عشق الوحوش والشياطين

الفصل 18

الفصل 18
نبدأ بالصلاه على النبي ☺️
في الكافيه في المستشفى
كان الشباب يجلسون وانضم ليهم مالك وسليم وعدي انضموا ليهم يجلسون على طاوله وبالقرب منهم بطاولتين يجلس يحيى وعلاء وشهد ومريم وأحمد وجمال
مريم: هو احنا هنرجع الساعه 7 للسكن زي كل يـوم ولا ايه
جمال: لا معتقدتش لاني النهارده في حالات كتير
يحيى: ااااه صحيح هما فين شمس وآيات انا مشوفتهومش النهارده
أدهم وسيف وفهد ركزوا في الجمله دي هما ماكنوش مركزين معاهم بس بعد الجمله دي ركزوا
شهد: انا شوفتوهم لما وصلنا بس بعد كده الحالات كترت ومقابلتهومش تاني حتى باقي البنات
أمل بصوت عالي: لا ما احنا هنا
الكل بص على الصوت حتى الظباط والدكاتره اللي في الكافيه
مريم: هو انتوا كنتوا فين و......
شهد بقلق: مال ايدك يا شمس
شمس بهدوء: اتجرحت في الازاز سهله
عدنان بصلها باستنكار: سهله ده انتي واخده فيها 5 غرز يا شيخه قال سهله قال
سيف وادهم بصوا لشمس بقلق وسيف حاول يخفيه
أحمد بخوف: 5 غرز مره واحده ليه ده كله
شمس: يا عم سهله مفيهاش حاجه
آيات من وراهم بغيظ وصوت عالي نسبيا:
سهله مين يا ماما إذا انتي كنت واخده 5 فأنا 6 وتقولي سهله
فهد بص بقلق لآيات لاني ايدها هي كمان كانت مربوطة
علاء: في ايه مال ايدكم انتوا الاتنين
حبيبه : ايه يا علاء ما قالوا اتجرحوا في الازاز
جمال: فين الازاز ده
عدنان: انا اقولك انا كنت ماشي بس ماخدتش بالي من المياه علي الارض فتزحلقت ووقعت واتخبطت في ازاز وهو اصلا كان فيه حتى مكسورة فكان هيقع على دماغي فشمس وآيات مسكوه بأيديهم علشان مخبطش فيه بس
جمال:وانت معورتش زيهم ازاي
روان: لا اتعور في كتفه واخد 7 غرز وانا خيطته
مريم: يا لهوي امتا حصل ده كله واحنا كنا فين
شمس : حصل من ساعة ونص كده
آيات بولوله: ااااه ياني وعلى اللي جرالي يعني ندخل طب واحنا مش عاوزين وقلنا ماشي..... نيجي هنا ونتمرمط وقلنا ومالوا..... مناخدتش اليوم الراحه ووندرب في العيد وقلنا وله في ذالك حكم...... بس اتجرح واتخيط في العيد لا بقى كدا ميبقاش ماشي
وإذا بقفا يجي على آيات من حبيبه
حبيبه بغيظ: ما كفايه ولوله يعني هي أول مره نتجرح ونتخيط ما احنا متعودين
شمس: قوليلها فاتحه وصله ولوله بقالها ساعه ونص
روان حضنت آيات وقالت: منكم لله يا ظلمه يعني البت متشكيش أوجاعها ايه القلب القاسي ده
آيات : اهي اهي قوليلهم مستكترين عليا اشكي
عدنان: ههههه يا ريتك بتشكي ده انتي بتولولي
أمل : ايه يا جدعان جايين على البت ليه يعني متخيطه وفي العيد ومش عاجبكم تولول
آيات : اااااه ياني متفكرنيش انا كل لما افتكر اني الحيوان درش وعمر بيعيدوا واحنا هنا بنتمرمط اتقهر
حبيبه : ااااه والله مش زمان الواحد دلوقتي بياكل كحك مع السكر
الكل ماعدا البنات: السكر؟؟!؟
شمس بضحك: طب تصدقوا معاكم حق انا ابتديت اتقهر انا كمان
شهد باستغراب: يعني ايه السكر
روان : السكر ده يا ستي يبقى عمي حسن أبو شمس ابو علي
مريم بضحك: ههههه طب بتقولو ليه عليه سكر
آيات : اححححح اصلك مشفتهوش شعر ايه وجمال وضحكت ايه وغمازات ايه
أمل : لا وكل كوم ولون عنيه العسل دي كوم عارفه آدم الكيلاني في روايه عشقت مجنونه اهو كده بيقولك لون عنيه أخضر مضئ يبقى غامق في المنتصف وتبتدي تفتح وفي آخرها لون عسلي زي الشمس
عدي : لأ شكلك كده يا أدهم شبه باباك
أدهم بضحك: ااااه انا وهو نسخه من بعض حتى في لون العيون
فهد :وايهم على كده طالع لجده
شهد: يااااااه ده مز بقى على كده
أمل بضحك: اومال دول عيال عم حسن كلهم مزز
مريم بضحك: معاهم حق
شهد:بس انتي ليه يا شمس حاطه عدسات
أحمد والشباب: ايه ده انتي حاطه عدسات؟؟
شمس : ايوه عدسات سوده
جمال: طب ليه
آيات : بعيد عنك عندها اخ غيور اوي وأصر انها تلبس عدسات وكمان نضاره
مريم بضحك: معاه حق عيون البحر دي لازم تختفي
الكل: ههههههههه
ادهم بضحك مكتوم: يخربيتك يا ياسين 9 سنين مغيروش فيك حاجه
فهد : مش لدرجه العدسات يعني
أدهم: لا لدرجتها يعملها عادي وكمل بحنين وحشني اوي
سيف : خلاص هانت اهي
أدهم بحزن: مفتكرتنيش يا سيف يا ترى ياسين مش هيفتكرني برضو
مالك: سيبها للأيام يا أدهم
شمس: طب يا فالحه منك ليها فين بقى ورقه اختيار التخصص علشان خلاص الوقت نفذ
آيات وأمل : اتفضلي يا ستي وربنا يستر
شمس : انتوا الاتنين مع بعض ده ربنا يستر لو دخلتو عمليه واحده
حبيبه : جراحه عامه وقطعي بالمشرط
آيات وأمل : اومال
شمس : وانتي يا روان هانم فين
روان : انا وبعون الله عظام خدي اهو
شمس: كده يبقى الكل هنا
عدنان: لا يا شمس ورقتي اهي
شمس : جراحه قلب وصدريه ربنا معاك
عدنان بابتسامه: ومعاكي المخ والأعصاب مش سهل برضو
عدي : اااه صحيح هو احنا هنعمل إخلاء امتا
سيف بجديه: كمان يومين لاني لسه في امتحانات للطلاب
سليم : يااااااه واخيرا الواحد هياخد اجازه
فهد: اه والله الواحد كان نسي شكل الشارع
الكل: هههههههه
..........................................
بعد يومين
في منزل حسن
كان يجلس في الشرفه ويشرب قهوة ☕
ياسين بصوت عالي: يا بابا انت فين
حسن: انا هنا يا ياسين تعالى
ياسين: انت فين بنادي عليك من بدري
حسن ابتسم بحزن: قلت اقعد في الهواء شويه قبل ما انزل للدروس انت هتروح الكليه الأول ولا الشركه
ياسين: لا عندي محاضرات الأول وبعدها هاروح الشركه
حسن:ماشي يا ابني اه صحيح هما البنات متصلوش
ياسين بضحك: لا متصلوش لسه بس بصراحه وحشوني اوي القرود دول
حسن بابتسامه: بس والله كانوا عاملين حس في المكان دلوقتي حاسس اني
قاطعه رنة تليفون ياسين
حسن: مين يا بني
ياسين: ده الأستاذ عمر اللي مزهقنا...... خير يا عمر على الصبح ايه شوفتني في الحلم ولا حاجه
عمر: ايه يا عم ياسين في ايه ماسورة وانفجرت يا راجل
ياسين بزهق: اخلص والا هقفل التليفون في وشك
عمر بمرح: يرضيك كده يا عمي
حسن: لا والله يا بني ميرضنيش
ياسين: اخلص ياض في ايه
أيهم اخد التليفون من عمر وقال بصوت طفولي: انا اقولك يا عمو ياسين احنا خرجنا النهارده من غير فطار وعايزين نفطر عندكم بس كده
عمر اخد التليفون وقال: ها يا عم في عندكم فطار ولا ايه
ياسين: فيه علشان خاطر استاذ أيهم بس
عمر: ماشيه يا دنجوان احنا جايين في الطريق اهو 10 دقايق واكون عندك
حسن: مين اللي مع عمر يا ابني
ياسين: ده أيهم ابن اخت عمر وجايين يفطروا معانا
حسن: ماشي يا ياسين
..........................................
اما في مبنى الوحوش كانت شمس طالعه السلم وهي بتنهج وبتقول: اووووووف انا مشوفتش حد يعمل باسورد للاسانسير ابدا خايفين عليه من الحرامي مثلا
وراحت على مكتب سيف وخبطت
اما داخل المكتب
كان سيف يتحدث مع أدهم
أدهم: بس عمر مش هيقدر على المشروع ده لوحده
سبفبغموض: امممممم بس اكيد في حد ساعده في الموضوع
أدهم بتفكير: اكيد و.....
قاطعه صوت خبطت الباب
سيف بصوت جهوري: ادخل
دخلت شمس وقالت: السلام عليكم يا كابتن
رفع سيف وادهم رأسهم سريعا إلى مصدر الصوت
أدهم بصوت حنون: وعليكم السلام ورحمة الله وبركاته خير يا ملازم أول شمس في حاجه
نظرت له شمس بنظره لم يفهمها ولا حتى سيف
سيف بجديه: خير يا ملازم أول في ايه؟!
شمس : ها.... اه اتفضل يا فندم
وحطت ليه الملف على المكتب وقالت: ده ورق التخصص كله
سيف بص في عنيها مباشرةََ وقال: تمام في حاجه تاني
شمس اتحرجت لما بص في عنيها وخدودها احمرت وقالت: اه يا فندم هو احنا هناخد امتا اجازه
سيف بهدوء: النهارده بعد الامتحان تجهزوا نفسكم علشان تمشوا بكره
شمس بعدم فهم: نمشي فين وامتحان ايه
آسر بهدوء: امتحان ليكم عملي في المستشفى وابقى بلغي باقي الطلاب لما  تمشوا فين فليكم اجازه 3 شهور
شمس بفرح: بجد
سيف بهدوء ايوه فيه حاجه تاني تسألي عليها
شمس : لأ مفيش عن اذنك
شمس خرجت وهي خارجه ورايحه مبنى المحاضرات وصلت ليها رساله
..........................
الاسم أدهم حسن علي
السن 28 سنه
الأب حسن علي
الام حياه عثمان
متزوج من ريم عمران الجارحي ولديه طفل عمره 5 سنوات اسمه أيهم أدهم حسن علي يكون مقدم في الجيش المصري من فريق وحوش الليل و لقبه الإعصار
العنوان.........
...........................
شمس الصدمه شلتها وقالت بصدمه
'' ا.... ده..... م ''
دخلت بسرعه اوضه فاضيه وبعتت رساله للبنات في مكان وجودها بأنهم يجوا ليها بسرعه
وقعدت على الأرض وهي بتفتكر يوم ما عرفت اني أدهم مات
Flash back
شمس كان عندها 13 أو 12ونص كانت بتكتب الواجب بتاعها في الاوضه بس سمعت صوت رنة التليفون قامت علشان ترد ولما وصلت لقيت ياسين هو اللي رد
ياسين: الو
:ده بيت البشمهندس أدهم حسن علي
ياسين: ايوه هو خير
:البشمهندس أدهم توفي وهو دلوقتي في مستشفى....
ياسين بصراخ:انت بتقول اييييه أدهم ما مااااتش ما مااااااتش
شمس : أدهم
حسن قام من النوم وقال: في ايه يا ياسين أدهم ماله
ياسين بدموع: أد..... ه.... م يا بابا ما ما مات
حسن: انت بتقول ايه
شمس طلعت تجري لبرا والدموع متحجره في عنيها ووراها ياسين حسن
وصلوا المستشفى وياسين سأل على الاوضه اللي فيها أدهم قالولوا في المشرحه وراحوا هناك حسن اول ما شاف ابنه وقع على الارض مغمى عليه
وياسين انهار من العياط لحد ما اغمى عليه هو كمان اما شمس قربت ولمست وش أدهم بتردد والدموع ابتدأت تنزل واحده وراء التانيه
شمس بعياط: مت ليه يا أدهم ليه ...... اااااه ياماما معرفتش احافظ على الوصيه ........ وكملت بصراخ سمع المستشفى كلها:
أدهــــــــــم
Back
حبيبه دخلت هي والبنات
أمل بقلق :شمس مالك في ايه
شمس بصتلهم وقالت بنبره شيطانية وتحولت عيونها للون الأسود : ورحمه امي كل اللي كان السبب في بعاده عننا لهندمه على اليوم اللي فكر يلعب فيه معايا
روان بجديه: هتعملي ايه يا شمس دلوقتي
شمس قامت ومسحت دموعها بعنف: الأول نشوف حكايتك يا امل وانا بعدها هبقي اقول لياسين و.......... بس بعد ما افهم من زين الأول هو ماقلش ليه انه هنا وكملت بشرود وبعدها هبقي اقول لبابا عن أدهم
حبيبه : شمس انتي هتقولي لادهم وعم حسن عن.............
شمس: لا لسه مجاش الوقت يلا علشان في امتحان عندنا الساعه 4ونص
أمل: ايه امتحان
شمس: اه يا عوض امتحان ويلا نقول للباقي
حبيبه قربت من شمس وحضنتها جامد وقالت:
شمس احنا جمبك على طول وانتي جبل والحمد لله لقيتوه بعد سنين وانا عارفه انك هتتصرفي بحكمه يا شمس
شمس بابتسامه غموض: اكيد يا ديانا اكيد
روان بمرح: ترى اني دي خيانه وانا كمان عاوزه احضن
امل وآيات بتذمر: واحنا كمان
شمس : تعالوا يا عصابه تعالوا
البنات حضنوا بعض بحب اخوي صادق فهم على المرة قبل الحلوه هما الخمسه شافوا كتير في حياتهم وعدوه ودفعوا تمنه من زمان
..........................................
اما في كليه الفنون
في الكافتيريا كانت تجلس رقيه مع صديقتها ايه
رقيه بزهق: كلاب البحر مش راضين يردوا
ايه بقلق: وبعدين ليكون عمهم ده عملهم حاجه وخصوصا اني اخوهم عدنان مش هنا
رقيه بقلق على صديقتيها: لا أن شاء الله مش هيحصل حاجه..... اهم جم
ايه: ماهيتاب تمنى احنا هنا
تمنى قعدت وهي بتنهج: هااااا يا لهوي على ده طريق
رقيه: اتاخرتو ليه قلقنا عليكم ليكون عمكم ده عملكم حاجه
ماهيتاب: لا يا ماما متخافيش خلاص ما احنا نقلنا لمكان تاني
ايه:وده فيه بقى ان شاء الله
تمنى برومانسيه: في مكان كدا عند راجل طيب وعنده ابن ايه يقول للقمر قوم فز واقعد انا مكانك
ايه ضربتها على دماغها: اسمها فز برضو يا بيئه واحنا اللي افتكرناكي محترمه اومال لازمته ايه الحجاب اللي على دماغك ده ها
ماهيتاب: ما انتوا مشفتهوش حاجه كده زي الأتراك لا واحلي
رقيه:حتى انتي الله يخدكم هتركبونا ذنوب على الفاضي
..........................................
اما في بيت حسن
ياسين بغضب: حاضر جاي يا حيوان
ياسين فتح الباب وملاقاش حد فقال بغيظ: ماشي يا عمر الكلب لما تيجي بس
أيهم بضحك: ده انا يا ياسين
ياسين بضحك: هو انت يا قرد عامل ايه يا أيهم باشا
أيهم: ميت فل وعشره يا برنس
ياسين بقرف: برنس أدى أخرت تربيتهم السوده
عمر من وراء أيهم بضحك: انا بقول كده برضو
ياسين: والله انا حاسس اني شايف ابويا وهو صغير قدامي
عمر بمرح: تعرف لو انا مش متأكد اني الواد ابن اختي لكنت قولت اني الحج حسن عملها هههههه
حسن من وراهم: عملت ايه هااا
أيهم بتذمر: انا جوعت يا نااااس
حسن بحنان: مين العسل ده
عمر: ده عسل ده شيطان بس اصبر انت بس وهتشوف
حسن: بس ياض حد يقول على القمر ده كده
ياسين: قمر بالستر والله يا بابا
حسن بحنان :واسم القمر بقى ايه
أيهم بطفوله: أيهم أدهم يا جدو
حسن بابتسامه حزينه: أيهم.... عسل يا ناس تعالى اجيبلك حاجه حلوه
عمر بحزن: اسف والله يا ياسين مكانش قصدي اضايق عمي حسن
ياسين : عارف يا صاحبي يلا علشان نحط الأكل عبال ما يجوا
عمر راح مع ياسين وقال: هو انتوا ليه مش حاطين صور ليه
ياسين بحزن: لاني بابا كل ما يفتكر بيتعب فما بالك بلو حاطين ليه صور
عمر بمرح علشان يخرج ياسين من المود ده:
اقولك ايه ابقى اتصل بالعصابه وهما في دقيقه واحده هينسوا ابو علي الحزن كله
ياسين بضحك: تصدق معاك حق انا هبعتلهم واقلوهم
..........................................
في مكتب سيف
كان الجميع يجلس فقال عدي بهدوء: هو احنا المفروض هنتحرك امتا يا ابو أيهم
أدهم بابتسامه: بكره الصبح علشان نتحرك مع الطلاب
سيف : المهم كل واحد فيكم خلص اللي وراء ولا لأ
سليم بسرعه: أيوه طبعا حد يقدر يتحرك قبل ما يخلص ولا ايه يا شباب
مالك: طبعا
فهد: اومال
عدي : اكيد
الكل بص لادهم الشارد
عدي بصوت عالي: ايه يا أدهم وصلت لفين
أدهم: ها ولا حاجه انا عاوز اكل
سيف بص بحزن شديد لصديق عمره
سليم بمرح: والله معاك حق يلا بينا يا جدعان لأحسن جوعان
فهد بضحك: جوعان يلا يا عم بدال ما تاكلنا
الكل مشي وهما بيتمنوا يشوفوا البنات لأنها ما هي إلا ساعات ويبتعدوا عنهم فهم سوف يشتاقون لهم كثيرا فلقد تعودوا على عنادهم ومشاكستهم وجنونهم كثيرا ولا يعلمون أنهم قد وقعوا في فخ العشق وان المستقبل يحمل الكثير والكثير لهم
..........................................
اما في المطعم دخل الوحوش بهيبتهم المعتاده وبحثوا بعيونهم عن البنات لكن لم يجدوهم تقدم أدهم لطاوله فارغه الباقي وراه جلسوا وذهب فهد ومالك وسليم ليحضروا الطعام
وعلى طاوله أخرى بخلفهم كان يجلس يحيى ومعه أحمد وعدنان
أحمد باستعجال: لازم الورق ده يخلص بس خلاص مفيش وقت
يحيى: هما البنات فين؟؟؟
عدنان: مع..... لا شمس اهي
شمس قربت منهم وشافها سيف وادهم
أحمد: انسه مكه ممكن لو سمحتي تخلصي الورق ده لازم يتسلم للدكتور حاتم بعد نص ساعه
شمس : يعني انت مش شايف حال ايدي اخلصه لوحدي ازاي ده
عدنان وهو بيقوم: معلش يا شمس محدش فاضي خالص
شمس خلاص يا عم انت هتشحت هات وابقى ابعتيلي واحده من البنات تخلصوا معايا
يحيى: ماشي ماشي هنروح احنا المكتبه سلام
ومشيوا وشمس بصت على الورق والملزمه في ايدها وقالت: اممممم أدى أخرت اللي يدخل طب وعلى رأي العصابه انت السبب يا زين
وقعدت وبدأت تنقل من الملزمه للورق وسيف مراقب حركاتها ويحاول على قد ما يقدر يخفى ده اما أدهم بيبصلها بحنان شديد
رن تليفون شمس
شمس بابتسامه: مش بترن غير في المصايب
درش: الله يخليك يا كبير
شمس :عاوز ايه يا درش
درش: لا مش انا اللي عاوز ده الواد ده هو اللي عاوز
شمس باستغراب: مين ده ؟؟!
درش: خدي اهو
آسر الصغير: شمس وحشاني خالص
شمس بحب: وانت كمان يا اسوره
سيف استغرب مين ده اللي بدلعه واضايق جدا
شمس : ها عملت ايه في المدرسه
آسر الصغير: مية مية يا شمس وطلعت الأول وفرستهم كلهم
شمس بذهول: مية مية وفرستهم اديني مصطفى كده يا آسر
مصطفى بضحك: ايه رايك
شمس بغيظ: رأي ايه يا حيوان انا سبت الولد وهو بيقولي يا طنط شمس وكان الدغ عملت في ايه ها
مصطفى بمرح: ايه يا شمس فكيت ليه اللدغه
شمس بسخريه: فكيت ليه اللدغه وخليتوا ينحرف وده كله في 3 شهور اومال لو 3 سنين هيبقى ايه
مصطفى: حشاش طبعا
شمس بسخريه: ما هو ده اللي ناقص اخلص وقولي عملت ايه في امتحاناتك عارف لو مكنتش جايب امتياز هعمل ايه هعلقك وشوف مين هينزلك ولو خالد عملها هعلقه جمبك
درش: مفتريه وتعمليها
شمس : اخلص
درش بفرحه طفولية: جايب امتياز في الكل يا شمس وأعلى من الكل
شمس بحب وحنان: شاطر يا درش هجيبلك هديه معايا وانا جايا وخليك على كده على طول
درش: اشطا هتيلي شوكولاته بقى
شمس بغيظ: طب تصدق انت كل ما انسى تفكرني ابو شكلك
مصطفى: طب ليه طيب
شمس بغيظ: ده انا هنفخك اصبر بس ده انا كنت هموت من الشرقه واستني لما حبيبه تعرف اللي عملته في آسر
مصطفى بخوف: هتعمل ايه
شمس بضحك: هنخليك تجيب الشارع 50 مره لحد ما تبقى زي عصاية المقشه هههههههه
مصطفى بخوف: وانتي مش هدافعي عني
شمس :هو انا مقولتلكش مش زمن الدفاع راح خلاص انت دلوقتي كبرت وبقيت شحط تدافع عن نفسك بقى
مصطفى: يعني مش هتدخلي
شمس : ادخل ومالو عارف عم شوكت الميكانيكي
مصطفى بغباء: اااه مالو
شمس : عارف بقى المنفاخ اللي بينفخ بيه كوشتات العربيه
مصطفى بغباء: ااااه وبعدين
شمس بغيظ: هنفخك بيه بس استنى
مصطفى: طب ليه طيب ده كله علشان شرقة
شمس: شرقه..... ده انا كنت هروح فيها
مصطفى: روحي يا شيخه إلهي بتردلك
شمس: ماشي يا...... اااااااه
سيف وادهم بصلولها بقلق اما شمس قالت بغيظ: بركاتك يا درش اهي ايدي بتنزف اهي خليك متنيل عبال ما اجي من الحمام
شمس راحت الحمام ولحقتها نظرات أدهم القلقه عليها اما سيف حاول بأقصى ما يقدر الا يبين شيء ونجح في هذا فهو الوحش
أدهم بتساول: هو مين مصطفى ده
سليم وهو بياكل: ده اخو روان الصغير عنده 17 سنه متقلقش منه هو اااااه مش فاهم علاقته مع البنات بس يلا
أدهم: وانت عرفت منين ده كله يا خفيف
سليم وهو لسه بياكل: كلها صدف القدر يا اخويا أصله واقف معانا

مالك ضربه بغيظ: متتكلمش وانت بتاكل جاتك القرف
س

ليم لفهد بصوت انثوي: ايه يا دكري سايبه يضربني وساكت
فهد بصوت انثوي برضو: معلش يا بيبي استحملي ده القرش برضو
عدي : استغفر الله العظيم منكم
أدهم بفقدان امل: مفيش فايده خالص فيكم
سمع الكل صوت شمس من وراهم
:انت بتعمل ايه
..........................................
(السلام عليكم ورحمة الله وبركاته)

Sabreen