نجْمَة

شُجى النفس

روحي مشوشةً
لأن الليل لا يدرى شيئاً عني
وقد بكيتُ بمرارةٍ
على حاشيةِ السكوت
شاكيةً من الأفعال،
نادمة على الأقوال.

ليلة الامتحان الاخير ..
عند الساعة 12 بعد منتصف الليل كنت غارقة بالقراءة والمراجعة الاخيرة ، تركت كل مشاعري خلفي وبديت اركز بالقادم لان هذا مستقبلي الي راح ينقلني لتجربة ثانية بعيدة عن جو الماضي ، وكذالك راح يحدد هويتي كل تركيزي كان بالمواضيع الي كنت ما مضبطتهم على الاخير ، بينما كنت اقرا قاطعني صوت دُره وهي تصيحني ...

نجمّة : ها دُره

دُره : : اكلج اني مجايني نوم

نجمّة : واني هم

دُره : والحل

نجمّة : ما اعرف شنسوي نكمل قراية احسن

دُره : اني كملت بس اراجع وياج وانام اذا نعست

نجمّة : زين

تمددت على السرير واني كاعدة اقرا مقابيلها ..

دُره : نجمّة

نجمّة : ها

دُره : انتِ منو يتحكم بيج قلبج لو عقلج

نجمّة : شهل سؤال ههههه

دُره : هيج خطر على بالي

نجمّة : شوفي حسب يعني اكو مواقف يحتاج العقل يتخذ قرار والبعض القلب

دُره : مثل شنو الي يتحكم قلبنا بيه

نجمّة : همم الحُب ممكن

دُره : شلون الواحد يكدر يقاوم قلبه ويبقى مصر على عقله

نجمّة : اذا كان الموضوع يضر الروح اكيد يستخدم عقله

دُره : بس احنا من نحب راح ننسى عقلنا

نجمّة : صح

دُره : اذا صح وهل حُب راح ياذينا شلون

نجمّة : بهل حاله راح نتعلم من اذيتنا والمره البعدها مراح يكون للقلب قرار

دُره : بس هم ما لكيت الأجابه

نجمّة : دُره لمن نحب ونفشل هاي مو خسارة حتى نتخطاها ، هاي تجربة وتعلمنا منها هواي

دُره : اي صح ، خلي نكمل قرايه

كان يلفتني طريقتها بالقراءة تحرك اصابعها كانها ترسم نوتات موسيقى على الهواء ، وبنفس اللحظة ينتابني شعور بالضحك على وضعها ، بقيت اقرا لحدما حسيت بتعب غفيت واني على الكرسي ، ما حسيت نفسي الا والكتاب واكع من ايدي فزيت على ايدها وهيه تسندني حتى انام بـ سريري ، مددت جسمي على السرير بين ما كنت اغمض تمددت بجانبي ونامت حسيت الشعور مريح نوعا ما ...