عشق الوحوش والشياطين

الفصل 6

الفصل 6
نبدأ بالصلاه على النبي 😇
بعد الغداء الكل كان واقف في الساحه مستنين سيف وفرقته والكل أعصابه مشدوده
روان : يا ترى هيعملوا فينا ايه النهارده
آيات : احنا لسه اليوم التالت في التدريبات وبنتنفخ
سيف وفريقه دخلوا بثقه كعادتهم
سليم بصوت عالي :النهارده مش زي اي تدريب النهارده اختبار عبارة عن اختبار عن حسن تصرفكم في المواقف الصعبه
مالك مكملا بصوت عالي وهو بيبص لامل بخبث: اختبار النهارده عباره عن انكم هتتحبسوا في اوضه فاضيه خالص مفيهاش غير دخان ومقفوله بالقفل من بره ولازم عليكم تتطلعوا منها خلال ربع ساعة ولو مانجحتوش هيتخصم من الفريق كله نقاط مفهوم
الكل: مفهوم يا فندم
امل بولوله :روح يا بعيد اللهي يجيلك دور اسهال تفضل رايح جاي على الحمام
❄️❄️❄️❄️❄️❄️❄️❄️❄️❄️❄️❄️
توجه كل فريق مع قائده عشان يبدأو التدريب
مالك لامل : يلا يا ماما ادخلي
امل: هو انت مش جاي معانا
مالك بخبث: لأ انا هراقبكم من الكاميرا بره واشوفكم ازاي هتعرفوا تتصرفوا
أمل بصوت واطي وغيظ :هنتصرف في روحك أن شاءالله
مالك بغضب لأنه سمعها: بتقولي ايه
أمل بغيظ : ولا حاجه
دخلت الاوضه ومالك قفل الباب من برا الاوضه كانت فاضيه مفيش غير تراب وهلوس ومصباح واحد ووجوده زي عدمه
أمل وهي بتبص حواليها: انا قولت انه نصيب اسود
وبعد 5 دقايق محدش بقى شايف التاني من الدخان اللي ملا الاوضه
شاهندا ببكاء: انا مش عارفه اخد نفسي
طارق: هنعمل ايه دلوقتي
أمل بصتلهم وافتكرت كلام شمس ليهم
__________________
شمس بغموض: اصبروا على آخر 5 دقايق
البنات: تمام يا كبير
_________________
أمل كانت رايحه جايه: يارب مش عارفه اتنفس ده انا بكره ريحه السجاير يحطونا في اوضه فيها دخان
مالك بره كانوا بيضحك اوي على صراخ أمل واللي محاولتش حتى تفتح الباب لأنه مكانش مقفول اوي أقل مجهود كان هيفتحه
مالك : يا هبله
..........................................
عند روان بعد 10 دقايق
بنت١ :ها هنعمل ايه الوقت هيخلص
بنت٢: تعالوا نفتح الباب طيب
شاب: ازاي هي اي حاجه وخلاص
روان سحبت بنسه من شعر بنت واقفه جمبها وبدأت تفتح الباب وبعد دقيقتين الباب انفتح وحطت البنسه تاني في شعر البنت وطلعت وهي بتقول: الحمد أكسجين اخيرا
..........................................
عند آيات
كانت سمعه فريقها بيحاولوا يفتحوا الباب وهي واقفه وساكته بس قدروا يفتحوه بعد 8 دقايق بسبب شابين في فريقها عندهم بنيه قويه
آيات بعدم مبالاه بعد ما طلعت وبهمس: لو استنوا دقيقتين كنت فتحته
..........................................
عند حبيبه
بعد 12 دقيقه قدرت تفتحه بنفس طريقه روان بس الاختلاف انا كانت بارده جدا وده اللي كان مستغربه فريقها حتى لما فتحته رجعت البنسه تاني للبنت وحطت ايدها في جيوبها وطلعت ببرود وقالت ببسمه بارده: النفس النضيف نعمه
..........................................
اما عند شمس
علاء كان بيحاول مع الباب ومش عارف وشمس كانت هتفتحوا بس ابتدأت يتهيئلها حاجات
_________________
بنت١: مليكه انا خايفه والدنيا ضلمه اوي ومش عارفه اتنفس
بنت٢: مليكه هو احنا هنموت
_________________
يحيى بصراخ: شـــــمـــــس
الباب فجأه انفتح جامد ودخل سيفوراح ليحيى اللي بيحاول يفوق شمس
يحيى: انسه شمس فوقي حد يساعدني هنا
أحمد بقلق: فيها ايه شمس
سيف ماستناش استجابه وشالها ما بين ايديه وقال: كلكم بره الوقت خلص
وطلع على العياده الطبيه
..........................................
في العياده الطبيه
سيف بهدوء :يعني هي كويسه دلوقتي يا دكتور
الدكتور ببعض الخوف: ايوه يا فندم كل اللي حصل اني السكر عالى عليها وده سبب الإغماء وعن اذنك دلوقتي يا فندم
سيف بعد ما مشي الدكتور سحب كرسي وقعد قدام السرير وقال بغموض: ياااه عدت سنين كتير اتغيرتي اوي حتى انك غيرتي اسمك يا ترى لسه فاكراني
قاطعه صوت شمس وهي بتفوق وحاسه بدوار :
ااااه يا دماغي انا فين
سيف بهدوء: في العياده الطبيه
شمس: طب ينفع تخرج إذا سمحت
سيف قام بلامباله: احسن انك فوقي عشان انا اصلا مش فاضي
شمس بصوت خافت بعد ما مشي: غبي
..........................................
عند أمل
طارق بغضب: بسببك يا امل خسرنا الاختبار
امل بعدم اهتمام: وانا مالي انا وبعدين هو ده اختبار يا عم
لفت ولسه هتمشي سمعت ميرنا بتقول :
والله انتي حماره وما عندكيش دم
أمل لفت وقالت بغضب شديد: نعم مسمعتش بتقولي ايه
ميرنا: بقول انك حماره وبني ادمه معندكيش دم
أمل شمرت كمامها وقالت بصوت يرعب: هوريكي اللي ماعندهاش دم بتعمل ايه
مسكتها أمل من شعرها جامد والبنت صرخت وحست اني شعرها طلع في ايد نور
أمل :بتصرخي على ايه ده لسه اللي جاي احلى
ومسكت دراعها ولفت وراء ضهرها وضربتها في ركبتها ووقعتها وقعدت فوقيها وابتدات تضرب فيها بقوه وميرنا بتصرخ وشاهندا وحنين حاولوا يبعدوها بس مقدروش
روان كانت بدور على البنات بس سمعت صوت صراخ قالت بحماس :الله يا رمضان خناقه
وراحت على الصوت بس اتفاجئت بأمل بتضرب ميرنا
روان : أمل سيبيها قطعتي شعرها
أمل بعصبيه وهي بتضرب ميرنا في معدتها: مش هسيبها عره البنات دي
روان بغضب وصوت عالي: سيبيها يا أمل والا...
أمل قامت وضربتها في جمبها وقالت لفاطمه: سيبتها اهو
روان : عمل......
قاطعها مالك بصوت عالي: ايه اللي بيحصل هنا
امل بغضب :مفيش حاجه يا كابتن
مالك بغضب: لا والله اومال مين اللي عمل فيها كده
شاهندا: يا فندم هي ب.....
زياد: انا وجهت ليكي كلام
شاهندا:لا بس....
مالك : يبقى مسمعش صوتك
ميرنا ببكاء: يا فندم البنت دي ضربتني من غير ما اعمل ليها حاجه
حنين: كدابه
أمل ببرود: لا صادقه
الكل بصلها بصدمه حتى ميرنا
أمل ببساطه: بس في حاجه حصلت الأول هي شتمتني روحت انا جايبها من شعرها وعملت فيها ده
وضربت جامد في معدتها تاني
ميرنا : ااااه شوفت يا فندم
مالك بغضب شديد وصوت عالي: اعتذري ليها
أمل بعصبيه شديده وصوت عالي: لأ مش هعتذر هي اللي غلطت الأول
سليم ادخل بسرعه لما شاف مالك فقد أعصابه خلاص
سليم بصوت عالي: انتي يا انسه عقابا ليكي هتلفي الساحه دي 4 مرات والا هيكون فيه حبس انفرادي
أمل بغيظ: ماشي
ومشيت بس داست على رجل ميرنا جامد وبعدها جريت
ميرنا: اااااااااااااه
مالك ابتسم على حركتها وقال بخفوت: يا بنت المجنونه
روان جريت بتجاه امل بس وقفها سليم وهو بيقول: انتي يا انسه راحه فين
روان بسرعه: هجري معاها يا كابتن علشان متحسش بالملل
سليم لسه هيتكلم بس لقاها جريت بسرعه وابتسم عليها وبعدها قال بصوت عالي: الكل يمشي من هنا
الكل فى ثوان اختفى
..........................................
عند امل كانت بتجري وهي بتقول بغيظ: ااااه انا اللي جابني هنا منك لله ادعي بايه يا ربي ولا ايه إلهي ت......
روان بضحك: ههههههههه يا صغيره على الجنان يا أمل
أمل : بتعملي ايه؟؟؟
روان : بجري!!!
أمل : يا راجل
روان : اصل لقيتك لوحدك اقولت اما أجرى معاكي اونسك
أمل :أصيل يا ابورحاب
روان :ده سبب اما السبب الرئيسي اني اضحك عليكي
امل : واطي يا ابورحاب
روان :Of cours baby
..........................................
عند شمس
كانت طلعت من العياده وهي بتلعن السبب اللي جابها المكان ده بس ظهرت قدامه حبيبه وآيات وهما باين عليهم القلق
آيات بقلق وهي بتقرب منها : حصلك حاجه انتي كويسه
شمس بهدوء: انا تمام الحمد لله السكر عالي بس
حبيبه حضنتها بتوتر وقلق عليها: شمس متخبيش انتي فاهمه احنا نقصد ايه واكيد حصل حاجه
شمس :محصلش حاجه انا بس اغمي عليا وانا تمام دلوقتي.
حبيبه بعدت وقالت: متأكده
شمس بمرح وابتسامه: اااه والله
وصلت امل وروان وهما بينهجو وبيقولوا: شمس ...ان..تي.... كوي... سه
شمس باستغراب :انتوا بتنهجوا ليه كده
روان وهي بتاخد نفسها: ولا حاجه كنا بنجري 4 لفات حوالين الساحه
حبيبه : ليه
أمل بدون اهتمام: عقاب علشان ضربت ميرنا و.... اااااااااه
قاطعتها شمس ببوكس في بطنها وأمل رجعت لواره
شمس بغيظ :هو انا مش قولت بلاش مشاكل
نور بدفاع: الله يا رمضان ما هما اللي بيجروا شكلي
آيات مسكت شمس قبل ما تقتل أمل وشمس بتقول: تجر شكلك دا انتي تجري شكل بلد
روان قعدت تضحك وحبيبه بتبصلهم بابتسامة مستمتعه
امل بغيظ: دي قالتلي اني حماره ومعنديش دم
حبيبه ببرود :وايه الجديد ما انتي كده فعلا
أمل باستفزاز: طلعالك يا اختشي
حبيبه مسكتها من شعرها وضربتها ببوكس في نفس المكان وقالت بغيظ: قولي تاني كده
روان مسكت ايدين حبيبه وبتحاول تفك أمل من ايديها وآيات بتضحك
أمل : ااااه طلقني طلقني يا فواز انا مستحيل أقعد تحت زمتك تاني يا راجل يا مفتري
شمس بمرح: طلقها طلقها البايره دي
آيات بضحك: ههههههه طلقها وانا اجوزك ست ستها
حبيبه بتمثيل :انتي طاااااارق يا سعاد
أمل شهقت: هااااااا طلقني طلقتني يا فواز طب والتفله اللي في بطني
شمس :تفله
حبيبه بضحك: أصلها كوبايه شاي
أمل حضنت روان وقالت بلغه صعيديه: اهي اهي اهي طلقني يا اما طلقني الكلب الواطي
روان بلغه صعيديه برضو ومواساه: معلهش يا بنتي هجوزك سيد سيده
شمس بصت لحبيبه بخبث وقالت وهي بتخلع النضاره :ايه رايك نلعب شويه
حبيبه وهي بتشمر وبتقول بخبث مماثل: اممم ومالو ده احنا حتى ملعبناش من زمان
أمل وهي بترجع لورا: اااه صحيح ده لسه في لفتين كمان عليا
وطلعت تجري روان وآيات بصولها وبعدها بصوا لشمس وحبيبه وبعدها طلعوا يجروا وراء أمل وحبيبه وشمس وراهم وهما بيضحكوا
روان وآيات : استنى يا امل
امل بصراخ: أمل خارج التغطيه الرجاء الاتصال بعد ما تعييييش
وابتدوا يجروا وراه بعض في الساحه وهما بيضحكوا
..........................................
في مكتب عدي
كان يقف أمام الشباك الذي يطل على الساحه الخارجيه وهو لا يشعر بأحد وكأنه في عالم آخر
دخل فهد المكتب وهو بيقول:ايه يا عم عدي فينك ساعه بخبط على الباب
عدي :..................
فهد وهو بيقرب: ولا يا عدي فينك والله اروح انادي على الواد سليم
عدي :..................
فهد : لا ده الموضوع شكله كبير
سليم وهو بيدخل: هو ايه ده اللي كبير يا ياض هاا
غمزله فهد وهما الاتنين قربوا من عدي
سليم بضحك: يا عيني الواد مش هنا خالص
فهد وهو بيشاور على البنات وهما بيجروا وراء بعض في الساحه: بص كده هو بيبص على فين
عدي : ااااه يا ابن الايه يا عدي ده وقع
فهد بص لسليم بنظره سليم فهمها وقال: 3....2 ......1 .....
سليم وفهد بصوت عالي في وشه :
عـــــــدي
وطلعوا يجروا زي الصاروخ على بره
..........................................
بعد 3 أسابيع
البنات ويحيى والشباب كانوا قاعدين حوالين النار
أمل : هههههههه فاكره شكلهم كان عامل ازاي
روان : مكانش باين ملامح اصلا
آيات بمرح: فكاروني بجون وعلى لما كانوا بيطحنه
البنات :ههههههه
شمس باستغراب: بس بقالنا كام يوم مشوفناش حد فيهم
مريم براحه :يا شيخه قولي الحمد الله افتكري حاجه حلوه
حبيبه بهدوء: لا فعلا شمس معاها حق انا حاسه اني الموضوع في مصيبه
آيات وهي بدفي ايديها: معاكي حق والله
شمس بهدوء: هي الساعه كام معاكم
أحمد: 7 ليه
شمس : احممم اصلي عايزه اشتري دواء ليا وهو خلص
أمل بقلق: طيب مقولتيش ليه من بدري كنا عرفنا نتصرف
يحيى بسرعه: طيب ماتشوفي العسكري محمد راجل طيب وبيجبلنا اللي احنا عاوزينه
شمس بقلق: ماينفعش المقدم سيف مانع اني حد يخرج من غير أذنه يعني المفروض اروح استأذنه الأول وكملت ببسمه: ها مين اللي هيجى معايا
الكل بصلها بابتسامه بلهاء وحطيوا ايدهم قدامهم بمعنى ربنا معاكي
شمس كشرت :يعني محدش هييجي
مريم بخوف: انتي طبعا عارفه غلاوتك عندنا بس ده هولاكو برضو يعني ايه ربنا معاكي وسبع ملايكه
علاء وأحمد: ياااه يا رمضان ده معاد النوم
شمس بغيظ: اه يا اندال بعتوني على أول الطريق
حبيبه وآيات ميلوا عليها وقالوا :Good lake dear
شمس لروان وأمل :طبعا انتوا مع هؤلاء القوم
روان وأمل : طبعا ونفتخر
شمس قامت وقالت بغيظ: ده انتوا صحاب بلاستيك اوعوا هروح لوحدي
ومشيت وراحت على مبنى وحوش الليل
البنات بصوت عالي :ولا تحسبن الذي قتلو في سبيل الله أموات بل أحياء عند ربهم يرزقون
آيات بضحك وصوت عالي: مع السلام يا ابو نواف هندعيلك تطلع عايش
كان مبنى مكون من 6 طوابق وباين عليه انه جديد
راحت سألت عسكري واقف هناك: لو سمحت مكتب المقدم سيف الجارحي فين
العسكري بجديه: انا لسه جديد هنا بس اللي اعرفه اني مكتب المقدم فهد وسليم في الدور التاني ومكتب المقدم مالك في الدور التالت وكمل بصوت هامس: ومكتب المقدم عدي في الدور التالت
وبص يمين وشمال وقال بصوت خافت جدا: والمقدم سيف في الدور الخامس
عسكري آخر بصوت عالي: انتي يا انسه عايزيه مين هنا سيبك منه ده لسه جديد
شمس ببرود: عاوزه المقدم سيف الجارحي هو فين
العسكري بهمس ورعب: المقدم سيف وبعدها كمل بصوت مسموع :ببببس ده ممنوع حد يركب دلوقتي خالص
شمس بتعب وهدوء: لا ما انا جيت من ساعتين هنا وعسكري قالي انه بره وهيجي على 6 ونص ودلوقتي الساعه 7 والموضوع ضروري خلصني بقى
العسكري بخوف :براحتك هو في الدور الخامس الاوضه اللي على اليمين
شمس ببرود: تمام شكرا ومشيت
العسكري١: ربنا معاها وتتطلع عايشه
..........................................
عند شمس
وقفت قدام الاسانسير بس لقيتوا بكلمه سر
شمس بذهول: ايه ده كلمه سر..... وكملت بغيظ: ليه يعني مبنى القوات المسلحه ولا مبنى الوزاره
واضطرت تطلع على السلم الخمس أدوار دول ووصلت الخامس ووقفت قدام المكتب ده تاخد نفسها وبعدها خبطت على الباب بس حاست بدوخه وعدم اتزان بس سمعته بيقول ادخل
شمس لنفسها: اهدي يا شمس في ايه
ودخلت وقالت: لو سمحت هو ده مكتب المقدم سيف ولا انا غلطانه
سيف بهدوء وابتسامه جانبيه: ايوه انا خير
سيف حس انها مش كويسه ولا عارفه تقف:
في ايه يا انسه شمس مالك مش مظبوطه
شمس بهمس سمعه سيف : انا حاسه اني فيا حاجه بس هي ايه مش عارفه
شمس بصوت خافت حاولت يكون طبيعي بس بان فيه التعب: ممكن اقعد يا فندم لاني عايز اتكلم مع حضرتك في موضوع ضروري
سيف بقلق لأنه وشها ابتدا يبقى شاحب :تمام اتفضلي اقعدي
شمس قعدت على الكرسي اللي قدام المكتب قدامه بس في ترابيزه فصلاهم بمسافه
شمس حست ببروده في جسمها وابتدات يظهر في عقلها حاجات
سيف بنبره قلقه: انتي كويسه يا انسه شمس
شمس بدوار وتعب ملحوظ: لا.... بس ممكن يا فندم فنجان قهوة ☕ علشان حاسه بدوخه واسفه على الوضع اللي انا فيه ده
سيف بهدوء: ماشي
وطلب فنجانين قهوة واحد بسكر والتاني ساده ليه
شمس خلعت نضارتها وغمضت عنيها جامد علشان توقف الصوت اللي في دماغها
سيف بصلها وقال في نفسه: هو انا خايف عليها كده ليه
ولاحظ ملامحها التعبانه والغمازتان وبشرتها البيضه وشفتيها الورديه وقال في نفسه :
دي قمر.... بس الحمار معرفش يوصفها كويس قال لون عنيكي مش زرقاء والا كانت....
قاطعه العسكري وهو بيقول القهوه يا فندم
وحطها على الترابيزه اللي قدامهم ومشي بسرعه
سيف : اتفضلي يا انسه قهوه زياده علشان الدوخه
شمس فتحت عنيها بتعب شديد وقالت: لأ شكرا انا هاخد الفنجان الساده
وأخذت القهوه ☕ من غير ما تسمع رد سيف... بصلها سيف باستغراب شديد من شخصيتها الغريبه تبدو هاديه وطيبه وفي نفس الوقت جريئه وبارده وقويه ومش بتسيب حقها ابدا
..........................................
عند البنات بعد نصف ساعة
يحيى بقلق: يا جماعه هو محدش شاف علبه العصير اللي كانت هنا
أمل : لأ دور عليها كده كويس
يحيى بتوتر:يا نهار اسود
علاء بقلق: في ايه يا بني العلبه مالها
يحيى:العلبه دي في برشام مهدي وبرشام الحساسية بتاعي
روان :يا نهار ممكن تكون شمس شربتها على أساس أنها العلبه اللي جابتها ليها مريم
مريم :ايوه صح لاني العلبه اهي لسه مقفوله
آيات بحذر ليحيى: يحيى هو البرشام ده في ماده ايه
يحيى :فيها ماده EST ليه
امل : يا نهار اسود
والبنات قاموا من مكانهم بفرع
علاء بقلق :في ايه فهمونا
أمل وهي بتلبس الكوتشي: الماده هتتفاعل في جسم شمس وهيجيلها هلاوس
مريم بقلق شديد: ازاي
نور بصتلهم: لاني شمس مريضه سكر
يحيى ومريم وعلاء وأحمد: ايه سكر
البنات طلعوا يجروا على مبنى الوحوش
..........................................

عند شمس وسيف
شمس خلصت الفنجان واستعاده جزء من وعيها وقالت بهدوء بس بان فيه التعب: انا اسفه والله يا كابتن بس غصب عني والله
سيف بغموض وهو بيبص لعنيها لأنها ما لبستش النضاره :ماشي... ها بقى في ايه
شمس : انا كنت عاوزه من حضرتك تجبلي الدواء ده من بره علشان مش موجود في الصيدليه وانت مانع أن حد يطلع بره الكتيبه
سيف بهدوء :دواء ايه ده يا انسه
شمس : ده دواء السكر بتاعي لاني انا مريضه سكر
سيف بهدوء: ماشي هاتي اسم الدواء وانا هتصرف
شمس ادته اسم الدواء ومعاه جزء من الفلوس
سيف باستغراب : ايه الفلوس دي 
شمس بهدوء: دي الفلوس اللي هتشتري بيها الدواء
سيف بصلها بصه غاضبه
(بس على مين دي شمس وان كان معروف عنها البرود فهي برضه عنيده جدا)
شمس بعند: بس انا مش هقبل تجبلي بفلوسك الخاصه وإلا بلاش
سيف بغضب شديد: مسمعش صوتك والفلوس دي تاخديها
شمس قامت وبصتلوا بكل عند وقالت وهي رايحه للباب:
انا همشي شكرا
وفتحت الباب بس وقفت على صوت سيف وهو بيقول بصوت حاد : ارجعي اقعدي مكانك
ورفع التليفون وكلم شخص وايداله اسم الدواء
شمس كانت واقفه وبصاله بغيظ
سيف بصوت غير قابل للنقاش: قولت ارجعي مكانك
شمس قعدت على الكنبه اللي جنب الباب وسابت الباب مفتوح
سيف بصوت حاد: ده مش مكانك وبعدين اقفلي الباب انا مش هاكلك
شمس بعند: بس قعدت خلاص وبعدين لو قفلت الباب تبقى خلوه وده حرام
سيف بصلها بإعجاب وقام وقعد على الكرسي اللي وراء المكتب
وقال بهدوء: طيب ارجعي مكانك لاني الباب جايب برد وانتي قاعده جمبه
شمس قامت لأنها حست فعلا بالبرد وابتدات تدوخ تاني وقعدت قدامه بحرج
سيف لفت بالكرسي علشان ميحرجهاش
وهي الدوار زاد عليها وحطت دماغها على الترابيزه اللي قدامها وابتدات تحس بهلاوس من الماضي
________________
بنت١:ببكاء مليكه هو مات مات أقبل ما احضنه مات يا مليكه مات
بنت٢: مليكه ياسين فين مليكه هو هيدخل العمليات
مليكه وقعت على الأرض وفضلت تبكي: اااااه يا ربي انا تعبت ومش عارفه اعمل ايه
بنت٢ حضنتها وقالت ببكاء: ولانصرنكم ولو بعد حين اوعي تضعفي احنا جمبك
بنت١: انا هتبرع لياسين يا مليكه
________________
شمس ....... انسه شمس ...... فوقي
..........................................

Sabreen ❤️