عشق الوحوش والشياطين

الفصل 2

الفصل 2
نبدأ بالصلاه على النبي ❤️
في الصباح عند نور كانت بتاكل وفجأه خبط الباب ⚡⚡⚡⚡
امل : ايوه يا عم جايا الله وفتحت الباب ولقت عسكري في وشها بيقول: ده بيت امل شريف ممدوح
امل :ايوه انا خير ايه المصيبه الجديده
العسكري باستغراب لاني ده المره التانيه اللي يسمع كلمه مصيبه: أمضى هنا
امل : ليه هتمضيني على وصل امانه
العسكري بضيق :أمر تكليف أمضى وخلصيني
امل بزهول: تكليف 
امل مضت وقراءت الورقه وبعد دقيقه :
عاااااااااااااااااا
ممدوح وأسماء ورباب امها بخضه: في ايه
رباب : في ايه يا امل انطقي
امل : لا مش عايزه اروح انا مالي انا
أسماء: انطقي يا بت في ايه
امل ادتهم الورقه وقالت بتذمر
'' هيودوني مستشفى عسكري يابا ''
ممدوح قرأ الورقه وقال: والله خير هنرتاح منك كام شهر
رباب : بضحك احسن علشان تبطلي مصايب
امل بولوله: ياشماته ابله ظاظا فيا انا هروح للبنات عدوني ومسكت التلفون ورنت و....
..........................................
عند آيات كانت بتاكل مع عائلتها الفطار والباب خبط ⚡⚡⚡⚡
هنا: هاروح افتح انا
آيات وهي بتاكل: يخليكي للغلابه أبت اهنا
هنا ضحكت وفتحت الباب ولقيت العسكري وقال نفس الكلام هنا دخلت وهي جرى وبتقول: يا ماما يا بابا يا آيات
امينه: خير يا هنا في ايه
عادل: تلاقيها مصيبه عملتها بنتك
آيات وهي رايحه تشرب مايه: معملتش حاجه يا دوله والله
هنا لآيات :أمر تكليف ليكي يا آيات في الجيش
آيات شرقت وقعدت تكح :كح كح ايه كح كح
عادل: وريني كده يا هنا
هنا ادتله الورقه وقراءها وقال لآيات بشماته: احسن اهو تتلمي شويه
آيات : ايه يا حج هو انا مش بنتك والا انت لاقيني قدام معبد يهودي
امينه بضحك :روحي يا حجه شوفي البنات ليكوني معاكي والجيش يخرب
آيات وهي راحه لاوضتها سمعت هنا بتقول: لو هما الخمسه رايحين الجيش هيولع
آيات رجعتلها تاني وقالت: كده يا اسماعيل ماشي مش هسيبلك اللابتوب
هنا بسرعه :لا والله ما يحصل ده انتو عصابه عسل
آيات مسكت التليفون ورنت و......
..........................................
عند حبيبه كانت نايمه ودخلت عليها ساره وهي بتقول: انت يا بت قومي يا زفته
حبيبه بنعاس: ايه في على الصبح سيبوني انام.
ساره: قومي يا حجه هتروحي الجيش
حبيبه اتعدلت بضيق: جيش ايه انتي كمان
اماني على الباب بضحك: هتروحي يا اختي كنتي طيبه والله
حبيبه قرأت الورقه وبصتلهم وقالت: هروح اشوف البنات لأحسن شكلها قصه مطوله
ورنت على البنات ووصل الرد من الكل حتى شمس بكلمه (مصيبه)
روان : هنعمل ايه انا مش فاهمه حاجه
امل : لا جدعان كله الا الصحراء دول بيقعدو باليومين من غير اكل
حبيبه : هو ده كل اللي هامك
شمس بإنهاء الكلام :الكل يتجمع
آيات : فين
مصطفى: تعالوا عندنا مفيش حد في البيت
الكل: ماشي سلام
..........................................
وبعد دقايق الكل قاعد في الصالون في بيت روان بيبصو لبعض بحيره قاطعها مصطفى وهو بيقول بغموض: ما تسألوا ال.......... اكيد يعرف حاجه
حبيبه بسخرية: والله مش هستغرب لو اللي عمل ده كله
شمس طب يلا نروح انا قلبي اصلا مش مطمن
..........................................
بعد فتره عند شمس في الصاله الكل قاعد وحسن كان في المطبخ
روان وهي بتاكل صباع موز: مبروك يا جدعان هنررح بالصلاه على النبي كده كلنا الجيش
امل وهي كمان بتاكل: بي يآ ماما انا عايزه انسى ومش عارفه 
آيات وهي بتاكل موز برضو: بقول لكم ايه هو احنا لو رفضنا هيحصل حاجه
مصطفى وهو بيضحك :عاده إللي بيهرب من للجيش بيتسجن طب اللي بيهرب من الطب العسكري
روان وأمل في نفس الوقت: يسامحوا
مصطفى معتقدش
حبيبه : يا شماته الواد عمر فينا
روان بغيظ :هيشمت فينا ابن مريم
امل ومصطفى :بقولك ايه يا شمس انتو عندكم ايه غداء
شمس: والموز اللي بتتطفحوه ده ايه هاا
روان : الاه هو انتي اللي هتغدينا ده ابو علي حبيبي
شمس بغيظ :حبك برص
حسن بضحك من وراهم: يلا يا بنات تعالو اتغدوا
مصطفى وهو رايح للسفره: يخليك الغلابه يا ابو علي
على السفره روان بتلذذ :الله على الملوخيه وطعامتها
امل : ما تتبنانه مع بنتك دي يا ابو علي ينوبك ثواب
حبيبه :ده على اساس اننا مش طابين كل يوم هنا
شمس بغيظ: قوليلهم
مصطفى :شايف يا ابو علي بيقولو ايه الحقودين دول
حبيبه بغيظ: بطلعلي لسانك يلاه
حسن بصلهم بضحك لأنهم شبه الأطفال: خلاص يا ولاد ها قوليلي هتعملوا ايه
آيات بلا مبالاه: ولا حاجه هنروح ونعمل مصيبه ونتطرد من اول اسبوع
امل : اتفق معاك يا ابو رحاب
حسن بحنان للبنات كلهم لأنه دايما شايفهم مش اقل من شمس حتى مصطفى
'' بصوا يا بنات انتوا رايحين مكان جديد ومش اي مكان وخلاص علشان تعملو مشاكل هناك ده الجيش يعني لازم التعامل هناك بجديه هناك الكل صارمين جدا ومش بيعدو اي غلط وخلاص فعلشان كده بقولكم من دلوقتي لحد ما تيجوا خفوا المشاكل وخليكم دايما مع بعض ودافعو عن بعض لو اي واحده حصلها حاجه الكل يبقى في ضهرها وانا عارف انكم مايتخفش عليكم بس بوصيكم على بعض ماشي يا بناتي ''
البنات بحب لهذا الرجل الذي لم يبخل عليهم ابدا في يوم بحنانه: ماشي يا ابو علي متخافش ده احنا العصابه يا راجل
..........................................
في الكتيبه في مكتب سيف دخل سليم من غير ما يخبط
سيف : ايه يا حيوان انت في حاجه اسمها باب
سليم : آسف يا وحش خلاص اخر مره المهم فهد بيقولك الجوابات وصلت  هما هيكونوا هنا خلال يومين
سيف : خلاص تمام روح وإياك تكرارها
سليم : تمام يا وحش سلام
سيف بغضب: قولتلك يا حيوان متقوليش هنا يا وحش
سليم؛ خلاص ماشي اوف.... بعد ما طلع: والله انا خساره في البلد دي واحد مش بيحب الهزار والتاني دايما ساكت تحسه الكلام بفلوس لا والتالت ده اللي عامل رعب للكتيبه كلها ول اااااه ايه يا عم فهد مش تفتح
فهد : ايه يا بيضه اتوجعتي وبعدين ماشي تكلم نفسك زي المجانين كده ليه
سليم : مفيش انت رايح فين دلوقتي
فهد : ولا حته وانتي على فين
سليم : هاروح اكل تيجي
فهد : اشطاا انا راشق
سليم بسخريه: في ظابط محترم يقول راشق
فهد بنفس السخريه قال: يعني هو اللي في ظابط يمشي يكلم نفسه
سليم بولوله وصياح: ياعم تعبت وعايز اخد اجازه بقى نفس اشوف الناس بدل الوشوش اللي كل يوم اشوفها دي
عدي من وراه: ومالها الوشوش دي بقي يا قناص
سليم بخوف من غير ما يبص وراه: ولا يا ببلاوي اللي بفكر في ده مش حقيقي صح
سيف من وراه برضو بسخريه: لا حقيقي يا سليم
سليم بص وراه وقال برعب من نظرات سيف وعدي المميته والمستمتعه من مالك : ايه ده سيف وعدي وكمان مالك متجمعين عند النبي والله يا جدعان
سيف بنبره مخيفه: كنت بتزعق دلوقتي يا سليم وبتقول عايز اجازه وايه تاني
سليم : مين؟ فين؟ ده اه اللي كان بيزعق ده مش انا
عدي :والله
حازم: ااه ده فهد وطلع يجري بأقصى سرعته
فهد بخوف: اه يا جبان
وبص لسيف وعدي وقال بابتسامه بلهاء
'' ههه طبعا لو قلت انه مش انا مش هتصدقوا ''
عدي : اممممم
فهد : انا قولت كده برضو وطلع يجري وهو بيقول ولا يا سليم استناني يا ياض
مالك ضحك عليهم والكل رجع لمكتبه
..........................................
تعريفات أهالي البنات
شمس
الأب حسن
الأم متوفاه
ياسين 26 سنه
أدهم وده..........هنعرف كل حاجه عنه بعدين
              ____________________
حبيبه
الاب جمال
الأم آمال
ساره 25 سنه
عائشه 24 سنه
اماني 12 سنه
أسر 5 سنين
____________________
روان
الأب الحج عبد الرحمن
الأم الحجه رضوي
خالد 25سنة
تبارك 20سنه
مصطفى 17 سنه
____________________
آيات
الأب عادل
الأم امينه
هنا 20 سنه
____________________
امل
الأب شريف
الأم رباب
أسماء 24 سنه
..........................................
(ملحوظه)
الشباب ابهاتهم من كبار رجال الأعمال في البلد
اما البنات فهم عايشين في حي شعبي من أحياء القاهره
(السلام عليكم)
Sabreen ❤️