نجْمَة

مَـلك ✨

وفي هذا المساء الهادئ
سأغلق باب غرفتي ورائي متجهاً نحو النهر
عليَّ أن أتوقع قبلة على الخد
أو خنجراً في العنق
ومن الممكن أن ينتظرني قمر أو قنبلة
زهرة بنفسج أو قبر
عليَّ أن أتوقع كل شيء
فالمساء هادئ
المساء ليس هادئًا!

- رياض الصالح الحسين

في زمن الحقيقة يكون الكذب مُقنع ، هاي جملة كان المفروض اعرفها من زمان ، توالت الايام كانت صحة مَـلك تسوء لكن ما تحسسني بشي حتى اقتربت امتحاناتي وما تبقى الا ليلة واحدة تفصلني بقيت خايفه ليلة باكملها سوينا مراجعة بالكروب بينا علمود نراجع كلشي ووحدة تفيد الثانية في حال ناسية شي مهم ، مع اقتراب الساعة من الثامنة ليلا رن هاتفي ، فتحته كانت ماما ...

نجمّة : الو ها ماما

مَـلك : ها حبيبتي شلونج

نجمّة : الحمدلله اني زينه انتِ شلونج

مَـلك : اني اكون بخير من اسمع صوتج

نجمّة : ياروحي بس اني خايفه من باجر

مَـلك : لتخافين حبيبتي انتِ كدها واني واثقه بيج

نجمّة : ماما بس ما ادري

مَـلك : اطمني حبيبتي هسة انتِ وين

نجمّة : اني بغرفتي

مَـلك : زين نطيت رباب شي خلته الج كدام باب غرفتج كومي اخذي

نجمّة : شنو هذا الشي

مَـلك : مدري شوفي ههههههه

نجمّة : زين ابقي ويايه على الخط

كمت من مكاني فتحت باب غرفتي ، واكفه كدامي !!
مَـلك ، ردة فعلي كانت عفوية لمن حضنتها ، فعليا كنت بطولها ، نسيت نفسي من حضنتها بقوة ، شميتها لمن ملت روحي برائحتها ، شعور غريب عطرها كان يوسع كل صدري من اشمها واحس نفسي تعافيت من كل تفكير والم بداخلي ، طمأنينة عظيمة بحضنها ...

مَـلك : احبج نجمتّي

نجمّة : واني اموت عليج ماما ليش مكتيلي راح تجين

مَـلك : هههههه سويتلج مفاجأة

نجمّة : يله تعالي يمي بالغرفة

دخلنا لغرفتي ، كان وجها شاحب وتعب واضح على صوتها كعدت على السرير واني كعدت على الكرسي

مَـلك : حبيبتي كملي قرايتج راح راح اباوع عليج

نجمّة : يله زين