الفصل 14
نبدأ بالصلاه على النبي ☺️
البنات كل واحده فيهم بعد اللي حصل ده مشيوا ورجعوا السكن والليل مقدرش يمحي اي حاجه من اللي حصلت سواء عند البنات أو الشباب وجه النهار والبنات دخلوا الحمام على حدي وكل واحده فيهم بصت على نفسها في المرايه لقيت شفايفها لسه متورمه غير الجرح اللي باين جدا على شفايفهم فكل واحده فيهم لبست كمامه خبت بيها وشها وكمان كاب علشان ميتلقوش عنيهم بالشباب فهم في النهايه قادتهم مريم خرجت من الحمام لقيت البنات عاملين كلهم كده
مريم باستغراب: ايه يا بنات عاملين كده ليه
شمس والبنات عرفوا من بعض ايه اللي حصل لأنهم عمرهم ما خبوا حاجه عن بعض
شمس بحزن خبته بهدوء: مفيش يا مريم بس شكلنا داخلين على دور برد
مريم: انتوا الكل
أمل : ايوه ويلا علشان منتاخرش
مريم خرجت والبنات بصوا لبعض باسي على اللي حصل
عدي اليوم والبنات اتجنبوا الشباب نهائي أو بمعنى متهربين منهم حتى الكلام والغداء محضرهوش ومشلوش الكمامه ولا الكاب من على وشهم بالرغم من تسأل علاء وباقي الطلاب عن كده اما الشباب فكانوا هيتجننوا من جهه مش عارفين يتكلموا معاهم ومن جهه مش عارفين حتى يلمحوهم
بالليل الساعه 2
تليفون شمس رن برساله البنات قاموا لأنهم مناموش بيفكروا في اللي حصل ده ماعدا مريم كانت لسه نايمه الرساله كانت من زين
(انا زين يا بنات اطلعوا على السطح انا فوق مستنيكم)
البنات بصوا لبعض بخوف معنى وجود زين هنا انه ممكن يكون عرف البنات مش لبسوا الكمامه لاني المكان ضلمه فوق وطلعوا للسطح زين كان واقف وضهره للبنات
البنات بخفوت: زين
زين بصلهم لقاهم بصين في الأرض قالهم: اقعدوا يا بنات
زين قعد على الأرض والبنات قدامه
زين بهدوء: ارفعوا وشكم من الأرض
البنات رفعوا وشهم لزين ونظارتهم مليئه بالحزن والجمود
زين بغموض: في ايه
البنات بعد فتره من السكوت قالوا بوجع:
عملنا حاجه حرام وغلط يا زين احنا عايزين نمشي من هنا
زين بغموض: الا وهي
البنات بصوا للأرض بانكسار
زين غمض عنيه وقال: بادلتوهم
البنات بصوا بذهول وقالت شمس بصدمه: ايه
زين فتح عينيه وقال: قولتلكم اني عارف تحركاتكم
حبيبه بشك: بس مش للدرجه دي يا زين
زين ابتسم وقال: فعلا انا لسه عارف من شفايفكم المجروحه دي انهم باسوكم
البنات بصوا في الأرض بخجل من نفسهم
زين اتنهد وقال: بادلتوهم
البنات هزوا دماغهم بسرعه بلا
زين بابتسامه علشان يطمنهم: تبقوا مش غلطانين
روان بصدمه: ازاي ده كان غلط وحرام
زين بغموض: مين قال اني ده مش حرام ولا حتى غلط انتوا غلطوا لما روحتوا في وقت زي ده ليهم ولوحدكم وهما كمان غلطانين واكتر منكم و.... انا كنت عارف اني ده هيحصل
البنات بصدمه أشد: نعم
زين: هههههه
امل بذهول: زين انت بتتضحك لا بجد كنت عارف ومع ذالك خلتنا نروح
زين بصلهم: اولا انا كنت متوقع مش عارف ثانيا انا مكنتش اعرف انهم هيطلبوكم في نفس اليوم ثالثا بقى وده الأهم كل واحده منكم تحكيلي هي قالت ايه
البنات حكوله اللي قالوه للشباب
زين بصدمه: الله يخربيتكم ده كله
آيات بتذمر: بالله عليك يا زين بلاش تقطيم
زين: تقطيم ايه ده انتوا فلتوا العيار ومستغربين هما عملوا كده ليه ده يبقى حقهم بقى
البنات بغضب: لا يا زين مش حقهم ابدا
زين بهدوء: عقاب العاشق
شمس باستغراب: ايه
زين بهدوء: انتوا زودتوها علشان تبينوا غيرتهم وكمان عاندتم معاهم بطفولتكم دي فالنتيجه كانت دي وشاور على شفايفهم فبالتالي غيرتهم سيطرت عليهم وكانوا عاوزين يعاقبوكم بس بطريقتهم وده اللي اكدلي فعلا انهم حبوكم وانتوا كمان
روان بحزن: زين احنا عايزين نمشي من هنا اتصرف
زين بتعنيف: كفايه وجع في نفوسكم بقى ومش هتمشوا من هنا غير لما المده تخلص عارفين ليه لأنكم عمركم ما دقتم السعاده ولا الحب في يوم ويوم ما دقتوها وحبيتوا تقدروا تقولولي ليه مضربتهومش أو حتى وقفتوهم كل واحده فيكم كانت هتقدر عليه ده انتوا في عمركم ما في راجل عرف يقرب يتكلم بس فما بالكم باللي عملوه الشباب ها ردوا عليا
البنات بصوله وسكتوا دي فعلا حقيقه هما برغم اني عارفين اني ده حرام محاولوش يبعدهم كأن قدرتهم انسحبت لما هما قربوا منهم وفعلا زي ما قال زين هما مبعدوهومش ومحاولتهم كانت ضعيفه لاني دي كانت أول قبله ليهم ومن اللي قلبهم دق ليه
زين فوقهم من سرحانهم وقال: تعرفوا ليه مقاومتكم كانت ضعيفه
البنات بتوهان: ليه
زين ابتسم عليهم وقال: لاني قلبكم كان عايز كده عقلكم كان شبه متوقف هو فعلا اشتغل بمقاومه ضعيفه كرد فعل لكن قلبكم كان عاوز القرب ده
البنات سكتوا وقالوا في صوت واحد
'' مينفعش يا زين احنا اخرنا الكل عارفه واحنا مش هندخلهم في الدايره دي أبدا ولا حتى هنحبهم ''
وقاموا ومشيوا اما زين ابتسم بغموض ونظر للسماء وقال
'' انتوا اصلا حبتوهم من زمان بس نسيتوا ''
..........................................
أنت تقرأ
عشق الوحوش والشياطين
Mystery / Thrillerهل تتخيل نفسك ان تعيش بشخصيتين أحدهما الحقيقيه والأخرى مزيفه..... ماذا سوف يحدث ان احبك شخص بشخصيتك المزيفه وهو لا يعلم حقيقتك سوف تعيش في خوف من ان يعلم الحقيقه..... ماذا ان كان لديك ماضي يمنعك من ان تبادل حبك لهذا الشخص على خوف من ان يتركك هم:أفض...
