ភាគ២៨:ប្អូនយើងអ្នកណាក៏គ្មានសិទ្ធិប៉ះពាល់ដែរ!
រ៉ូឃី សម្លឹងមុខគេភ្លឹះៗ ពេលបៀមជញ្ជក់មេដៃគេដូច្នេះហើយ នាងក៏ដកមេដៃចេញ ព្រមទាំងឱនសម្លឹងរបស់ដែលនាងបានដាក់ដៃពីលើ មិនដាក់ភ្នែក ដោយគេប្រាប់ថាចង់ឲ្យនាង ប្រើមាត់សម្រាប់ប្រើប្រាស់វិញម្តង។
ទើបខ្លួនសួរទាំងងីងើទៅកាន់គេ។
"លោក! លោកឲ្យខ្ញុំបៀមវាពិតមែនឬ?" ថេយ៉ុង ភ្ញាក់ពីការភ្លឹកមកវិញ ពេលនាងសួរបញ្ជាក់ដូច្នេះ អម្បាញ់មិញសាកល្បងក៏ខាំដៃរបស់គេ ចុះបើឲ្យរបស់ពិតទៅនាង តើនឹងខាំឲ្យដាច់ដោចយ៉ាងណាខ្លះទៅលោកអើយ ពិតជាមិនចង់គិតដល់វាឡើយ ចុះប្រើការលែងកើត តើអ្នកណាដែលមកទទួលខុសត្រូវចំពោះរឿងមួយនេះ។
"មិនបាច់ទេ! មិនបាច់មកបៀមរបស់យើងទេ" គេដាក់នាងចុះពីលើភ្លៅដោយក្រោកឈរបែរខ្នងដាក់នាង ចម្លែកទៀតហើយ អម្បាញ់មិញក៏នៅធម្មតា ពេលនេះខ្មោចចូលគេឬ? នាងដើរទៅក្បែរគេ លើកដៃប៉ះខ្នងគេតិចៗ ព្រោះតែចង់ដឹងថាគេកំពុងតែកើតអ្វី។
"លោកកើតអី?"
"យើងមិនបានកើតអីទេ គ្រាន់តែ..."
"ចៅហ្វាយ ចៅហ្វាយ" គេមិនទាន់បាននិយាយចប់ផង សុងហូ ក៏ស្រែកពីក្រៅបន្ទប់មកធ្វើឲ្យគេ ដើរទៅបើកទ្វារបន្ទប់មើលទាំងមួម៉ៅសម្លឹងមុខមនុស្សក្រោមបង្គាប់របស់ខ្លួន។
"មានរឿងស្អី?" សុងហូ បែកញើសជោកថ្ងាស សម្លឹងមុខចៅហ្វាយដូចជាកើតរឿងមិនល្អឡើងមកអ៊ីចឹង។
"គឺប៉ូលិសមករកចៅហ្វាយ ពេលនេះចាំនៅក្នុងបន្ទប់ទទួលភ្ញៀវទាន" គ្រាន់តែឮដូច្នេះ គេចេញពីក្នុងបន្ទប់យ៉ាងលឿន ទោះមិនដឹងថាមានរឿងអ្វីក៏ដោយ ក៏គេមិនអាចនៅស្ងៀមនោះទេ ប៉ូលិសមករកដល់ផ្ទះកាត់ព្រឹកព្រលឹមដូច្នេះ ច្បាស់ជាមិនមែនរឿងធម្មតាឡើយ។
ថេយ៉ុងចុះមកដល់បន្ទប់ទទួលភ្ញៀវក៏ឃើញប៉ូលិសស្លៀកពាក់ ឯកសណ្ឋានស៊ីវិលពីរនាក់ កំពុងតែអង្គុយរង់ចាំគេរួចជាស្រេចនៅទីនេះ គេក៏ដើរទៅអង្គុយនៅលើសាឡុងទល់មុខប៉ូលិសប្រុសទាំងពីរនាក់នោះ ទើបចាប់ផ្តើមសួរនាំ។
"លោកប៉ូលិសមករកខ្ញុំដល់ផ្ទះបែបនេះតើមានការអ្វីមែនទេ?"
"គឺប្អូនរបស់លោកពេលនេះកំពុងតែនៅក្នុងបន្ទប់សួរចម្លើយ" ថេយ៉ុង លើកចិញ្ចើមឆ្ងល់យកតែម្តង ពេលឮថាប្អូនកំពុងតែស្ថិតនៅក្នុងបន្ទប់សួរចម្លើយដូច្នេះ តើប្អូនគេខុសអ្វី ទើបត្រូវយកទៅសួរចម្លើយដូច្នេះ។
"ប្អូនខ្ញុំធ្វើខុសអ្វីឬ?"
"ប្អូនលោកជាប់ពាក់ព័ន្ធនឹងការប្រើប្រាស់សារធាតុញៀន និយាយឲ្យចំគឺប្រើប្រាស់គ្រឿងញៀនពួកយើងបានពិនិត្យឃើញនៅក្នុងឈាមរបស់គេ" នេះតើវាមានរឿងស្អីទៅវិញ ប្អូនរបស់គេទោះដើរលេងដាច់យប់មែន ប៉ុន្តែគេដឹងច្បាស់ណាស់ថាប្អូនគេមិនអាចទៅញៀនថ្នាំញៀនស្អីឡើយ ប្រាកដជាមានអ្នកចង់ធ្វើបាបប្អូនរបស់គេជាក់ជាមិនខានទេ។
"ប្អូនខ្ញុំមិនមែនជាមនុស្សបែបនេះទេ ខ្ញុំមើលថែគ្រប់គ្រងគេបានល្អណាស់ បើថារឿងនេះគឺជារឿងបោកប្រាស់ ចង់ធ្វើបាបប្អូនខ្ញុំគឺវាអាចច្រើនជាង"
"ប៉ុន្តែពួកយើងពិនិត្យឃើញក្នុងឈាមរបស់គេ កាលពីយប់មិញមានរឿងនៅក្នុងក្លឹប ខាងក្រុមការងារពួកខ្ញុំក៏ចុះទៅចាប់ឆែកឆេរក្មេងៗដែលប្រើប្រាស់ថ្នាំបានមួយក្រុម ហើយក្នុងចំណោមនោះក៏ឃើញប្អូនលោក" ថេយ៉ុង ក្តាប់ដៃខាំធ្មេញដោយអារម្មណ៍ក្រេវក្រោធ ច្បាស់ជាមានអ្នកធ្វើបាបប្អូនគេច្បាស់ខ្លាំងណាស់ បើដឹងមុខគេមិនឲ្យរួចខ្លួនឡើយ។
"ចុះឥឡូវប្អូនខ្ញុំនៅប៉ុស្តិ៍មួយណា?"និយាយគ្នាដឹងរឿងអស់ហើយ ប៉ូលិសពីរនាក់នោះក៏នាំគ្នាត្រលប់ទៅវិញ ដោយថេយ៉ុង ក្រោកពីលើសាឡុងបែរទៅសម្លឹងមុខមនុស្សដែលនៅក្នុងផ្ទះ រ៉ូឃី សម្លឹងគេដោយក្រសែភ្នែកស្រពោបស្រពោន នាងអាណិតជុងហ្គុក ដែលត្រូវមកចួបរឿងបែបនេះ ទោះជានាងមិនសូវបានចួបគេក៏ដោយ ទោះបីគេទើបតែមកស្នាក់នៅក្នុងផ្ទះនេះបានតែប៉ុន្មានថ្ងៃក្តីក៏នាងមិនជឿថាគេប្រព្រឹត្តិបែបនឹងឡើយ។
"ទៅយកអាវក្រៅមកឲ្យយើង" គេបញ្ជាដោយសំឡេងស្មើដូចគ្មានកម្លាំងកំហែង រ៉ូឃីក៏ប្រញាប់ឡើងទៅខាងលើយ៉ាងលឿន យកអាវក្រៅមកឲ្យគេ។
នាងរត់ឡើងចុះសឹងតែរអិលជើងធ្លាក់ពីលើកាំជណ្តើរទៅហើយ ពេលយកអាវមកឲ្យគេនិង។
"លោក អាវរបស់លោក" នាងហុចអាវទៅឲ្យគេ ដោយសម្លឹងមើលមុខរបស់គេដែលក្រៀមស្រពោនព្រោះតែបារម្ភពីរឿងប្អូនប្រុស។
"នៅផ្ទះ"
"ខ្ញុំសុំទៅជាមួយដែរបានទេ?" ពេលគេទទួលយកអាវមកពាក់ នាងស្នើរសុំទៅជាមួយ ដោយដើរចូលទៅក្បែរគេ ក្រសោបប្រអប់ដៃគេថ្នមៗ គេសម្លឹងមុខនាងវិញដោយដកដង្ហើមធំ ទីនោះជាប៉ុស្តិ៍ប៉ូលិស ជាកន្លែងឃុំឃាំងដាក់អ្នកទោស មិនមែនកន្លែងលេងឡើយ។
"វាមិនមែនកន្លែងដែលនាងគួរទៅទេ..."
"ប៉ុន្តែខ្ញុំចង់ទៅជាមួយលោក ចង់នៅក្បែរលោកផ្តល់កម្លាំងចិត្តឲ្យលោក ទោះជាខ្ញុំមិនអាចជួយអ្វីបានក៏ដោយ សុំអង្វរពិតមែនណា៎ ខ្ញុំមានតែលោកនោះទេដែលជាខ្នងបង្អែក" គេសម្លឹងនាងហើយក៏ទាញនាងមកឱប ដោយអង្អែលក្បាលនាង ខាំបបូរមាត់ទប់កំហឹង គេនឹងមិនឲ្យអ្នកដែលធ្វើបាបប្អូនរបស់គេបានសុខទៅណាឡើយ ត្រូវតែមកទទួលកម្មពៀរនេះត្រលប់ទៅវិញ។
•••
ប៉ុស្តិ៍ប៉ូលិស...
នៅក្នុងបន្ទប់សាកសួរចម្លើយ ដោយដៃរបស់ជុងហ្គុកត្រូវជាប់ខ្នោះ អង្គុយនៅទល់មុខអ្នកសួរចម្លើយ គេក៏មិនបានខ្លាចរអាឡើយ ព្រោះគេមិនបានប្រព្រឹត្តិវានោះទេ គេមិនមែនជាក្មេងលេងថ្នាំ គេគ្រាន់តែចង់សប្បាយដោយចូលក្លឹបផឹកស្រាបណ្តើរស្រីស្នេហ៍តែប៉ុណ្ណោះ។
"ខ្ញុំសួរលោកតើលោកពាក់ព័ន្ធអ្វីនឹងក្មេងៗលេងថ្នាំមួយក្រុមនោះ? ជាអ្នកលេងថ្នាណដែរមែនទេ? តើលោកទិញថ្នាំមកពីណា?" ជុងហ្គុក អស់សំណើចជាខ្លាំង គេងើបមុខមកសម្លឹងប៉ូលិសដែលកំពុងតែសួរចម្លើយគេ ពិនិត្យឈាមគេឃើញមានសារធាតុញៀន ទាំងដែលគេមិនដែលញៀនថ្នាំឬក៏លេងថ្នាំឡើយ។
"ខ្ញុំសួរហេតុអ្វីក៏លោកមិនឆ្លើយ? ចង់ពន្យាពេលដល់អង្កាល់ទៀត?" លោកប៉ូលិសដូចជាចិត្តក្តៅដ៏ហើយ បម្រុងលើកឯកសារមករកវៃគេ ប៉ុន្តែដូចជាកាចដាក់ខុសមនុស្សហើយ។
"ឈប់ភ្លាម" សម្រែកមួយទំហឹងរបស់ប្រុសកំណាច ធ្វើឲ្យអ្នកដែលនៅទីនេះសភ្នែកសំព្រុស គេដើរចូលទៅក្នុងបន្ទប់សួរចម្លើយ ដោយមិនខ្វល់ថាអ្នកណាឲ្យចូលឬមិនឱ្យនោះទេ ប្អូនរបស់គេនៅក្នុងនេះ គេក៏ត្រូវតែចូលទៅជាដាច់ខាត។
"ខ្ញុំកំពុងតែធ្វើការលោកមិនអាចចូលមកផ្តេសផ្តាសបានទេ" លោកប៉ូលិសម្នាក់នេះដូចជាមិនខ្លាចបងធំបន្តិចសោះឡើយ គេថែមទាំងខាំធ្មេញនិយាយដាក់ទៀត។
"ខ្ញុំមកយកប្អូនខ្ញុំទៅវិញ បើចង់ធ្វើការក៏ធ្វើឲ្យត្រឹមត្រូវ មិនមែនធ្វើដោយប្រើដៃប្រើជើងចង់វៃប្អូនខ្ញុំទេ តែប្រសិនបើលោកហ៊ានតែធ្វើឲ្យប្អូនខ្ញុំមានរបួសស្នាមតែបន្តិចខ្ញុំមិនលើកលែងឲ្យលោកឡើយ" គេក៏ខាំធ្មេញនិយាយទៅវិញផូងៗ ស្របពេលអ្នកផ្សេងក៏មកដោះខ្នោះចេញពីដៃឲ្យជុងហ្គុក បានរួចខ្នោះដៃនេះ គេត្រូវដាក់ខ្នោះទាំងពីថ្មើរណាក៏មិនចាំ ព្រោះតែគេសន្លប់មុនមកដល់ប៉ុស្តិ៍ប៉ូលិសទៅទៀត។
"ប្រើលុយទៀរហើយឬ?"
"ហើយយ៉ាងម៉េច?" តេងឆុលដែលជាប៉ូលិសសួរចម្លើយជុងហ្គុក ក៏អើតមើលទៅខាងក្រោយខ្នងរបស់បងប្រុស ឃើញប្អូនប្រុសគេរួចខ្នោះហើយ ក៏ព្រោះតែយកលុយមកធានាខ្លួនប្អូនទៅ។
"ខ្ញុំនិយាយបានតែពាក្យថាខ្ញុំមិនដឹងរឿង ខ្ញុំស្រវឹងសន្លប់ហើយក៏ដឹងខ្លួនមកដល់ទីនេះបាត់ទៅហើយ" ជុងហ្គុក ចងចិញ្ចើមនិយាយទៅកាន់លោកប៉ូលិសតេងឆុល ដែលគេក៏មិនសូវជាចូលចិត្តបងប្អូននេះឡើយ ព្រោះយល់ថាពួកគេជាអ្នកមានធ្វើបាបអ្នកតូចទាប។
"ចេញទៅចាំក្នុងឡានទៅ ហើយក៏មើលរ៉ូឃីផងកុំឲ្យនាងចូលមកក្នុងនេះឲ្យសោះ" រ៉ូឃីឬ? តេងឆុលឮឈ្មោះនេះហើយ ក៏សម្លឹងមើលមុខថេយ៉ុង ប៉ុន្តែគេមិនបានសួរនាំអ្វីឡើយ។
ដោយក៏ទៅនិយាយគ្នាពីរឿងជុងហ្គុក នឹងដោះស្រាយកុំឲ្យយកគេមកដាក់ខ្នោះដូច្នេះទៀត ព្រោះតែបងមិនចូលចិត្តឃើញប្អូនធ្លាក់ក្នុងសភាពបែបនឹងទេ។
ជុងហ្គុកចេញមកដល់ខាងក្រៅប៉ុស្តិ៍ចូលឡានក៏ឃើញរ៉ូឃី អង្គុយរង់ចាំទាំងធ្វើមុខកម្សត់ នាងសម្លឹងគេភ្លឹះៗ ប៉ុន្តែមិនហ៊ានសួរឡើយ។
"ខ្ញុំមិនអីទេ" គេចូលទៅអង្គុយក្បែរនាង ដោយប្រាប់ដូច្នេះទោះនាងមិនហើបមាត់សួរក៏គេអាចមើលដឹងដូចគ្នា។
"ចុះបងលោក ពេលណាចេញមកវិញ?"
"មិនដឹងទេ" រ៉ូឃីបើកទ្វារចេញពីក្នុងឡាន ទើបជុងហ្គុកចេញមកតាម គេចាប់ទាញដៃនាងមិនឲ្យចូលទៅខាងក្នុងឡើយ ព្រោះវាមិនសប្បាយលេងឡើយ។
"ខ្ញុំចង់ចូលទៅរកគាត់"
"បងខ្ញុំផ្តាំមក មិនឲ្យនាងចូលទៅឡើយ កុំរឹងបានទេ?" គេសង្កត់សំឡេងប្រាប់ដល់នាងដែលរឹងរូសចង់ចូលទៅខាងក្នុងប៉ុស្តិ៍ ស្របពេលនោះផងដែរ ថេយ៉ុងក៏ដើរចេញមកល្មមជាមួយសុងហូ ទើបនាងគ្រលាស់ដៃចេញពីជុងហ្គុក ទៅរកគេ ដោយក្តីបារម្ភ។
"លោកមិនអីទេឬ?" សួរបានន័យថាយ៉ាងម៉េច? គេមិនបានកើតស្អីទេ អ្នកដែលអីគឺជាប្អូនប្រុសរបស់គេទៅវិញទេ ត្រូវដេកក្នុងគុកមូសស៊ីយ៉ាងម៉េចទៅហើយទេ។
"នាងចូលឡានវិញទៅ"
"រ៉ូឃី"
_______
អ្នកណាហៅ? ហើយតេងឆុល ត្រូវជាអីនឹងរ៉ូឃី?
