نجْمَة

البداية

ليلةٌ بعِنوان :
" يَـ رب اسمع رُوحي ..

الساعة الثانية عشر من بعد منتصف الليل "
بديت اكتب مذكراتي الكم ما عندي فكرة منين ابدي لكن
راح اكتب الي اذكره عن كل شي عشته منذ ولادتي الى
الوقت الحالي نسيت اكلكم ، اسمي نجمة نعم مثل الي بالسما هيج سمتني ماما ...

اكثر شي محزن ممكن الانسان يعيشه بهذا الكون أن يكون وحيد بين عشرات الارواح الي تحيطة ، اجيت لهل دنيا
واني اسمع كلامهم الي عيشني بخوف لهذا اليوم ...

" هاي شلون راح تعيش بدون امها !!

كانت هاي الجملة مرسوخه بعقلي وكل روحي وكأنهم يحذروني من المستقبل المخيف القادم ! رغم نباهتي بصغري لكن كنت اتظاهر بعدم معرفتي لكل شي يدور حولي
بعد رحيل ماما بـ ٥ سنوات بابا تزوج من سارة الانسانة الاكثر حنية بحياتي لكن رغم حنيتها بس مكدرت تغير من نظرة بابا تجاهي صار عندي ٢ اخوات رنا وا وّد ما كانوا يشبهوني هواي رغم البقية يشبهوهن بيه كانت ود حنونه رغم طمعها بـ حُب بابا ورنا كانت ذكية لكنها تحب نفسها اكثر من كُلشي ...

طفولتي جانت طبيعية رغم بين الفترة والثانيه چنت احس
بـ فرق المعاملة بيني وبين اخواتي ويمكن لان اني وحيدة بينهم لكن ما كنت احس بهل شي لان بيبي زمرد موجودة وعماتي جانت تحبني هواي وتعطف عليه يمكن هيه الشي الوحيد الي خلاني اصبر على هل شعور المزعج ...

.................................................................................
٣٠ /١٠ / ٢٠٠٧ ليلة الثلاثاء

نجمة : بيبي

زمرد : ها حبيبتي

نجمة : النجمات حلوات هواي

زمرد : ههههه لانو يشبهوج

نجمة : بيبي صدك

زمرد : اي حبيبتي

نجمة : بيبي منو سماني

زمرد : امج الله يرحمها

نجمة : بيبي الي يموت وين يروح

زمرد : يروح بمكان حلو

نجمة : لعد ليش ما اخذتني وياها

زمرد : اسم الله يمه لا تكولين هيج

نجمة : بس اني اريد وياها

زمرد : يعني مليتي مني ها ؟

نجمة : لا بيبي بس اريد احجي وياها

زمرد : اي هيه تسمعج

نجمة : والله

زمرد : اي والله

نجمة : شلون تسمعني

زمرد : باوعي للنجمات واحجيلها راح تسمعج

نجمة : يعني هيه عايشه بالنجمات

زمرد : اي حبيبتي عايشه بيهن حاجيها وشوفي شلون راح يلمعن