نجْمَة

"إطالة النظّر إليها شِفاء"

أعتذر للذين إضطروا لكراهيتي دون أن أقصد . . .
للذين إنتظروني طويلا ولم آتي، للذين وصلتهم قبل أن ينتظروني، لكل من كوّن ذاكرتي ونسيته،
للذين علموني كيف أكتب إسمي ومحوتهّم، للمجهولين في غرف الذاكرة ويتلمّسهم عمّاي، للذين شاركوني الغرق وإنفردت بالنجاة، للذين
أحبهم جدًا وأبدو كَـ من يحبهم أقل .

مَرات من شدت حُبنا لـ انسان نبتعد عنه ..

كانت هاي جملة منشورة بـ احد حسابات تويتر ، ما اعرف شكد استغرقت بالوقت واني صافنه عليها وأتأمل عمقها والي كتبها شكد كان عايش هل شعور ومتأذي منه ، هوه ممكن كتبها بدون شعور ؟ ما اعتقد يكدر الانسان يوصف شعور بدون أن يعيشه ولو قليل منه ، بعد رحيل زمرد وتوالي الايام علينا صار كل شي طبيعي مع مرور الايام اكثر
انشغال رباب بـ عملها وشراكتها مع ايه بـ مشروعها اصبح البيت اكثر هدوء ، اغلب الوقت كنت اكعد اراقب عمتي ام ايه وهيه تسوي اكل او تنظف البيت من الغبار و بالاحرى كانت هيه متعودة حتى وان ما كان هناك شيء راح تبقى تنظف كُلشي حتى يطمئن ضميرها ، بعد نهاية كل لليلة
كنت مستمرة بـ يومي البائس الي مكان بيه للون الحياة
غير سَما وحتى هيه الثانيه صارت تنشغل بحياتها ويقتصر لقائي بيها فقط بالليل ...

كنت كاعدة اتفرج على اليوتيوب واني اشوف وحدة من حلقات "ستيف هارفي" حسيت نفسي تغيرت وبديت اضحك من جديد مع كل مواقف ستيف مع الحضور
كان يتكلم بطريقة واسلوبة المضحك ، كنت مبتسمة طول هل ساعة ما كنت اعرف أن مهند منتبه عليه وبالبيت كان وهوه يباع عليه بـ نظرته الي كانت تحمل كل حقد دفين بداخله الي اصابني الرعب لمن شفته هيج صافن عليه بقيت ساكنه بمكاني واني خايفه من شعوري وترقبي للقادم
حاولت ما ابين على نفسي هذا الشعور ، بعد مرور ثواني على هذا الشي خرج من البيت غلقت تلفوني واثناء ما اريد اصعد لغرفتي حاجتني ام ايه ...

ام ايه : نجمّة

نجمّة : ها عمه

ام ايه : لعد وين ابوج

نجمّة : طلع

ام ايه : ها تمام

نجمّة : هوه شنو يريد

ام ايه : ما ادري والله سأل على رباب

نجمّة : تمام

صعدت لغرفتي وكعدت على سريري ، حسيت بـ الملل كانت الساعة قريبة على اذان المغرب ، خليت راسي على المخدة وبديت اغمض عيوني ، بعد غفوة حسيتها دامت
كثير من الوقت لكن كلها كانت مجرد دقائق كفيلة أن تريح تفكيري وخوفي الي حسيت بيه قبل نومي ، ما اذكر أن فكرت بـ مستقبلي بـ يوم من الايام بقدر هل ايام الي مضت
كُلشي كان يحوم بـ مخيلتي من قلق ومجهول من القادم يمكن الشي الوحيد الي مطمني أن راح اكون بخير هوه وجود رباب وبيت عمتي ام ايه ، نطرق باب الغرفة ...