عشق الوحوش والشياطين

الفصل 15

3 فصول في يوم واحد يلا بقى هيصوا بقى وهيصوني فوووووت
....................................
الفصل 15
نبدأ بالصلاه على النبي ☺️
في الأسبوع الرابع
في فتره الغداء الكل كان في المطعم حتى الشباب بس كانوا على ترابيزه قريبه من المطبخ لأنهم عارفين اني البنات ممكن يكونوا جوا اما البنات ماكنوش كلهم جوا كانت حبيبه وروان اما آيات فكانت بتتكلم على التلفون في مكان تاني وكانت بتقول
آيات : الو يا جلال
جلال:..............
آيات بذهول: نعم ازاي ده
جلال:..............
آيات: يعني هما ازاي 6 انا عاوزه افهم
جلال:..............
آيات : يا نهار مش باينله ملامح وانت مقولتش ليه من الاول
جلال:..............
آيات : طيب هو مين السادس ده.. الو.... الو...
آيات بضيق: وده وقت التلفون فيه يفصل شحن وكملت ببعض الخوف: يا لهوي لما شمس تعرف بس هي فين وبعدها شافت أحمد ماشي فقالت بصوت عالي نسبيا وهي بتجري: احــــمـــد  يا احــــمـــد
أحمد لف ولقي آيات بتجري ناحيته وبقول بصوت متقطع: شمس ....فين.... يا احمد
أحمد: طيب اهدي وخدي نفسك
آيات بعصبيه: يا عم انطق هو ده وقته ده احنا هنولع كلنا دلوقتي
أحمد بخوف من عصبيتها: معرفش اسألي روان أو حبيبه في المطبخ
آيات سابته وجريت على المطعم وأحمد وراها وهو بيقول: طيب في ايه طيب
آيات دخلت وبصت وراها ليه وقالت: في مصيبه زي ما قولتلك
أحمد وهو لسه بيجري وراها: هو انتم وراكم غير المصايب
آيات بغيظ وهي بتجري وبصاله: يا سلام ي.....
اااااااااااه
فهد بصلها بقلق لأنه لاحظ دخولها من الأول
اما آيات فكانت اتخبطت في روان ووقع هما الاتنين على الأرض قبال بعض
روان وهو بتفرك دماغها: ايه يا بت عادل ماشيه وبتخبطي في الناس ليه كسرتي دماغي
آيات بولوله: شمس هتكسري دماغنا كلنا دلوقتي
روان وهي لسه على الأرض
'' عملتي ايه يا مصيبه تاني "
آيات بسخريه: لا ولا حاجه جلال اتصل وقالي انهم 6 مش 5
روان بعدم فهم: خمسه ايه وست.......... ايـــــــــه
ودي كانت صرخة من روان لما فهمت قصدها كل اللي في المطعم كالعاده بصوا ليهم باستغراب اتعودوا عليه
اما روان مسكت آيات وقالت بصراخ: هو جلال بيعلب بينا ولا ايه هو مش قال خمسه بقوا سته ازاي اتكاثروا مثلا
آيات : وانا اعرف منين وبعدين انا لسه عارفه دلوقتي
روان بغيظ: طيب جهزي نفسك لانك اللي هتقولي لشمس
آيات بصراخ: نـــــعــــــم وانا ماااالي
روان : هو ايه اللي مالك مهو جلال عمك وانتي بنت اخوه يبقى انتي اللي تتكلمي
حسنا هذه تنهيده مرتاحه من فهد لأنه عرف دلوقتي اني جلال اللي كانت بيتكلم عنه يبقى عمها وسليم كمان اتنهد بعد ما كان هيقوم يضرب روان ويمنعها من نطق اسم راجل تاني
آيات بغيظ: هترميني انا في وش المدفع
روان : اوما.........
أحمد بصراخ: بـــــــس الله يخربيتكم فضيحه وبعدين انتوا بتتخانقوا وانتوا علي الارض قوموا
البنات قاموا وبصلهم أحمد وقال: خير بقي مصيبه ايه الجديده
روان وآيات في صوت واحد: حبيبه فين
أحمد باستغراب: ممكن تبقى لسه جوا
إيمان بغيظ: بعد الصريخ ده كله ولسه جوا
روان وهي رايحه للمطبخ وبتقول: يارب نص برودها ده
وفتحت الباب ووراها آيات
روان على الباب بغيظ: اموت واعرف البرود ده كله منين
حبيبه ببرود وهي بتاكل: من التلاجه يا روحي
روان كانت هتتعصب بس آيات مسكتها وكممت بوقها وقالت: حبيبه شمس فين لأنهم طلعوا 6 مش 5
حبيبه باستغراب: سته ايه وخمسه إيه أنا مش فاهمه
آيات بنفاذ صبر: يا بنتي جلال يوم ما اعرفنا قلنا انهم 5 ومن حيث لا اعلم بقيوا 6
حبيبه طلعت ليهم بغضب وقالت: وهو لسه فاكر يقولنا
روان فلتت من آيات وقالت: أمر الله بقى لازم نقول لشمس
روان وحبيبه بصوا لآيات بخبث اما آيات بصتلهم بغباء لثواني وبعدها رجعت لوراء وهي بتقول بغيظ:
قسما عظما ما يحصل انا مش هقف في الوش ابدا شوفولكم حد غيري
حبيبه : ليه هو جلال مش عمك يلا يا ماما علشان انتي اللي هتتكلمي
ووجهت كلامها لعلاء اللي متابع وجمبه أحمد وقالت:
فين شمس يا علاء
علاء باستغراب: مع أمل في المكتبه بس في ايه انا مش فاهم حاجه
آيات: أنا مش هرووووح قولوا لزين يقولها وممكن اصلا زين يكون عارف
حبيبه بسخريه: ممكن هو اكيد مؤكد
روان : وراكي رجاله يلا يا ماما قدامي
آيات شدت حبيبه وروان من جواكيتهم وقالت: لو هروح للنار هاخدكم معايا تونسوني
..........................................
البنات قالوا لشمس وهي اتعصبت جدا والبنات حاولوا يهدوها
حبيبه بتهدأه: شمس اهدي الأول لازم نعرف مين السادس ده
روان بجديه: معاها حق يا شمس اللي حصل حصل خلاص وهما اكيد عندهم سبب لأننا لحد دلوقتي مشفناش السادس ده
شمس : جلال قال مين السادس يا آيات
آيات بضيق: التلفون فصل شحن وملحش يقول
حبيبه ضربتها بالكتاب وقالت: وانتي مش شحناه ليه ها
آيات : الله هي جات كده اتصلي انتي به يا شمس
شمس وهي بتاخد كتبها: التلفون مع أمل يلا نروح ليها
روان : طيب هي فين
شمس وهي خارجه بسرعه: في الساحه يلا 
..........................................
اما عند أمل
كانت قاعده في الساحه وبتاكل سندويتش وبتبص قدامها بشرود وبتفكر أو بمعنى أصح في حرب ما بين عقلها وقلبها
القلب: انتي بتحبيه اوي افهمي بقى
العقل: بس هو مقلهاش خالص
القلب: ده على اساس انك قولتها انتي معترفتش لنفسك اصلا
العقل: بس ده مش معناه انه بيحبها هي غبيه وصدقتك يا حنين ونسيت في النهايه هي مين
القلب: يا أخي حرام عليك دي ده لما قالت هحط روج مشوفتش عمل ايه من غيرته ولا كانت باينه في عنيه ازاي
العقل: بس ده ميمنعش هي دلوقتي في كدبه وهو لو عرف بدا هيسيبها ومش ناقصين بقى وجع كفايه اللي فينا انت كنت حجر ايه اللي غيرك
القلب: حبيته اعمل ايه مبحسش بنفسي وانا معاه هو الوحيد اللي بيخرج الطفله شغف اللي دفنوها هما
العقل: اديك قولت دفنوها يعني مش هينفع تطلع كفايه وجع بقى
القلب: انتي بتحبيه يا أمل واللي بيحب بيسامح وهو اكيد هيسامحك
أمل فاقت من ده لما السندويتش خلص وقالت بخفوت: ده لو فعلا طلع بيحبني يارب ريحني بقى
وبصت لقيت شمس بتجري عليها ووراها البنات أمل وقفت وراحت ليهم جرى وقالت بقلق: في ايه إيه اللي حصل يا بنات
شمس : فين التلفون بسرعه يا أمل
أمل بقلق: طب في ايه طيب
حبيبه حكيت ليها وأمل أدت شمس التلفون وهي اتصلت
جلال: الو
شمس بغضب: لا الو ولا هالو ينفع اعرف ايه اللي حصل ده
جلال بهدوء: الأول اهدوا ثانيا الفرد السادس ده كان في اجازه
روان : طيب فرضا في اجازه انتوا مقلتوش لينا من الاول ليه
جلال: دي بقي............
حبيبه بهدوء: تمام هو هيجي امتا طيب
جلال: هيجي............
أمل بشك: بس احنا كده مش هنلحق
جلال: لا متخفوش
آيات : متأكد من كده
جلال: ايوه ومتخافوش من حاجه
شمس ببرود: احنا مش بنخاف يا جلال
جلال بثقه: وانا واثق من كده يلا سلام
الكل: سلام
جلال بعد ما فصل البنات بصوا لآيات بنظرات مكر
آيات وهى بترجع لوراء: في ايه انا معملتش حاجه
شمس بخبث وهي بتشمر: هو احنا مش قولنالك
آيات هزت رأسها بغباء بمعنى لأ
حبيبه وهي بتجري وراها: تعالى بقى علشان نقولك
آيات بتجري وهي بتصرخ والبنات وراها بيجروا وبيضحكوا
آيات بصراخ: يا اولاد المجانين وانا مالي انا
أمل بضحك: هو انتي مش بنت اخوه
آيات وهي بتضحك وتجري: هو متبري مني اصلا من قال كده
روان جريت وراها بضحك: الدور الدور الدور الدور الدووور يا اللي عليك الدور
شمس مسكتها وهي بتضحك وايات بتصرخ وبتقول بكوميديا: والله ما اعرف حاجه يا بيه انا برئ برئ برئ
البنات: ههههههه
حبيبه ضربت آيات على قفاها وقالت:
اسمها مظلوم يا هبله
آيات : ولا تزعل مظلوم يا طلبه
شمس بتفكير: ايه رايكم نحضر الفيلم اللي بسبب زين سيبناه
البنات: اشطااا
..........................................
جه الليل والبنات حضروا الفيلم وكان رعب عن الذئاب وبعد الفيلم ما خلص البنات قاموا علشان يناموا اما أمل وقفت قدام الشباك وكانت حاسه بتشوش في دماغها من الفيلم اللي شافته بس قررت انها تنام يمكن ده من اللي حصل النهارده
البنات ناموا وجات الساعه 1 بعد منتصف الليل أمل كانت بتتقلب كتير في السرير وبتتنفس بعنف وشايفه كابوس كأنه حقيقه
              ...................................
صراخ بنت باسمها وصوت كلب دم كتير على الأرض متكتفه ومش عارفه تتحرك وتنادي بصراخ على البنت دي لدرجه اني صوتها راح صوت ضحكات مجنونه بتقول
استمتعي بالعرض يا شغف
البنت اللي متكتفه كانت بتصرخ على اللي البنت التانيه لاني الكلب كان بيفترسها
أمل قامت وقالت بصراخ شديد:
ســــــــــانـــــــــــدي
البنات قاموا مخضوضين لدرجه اني مريم قامت وهي بتصرخ شمس قامت بسرعه ليها وحضنتها وقالت: اهدي اهدي يا أمل
أمل بعياط وجنون: ماتت ماتت يا شمس ماتت قتلها الدم الدم يا شمس
روان بتحاول تهديها وبتقول: اهدي مفيش حاجه ده كابوس
أمل ببكاء هستيري: ماتت ماتت قدامي معرفتش ألحقها
البنات ماعدا مريم اتصدموا لأنهم عرفوا هي بتتكلم عن مين بس فاقوا لما شافوا أمل بتتضرب في نفسها وبتشد شعرها جامد وبتقول ببكاء وجنون: ساندي ساندي سيبتبني ليه تعالى يا حبيبتي تعالى يا ساندي سامحيني معرفتش الحقك يا قلبي انا السبب في موتك انا السبب موتى قدامي ومعرفتش الحقك اااااااه ااااااه يا ســــــانــــــــدي
شمس وآيات مسكوها من دراعتها وروان وحبيبه من رجليها ويحاولون يتحكموا فيها
شمس بصراخ: مــــــريــــــم هاتي حقنه مهدأه من الشنطه بتاعتي يلااااااااا
مريم جابت الحقنه وأمل لسه بتصرخ بجنون
حبيبه ثبتت رجليها وروان مسكت الحقنه وغرزتها في دراعها وأمل بدأت تهدي وتنام
شمس قامت وبصت للبنات بنظره فهموها كويس اما مريم كانت بتعيط على حال أمل وقالت ببكاء: هي مالها يا شمس
حبيبه بهدوء: اكيد حلمت بكابوس وحش فجالها صدمة عصبيه
مريم: طيب هى هتبقى كويسه
روان : أن شاء الله
شمس رنت على رقم ووصولها الرد بالاجنبي
الشخص: مرحبا
شمس بشرود وهي بتبص على أمل : لقد تذكرت أمل
الشخص بهلع: ماذا سوف أتى حالا
شمس بحزن: سريعا ارجوك يا تايجر
شمس قفلت وراحت لامل وباست دماغها ومسحت دموعها وهي حاسه بالحزن الشديد لاني اللي جاي مش كويس وهيخرج شغف من جواها
..........................................
في الصباح البنات قاموا وراحوا المستشفى ماعدا أمل اللي سابوها نايمه وهما في الطريق قالت مريم بقلق: مش غلط بعد ما جالها انهيار عصبي نسيبها وحدها
آيات بهدوء: متخافيش يا مريم أمل هتبقى كويسه أن شاء الله
البنات: أن شاء الله
اما في الساحه الخارجيه لانهم بيركبوا الأتوبيسات من هناك وكل يوم الشباب بيكونوا موجدين علشان يتأكدوا اني كلهم بيروحوا
كانوا واقفين ومالك كان واقف وحاسس بقلق مش عارف ليه وخصوصا من الحلم اللي حلمه امبارح
........................
مالك كان واقف في مكان هو مش عارفه ومشى فيه وشاف أمل مربوطه من بعيد وبتعيط بانهيار مالك راح ليها ورفع وشها بايده وقال بخوف شديد: أمل مالك بتعيطي ليه اهدي
فكها مالك وشد أمل لحضنه جامد ومع ذالك أمل كانت بتعيط ومش بتوقف مالك ابتدا يملس على ضهرها بحنان وقال: بس يا امل اهدي يا حبيبتي
أمل وقفت عياط ونزلت على ركبها ونزل معاها مالك وهو لسه حاضنها أمل رفعت رأسها لمالك وقالت بحزن والدموع ابتدأت تتجمع في عنيها:
اوعي تسيبني انا محتجاك اوعي تظلمني هتوجع اوي لو عملتها
مالك مسك وشها ما بين ايديه وقال بعشق: عمري يا قلب مالك
وبدأ يبوسها قبلات متفرقه على وجهها وقبل ما يوصل لشفايفها أمل نامت ما بين ايديه ومالك حضنها جامد
(حتى في الحلم سافل 😾)
......................
مالك بتفكير: يا ترى حصلك ايه يا أمل ليه كنتي بتعيطي
وقطع تفكيره وصول البنات فبص عليهم ولاحظ تقدم شمس وروان منه قلبه دق بخوف عليها
شمس بهدوء:كابتن مالك ممكن أمل مش تحضر التدريب ده
مالك بقلق اخفاه: ليه خير مالها
روان بحزن: جالها انهيار عصبي امبارح يا فندم
مالك قلق جدا وقال بقلق ظاهر: طيب هي كويسه
شمس : ايوه هي كويسه بس أدناها مهدا ونامت فممكن متحضرش التدريب ده
مالك بقلق: تمام ماشي
روان : شكرا
وراحوا مشيوا اما مالك قلق جدا على أمل
..........................................
اما عند امل
فهي كانت صاحيه بس نايمه على السرير كالجثه بدون روح أو حركه ماعدا دموعها اللي بتتحرك على خدودها بدون توقف وبتفتكر ذكرياتها مع ساندي وإذا بشخص يلبس كمامه يدخل ويقعد جمب وقال
'' لم أعلم أنكِ ضعيفه يا شغف "
أمل بوهن: على من نخدع يا تايجر انت تعلم اننا ضعاف جدا ولكن لا نظهر هذا
تايجر بحنان: لما الدموع لن تفيد بشيء لن تمحي الماضي من سيمحيه هو هذا وشاور على عقلها
أمل بصتله وقالت بدموع: ماتت قدام عيني يا تايجر مقدرتش الحقها الكلب الهجين أكلها قدامي
تايجر بهدوء : ربنا عوضك يا شغف بصي حواليكي هتلاقي عوض ربنا في ناس كتير جمبك
أمل غمضت عنيها
تايجر بقوه: دلوقتي هتقومي يا شغف يلا انتي مش ضعيفه علشان تسيبي حقها يضيع
أمل فتحت عنيها وكانت بئران من الدم وقالت بنبره مرعبه: اقسم بالله وغلاوتها عندي لدوقوا من نفس الكاس اللي شربهولي سنين هخليك تصرخ نفس صرخاتها ويمكن أقوى يا هشام هرجع ومكونش انا شغف اما ندمتك
تايجر بثقه: هذه هي شغف
..........................................
بعد تمارين الصباح وبعد الفطار
مالك كان قاعد في مكتبه وماسك ملف يشتغل عليه بس مش عارف يركز قلبه وعقله مشغولين مع امل
مالك رمي الملف على المكتب وخلع الجاكيت اللي لابسه وكان لابس تحتيه تيشيرت ضيق مبين عضلاته ونفخ بضيق ده وقال
'' انا ليه مهتم كده اوووف ''
خبط العسكري ودخل بعدما إذن ليه 
العسكري باحترام: في واحده بره يا فندم عاوزه تتكلم مع حضرتك
مالك باستغراب:واحده مين دي
العسكري: معرفش يا فندم
مالك بلا اهتمام وهو بيفتح الملف تاني: دخلها
العسكري خرج وقال ادخلي
البنت دخلت ومالك قال من غير ما يبصلها: خير يا انسه
البنت بهدوء: صباح الخير الأول يا فندم
مالك رفع رأسه بسرعه انها هي معذبت قلبه وشاغله تفكيره (أمل )
مالك بخفوت: أمل
أمل بصتله بهدوء وقالت: ينفع اقعد
مالك هز راسه بمعنى ايوه وأمل راحت وقعدت قدامه على المكتب وقالت: ينفع يا فندم اكمل اليوم انا دلوقتي كويسه
مالك ركز في عنيها ولقاها حمراء جدا دليل على أنها معيطه لفترات طويله فقام وقعد في الكرسي اللي قدامها وقال: انتي معيطه
أمل بكذب: لا انا كويسه
غمض عنيه وقال: أمل متكدبيش انتي معيطه صح
أمل هزت رأسها وقالت: ايوه يا فندم
مالك فتح عنيه وقال بحنان: طيب معيطه ليه
أمل بدموع: افتكرت بنت خالي الله يرحمها
مالك بحنان: اكيد هي في مكان احسن وميرضهاش انك تبكي عشانها افتكريها بالرحمه يا أمل الدموع مش هترجع حاجه
أمل مسحت دموعها بكف أيديها زي الأطفال وابتسمت ليه ابتسامه جميله خلت مالك يكاد يقف ويكمل حلمه الذي قطع فقال بمشاكسه:
خلاص بقى وانتي شبه الأطفال
أمل زمت شفتيها بطفولة وقالت: انا مش طفله
حسنا ليته لم يشاكسها الان يود وبشده اكل هاتين الكرزتين
مالك في نفسه:الله يخربيتك كفاية مش قادر اتحكم في نفسي
أمل : ممكن اسالك سؤال
مالك هز راسه بأيوه
أمل بمرح: ايه اكتر حاجه بتحب تأكلها
مالك باستغراب:ليه
أمل : عادي يا عم قول
مالك بدون وعي: الموز باللبن 🍌
أمل بغباء: لا والله
مالك بضحك: ااااه والله زي ما بقولك
أمل : طيب اشمعنا ده
مالك :عادي جدتي كانت بتعمله ليا وانا كنت بحبه اوي
أمل : طيب وهي جدتك دي اسمها فريال
مالك بذهول: فريال اشمعنا
أمل : اصلك شبه الأتراك فتقريبا كده جدتك تركيه وانت شبهها
مالك ثواني وضحك بصوت عالي على تفكير امل
أمل بغيظ: طب انت بتضحك على دلوقتي ها
مالك بضحك: هههههه اصلك مش طبيعيه يا أمل
أمل : يا عم يعني انت اللي طبيعي هو في ظابط بيشرب الموز بلبن
مالك برفعه حاجب: ده على اساس انك كدكتوره بتاكلي الاندومي عادي
امل: اولا اسمه نودلز فخمُه كده وثانيا انا دكتوره فعادي اما انت بقى ظابط
مالك بضيق: على فكره انا بحبه قوي وخصوصا من ايد جدتي
أمل حطت ايدها على خدها وبصتله وقالت: بتحبها اوي كده
مالك بشرود: جدا هي وجدي وكمل بخفوت: يمكن اكتر من زينات هانم
أمل فحبت تخفف عنه فقالت بغيظ
'' على فكره انا سألتك اكتر حاجه بتحب تأكلها مش تشربها ''
مالك بابتسامه وطفوله: بحب اللبن بالفراوله 🍓 برضو
أمل بصدمه: لا كده كتير
مالك بضيق: لو مش بتعرفي تعمليه بلاش تعشميني
أمل حست ناحيته كأنه طفل نفسه في حاجه ومش عارف يوصلها حسته طفلها فقالت في نفسها بتصميم: طيب والله لاعملهولك
أمل : طيب يا عم شكلك مش بتحب تاكل بتحب تشرب امشي انا بقى
مالك : أمل ايه اكتر لون بتحبيه
أمل بشك: ليه
مالك : سؤال زي اللي سألتهولي
أمل بلا اهتمام: الأزرق الفاتح
مالك : ماشي تقدري تروحي للمستشفى
امل : بس انت مقولتش اكتر أكله بتحبها ايه
مالك ضحك على إصرارها على أنها تسمع الاجابه فقال بضحك: السمك يا أمل
امل بصتله بابتسامه قد ايه ضحكته نستها الحزن اللي كانت فيه بس فاقت علي كلامه
مالك بغمزه: حلو صح