عشق الوحوش والشياطين

الفصل 55

الفصل 55
صلي على نبي الرحمه 💜
بعد 3 شهور
تغيرت حاجات كتير منهم الشباب قدروا يعوضوا البنات بحبهم وحنانهم والبنات قعدوا في البيت بسبب الحمل وبمناسبة الحمل هرمونات الحمل اشتغلت على الشباب في الفتره دي (عيني عليهم) شمس لسه في الغيبوبه وعائشة (اخت ديانا ) اتجوزت من رأفت ومصطفى كل يوم بيزيد حبه لآسيا جواه ومراد دايما بيراقب تصرفات عشق نفسه ياخدها في حضنه هو مش بس بيعشقها مراد مهوس بعشق وحسن دايما بيراقب تصرفاته هو ومروان علشان يتأكد من حبهم وخصوصا انه صعب يتحكموا في نفسهم وهما حلالهم وقدامهم وخصوصا مراد لاني عشق قدامه طول الوقت
نرجع بقى لابطالنا
في شركات الرفاعي كانت تمشي صاحبه العيون العسلي وبطنها بارزه أمامها وأصبحت سمينه بعض الشي كما يقولون جسم البطه البلدي ذهبت لمكتب زوجها ومعشوقها فهي تعتاد على أن تأتي له في زيارات مفاجأه بعدما جلست في البيت مع يحيى لأن صفا وحسين سافروا
'' فهد موجود ''
استغربت أوي السكرتيره لأنها جديده ومتعرفش رسيل
'' عندك معاد ''
رفعت رسيل حاجبها وبصت للسكرتيره من فوق لتحت خصوصا اني لبسها ملفت وراحت للباب والسكرتيره جريت بسرعه
'' انتي يا مدام ''
رسيل فتحت الباب وكان فهد قاعد على مكتبه وفي ايده ملف ولما شافها ابتسم
السكرتيره: اسفه يا فندم على ال...
فهد: دي مراتي يا هلا
هلا: ها مراتك
رسيل: اه مراته ممكن بقى يا مدام عصير جوافه لو هنتعب حضرتك
هلا: نعم انا انسه مش مدام
رسيل: اووه بجد اصل عندك كرش افتكرت مدام
هلا بصت لبطنها المسطح وبصت لبطن رسيل برفعه حاجب ولسه هتتكلم قاطعتها رسيل
'' لا اياكي تتكلمي يا قطه على بطني انا حامل يا ماما ده مش كرش يا مرحبا ''
هلا: اسمي هلا
رسيل بعدم اهتمام: هلا مرحبا الاتنين معنى للترحيب يلا بقى هاتي عصير الجوافه واوعي تنسى الشوكولاته بتاعتي
هلا: بغباء شوكولاتة
رسيل زقتها لبرا: اه يا روحي شوكولاته
رسيل قفلت الباب وقالت بغيره
'' مين دي ''
فهد: هلا سكرتيرتي الجديده... وكمل بهمس بعد ما قطعتي شعر الأولى
رسيل: وليه مش راجل
فهد: بتغيري يا رسيل
رسيل ببلطجه: ايوه يا عيون رسيل وبلاش ندخل في الغيره يا فهد علشان آخرها موت
فهد بضحك: طب تعالى
رسيل راحتله وهو شدها قعدها على رجليه
رسيل: يا فهد انا بقيت تقيله رجليك هتوجعك
فهد: مين الحمار اللي قال كده
رسيل بتذمر طفولي: المرايا كل لما ابص فيها احس نفسي بقيت 100 كيلو
فهد فرد شعرها المربوط وقال
'' لا يا قلبي بقيتي شبه البطه البلدي اللي عايزه تتاكل ''
رسيل بملل: خف قله أدبك دي يا فهد شويه
فهد: طب اعمل ايه مشغول في الشركه وفي القضيه
رسيل بسخريه: اه فعلا ويا ريتك بترجع مهدود يا فهد
فهد ضحك عليها والباب خبط وعلى غير العاده ظلت رسيل في حضن فهد بل اقتربت منه أكثر ودخلت هلا بعد ما فهد سمحت ليها بالدخول وحطت الشوكولاته والعصير بغيظ من وضع رسيل وفهد
رسيل باستفزاز: براحه يا مرحبا على الشوكلاته وابقى خدي الباب في ايدك
هلا بضيق: حاضر
رسيل: حضرلك الشر يا هلا
فهد قعد يضحك عليها فهو اكتشف انها غيوره جدا عليه والهرمونات تزيد عليها
رسيل كانت هتقوم بس هو مسكها وقال
'' لا خليكي ''
رسيل: علشان متتضايقش
فهد مسك ورق الصفقه ورسيل لسه في حضنه وبدأ يكمل فيها وهي بتشرب العصير بالشاليموا ومركزه في الورق فبعدت العصير وشاورت على الورق وقالت
'' البند ده لازم يتشال علشان لو فضل هتخسر مش اقل من مليون جنيه عكس الشريك التاني هيكسب ''
فهد باس خدها الممتلئ وقال
'' شاطره يا فوكس ''
رسيل بغرور: اومال هو انا الفوكس من فراغ
..........................................
في مكان آخر
كان عدي يتكلم مع شخص
عدي: التحليل بيقول اني كان فيه ماده في العصير تخليني متحكمش في نفسي والقهوه قللت من الماده دي
$ بتفكير: عدي انا براقبه حاليا من خلالها وهو ناوي على حاجه مش كويسه مش عارف هي ايه خلي بالك من ديانا
عدي: ديانا في عيوني وقلبي بس انا عايز اقولها على كل حاجه
$ لا إياك انا عارف ديانا وتفكيرها ممكن تعمل تصرف يضر نفسها وبنتها كده أفضل
عدي بتعب: مش عارف مش عارف
$ وقف وحط ايده على كتف عدي
"عدي حافظ على عيلتك الصغيره يا ابني ومش هقولك تاني خلي بالك من ديانا"
عدي: حاضر
عدي مشي وهو بيفكر في اللي جاي اكيد مش هيبقى كويس ركب عربيته وطلع على البيت اشتاق لحضنها كثيرا
عدي وصل قصر عيله الهلالى وركب لاوضته وشافها في البلكونه بتتكلم مع بنتها اللي لسه جنين كالعاده قرب منها وحضنها من وراء
'' مش هتبطلي العاده دي ''
ديانا بخضه : انا برضو اللي ابطل خضتني يا عدي حرام عليك
عدي حط ايده على بطنها وقال بحب
'' سلامتك من الخضه يا نجمتي وعلى اميرتي الصغيره ''
ديانا: نفسك تسميها ايه يا عدي
عدي: انتي ايه رايك
ديانا بحماس: لا انا عايزاك انت اللي تسميها
عدي بص لعيونها وقال: طيف
ديانا باستغراب: اشمعنا
عدي: علشان الاسم ده نادر اوي وهي هتبقى زي مامتها حاجه كده نادره ولا توصف
ديانا ضحكت وقال عدي بغمزه
'' بقولك ايه ''
ديانا: ايه؟!؟!
عدي: ما تيجي اقولك سر
ديانا: لا انا مش بحب الأسرار
عدي: انتي مش بتحبي الأسرار ده انتي حياتك كلها كانت أسرار يا ديانا
ديانا باستعباط: محصلش هما 3؛ 4بس
عدي: طب عيني في عينك كده
ديانا: اهو
عدي: لا انا بعد النظره دي بنتي وحشتني وعايز اسلم عليها
..........................................
في جنينه قصر المسيري
كانت جين تلعب مع أنس ويراقبهم علي بابتسامة جميله وهو ينظر إلى أنس كم اشتاق إلى ابنه وحفيده دائما الحزن يخيم على عائلته قربت منه جين وقالت
'' ايه يا ابو عمر ليه الحزن ده ''
علي: لا ولا حاجه هو أنس راح فين
جين قعدت جنبه: راح الحمام الا قولي هو انا تقريبا شبه اللي اعرفه عن العيله دي واللي ظاهر ليا انت وسليم وانس هو فيه حد تاني
علي: اه بنتي وابنها
جين بصدمه: عندك بنت وحفيد تالت
علي: ايه ده بجد مكنتيش تعرفي
جين: انا كل شويه اتفاجئ بحد جديد في العيله دي طب هي فين بنتك
على: مسافره السويد مع ابنها
جين: طب ليه مجاتش الفرح هي وابنها
علي: علشان هي بتتعالج هناك ومقدرتش تنزل وابنها معاها انتي ماخدتيش بالك اني بسافر كتير انا كل شهر بروح ليهم
جين بغباء: تصدق ماخدتش بالي طب هي اسمها ايه وابنها ده
علي: اسمها رحمه بنتي الصغيره اتجوزت وعاشت في السويد وكانت بتنزل اجازات بس تعبت من سنه وبتتعالج في السويد بس المشاكل اللي حصلت متقدرش تنزل دلوقتي وابنها ميقدرش يسيب أمه ويجي انا دايماً بحكيلها عنك وبصراحه بتحبك اوي
جين: طب ابنها ده انا شوفته قبل كده او اعرفه
على: اه نزل من 3 شهور بس انتي كنتي مع سليم وقتها اسمه يونس المرشدي وهو اللي كان ماسك الشركه مع سليم
جين: اممم
أنس جيه وقال: يلا بقى نكمل لعب
جين بخفوت: الله يخربيتك زي عمك مش بتتهد
علي سمعها وفضل يضحك عليها وسمعوا صوت من وراهم
'' ايه يا جدي هو انا كل لما اجي الاقيك بتضحك مع مراتي ''
جين: الله ما تسيب الراجل يضحك
سليم بتوعد: ماشي
جين بخوف: عارفه انا البصه دي هتموتي يا جين النهارده
علي شال أنس ودخل وقالت جين بفزع
'' انت هتسيبني لوحدي معاه ''
سليم قعد وهى كشرت
'' طب مكشره ليه دلوقتي''
جين: طلع عندك ابن عمه وعمه كمان وانا معرفش
سليم اخدها في حضنه: مجاتش فرصه يا حبيبتي اقولك
جين: طب قولي هي شمس قالتلكم امتا اننا ظباط
سليم: قبل الفرح بكام يوم
جين طب قالت ايه وقتها
سليم: اممم حاضر هقولك
Flash back
نرجع بقى لليوم اللي طلبت شمس حضور عدي وسليم وفهد ومالك عارفه انكم هتموتوا وتعرفوا وقتها حصل ايه بس انا قطعتها
شمس: الموضوع بخصوص البنات وهما يبقوا زي انا ظباط
الشباب بذهول: نعم
شمس: اهدوا علشان تفهموا هما مخبين ليه
مالك بغضب: ليه بقى ان شاء الله
شمس بحده: قسما بالله اللي هيتعصب لأخذ البنات واسافر ها
الشباب سكتوا بضيق وهي كملت
'' بصوا انا والبنات جينا الكتيبه عندكم علشان مهمه اتكلفنا بيها وهي اننا نعرف اذا كنتم محل ثقه بالمهمه دي ولا لأ وانتوا بصراحه نجحتوا بجداره انا إللي ظهرت في الوش حاليا لاني البنات خايفين اه خايفين متبصوش كده زين اجبرهم يوافقوا على الخطوبه منكم غير كده هما كانوا هيسافروا ومش هيظهروا غير وقت ما انا ظهرت وانا كمان ظهرت بدري علشان حكايه انكم اتقدمتم البنات بصراحه حاولوا يطفشوكم كتير بس مفيش فايده وانا حددت الفرح مش بمزاجي على فكره ولا علشان خاطركم لا زين هو كمان جبرني على كده وقال أني البنات ميعرفوش بالموضوع علشان ممكن يعملوا حركه غبيه زيهم الفرح بعد 3 ايام من دلوقتي انا لسه موزعتش الدعوات ممكن ألغى كل حاجه لو انتوا موافقتوش وزين ميعرفش اني هقولكم على الحقيقه ''
الشباب سكتوا وقت طويل وهي قالت ببرود
'' تمام وصلني الرد شكل زين كان غلطان في وجهه نظره ناحيتكم ''
عدي: استنى هما البنات مخبين حاجة تاني
شمس بسخريه: حاجه واحده لا دي حاجات كتير واسرارهم دي أسراري يعني دي نقطه في بحر بس انتوا وشطارتكم تخلوا البنات يتكلموا بعد الجواز
الشباب سكتوا شويه
شمس: لو محتاجين وقت انا
الشباب قاطعوها بصوت واحد جاد
'' احنا موافقين والفرح في معاده ''
شمس باستغراب: غريبه شكل زين معاه حق لما قال عليكم رجاله
Back
سليم بصلها بعتاب: بس انتي طول الفتره دي متكلمتيش يا جين
جين حضنته جامد: كنت خايفه والله يا سليم
سليم: خلاص يا زتونتي أهم حاجه انك في حضني دلوقتي
..........................................
في مكان آخر
نزل مالك من عربيته وهو بيتكلم مع شغف في التليفون
''يا حبيبتي وربنا في مشوار ''
شغف: قلبي مش مرتاحلك طب بص هات اندومي معاك وانت جاي
مالك: انتي عايزه تسمى ابني
شغف: ايه يا مالك ده اندومي مش سم فران يا روحي
مالك بضحك: خلاص اقفلي سلام
مالك قفل وبص للمستشفى ودخل وسأل في الاستقبال
''لو سمحت مكتب دكتور براء منين ''
الموظف بصله وعرف انه زوج واحده من مالكين المستشفى فقال: الدور التالت يا فندم
مالك طلع لفوق وخبط على المكتب ودخل
براء اول ما شافه قام وقال
'' اخيرا جيت ''
مالك: لولا إصرارك مكنتش جيت خير بقى
براء: طب اتفضل اقعد
مالك اقعد وبراء قال بجديه
'' بص يا مالك فاكر لما والدك عمل العمليه ''
مالك: ايوه
براء: وقتها احتاج دم وانت واخوك تتطابقته معاه بس وقتها دمك كان فيه حاجه غريبه فاخدنا من زين
مالك: ادخل في الموضوع يا دكتور
براء قام اقعد قبال مالك قدام المكتب
'' بص يا مالك الكلام اللي جاي هيكون شديد بس انت مش اي حد..... انت عندك كانسر في الدم ''
مالك سكت شويه وقال بعدما استيعاب
'' مين انا ''
براء: ايوه انت انا محبتش شغف تعرف لحد ما انت تقرر
مالك بسرعه: اوعي تقول لشغف
براء: هي لازم تعرف وهي اكيد هتعرف شغف دكتوره
مالك: ازاي ومفيش اي أعراض ظهرت
براء: لأنه لسه في البدايه وكمان بنية حضرتك والتزامك بالتمارين الجسديه قلل من ظهور الأعراض دي
مالك سكت وقال براء
'' مالك قبل ما تفكر في أي حاجه فكر في عيلتك ابنك اللي لسه مجاش الدنيا وشغف صدقني انت لو حصلك اي حاجه شغف هتتدمر''
مالك بصله بضياع: شغف ممكن يحصلها حاجه لو عرفت
براء: خد وقت تفكر هتقولها ازاي لازم تعمل العمليه وفكر في عيلتك
مالك خرج وركب عربيته وهو مش عارف يروح على فين التليفون رن ولقاها زينه فمردش بس رن مره واتنين لحد مآ رد
'' ايوه يا زينه ايه الأصوات اللي عندك دي ''
زينه ببكاء: مالك تعالى على البيت بسرعه فيه مصيبه
مالك: اهدي يا زينه انا جاي
مالك لف العربيه وراح على القصر ونزل بسرعه وكان زين بيتخانق مع ابوه وزينه بتبكي وكان فيه طفل وراء ابوه بس ملمحهوش
زين بصوت عالي: انتوا بتعملوا فينا كده ليه
مالك بغضب وصوت أعلى
'' زيــــــن اوعي تعلى صوتك تاني على ابوك ''
زين بوجع: ابويا اللي اتجوز  واحده قد عياله وخلف منها
طارق بص لمالك ومالك قال: زين خد اختك واطلع لفوق
زين اخد زينه وركب وطارق بص لابنه وراه اللي كان بيعيط ومستخبي فيه بخوف ونزل على ركبته واتكلم بحنان
'' مازن يا حبيبي متخافش ''
مازن بخوف وعياط: انا عايز ماما
بص طارق لابنه بوجع لأنه بقى يتيم الأم وهو لسه عنده 4 سنين
'' مش قولنا اني ماما عند ربنا دلوقتي ''
مالك بص لمازن بحزن هو اه مش يتيم بس طول عمره حاسس انه يتيم الأم
'' طول عمري بقول ايه اللي مصبرك على زينات هانم كنت حاسس انك متجوز ''
طارق: انا معلمتش حاجه حرام انا اتجوزتها على سنه الله ورسوله وده ابني من صلبي
مالك: والمطلوب مني
طارق وقف قدام ابنه: انا عارف انك مش هتظلم مازن هات مراتك وعيشوا سوا هنا زينه وزين هياخدوا وقت علشان يتقبلوا مازن انت أعقل واحد فيهم خد بالك من مازن لحد ما ارجع...امك طلبت الطلاق واخدت شنطتها وسافرت لخالتك انا هعرف اتصرف
مالك هز راسه بشرود وهو بيبص لمازن
اليوم اللي بعده
كان زين وزينه بيبصوا لمازن اللي قاعد في ركن بخوف وهما فعلا مش طايقينه اكيد ابوهم هيحبه اكتر منهم
شغف دخلت وبصت عليهم وكشرت ووقفت قدامهم وقالت
'' مش عيب عليك يا شحط منك ليها كده الواد خايف منكم بدال ما تاخدوا في حضنكم ''
زينه بضيق: يعني احنا كنا ضربنا يا شغف
شغف: ما هو ده اللي ناقص
شغف قربت من مازن وقالت بحنان
'' متخافش يا حبيبي ''
مازن بخوف وعياط: انا عايز بابا
شغف شالته وقالت: يا روحي بابا دلوقتي في مشوار وهيرجع تاني
الداده ماجده جات وقالت
'' شغف يا بنتي كويس انك جيتي يمكن يرضى ياكل من ايدك ''
شغف: هو مأكلش
ماجده: من ساعه ما جيه يا بنتي
شغف بذهول: نعم احنا العصر الولد ماكلش من عصر امبارح
بصت لزين وزينه بزعل وراحت للمطبخ وهما زعلوا من نفسهم لأنه اكيد خاف يقولهم انه جعان
شغف قعدت مازن على الرخام ولبست المريول وقالت بحنان
'' ها يا مازن باشا قولي تأكل ايه ''
مازن بصلها وقال بتفكير: سمك
شغف: بتحبي السمك زي اخواتك
مازن بفرحه: ومكرونه اسباجتي 🍝
شغف: لا جيتلي في ملعبي بقى
شغف بصت على زين وزينه اللي واقفين على باب المطبخ وقالت
'' هتفضلوا واقفين كده كتير ''
زين وزينه دخلوا ومازن خاف ومسك في شغف
'' ماما ''
شغف وزين وزينه: ماما؟!؟
مازن: انتي شبه ماما هي كمان كانت بتعملي الأكل والمكرونه انا خايف منهم
شغف حضنته بحنان شديد وقالت
'' دول اخواتك يا مازن عمرهم ابدا ما هيأذوك ولو انت عايز تقولي يا ماما انا مستعده ابقى ماما من دلوقتى ''
زينه قربت من مازن وملست على شعره
'' انا اسمي زينه يا مازن وده زين وفيه مالك برضو بس هيجي على الغداء ''
شغف: يلا نعمل الاكل سوا
بدأ الكل يعمل الأكل ونوعا ما مازن ارتاح وسطهم وخصوصا شغف
زين وزينه بدأو ينقلوا الأكل للسفره وشغف كانت بتغسل ايد مازن بس حست بحد على الباب وابتسمت مين غيره بيخلي قلبها يدق كده
مازن: بابا
مالك استغرب بس افتكر انه وابوه شبه بعض جدا مازن حضنه ومالك رفعه من على الأرض وقال بهدوء
'' ازيك يا بطل ''
مازن: اتأخرت يا بابا
شغف: احم مازن ده مش بابا ده ابيه مالك
مازن بص لمالك: يعني أنني مش بابا
مالك: لا بس عادي انا وبابا نفس الشكل
مازن نزل من حضنه وراح لحضن شغف ومالك رفع حاجبه وهي فهمت ده
'' احم يلا يا مازن علشان ناكل ''
الكل قعد وشغف كانت قاعده جنب مازن وشالت الشوك من السمك وحطته قدام مازن وعملت كده تاني وحطته المره دي قدام مالك لأنها في النص ما بينهم
مالك ابتسم وافتكر اول مره جابت ليه سمك في الكتيبه برضو شالت من الشوك
زينه بتذمر: ايه العنصريه طب وانا
شغف: وانتي أيه يا شحطه طب هو صغير
زينه: يعني هو مالك صغير
شغف: لا مالك جوزي وقره عيني انا اللي اشتغل على راحته
زين بسخريه: اللي يسمعك دلوقتي ميشوفكيش وانتي بتدي علقه لواحد شكل كله يوم في الكليه
شغف: ياااه ايام
زين بحماس: تيجي نلعب بلايستيشن
زينه: اشطا وهغلبك يا زين بتعرف تلعب يا مازن
مازن بحماس طفولي: ايوه
مالك وقف: طب اغسلوا أيديكم الأول
الكل غسل أيديهم وقعدوا في الصاله وكانت زين وزينه ومازن قاعدين بيلعبوا وشغف بتشجع ومالك بصلهم وسرح في كلام براء فاق علي ايد شغف وهي بتقول بقلق
'' انت كويس يا مالك فيك حاجه ''
مالك ابتسم ورجع خصله وراء ودنها
'' أنا كويس وحشتيني بس ''
شغف بحب: وانت كمان
مالك بهمس: طب بقولك ايه اسبقيني على فوق
شغف بنفس الهمس: مينفعش نسيبهم ونطلع فوق عيب
مالك بص ليهم وقال: زينه بقولك ايه خدي مازن والعبوا في الجنينه برا وخدوا الشحط ده معاكم
زين: انا شحط
مالك: قوم يلاه
زين قام: حاضر من غير زعيق
مازن قرب من شغف: تعالى معانا يا ماما
شغف بصت لمالك بشماته وهو قال
'' مازن يا حبيبي ماما شغف تعبانه العب مع زينه وزين دلوقتي ''
زين: ااااه قول كده بتوزعنا
مالك: اخلص يا زين احسن لك
زين خرج معاهم: اوف حاضر امتا بقى يارب اعمل زيه
شغف ضحكت عليه بس شهقت لما مالك شالها لفت ايديها حوالين رقبته وقالت بدلال
'' كده يا مالك وبعدين نزلني انا تقيله عليك ''
مالك: طلع بيها السلم لا يا قلبي انا مش تقيله جسمك حلو
شغف: يا سلام فين ده فضلت تزغط فيا زي البطه لحد ما بقيت شبهها
مالك بضحك: احلى بطه دي ولا ايه وبعدين مش الدكتوره قالت انتى محتاجه تغذيه
مالك فتح الباب ونزل شغف وقبل ما يقرب منها فرت منه على اوضه الهدوم
'' ثواني بس هعمل حاجه الأول ''
مالك: وده وقته
بعد كان دقيقه خرجت شغف من اوضه الهدوم وكانت لابسه قميص نوم من باللون البنى مع تموجات باللون الأخضر يبرز حملها بشكل لطيف
مالك قرب منها ومسكها من وسطها
'' يليق مع لون عيونك ''
شغف حاوطت رقبته: طلبته مخصوص باللون ده
مالك ضحك: قلبك تقل يا شغف وبقيتي تلبسي قمصان نوم
شغف بدلال: مش أدلع جوزي
مالك قرب منها: امممم
..................................
بعد فتره كانت بين أحضانه تمشي اصبعها على صدره العاري وهو شارد في نقطه وهميه
'' مالك ''
مالك بعدم انتباه: اممم
شغف بصتله: انت مخبي عني حاجه
مالك بصلها: ليه بتقولي كده
شغف: انت مش معايا
مالك ابتسم: انا في حضنك على فكره
شغف: بجسمك بس اما عقلك في حته تانيه... بصتله بشر وقالت: اوعي تكون بتفكر في واحده غيري وربنا اقتلك
مالك ضحك على زوجته المجنونه الان ستعمل هرمونات الحمل
شغف بغيظ: انت كمان بتضحك يعني بتخوني
مالك: يعني انا لو بخونك هرجع لحضنك تاني
شغف: ما انتوا الرجاله كده قال ايه نزوه وعدت
مالك بذهول: نزوه هو انتي قفشتيني مع واحده
شغف بصتله بنظرات مميته: انت لو تعرف اصلا واحده انا هدبحك وادبحها يا مالك
مالك: حبيبي الغيور يا ناس
مالك حضنها بقوه كأنه بيستمد منها القوه وهي استغربت بس أنّت بخفوت لما ضوافر مالك جرحت وسطها
مالك بعد ايده بسرعه: انا آسف آسف
شغف بصت لعيونه وللخوف اللي فيهم علشان جرح صغير مسكت وشه بين ايديها
'' اهدي يا حبيبي ده خربوش بس ''
مالك ادمعت عيونه: مش قصدي والله
شغف بصت لعيونه: ليه الدموع دي انا كويسه والله
شغف ضمت خصره وهو حضنها وقال بعد فتره صمت بينهم
" شغف هو انا لو حصلي حاجه في يوم هيحصلك ايه"
شغف بصتله طويلا: لو ملاك رجعت وانا اختفيت هتزعل يا مالك
مالك بدون تفكير: مش هسيبك تبعدي عني مهما حصل انا ممكن ادّمر يا شغف لا ده اكيد مش ممكن اوعي تسبيني
شغف: دي اجابتي لسؤالك اوعي تسبني انا هموت من غيرك يا مالك مش بعد ما لقيت الأمان اتحرم منه بالسرعة دي
شغف حضنته جامد وهو سرح في كلامها وغمض عيونه بتعب ماذا يفعل الآن
..........................................
في مكان آخر كانت تجلس غزل مع ريم فهي في مصر منذ شهر وهما الاثنين حوامل في شهرهم الـ 7
ريم: ها يا غزل عايزه طبق تاني بقيتي مفجوعه يا بنتي
غزل: لا خلاص كفايه كده وبعدين ما كله علشان البيبي وياسين بيزعل لو مأكلتش
ريم بضحك: عارفه ما اخوه معايا
أيهم جيه: ماما
ريم: تعالى يا حبيب ماما
أيهم حضن بطن ريم وقال: اختي حبيبتي عامله ايه
ريم: كويسه يا أيهم باشا
أيهم جرى على غزل وحضن بطنها
'' عروستي عامله ايه النهارده انتي اتاخرتي ليه خرجيها من بطنك بقى يا طنط غزل "
غزل: هههههههه عروستك طب افرض طلعت وحشه
أيهم: لا طبعا وحشه ازاي ابوها حلو وأمها قمر هتطلع وحشه لمين يعني انا هاخدها يعني هاخدها
ياسين بغضب من وراه: خدك ربنا يا أيهم ابعد عن مراتي يلاه ما تشوف ابنك يا ادهم
أدهم بضحك: مالك بس يا ابو نسب هو الواد عمل حاجه
ياسين: حتى انت يا أدهم
أيهم بغضب طفولي: دي هتبقى مراتي يا ياسين ولو انت موافقتش انا هخطفها
ريم بضحك: بس يا أيهم عيب
ياسين رفع أيهم من هدومه وقال بغيظ
'' تخطف مين ياض يا ابن أدهم ''
أيهم: وماله ابن أدهم شايف يا جدو
حسن بهدوء: نزل أيهم يا ياسين انت هتعمل عقلك بعقله
ياسين نزل وايهم باس خد غزل وطلع يجري وهو بيقول
'' وصليها لعروستي يا غزل ''
ياسين طلع يجري وراه: وربنا ما انا سايبك يا حيوان
ريم وغزل قعدوا يضحكوا وادهم بص لابوه وقال: بابا هو انت ليه رفضت اننا نعيش في القصر الألفي من تاني
حسن: لما اخواتك يرجعوا الأول يا أدهم ونتجمع من تاني يا ابني
أدهم: يارب يا بابا
..........................................
في تركيا
وعند ثلاثي الصراخ على رأي مراد ماخرا
عشق بعصبيه: ولاه متعصبنيش هي من قله الكليات عايزه المخابرات العالميه
مصطفى: الله طب إختياري المفروض تحترموا شويه
ملك: ياض انت حمار مش بتفهم خطر عليك خطر عليك يا اهبل
مصطفى: سيبوني اجرب
عشق مسكته من شعره: تجرب ايه هي لعبه هتجربها
مصطفى بصراخ: يا يـــامـــن الحقني
يامن طلع السلم لاوضته: مليش دعوه اصطفي معاهم
مصطفى: يا جدعان هو انا علشان يتيم تعلموا فيا كده
ملك: يتيم مين يا شحط انت
مصطفى: بس اهلي ماتوا قدامي يا بشر
عشق: ما هما ماتوا قدامي انا كمان وكان عندها 5 سنين وقتها انت يلا خبيث كده لمين
مصطفى بضحك: ليكي يا اسطا ده انا تربيتكم خبيث ليكي ومكار لرسيل وبارد سيكا لديانا وعصبي حبتين لجين تونزي وصايع لشغف وذكي لشمس وبعرف اهرب بسرعه من المصايب لملك
ملك ضربته على قفاه: لا ياض اقنعتني
آسيا جريت وقالت بغضب طفولي
"سيبيه يا عشق"
مصطفى بتأثر: اااه اللي نصراني دايما
ملك: بت هو انتي عشان بنت الوحش هتعملي فيها واحده وربنا تضربي معاه
مصطفى فلت من عشق وشال آسيا وطلع يجري على الجنينه وهو بيقول بصوت عالي
"وبرضو هادخلها ويا انا انتوا يا عصابه"
ملك: وربنا مراد كان عنده لما قال بلاش احنا اللي نربي الولد ده بقى شبهنا في كل حاجه واحنا 7 اصلا اسوء من بعض
مراد عدي من جنبهم وقال ببرود
"كويس انكم عرفتوا في الآخر"
ملك: رايح يا مراد
مراد: مسافر مصر سلام واه بلاش مصايب مش عايز ارجع الاقي الهانم دراعها مكسور والتانيه دماغها مفتوحه والتالت الاهبل واخد غرز
مراد خرج وفي ثانيه جريوا عشق وملك على اوضتهم سحبوا الشنط بتاعتهم الضهر ونزلوا جرى علي السلم
يامن: انتوا رايحين فين
عشق: رايحين عند تايجر حرام الواد محدش زاره من 3 شهور
يامن: مش مصدقكم بصراحه
ملك: مش مهم المهم لو مراد رجع فجأه كده ابقى اتصل قولنا واحنا ساعه بس وهنكون عندك سلام ايامن
..........................................
اليوم التالي
في قصر الشناوي كان البنات عرفوا بحكايه مازن وراحوا كلهم لشغف وكانت قاعدين في الجنينه وانس ومازن بيلعبوا مع بعض وزينه بتلعب معاهم اما زين كان في العياده
شغف والبنات قعدوا جنب ديانا الشارده
'' مالك يا بت البحيري بتفكري في ايه ''
ديانا: عائشه من يوم ما اتجوزت وانا مش عارفه اتكلم معاها خالص ولا اوصلها ولما قولت لجدي قالي مقلقش هو بيتكلم معاها
جين: هي لسه عائشه منطوه من يوم الحادثة ده
ديانا: ايوه
شغف: أن جيتي للحق انا اصلا مش بطيق رأفت ده وكان الود ودي اقتله بسبب نظراته وظرافه امه دي
ديانا: وحياتك وانا بس اعمل ايه عائشه عايزاه اتسطت في نظرها وقالت عايزاه
زين جيه وقال: ايه ده العصابه عندنا متجمعين عن النبي
رسيل: خير يا طير
زين: هو انا ليه بحسك مش طيقاني
رسيل: عايز ايه يلاه هات من الاخر
زين: احم احم ماشي هو يعني اختك هنا مرتبطه
شغف: وليه السؤال
زين: اصل انا يعني عايز ارتبط بيها
رسيل ضربته بالمخده: اخيرا نطقت يا دغوف
زين: الله من غير شتيمه وبعدين عرفتي ازاي
ديانا: من نظراتك ليها في المستشفى والفرح واي مكان انتوا الاتنين بتتجمعوا فيه
زين: ايه ده افهم انها معجبه
جين: حمار وانت مش واخد بالك يعني
زين بغباء: لا
جين: ااااه غبي زي عمر بالظبط
زين: اه صح هي مين البنت اللي عمر بيحبها
شغف: وانت مالك
زين: أعوذ بالله منكم عصابه
تليفون رسيل رن وكانت ملك
'' خير يا اختي بتتصلي ليه ''
ملك ببكاء: رسيل تعالى بسرعه انتي والبنات إيطاليا
رسيل قامت: فيه ايه يا ملك رحيم حصله حق
عشق: بسرعه يا رسيل هاتوا البنات وتعالوا الموضوع بخصوص ملاك
شغف: ملاك مالها
رسيل قفلت والبنات جريوا
زين: فيه ايه ومين ملاك دي
شغف: زين لو الشباب جم قولهم البنات سافرا لموضوع ضروري وخلي بالك من مازن وأنس
البنات مشيوا بسرعه من باب تاني علشان أنس ومازن
وبعد كام ساعه
البنات وصلوا قصر تايجر ودخلوا بسرعه وكانت عشق وملك قاعدين بجمود وجورج بيبص ليهم بحزن اما رحيم كانت نظراته غامضه
ديانا: رحيم ملاك مالها
ملك بجمود: ملاك اتحركت
جين: اتحركت ازاي
جورج: ملاك من 3 شهور وهي قلبها نبضاته مش مظبوطه والنهارده حركت ايدها
شغف: يعني فاقت
جورج: لا المؤشرات الحيويه بتقول لسه في الغيبوبه
رسيل: ايه اللي حصل بالظبط
ملك: اللي حصل....
Flash back
ملك دخلت اوضه ملاك وكانت نايمه على السرير وسط الاجهزه والمكان هادي جدا إلا من صوت جهاز القلب
قربت من السرير وقعدت على الكرسي
'' وبعدين يا ملاك مش ناويه تقومي ده جدي دخل الغيبوبه بعدك بـ 6 سنين وفاق ده انتي داخله في 15 سنه مزهقتيش منها ده الواحد لو نام يومين وراء بعض هيزهق فيه ايه في دماغك مش مخليكي تفوقي ''
مسكت ايدها وقالت بدموع: طب علشان خاطري انا والبنات فوقي انتي متعرفيش في الفتره دي حصلنا ايه احنا اتدمرنا فوقي بقى طب علشان خاطر شمس اللي ممكن تفضل سنين في الغيبوبه انتي ممكن تبقى حافز يفوقها قومي بقى
ملك حست بضغط خفيف على ايدها وكانت من ملاك
ملك بصت بصدمه لعيونها بس هي مفتحتش فصرخت بقوه
'' رحـــيـــم.... عــــشــــق ''
رحيم وعشق وجورج دخلوا بسرعه وعشق جريت على ملك بخوف
'' فيه ايه انتي كويسه ''
ملك: ضغطت على أيدي ملاك ضغطت على أيدي والله
رحيم: ازاي يعني فاقت... جورج
جورج كشف على ملاك ومؤشراتها وقال
'' لسه في غيبوبه متأكده انها حركت ايدها ''
ملك بعياط: والله داست على أيدي والله
عشق حضنتها وهي كمان بتبكي
جورج: يبقى اكيد رد فعل مش اكتر
Back
ديانا كشفت على ملاك وكانوا كلهم في اوضتها ولقيت نبضات قلبها غير منتظمه فتكلمت
'' ملاك انا ديانا لو انتي سامعه أو حتى عايزه تفوقي اعملي اي اشاره ''
لم يحدث شئ فعشق مسكت أيد ملاك
'' ملاك انا عشق بنت دانه وأحمد يا ملاك ''
ملاك ضربات قلبها عليت ورجعت تاني غير منتظمه
ملك: شوفتوا
رحيم ديانا: انتي بتفهمي في المخ والأعصاب ده معناه ايه
ديانا غمضت عيونها: معناه اني ملاك عايزه تخرج من الغيبوبه ومش عارفه ازاي محتاجه محفز قوي
عشق: يعني ايه
شغف: يعني ملاك قربت تفوق في أي وقت هتفوق
البنات بصوا لملاك وقالوا: اتمنى تفوق قبل فوات الأوان
ملك: انا عايزة اروح لليالي عايزه اروح لخالي زين
رحيم: حاضر هوصلكم هناك
..........................................
عند الشباب
مراد: ازاي راحوا إيطاليا انا لسه سايب ملك وعشق في تركيا
اكمل: يعني هما بيفضلوا في مكان يا مراد
أدهم: طب ليه ملك كانت بتبكي
فهد: والله انا ما خايف غير من ملاك دي
حسن بص لابوه: برضو مش هتقولي مين ملاك
علي: لا لأنك هتعرفها لما ترجع من الغيبوبه
حسن بص لابوه بضيق وبعدها بص لمروان الشارد قطع ده كله دخول عدنان بسرعه وهو بيتنفس بعنف
مروان وقف: فيه ايه يا عدنان بتجري كده ليه
عدنان: مصيبه لا دي كارثه
سيف: فيه ايه انطق
عدنان بص للشباب: اللواء إسماعيل الشاذلي
(فاكرينه يا بنات كان في الفصول الأولى وخر ابو مريم وافنان اللي ساعدوا البنات اني شمس ومصطفى يخرجوا برا المستشفى)
جابر بقلق: ماله
عدنان: اتعرض للاغتيال من ساعتين
الشباب بصدمه شديده: ايه
..........................................
في إيطاليا وتحديدا في ميلانو لاني قصر تايجر في روما في مكان اول مره نروحوا في فيلا صغيره بس جميله جدا بكثره الورود فيها ولما لا لاني تلك الجميله صاحبه العيون الزرقاء ترعاهم فهي مثل جدتها جميله اكارسو في شخصيتها حتى في عشق الورود تلك صاحبه 19 عاما "وعد ابنه زين "
ديانا: تعرفي يا وعد الواحد لو عايز يهرب من كل مشاكله يجي جنتك دي
وعد: مش لدرجه جنه يعني
رسيل: ليه يا شيخه الواحد حاسس نفسها قاعد في بستان والله
شكل الحديقه