عشق الوحوش والشياطين

الفصل 3

الفصل 3
نبدأ (بالصلاه على النبي ❤️)
في تمام الساعة السادسه صباحا كانت العصافير تزقزق والأشجار ترفرف وروان بنت عم عبد الرحمن عمال تصرخ
روان وهي ماسكه تبارك من قفاها: اعااااااااا يا بت انطقي الشميز فين
تبارك: وربنا ما اعرف
خالد: خلاص يا روان ما قالت مش عارفه
رضوي:خلاص يا بنتي سيبيها ماخدتوش
روان :مش هي اللي غسلت الغسيل هو فين بق..
قاطعها مصطفى وهو بيقول:ماما انا كنت بكوي القميص ده للبت روان بس اتحرق
روان سابت تبارك وبصت المصطفى وقالت بملامح مرعبه: ايه ده يا درش ده الشميز اللي بدور عليه من بدري
خالد لاخوه بهمس: اهرب اهرب يا مصطفى أجرى
مصطفى مكنش اخد باله من ملامح روان وقال: كنت هعملك معروف واكويهولك بس للأسف راح
روان وهي بتسحب السكينه من على الطبق وبتقول بشر :فداك الف شميز يا درش يا حبيبي دلوقتي وقت الحساب يا قلبي
مصطفى بخوف: حححساب ايه
روان ببراءه وهي بتشاور على الشميز المحروق :حساب الشميز يا قلبي
تبارك : اجري يا مصطفى
مصطفى بصراخ وهو بيجري لاوضته: أجرى يا مجدي
روان بصراخ هي الأخرى وهي بتجري وراه: حرقتلي الشميز يا حيوان هقتلك يا مصطفى
مصطفي وهو بيستخبه في ابوه اللي صحى: هو خيرا تعمل شرا تلقى ده جزاتي يا عني علشان بكويهلك يا اسماعيل
روان وهي بتحاول تفلت من خالد وامها: هو انا قولتلك تكويه ده انت حرقته سيبوووووني
عبد الرحمن: خلاص الله يخربيت بيوتكم فضحتونا خلاص يا روان معلش خدي شميز غيره
روان وهي تكاد تبكي: ده انا ملبستهوش مرتين يا ناس ده ب ٧٥ جنيه ونص
رضوي: خلاص يا بنتي هبقي اجبيلك واحد غيره
مشيت روان وهي بتشتم في مصطفى وبتقول: روح يا درش إلهي تصحى في يوم تلاقي نفسك في بلاعه مجاري والفيران عملينك وجبه ليهم
مصطفى باستفزاز :متقلقيش يا بطوط هتبقى معايا
روان بصتله بشرز ورزعت الباب وراها
عبد الرحمن وهو بيروح للحمام: ااه يا ولاد المجانين
تبارك وهي الأرض وبتضحك :العصابه بقى
..........................................
بعد ساعه ونص قدام بيت شمس كانت واقفه هي واخوها مستنين البنات
ياسين: ها يا شمس هيجو امتا
شمس : اصبر يا ياسين دلوقتي ييجو اااه صحيح هو انت قولت لعمر على الموضوع ده
ياسين: لأ هقوله النهارده وأكمل بسخريه وبعدين ده هيزقطط من الفرحه لما يعرف
شمس :طبعا انت هتقول من الشماته
ياسين: ههههههههه
شمس : اضحك اضحك أهم جم اهو
شريف جيه ومعاه امل وروان
امل : صباحه يا هندسه
ياسين بشماته :صباح الجيش
روان بغيظ :اااه يابن حياه شمتان فينا ياض
ياسين: بصراحه اااهه
شريف: خلاص يولاد اومال فين آيات وخبيبه
شمس : سبقونا على المحطه يا عم شريف
ياسين باستغراب: ليه
شمس بغموض: كانوا بيجيبو حاجه وسبقونا على هناك
شريف: خلاص ماشي يلا علشان نمشي
ياسين خليك انت يا عم شريف انا هوصلهم بالعربيه
شريف: خلاص يا ياسين ماشي وبص لبنته وقال خلي بالك من نفسك يا امل وانتو كمان يا بنات
امل والبنات: متقلقش ده احنا العصابه
ياسين :أهو هو ده اللي انا قلقان منه ربنا يا يستر يلا
البنات ركبوه معاه ووصلو لمحطه الأتوبيسات الخاصه بالجيش
في العربيه ياسين قال: ها يا بنات جبتو كل حاجه هتحتجوها
البنات: ايوه يا ياسين
ياسين بص لأخته وطلع حاجه من تابلوه العربيه وقال: شمس البسي دول حالا
شمس بصت للي في ايديه باستغراب وقالت: عدسات سوده ونضاره ليه يا ياسين
امل : جايبلها نضاره هتاكل نص وشها ليه يا مفتري
روان : يكونش علشان الحسد
ياسين وهو بيبصلهم :علشان الفتنه يا اختي انتي وهي
امل وروان بصوله بخبث وقالوا: امممم علشان الفتنه ولا عشان غيران
ياسين بغيظ:علشان الاتنين يا اختي انتي وهي
شمس بصتلهم بتفكير: اممممم ماشي يا ياسين هلبس العدسات
ياسين بأمر :والنضاره برضو
شمس بغيظ: ياسيييين
ياسين بصلها وقال: مليش في والنضاره برضو
شمس بفقدان امل من اخوها الكبير: اوووف ماشي حاضر هلبسهم البنات ضحكوا عليها بعد ما لبستهم
شمس : يا ياسين النضاره كبيره
روان بضحك :استحمل يا رمضان
بعد فتره وصلو المحطه ولقيو حبيبه وآيات مستينهم آيات بصت لشمس وقالت: ايه ده يا شمس ايه اللي عملاه ده
حبيبه بضحك: ياسين صح
امل بضحك: ايوه
شمس بصتلهم بصه وهما سكتو وبعدين قالت لحبيبه وآيات : ها عملتوه اللي قلتلكم عليه
آيات :ايوه ويلا علشان حجزنا مكان ليكم في الأتوبيس
البنات ركبوه في آخر كرسي في الأتوبيس وجالهم ياسين وقالهم: خلوا بالكم من نفسكم يا بنات ومتعملوش مشاكل انتو رايحين الجيش ماشي
البنات بصوت واحد لأنهم عارفين انه ياسين بيعتبرهم بناته في الحالات اللي زي دي: حاضر يا بابا ياسين وبعدين احنا رايحين مستشفى مش رايحين ندرب
ياسين :انا حطيت الشنط في الأتوبيس سلام انا بقى وابقوا طمنوني عليكم ومشى
البنات بصوا لبعض وقالوا في صوت واحد وابتسامه تدل على العصابه: استعنا على الشقا بالله
الأتوبيس اتحرك للمكان اللي هيشهد عشق الوحوش وجنون العصابه ومن هنا تبدأ الكوميديا
..........................................
وبعد ست ساعات وصل الأتوبيس وباقي الأتوبيسات بالطلاب للمنطقه العسكرية الشرقيه ومنها هيتقسموا على الكتائب الموجوده واللي منهم كتيبه الشباب
نزلوا الطلاب كلهم واتجمعوا في ساحه كبيره البنات كانوا واقفين مع بعض وقالت إيمان: ال.... جايبنا في صحراء ماشي ماشي
حبيبه :ايه وحشتك الصحراء ول....
قاطعها رؤيتهم بنت ضعيفه البنيه وقصيره وشبه الأطفال مش محجبه اسمها مريم
مريم بخجل :ممممكن يا بنات أقف معاكم انا معرفش حد هنا
شمس بهدوء: اكيد يا عسوله انتي اسمك ايه
مريم بهدوء: اسمي مريم من جامعه عين شمس وانتم
امل : انا امل ودي شمس وحبيبه وآيات وروان من جامعه القاهره
مريم: اتشرفت بيكم و....
قاطعها مجموعه من العساكر وهما بيقولوا  بصوت عالي:الكل يقف بانتظام الولاد في ناحيه والبنات في ناحيه، وبعد ما اتنظموا سأل واحد من الشباب: لو سمحت هو احنا هنا ليه
العسكري: اقف مكانك علشان دول لو جم ولقيو حد مش منتظم هيخلو نهاركم اسود
آيات للبنات بهمس: ادي اول الأخبار ربنا يستر
مريم بخوف لأنها شخصيه جبانه شويه: ااانا خايفه انا مالي ومال الكلا......
قاطعها دخول 5 ظباط بالزي العسكري للقوات المسلحة ويتقدمهم سيف يمشي باتجاههم بكل ثقه وغرور ومعه فريقه لا يقلون عنه في شيء لكن الوحش يختلف
سيف بصوت قوي : انتوا هنا علشان تبقوا في الطب العسكري لاني عندنا نقص ودفعها الطب العسكري قليله فاستعنا بالطب العام وانتوا هتفهموا النظام من التدريبات علشان تكونوا دكاتره عسكريين وأعتقد أن الباقي كان في الظرف اللي جالكم نتعرف بقى المقدم سيف عمران الجارحي قائد الكتيبه واحسنلكم تتقو غضبي وتنفذو الأوامر والا هتشوفوا الوش التاني 
عدي بصوت عالي: وانا المقدم عدي كامل الهلالي
:وانا المقدم مالك طارق الشناوي
:وانا المقدم سليم عمر المسيري
:وانا المقدم فهد حسين الرفاعي
سيف: نبدا بقى بيكم
بدأ الطلاب يقولو أسماءهم
أحمد برعب منهم فهم عندهم شخصيات قويه: اااانا ااااحمد رفعت جامعه ععععين شمس
سيف: اللي بعده
علاء بخوف هو كمان :انا علاء سيف الدين في جامعة عين شمس
سيف: اللي بعده
جه الدور على مريم بس خافت منهم اوي ومقدرتش تتكلم
سليم بهدوء لأنه عارف انها خايفه منهم: اتكلمي يا انسه متخافيش
شمس لمريم :مريم متخافيش اهدي
مريم هديت واتكلمت بصوت متتقطع: ااانا ممريم إسماعيل الشاذلي جججامعه عين ششمس
مالك : امممم دي بنت اللواء إسماعيل
عدي باستغراب: غريبه شكلها جبانه مش بطبع ابوها
مالك بسخريه: اكيد مش بنت
سيف بصوت عالي: اللي بعده
آيات بصوت بارد وواثق جدا خلت الكل يلتفت عليها: آيات عادل عتمان جامعه القاهره
سيف : تمام اللي بعده
امل بصوت لا يقل عن آيات في البرود والثقه: امل شريف ممدوح جامعه القاهره
مالك في نفسه: ايه الثقه ده
سيف : اللي بعده
روان بنفس الصوت :روان عبد الرحمن محمد التالته على الدفعه مع مرتبة الشرف جامعه القاهره
ده كله وكل العساكر والطلاب اللي في جامعه عين شمس بيبصلهم بذهول من ثقتهم قدامهم دول كأنهم متعودين على التعريف عن نفسهم بكل برود ماعدا اللي في جامعه القاهره مستغربوش كتير لأنهم عارفين مين هما العصابه وازاي بيتعاملوا
: اللي بعده
حبيبه بنفس الثقه ولكن أكثر برودا :حبيبه جمال عبد الله جامعه القاهره
عدي ميعرفش ليه بصلها بإعجاب بس اللي يعرفه انه عجبتها ثقتها دي جدا
سيف: اممم اللي بعده
شمس بثقه وابتسامة جليديه تعني الكثير: شمس حسن علي جامعه القاهره
المره دي بصلها سيف بكل غموض وقال بهمس شديد: اممم واثقه زي اخوها
وبعدها كمل اللي بعده
وكمل الكل لحد اخر طالب
سأل أحد الشباب واسمه يحيى: لو سمحت يا فندم مممكن اسأل سؤال بعد اذن حضرتك يعني
سيف بهدوء: اتفضل
يحيى: هو هيبقى ايه النظام
عدي بهدوء: انتوا 20 طالب هتتقسموا 10 منكم هنا و10 التانين مع المقدم حمزه هيوصل بكره والباقي هتعرفوا لما تبدأوا الشغل احنا بس مسؤولين عنكم لو احتجتوا حاجه علشان احنا قواد الكتيبه ذي
البنات بصوا لبعضهم روان بهدوء: تفتكرو هنتفرق
شمس بنفس الهدوء: لأ هما اكيد عاملين حسابهم
سيف بصوت خضهم كلهم: دلوقتي هتروحوا السكن وبكره الكل هيتجمع هنا تأتي الساعه ٥ الصبح هنبلغكم التعليمات اي سؤال
الطلاب بخوف: ها ااه.. لا.. لا يفندم
سيف : تمام العساكر هيودوكم لمكان السكن
ومشى هو فريقه
روان بعد ما مشي: المنحوس منحوس حتى لو علقو على رأس اللي جابوه فانوس
آيات : لأ شكلنا هنعمر يا عصابه هنا
شمس :بلاش مشاكل انتوا عارفين جايين ليه وبعدين بصت لمريم وقالت بحنان: مالك يا مريم خايفه كده ليه
مريم: ها ولا حاجه بس انا شخصيه ضعيفه شويه
حبيبه بمرح: متخافيش مش هناكلك
امل : ايه يا دفعه فين السكن ده انا تعبت من المشي
العسكري: خلاص يا بنات وصلنا اهو
روان : في... وفتحت بقها :ده هو المكان
آيات : كملت يا معلم
كان المكان مهجور ومقشر من بره وكأنه هيتهد
حبيبه :ده احنا هنشوف ايام ايه عنب
..........................................
(السلام عليكم ورحمة الله وبركاته)
Sabreen ❤️