نجْمَة

مَـلك ✨

١٠:١٠ صَ |
"كيف تكون ناعماً و رقيقاً في مكان مليئ بالأشياء الحادة؟"

سَما : نجمّة

نجمّة : ها سَما

سَما : كعدي كافي نوم

رباب : حبيبتي بيج شي متوجعه

نجمّة : بس فكي ياذيني

رباب : سوده عليه

سَما : نجمّة عفية لتحجين هسة ياذيج بالزايد

ام ايه : حبيبتي اجيبلج عصير

رنا : اي عمه هسة اني اجيبلها

راحت مسرعة للمطبخ تجيب الي بدون ما اكلها اي موافقة
صغيرتي كانت اكثر الناس مهووسين بـ شفائي ...

رباب : على كيفج رنا حبيبتي

رنا : اي عمه

سَما : لا هيج اني اغار بعد

رباب : ههههههه

ام ايه : بعد رنا الحنينه هاي

رباب : فدوه لوجهج عمتي

رنا : تشربيه كلياته ها

نجمّة : اوك ههههه

سَما : باع نجمّة شون فرحانه عيني

رباب : اي من حقها تدلل

سَما : هههههه

بقيت اراقبهم وهمه ياكلون ، شتاقيت لطعم الاكل وحسيت معدتي بدأت تتعود على الاشياء السائلة وتكتفي ، حديثهم
وقصص رباب المضحكة كانت تغير جو الجمعه وتخليلها حياة ثانية ...

رنا : عمه احجيلنا عن صديقاتج بالمدرسة

رباب : هههههه شوفن اني صديقاتي هواي

سَما : اي نفسنا

رباب : عفية

رباب : جانت ماريا وسهاد ومريم ووفاء بت عمي همه ذولي صديقاتي بس

ام ايه : وملاك هم

كالت الكلمة وحسيتها حجت شي المفروض ما تكوله كدامنا نظرة عمتي الها فتحت هواي ابواب بداخلي للفضول
صمتت شويه وبعدها كملت ...

رباب : ملاك مجانت صديقتي وبس

رنا : عمه منو ملاك

رباب : ام نجمّة

رنا : يعني هي صديقتج

رباب : اكثر من هل شي كل شيء ممكن اوصفه بحقها اكون مقلله من قيمتها

رنا : يعني عمه من يمتى تعرفيها

رباب : اصغر من عمرج هذا بهواي واني اعرفها

رنا : يعني هي اقرابنا

رباب : لا

ام ايه : يله كملوا اكلكم