نجْمَة

دُره الصغيرة✨

قضينا من الحياة ما يكفي لنلهو، الآن نستحق محبةً كاملة، و ودادًا صادقًا غير محتمل، أُلفة نطمئن بجوارها، ونافذة شك مغلقة، وباب يقين مشرَّع، وأرض آمالٍ نحرث ثمارها، ونهايات سعيدة محكمة.

كان الظلام يحيط بجدران الغرفة ، الظلام ولا شيء اخر
نهضت من مكاني احاول المح شي بعيوني لكن لاشيء
استندت على حائط الغرفة حتى وصلت الباب فتحته
كان الضوء شديد ، كل هذا كان بسبب تعبي وخلودي للنوم بصورة عميقه نزلت للطابق الارضي ، كنت اتساءل بنفسي وين ماما ، معقولة نايمة؟ ممكن
فتحت الثلاجة كنت احس بجوع بوقتها ، باوعت على الساعة كانت منتصف الليل ما كان الي قوة اطبخ شي
اكتفيت بقطعة كيك وعصير بارد ، جلست على الطاولة
بعيون مغلقه من النعاس اكلت وشربت العصير ، بعدها رحت للصاله فتحت التلفزيون وتمددت كنت اراقب الأخبار
رغم مو من محبيها لكن كانت تنطيني جو السن الكبير
الوعي والمسؤوليه بالي كاعد يصير بمحيطي ، بعد ما كنت مندمجة بالمشاهدة حسيت احد نزل من الدرج التفتت كانت درة رجعت اباوع بدون اعير للموضوع اهمية
دخلت للمطبخ بدون ما تكلي شي ، هاي الفتاة بيها شي مو صاحية ، ابتسمت وبقيت اتفرج بعدها اجت عليه حسيت انتبهت لوجودي ...

دره : هلو كعدتي

نجمّة : هلو دره اي

دره : جوعانه ؟

نجمّة : هسة اكلت كيك وعصير

دره : ها واني اكول منو ماكل الكيك مالتي

نجمّة : الج هوه ؟

دره : الف عافيه مو مشكلة

نجمّة : اسفه مجنت اعرف

دره : لا شدعوه تتأسفين مو مشكلة اساسا مراح اكلها

نجمّة : ها زين

بعدها رجعت للمطبخ حسيتها نقهرت بقيت اضحك
حسيت نفسي سويت مصيبه ما سيطرت على نفسي
وما چنت اعرف هيه دا تشوفني اضحك قاطعني صوتها ...

دره : ها تضحكين

نجمّة : هههههههه اسفه

دره : لتتأسفين عليمن تضحكين

نجمّة : الصراحة

دره : اي بالله

نجمّة : عليج هههههههه

دره : عليه !! ليش اني شبيه

نجمّة : لا شنو عليج

ياللهي اني جفصت هسة شسوي ...

نجمّة : لا حبيبتي مو عليج قصدي بس هيج شوفي طريقتج من كتيلي على الكيك ضحكتني مو شي ثاني

دره : ها طريقتي هيج قصدج

نجمّة : اي ههههههههه

دره : وبعدج تضحكين

نجمّة : ههههه لا خلص خلص

دره : اي عوفج من طريقتي تعالي ويايه نسوي معكرونه