتكلمي الفستان هو رائع وجميل وخرافي بس انك تكلميه ده شئ لا يصدقه عقل اماليا حبيبتي محتاجين عقلك النهاردة
ضحكت نانسي بسعادة : مبسوطة اوي ان تصميمي عجبكوا ودلوقتي يلا نبدأ نجهز يا بنات
اشتعل الحماس في اعين البنات  لتزداد فرحتهم بمشاركة فريدة وعدالة لهم الاجواء  السعيده لتعلو الموسيقي وضحكات البنات  تعلو معها ليتمايلوا علي تلك الانغام وفي جو دافئ ملئ بالسعادة