عشق الوحوش والشياطين

الفصل 35

بصوا يا جماعه الفصل 34 نزل قبل الميمز تقريبا دي لخبطه في الواتباد بس هو نزل ده الفصل 35
الفصل 35
صلي على محمد 🤍
في استراحه على الطريق الزراعي في الأقصر كانت حبيبه طلعت من الحمام وقالت: يلا انا خلصت جبت الاكل
عدي: ايوه يلا
عدي رجع تانى وحط ايده على فم حبيبه وقال بهمس: ااااش اسكتي
عدي سمع راجل بيقول: تعالوا نستناهم قدام الباب وهما هيخرجوا ووقتها نمسكهم
باقي الرجاله: ماشي يلا
عدي شال ايده وقال: لازم نمشي من هنا
حبيبه: نروح فين
عدي مسك ايدها: تعالى
حبيبه وعدي خرجوا من الباب التاني ومشيوا في الزرع وكانت الشمس لسه مطلعتش وشافوا بيت حواليه سور فدخلوا فيه وعدي شاف الرجاله بتدور عليهم فقال: لازم ندخل جوا
حبيبه: فيه شباك هناك
عدي راح عند الشباك وحاول يفتحه راحت حبيبه قربت بسرعه ومسكت دبوس شعر وبدأت تفتحه وفعلا فتحته بسرعه وقال عدي بإعجاب: لا شاطره تنفعي حراميه
حبيبه: طب يلا يا اخ قبل ما نتقفش
دخلوا البيت ده وقفلوا الشباك تاني وعدي كان بيبص منه وشافهم مشيوا لما ملقيوش حد فقالت حبيبه بهمس: ها مشيوا
عدي: مشيوا بس مينفعش نخرج خالص
حبيبه: طب مين دول
عدي قام وقال بخفوت: هبقي اقولك بعدين تعالي نشوف في حد هنا ولا لأ
عدي وحبيبه مشيوا وكان المكان ضلمه لاني الفجر يدوب لسه مأذن
حبيبه: انا مش شايفه حاجه
عدي: خليكي ماسكه فيا وخلاص اااااااه
....: خد يا حرامي يا ابن الكلب
حبيبه مسكت الطاسه وقالت: اهدي يا خاله احنا والله ما حراميه
الست دي فتحت النور بسرعه وشافت شاب واقع على الأرض وماسك دماغه وبنت واقفه قدامها فقالت: انتوا مين وايه دخلكم بيتي
ورفعت الطاسه تاني
حبيبه بسرعه: احنا والله تايهين وكان في ناس بتجري ورانا علشان كده دخلنا هنا مش هنأذيكِ والله
عدي: مش عايزين اي حاجة غير نستني هنا لحد ما يمشوا من المنطقه دي لو سمحتي
الست قعدت على الكرسي وقالت: انتوا مش من هنا صوح
عدي: لا مش من هنا من القاهره احنا كنا في استراحه على الطريق بس الناس دي كانت بتجري ورانا والعربيه أكيد مشيت
الست: اساميكم ايه
حبيبه: اااانا حبيبه وهو عدي
الست بصت ليهم وقالت: هو خطيبك صوح
عدي: ايوه خطيبها
حبيبه: مش هنأذيكِ والله بس عايزين نقعد هنا لحد ما نقدر نمشي
الست بطيبه: طيب انا مصدقاكم وهتفضلوا هنا لوقت ما انتوا عايزين
عديباستغراب: بالسرعه دي
الست: انا شعري شاب مش على الفاضي وعارفه معادن الناس من وشوشهم وانتوا صادقين وانا اصلا قاعده لوحدي وعيالي فين وفين عبال ما يسألوا عليا وقاعده في البيت ده لوحدي اهو تبقوا ليا ونس
حبيبه: شكرا ليكِ بجد
الست قامت وقالت: العفو تعالوا اجيب ليكم خلجات علشان اللي انتوا لابسينه مبلول شكلكم أكده مشيتوا في الزرع كتير
عدي: قام فعلا مشينا كتير
الست: تعالى يا ولدي أجيب ليك تلج علشان دماغك متورمش
حبيبه: بقى عندك بلحه في رأسك
عدي: ههه يا ظريفه
الست: اليقين على بعض انتوا الاتنين
عدي: بجد طب قوليها علشان هي مش مصدقه
حبيبه بصتله بغيظ وقالت: قوليلي يا خاله اسمك ايه
الست: اسمي صابحه قولولي يا خاله صابحه
عدي: عاشت الاسامي بس هو انا ينفع انام
صابحه: غير خلجاتك الأول علشان متخودش هوا ونام في الاوضه دي بتاعنا ولدي وانتي يا بنتي في الاوضه اللي جمبيها هتلاقي هدوم في الدولاب البسي منها ولو عايزه تنامي نامي وانا هاروح اريح شويه
حبيبه وعدي: شكرا يا خاله
..........................................
في المركب
شمس لاحظت حاجه فقالت: سيف يا سيف
سيف فتح عينيه: ايه
شمس: في ناس ركبوا من ساعه وبيبصوا علينا من بدري وحسي الأمني بيقول ناويين لينا على نيه مش تمام
سيف: فين دول
شمس: أهم على الشمال
سيف بص وركز كده فقال في سره: نهار مش فايت علشان كده كان في ضرب نار
سيف: المركب دي هتوقف امتا
شمس: ليه؟؟!!
سيف: لازم نمشي من هنا حالا
الراجلين دول لما عرفوا اني سيف شافهم خرجوا مسدساتهم وشمس شافتهم كده فقالت بهمس: سيف معاهم مسدسات
سيف: لازم ننط في المياه
شمس: سيف الناس اللي في المركب هيتأذوا لو ضربوا نار
سيف قام فشمس مسكته: انت رايح فين
سيف: لو اخدنا اي وضع عنيف الناس دي هتتاذي لازم نتعامل بهدوء
شمس: دول قاموا
الراجلين دول قربوا وسيف ومسك ايد شمس وراح آخر المركب وقال
" نطِ "
شمس مسكت ايده جامد ونطوا هنا الاتنين راجل منهم ضربت نار على المياه فسيف مسك شمس ونزلوا في المياه لتحت وبدأوا يعوموا بسرعه
الشخص التاني: انت مجنون عايزنهم عايشين
بدأت حاله من الهرج في المركب فقال الشخص الأول: اخرسوا
اما سيف وشمس كانوا بيعوموا تحت المياه بس لما بعدوا شمس طلعت على السطح هي وسيف
سيف: في أرض هناك يلا نروح
بعد شويه سيف وشمس وصلوا للأرض دي وكانت عباره عن جنينه كبيره مليانه باشجار الرمان فبدأو يمشوا ما بين الشجر بس سيف شاف غصن هيجي في شمس لأنها مش شايفه وبتبص وراها
سيف: حاسبي
شمس لفت بسرعه فداست على قطه والقطه عملت صوت فهي وقعت وسيف كان هيمسكها بس اتزحلقوا فوقعت هي وسيف فوقيها
شمس وهي مغمضه عينيها: ااااه يا ضهري منك لله قطه بت كلب قوم من عليا كسرت ضهري
سيف كان هيقوم بس المياه والتراب عملوا طين فاتزحلق تاني ووقع عليها
شمس: اااااااه ضهري منك لله انت مش شايف جسمك من جسمي من المفروض يقع على التاني
سيف بغيظ: وانا مالي هو كان بأيدي
شمس فتحت عينيها: اومال برجلك
سيف سرح في لون عيونها الذي ينافس زرقه النيل ورموشها المبلوله وانفها الصغير وشفتيها وااااه من شفتيها هو أمامها ليس الوحش الذي يستطيع أن يتحكم في نفسه ولا الذي يهابه الجميع
سيف في نفسه: فيكِ ايه مختلف دي آمنه عمرها ما حركت فيا حاجه اما انتي فقدامك مش بعرف اتحكم لا في قلبي ولا في عقلي
اما شمس فهي نظرت إلى رماديتيه شعرت بالدفء داخل عيونه وتعالت دقات قلبها بجنون فقالت بدون وعي: سـيــف
سيف بعشق: قلب سيف
واقترب منها أكثر وباسها بعشق شديد اما شمس اغمضت عينيها وكانت تائهه بين مشاعر شديده لا تريد أن تبتعد ودقات قلبها تقسم ان الجميع يسمعها كادت أن تتجاوب معه لكن آفاقت عندما تذكرت ان هذه قبله في الحرام ولا يجب أن تعلق سيف بها فبدأت تبعده عنها ولكن مقاومتها كانت ضعيفه وسيف كان كالمغيب فقامت بضربه بشده في بطنه فابتعد عنها بألم
سيف بصلها وهي بعدت لوراء وقالت: إياك تقرب مني فاااااهم
سيف كان هيتكلم بس سمع صوت راجل من بعيد بيقول: مين اهنه مين في الأرض
سيف مسك شمس وقومها وراح للراجل ده وقال: احنا يا عم
الراجل باستغراب: مين انتوا وليه مبلولين أكده
سيف : احنا وقعنا من المركب اللي مسافره والمياه جابتنا هنا على الشط فمشينا في الشجر ده وسمعناك بتنادي
الراجل: مرتك دي
سيف: اا
شمس: اخته انا اخته
سيف بصلها بغيظ بدالته هي بغضب قاطع نظراتهم دي صوت نباح كلب من وراهم بيجري بسرعه جدا ناحيتهم
سيف بسرعه بعد شمس ولسه هيبعد هو كمان الكلب بضوافره جرح سيف في كتفه من وراء
سيف بألم: ااااااه
شمس بخوف ونسيت كل اللي حصل
" سـيــف"
وقربت بسرعه منه علشان تشوف الجرح اما الراجل ده فمسك الكلب بسرعه من الحبل بتاعه وقال بصوت عالي: محــــمـــد يا محمد
جيه بسرعه طفل عنده 14 سنه: ايوه يا ابوي
الراجل: امسك الكلب ده واربطه مكانه بسرعه
محمد اخد الكلب والراجل قرب من سيف وقال
" حقك عليا يا ولدي بس بسيب الكلب علشان العيال متقطعش في الشجر وأحيانا يخليه مربوط بس مخابرش مين فكه"
سيف : حصل خير سهله
شمس: سهله ايه قوم اطهرها بسرعه قبل ما يتلوث من التراب ده
الراجل: تعالى يا ولدى
سيف قام وراحوا بيت الراجل ده جمب الجنينه والراجل دخلوا اوضه وقال: دي اوضه ولدي الكبير بس هو في الجيش اقعد يا ولدي
شمس: ممكن يا ااا
الراجل بطيبه: عمك إسماعيل
شمس بابتسامه: ممكن يا عم إسماعيل تجيب مياه وخليها سخنه علشان أطهر الجرح
إسماعيل: حاضر يا بتي
سيف كان بيحاول يشوف الجرح في المرايا اما شمس كانت بتبص ليه بقلق
العقل: في ايه يا سياده المقدم انتي من امتا ضعيفه كده
القلب: انا ذنبي ايه حبيته غصب عني
العقل: وانتي مش عارفه نهايه ده ايه ولا نسيتي رحيم
القلب: بس سيف مش رحيم رحيم كان وقتها طفل اما سيف هو الوحش محدش يقدر عليه
العقل: يا سلام فوقي قبل ما تلاقيه ميت زيه وبعدين فين وعدك اني عمر ما هتخلي راجل يقرب منك وده باسك 3 مرات ايه من امتا وانتي كده ها فوقي
⚡⚡⚡
شمس فتحت الباب
إسماعيل: المياه السخنه يا بتي وخلي الأستاذ يغير خلقاته من هدوم ولدي في الدولاب جوا عاوزه مني حاجه تاني
شمس: شكرا يا عم إسماعيل على تعبك
شمس قفلت الباب ولفت وقالت ببرود مصطنع وهي باصه في الأرض: ممكن تقلع القميص أطهر الجرح
سيف بصلها بهدوء وقلع القميص وقعد على السرير وادها ضهره وشمس شافت الجرح وتحولت ملامحها غصب عنها للخوف والقلق وسيف شاف كده في المرايا وابتسم وبدأت تتطهر الجرح بالمياه السخنه وسيف بدأ يأن بخفوت
شمس: معلش لازم تبقى سخنه علشان ضوافر الكلب ملوثه وهتلوث الجرح
سيف: ماشي
شمس حطت المرهم ولفت الجرح وقالت ببرود
" غير هدومك لأنها مبلوله"
سيف: وانتي كمان علشان متاخديش برد
شمس راحت للباب وقالت ببرود: ملكش دعوه بيا ولا بحياتي
سيف بصلها بحزن وقال: مكنش المفروض اعمل كده دلوقتي هتكرهني
اما شمس فلما خرجت شافت بنت جاي وبتقول: ازيك يا قمر انا دعاء
محمد: لا دي مش قمر دي قمرين ثلاثه اربعه
شمس: انتوا ولاد عم إسماعيل
دعاء: ايوه يا ستي ويلا تغيري هدومك قبل ما تاخدي هوا
شمس: ماشي
دعاء دخلت اوضتها مع شمس وقالت: اتفضلي يا قمر الا قوليلي اسمك ايه
شمس: اسمي شمس
دعاء حطت ايدها على خدها: وفي كليه ايه
شمس: لا انا متخرجه من طب
دعاء بمرح: يزيد يا قمر وانا بقى اختك في الله دعاء 19 سنه وفي كليه آداب انجليزي ومش متجوزه ولا مخطوبه
شمس: هههههههه يا اختي اللي اتجوزوا خدوا ايه يعني
دعاء: يخربيت جمال امك ايه يا بت جوز الغمازات دي
شمس: خمسه خمسه
دعاء: انا مش بحسد انا بقر على طول
شمس: احم طب ينفع اغير هدومي
دعاء: ماشي يا قمر اسيبك انا
شمس اخدت دواء السكر واكلت السيندويتش وغيرت هدومها وجات قدام المرايا وشافت شفايفها المتورمه من قبله سيف ليها فقالت
" خلاص يا شمس من هنا ورايح هو بس البرود زيه زي أي راجل تاني"
(هو زي اي راجل تاني كدابه 🙄)
..........................................
في إنجلترا
دخل عبد الرحمن فقال زين وأدم: ها يا عبد الرحمن عملت ايه
عبد الرحمن: عرفنا يا فندم كل وسيله الرجاله ساعدهم يركبوها بعد ما خدروهم وعرفنا ايه الوجه
آدم: طب فين
عبد الرحمن:
شمس وسيف كانوا في مركب آخرها كان في قنا
وحبيبه وعدي كانوا في عربيه متوجهه للاقصر
وروان وسليم كانوا في قطر آخر محطه في أسوان
آيات وفهد كانوا في أتوبيس وجهته لواحه الفرافرة في الوادي
وأمل ومالك كانوا في قطر برضو بس محطته كانت بني سويف
زين: تمام مستنين ايه خليكم في آخر وجهه للمواصلات دي واستنوهم هناك
عبد الرحمن: بس يا فندم ااا
زين: بس ايه
عبد الرحمن: الموصلات دي وصلت فعلا بس هما مش موجودين فيها
آدم: يعنى ايه
عبد الرحمن: يعني اكيد نزلوا في نص الطريق
زين: يبقوا كانوا بيهربوا من الرجاله بس البنات ميعرفوهمش
آدم: الشباب يعرفوهم واكيد دلوقتي عرفوا انهم مطاردين عبد الرحمن عايزكم تقلبوا المحافظه والأماكن اللي عدت عليها الموصلات دي لحد ما تلاقوهم فاهم
عبد الرحمن: حصل يا فندم وكلنا دلوقتي نزلنا مصر وكل تلاته بيدورا في محافظه مع فريق كامل
زين: مين اللي نزل يدور بالظبط
عبد الرحمن: اكمل ويامن ومراد في قنا، وفهد وعمار وجون في الأقصر، والياس وفادي وبيتر في الوادي، ومعتز وعلى وسراج في بني سويف، ومروان ونانو وانا هكون معاهم في أسوان
زين: تمام بس خلي البحث مكثف عند آيات وفهد لاني محافظه الوادي كبيره وممكن يكونوا مشيوا في الصحراء
عبد الرحمن: تمام يا فندم وعيله المنياوي بيدورا برضو يا فندم
آدم: تمام يا عبد الرحمن ابقى بلغنا لو في جديد ولو عدي كمان 24 ساعه هننزل مصر احنا كمان
زين: مينفعش يا آدم كده هنلفت الأنظار اكتر كفايه اللي بيطاردوهم دول
..........................................
في البدو
فهد صحي وبص حواليه ملقيش آيات فخرج ولقي الشيخ بدير بيقول: صباح الخير يا ولدي صاحي بدري ليش كيف مرتك ده الشمس لساتها مطلعتش
فهد: آيات هي فين
الشيخ بدير: قالتلي عايزه تشوف شروق الشمس وصفتلها المكان على تله قريبه من هون
فهد: فين التله دي؟؟!!
اما عند آيات كان قاعده على تله من الرمال بتبص على الشمس اللي لسه اول خيوطها مظهرتش لقيت فهد قعد جمبها وقال
" بتصحي من غير ما تقولي مش احنا تايهين سوا ولا ايه"
آيات بهجوم: انت ازاي ها ازاي تقولهم اني مراتك انت ياض بتستغل اني اغمى عليا امبارح ها
فهد مسك ايديها: ايه يا بت اهدي وبعدين هنا مينفعش يشوفوني قاعد معاكِ ومتكونيش مراتي
آيات: امممم طب يلا من هنا اصل انا مش مراتك وعيب كده
فهد: انا بتفرج على الشمس عندك مانع
آيات قعدت بعيد وقالت: اتفرج يا اخويا
فهد قرب منها وقال: خلاص يا حوريتي متزعليش
آيات: امشي بعيد يلاه
فهد: وربنا انت ما وش دلع خالص
آيات ضحكت في سرها وبصت على الشمس وحطت دقنها على ركبها وضمت رجليها لصدرها
فهد: ايه يا بت وضع الجنين ده
آيات: انا بقعد كده اقعد بقى وانت ساكت
فهد اتنهد وسكت وآيات بصت لخيوط الشمس اللي ابدات تظهر وقالت: حلو الشروق من هنا
فهد: اكيد الشمس مش قدامها حاجه مش زي المباني في المدن
آيات بصتله بضحك: يعني العيشه هنا احسن من زحمه الناس
فهد بص لضحكتها الساحرة وعيونها اللي بتعكس لون الشمس وقال: عيونك
آيات بخوف: مالها اوعي تقول أحوليت لااااااا
فهد بضحك: ماينفعش معاكِ نظام الكلام ده خالص يا فصيله
آيات بصت للشمس تاني: يا عم فكك من جو المحن ده مش بيأكل عيش
فهد: اوافقك الرأي بصراحه
فهد بص للشمس وبعدها بص لآيات وقال: في شعره طالعه من حجابك دخليها
آيات حاولت تتدخلها بس معرفتش فين
فهد مد ايده ودخلها فايده الخشنه لمست خدها الناعم فابتسم هو وقال: خشنه مش كده
آيات بابتسامه جميله: هاتان يدان يحبهما الله ورسوله
فهد بص لعيونها وقال: إنتي ازاي كده
آيات: ازاي ايه
فهد: كوكتيل غريب بس حلو
آيات بغباء: هتشربني يعني
فهد ضحك وبص لملامحها الفاتنه وقال
" بعشقك يا حوريتي"
آيات اتصدمت من اعترافه واتكسفت اوي ونزلت عينيها للأرض وهو رفع وشها بايده وبدون وعي مال عليها وباسها بنهم وعشق
آيات اتصدمت اتوترت اوي خاصهً من المشاعر اللي جواها وقلبها بينبض بعنف حاولت تبعده عنها وفعلا هو بعد عنها بعد كام محاوله منها
آيات بصتله ومن ثم ضربته بالبوكس في وشه وقالت: ده علشان قربت مني وقامت وقالت
" ده اخر حاجه تجمعني بيك انسى بعدها انك قابلتني أو أنك تعرف اني في وحدها اسمها آيات يا حضرت المقدم"
آيات مشيت وفهد لما فاق قام بسرعه وراها ومسكها من ايدها ووقفها وقال: يعني ايه انسى مش فاهم
آيات بصوت عالي: يعني تنسى يعني خلاص كل شئ قسمه ونصيب
فهد ضغط على ايدها وقال: آيــــات اوعي صوتك يعلى عليا فاهمه
آيات: لا هيعلي انا مش رخيصه يا فهد بيه اقول ايه بقى للإنسان اللي هتجوزه اني في واحد باسني قبلك
فهد لف ايدها وراء ضهرها وشدها جامد وقال بغيره شديده: قصدك ايه اللي هتجوزه مفيش حد هيبقى جوزك غيري اسمك مش هيتكتب غير على اسمي انا وبس فاهمه يا آيات ولا لأ
آيات بتحدى رغم ألم ايدها
" مش فاهمه يا فهد "
فهد بغضب شديد: آيات بلاش تتحديني
آيات خافت منه فهو كان شعره مبعثر وعيونه حمراء وأصبحت عروق رقبته بارزه
فهد عندما رأى نظره الخوف في عيونها قال
" خايفه مني"
آيات اخفت نظره الخوف ببراعة: سيبني مبقيتش واثقه فيك
فهد: ولما اسيبك هتعملي ايه
آيات بقوه: هبعد عنك خالص وكل واحد يروح لحاله
فهد قربها منه اكتر وقال بغضب وتملك
" متقدريش تبعدي مش هسمحلك تبعدي عني مش بعد ما خليتني اعشقك تبعدي عني مش بمزاجك"
آيات: وهو اللي بيحب حد بيوجعه
فهد: انا بوجعك
آيات بصت لايده اللي تانيه ايدها وراء ضهرها وقالت بألم: وجعتني
فهد ساب ايدها وهي مسكتها بألم
فهد: انا آسف
آيات: اعتذارك مش مقبول يا حضرت الظابط
فهد: طب اعمل ايه علشان يتقبل
آيات:............
فهد ابتسم بخبث: هجيب ليكِ بوكس شوكولاته
آيات بتذمر: ايه الرشوه الرخيصه دي
فهد: طب اجيب ايه
آيات بطفوله: بوكس كبير قـــــد كده
فرتدت دراعتها وفهد ضحك عليها وقال
" هههههههه حاضر أكبر بوكس"
آيات: ومتقربش مني تاني علشان حرام والله المره اللي جاي مش هتعرف وقتها تجيبني تاني
فهد بحنان: حاضر مش هقرب منك غير لما تبقى حلالي حاجه تاني
آيات: ايوه هتتعاقب
فهد كشر: غير البوكس
آيات: ايوه وهبقي افكر في عقاب
فهد اتنهد: انا اللي جيبتوا لنفسي ماشي
جيه طفل بيجري وبيقول: عم فهد عم فهد
فهد: ايوه
الطفل: الشيخ بدير رايدك انت وهي
فهد: ماشي جايين
..........................................
في بني سويف
مالك صحي من النوم وكان الساعه 1 الظهر ولقي الفوطه على راسه وأمل قاعده في الكرسي قدامه
مالك: امل يا امل
أمل قامت بفزع: فيه ايه انت كويس حصلك حاجه
مالك بص للخوف اللي في عينيها وقال: اهدي اهدي انا كويس هي الساعه كام دلوقتي
أمل: الساعه 1 الظهر قوم بقى علشان تصلي
مالك قام: هو انتي بتصلي يا أمل
أمل: اكيد يا مالك الصلاه دي اول حاجه هيتسال عليها العبد يوم القيامة اوعي تكون مش بتصلي
مالك: لا طبعا بصلي بابا علمني
أمل: طب قوم
مالك صلى وخرج برا لقى أمل قاعده مع عم سعيد فقعد معاهم وقال: عم سعيد هي أقرب محطه من هنا منين
سعيد: طب يا ولدي نتغدي لأول علشان جرحك ونتكلم زي ما انت عايز
أمل: ااه وحياتك يا عم سعيد الواحد هيموت من الجوع
مالك: يا بت فضحتينا
سعيد بضحك: لا فضيحه ولا حاجه انتوا ضيوفنا برضو وده واجب الضيافه
أمل: هو انت عند عيال يا عم سعيد
سعيد: ايوه يا بتي عندي ابراهيم ومني مني متجوزه وإبراهيم عنده 18 سنه وبيشتغل في الدكان
مالك: ربنا يخليهملك
سعيد:  تسلم يا ولدي
أمل: فين بقى ام إبراهيم اساعدها في الأكل
سعيد: عيب يا بتي الضيوف متشتغلش
أمل قامت: ضيوف ايه بس ده احنا أهل بيت قولي بس المطبخ فين ولا اقولك يا ام إبراهيم انتي فين
سعيد ضحك وقال: ربنا يخليهالك بيانلها بت حلال مصفى
مالك أبتسم على شخصيه أمل اللي دايما بتجذب الانتباه وروحها الحلوه
..........................................
في أسوان
سليم قام من النوم ولقي روان قاعده في البلكونة راح ليها وقال: بتعملي ايه
روان: صباح الخير يا عم الكسلان ده العصر قرب
سليم: ياااه انا نمت ده كله مقولتيش برضو بتعملي ايه
روان: بسقسق بقسمات في الشاي تسقسق معايا
سليم: على فكره احنا تايهين يعني لو ناسيه
روان: يا عم ياما دقت على الراس طبول بقولك ايه تعالى ننزل عيب كده احنا من الصبح في الاوضه دي
سليم: ماشي وبالمره اسأله محطه القطر فين
روان وسليم نزلوا وكان سلامه قاعد مع مراته وضحى وطفل في سن ضحى وبنت بس مدياهم ضهرهم
سلامه: كنت متأكد انكم تعبانين علشان كده مرضتش اصحيكم
سليم: شكرا جدا يا عم سلامه
سلامه:أفضل مراتي ام ممدوح ودي بت ضحى وممدوح أخوها ودي بنتي الكبيره شهد
شهد لفت وقالت بذهول: المقدم سليم
روان بصت وقالت: شهد يا بت الايه دي الدنيا دي صغيره يا جدع
شهد قامت وحضنتها وقالت: روان وحشاني جيتي هنا ازاي
سليم قعد وقال: حكايه طويله
روان: انتي من أسوان يعني مكانش باين علي كلامك
شهد: عادي يعني بس انتوا جيتوا هنا ازاي
روان: حوار طويل عريض مش فاهمه نصه لما افهم ابقى افهمك
شهد: دي صاحبه يا ابوي روان من البنات اللي حكيتلكم عنهم
أم ممدوح: ازيك يا بتي شهد حكت لينا كتير عنكم منورين الصعيد
روان: منوره بأهلها اللي هو انت والحج سلامه غير كده لأ
سلامه بضحك: دمك خفيف يا بتي قومي يا ام ممدوح انتي وشهد حضروا الوكل الراجل مخبوط في رأسه ومحتاج يتقوي
شهد: حاضر يا ابوي
روان: خذيني يا بت معاكِ
..........................................
في الأقصر
صحي عدي ودور على حبيبه ملقهاش لا هي ولا الخاله صابحه بس سمع صوت ضحك من برا فخرج وشاف حبيبه قاعده على كنبه برا وبتاكل قصب ومعاها الخاله صابحه بيضحكوا فقالت
" ايه يا كابتن ده كله نوم"
عدي: معلش بس انتي بتاكلي قصب واحنا تايهين
حبيبه: يا عم عادي ربنا هيحلها تاكل قصب
صابحه: صباح الخير يا ولدي كيفها دماغك
عدي: كويسه
صابحه: هاروح اعمل لينا شاي
حبيبه: لا والله ما تتعبي نفسك انا هقوم
صابحه: عادي يا بتي انا متعوده ومبحبش اقعد من غير حركه
صابحه مشيت وعدي بص للبس حبيبه وابتسم
" حلو اللبس ده"