"ကိုကို ကလည်း ကိုယ့် ညီမလေး ကို တခါတလေ လေး လိုက်ပို့ရတာ လေးကိုပြုံးပြုံးရွှင်ရွှင်လေးနေပါ"
"ကိုကို မအားဘူး ကွ ၊ နောက်ပိုင်းမှာ အလုပ်တွေက ဒီအတိုင်းထားခဲ့ရတာ..."
"အဲ့ အလုပ်တွေက မသေမချင်း တသက်လုံးလုပ်သွားရမယ့်ဟာ...ညီမလေးနဲ့ ဒီလိုအပြင်သွားတဲ့အချိန်လေးတော့ ပျော်ပျော်ရွှင်ရွှင် နေပါ..."
"ဟုတ်ပါပြီ ၊ မယ်မင်းကြီးမရယ် ... ခင်ဗျား လေးအလိုကျ ပြုံးထားပါ့မယ်နော်..."
ပြောလည်း ပြော သွားတွေအကုန်ပေါ်အောင် တမင် ရွဲ့ ပြီး ပြုံး ရယ်ပြလိုက်တော့မှ မြတ်နိုးက သဘောကျသွားဟန် ရယ်မောကာ...
"ဒီလိုမှ ပေါ့ ..အာ့လို ပြုံးပြုံးလေးနေ အဲ့ကျမှ ညီမလေးလည်း ကိုကို့ ပိုက်ဆံတွေကိုသုံးရတာစိတ်ချမ်းသာမှာပေါ့ အခုတော့ ကိုကို က မကျေနပ်နေတဲ့ရုပ်ကြီးနဲ့ ဆိုတော့ ညီမလေး က တကယ် အားနာတယ် ... ''
ထိုစကား ကိုတော့ သူအမှန်ပဲ သဘောကျစွာ ဟက်ဟက်ပက်ပက် ရယ်လိုက်မိသည်။
"ဟားဟား ... Drama တွေလာချိုးပြန်ပြီကွာ..."
"တကယ် အားနာတာပါဆို ကိုကိုကလည်း"
"အနောက် အခန်းထဲမှာ အပြည့်ပါလာတဲ့ အထုတ်တွေကို ပြန်ကြည့်ပြီးမှဆက်ပြောပေါ့...ဟုတ်ပြီလား..."
ထိုအခါမှ မယ်မြတ်နိုး က အနောက်ကို တင်ပါးကြွပြီး ပြန်လှည့်ကြည့်ကာ...သူမ ဝယ်လာ တဲ့ ပစ္စည်းတွေက တကယ်ကို ကားနောက်ခန်းပြည့် လုနီးပါးဖြစ်နေတာမြင် မှ ...
"ဟီး...ဟုတ်သားပဲ...နဲနဲလေး လက်လွန်သွားတယ်... ဘာလဲ ကိုကို က ငြိုငြင်တာလား..."
ဒါ သူမလေး ရဲ့ နောက်တနည်း...ရစ်နည်း...ဒါကို ခမ်းနား အသားကျနေပြီးသား...ဒါကြောင့်ပဲ...
"ဟာ...ငြိုငြင်စရာလား... ကိုကို့မှာ ဖြုန်းပေးဖို့ ကို အဲလေ... မှားသွားလို့ သုံးပေးဖို့ ကို ဒီညီမလေး ပဲ ရှိတဲ့ဟာ ... "
"ဟွန့်...ပြီးရော..."
တကယ်ဆို သူ က မြတ်နိုး ပြောလည်း ပြောချင်စရာ...
ယခုလို ဟိုသွားဒီသွား အချိန်ကုန်နေတာတွေ ကိုအမှန် သဘောမကျတာ။သူ့ရဲ့ ပိုင်ဆိုင်သမျှ.. အချိန်တွေ အားလုံး ကို အလုပ်ထဲမှာပဲ နှစ်ထားချင်မိ၏။
YOU ARE READING
ခမ်းနားကမ္ဘာငယ်
Romanceအမုန်းတရားပြိုင်ရင်မင်း နိူင်ပြီး ချစ်ခြင်းတရားပြိုင်ရင်တော့ ကိုယ်ကအမြဲအရှုံးပေးပါ့မယ်.... #မင်းခမ်းနား#
