عشق الوحوش والشياطين

الفصل 52

الفصل 52
صلي على نبي الرحمه 💜
عدت الايام ورسيل عرفت انها حامل بولد وعلاقه البنات بالشباب جيده إلى حد ما وبيحاول الشباب أن يتقربوا منهم لكن البنات رافضين ده  والشباب مش عارفين ليه بس بيصبروا زي ما قال زين ليهم والقضية ماشيه زي ما هي وشمس لسه في الغيبوبه
(في بنات قالت إنكم زهقتوا اني شمس في الغيبوبه احب اقول شمس مش هتفوق دلوقتي لسه بدري)
نروح بقى لمكان روحنا ليه كام مره
في تركيا وتحديدا في غابه من غابات تركيا الثلجيه كانت عشق وملك واقفين وكان هناك مروان ومراد وحسن وياسين وجون والياس ورماح وعلى وسراج ومعتز ومصطفى وآسيا كمان بس بعيد عنهم
جون: كيف حالها اليوم
مراد: لا تزال في غيبوبه
الياس وهو بيبص على اسيا اللي بتلعب مع ارنبها الأبيض اللي جابوا مصطفي ليها في عيد ميلادها الـ 5 من اسبوع
'' انا عايز اعرف مين البنت دي ''
ملك: وانت مالك يا الياس
الياس بتذمر: ايه سدت النفس دي
مصطفي جيه وقال: ها ناويتوا على أيه مسافرين امتا
سراج: النهارده بالليل
حسن: مروان ايه اخر اخبار القضيه
مروان: بنحاول نعرف مين ابن اخو رئيس المافيا اللي فهمناه من هارلي انه واحد قريب بس هو مين مش عارف
ياسين: ممكن يكون بيكدب
عشق: لا مش بيكدب رسيل هتعرف لو كدب
سمع الكل صوت زئير وبعدها صراخ فتاه
مصطفى جرى بسرعه ورعب: آسيا
جرت ملك وعشق فذالك زئير حيوانتهم وجرى الباقي وراهم
قبل 5 دقايق
آسيا بعدت عن مصطفى لما راح على الباقي وهي كانت بتلعب مع ارنبها بس هو جري منها وهي جريت وراه بعيد قدام بحيره متجمده ومسكته بس هو استخبي فبها بخوف
اسيا باستغراب: مالك خايف كده ليه.... يا لهوي
آسيا شافت ذئاب ونمور وفهود حواليها فخافت اوي ولما زئر جليتش هي صرخت بخوف وسمعت بعدها صوت صراخ ملك من بعيد
'' ريــــمــكــس توقفوا ''
عشق بصراخ: تــوقــفــوا
وقفوا الحيوانات كلها وعشق وملك وقفوا قدامهم
مراد: ماكس
ماكس قرب من آسيا وهي زحفت لوراء برعب من ماكس وهو قرب منها أوي
علي بخوف: هياكلها
ماكس شم ريحتها وبعدها بصلها بعيونه الزرقاء وزقها لوراء وهي اتزحلقت علي التلج على البحيره
ياسين بزهول: ازاي معملش ليها حاجه
آسيا كانت هتقف بس الكل سمع صوت تشقق التلج من تحتها
حسن بسرعه: اثبتي
آسيا ثبتت بخوف وأول كلمه قالتها بهمس
'' مصطفى ''
مراد: عشق ملك انتوا أخف اتنين هنا و....
مروان بخوف: مصطفى
مصطفى كان بيمشي على التلج علشان يوصل لآسيا
آسيا بخوف: مصطفى
مصطفى بحنان: متخافيش اوعي تبصي لتحت ماشي بصي عليا انا
التلج بدأ يتكسر من تحت مصطفى وآسيا اكتر
عشق بصوت عالي: اليكس اقفز
أليكس نطت بسرعه ومصطفى نط على ضهره ومسك آسيا وشدها بسرعه وبعدوا عن البحيرة خالص آسيا حضنت مصطفى بخوف وهو رجع رأسه لوراء وحضنها اكتر
عشق: انتوا كويسين فيكم حاجه
مروان: مصطفى حصلك حاجه
مصطفى بص لآسيا اللي بقيت كلها في حضنه
'' انا كويس كويس ''
بص حسن علي مصطفى واتذهل
'' معقوله آسيا ''
..........................................
بعد يومين
في قصر مراد اكارسوا وبالتحديد في جنينه القصر كانت آسيا بتلعب مع الأرنب لاني رماح مسكه في اليوم ده ومصطفى عينه عليها مش بتفارقها كأنه بيطمن نفسه انها كويسه جيه حسن وقعد جنبه وقال بخبث
'' شكلك كنت خايف عليها اوي ''
مصطفى بدون وعي: اوي مش عارف ليه حسيت قلبي اتخلع من مكان لما سمعت صوت صراخها
حسن ضحك عليه ومصطفى اخد باله من الكلام وقال بتوتر
'' قصدي يعني علشان هي أمانه وشمس وصت عليها ''
حسن بصله: بصراحه متوقعتش ابدا في يوم اني يحصل معاك كده يا مصطفى حبيتها مش كده
مصطفى: ايه اللي بتقوله ده دي طفله يا ابو علي
حسن: معاك حق الفرق ما بينكم كبير اوي 12 سنه بس الحب مفيهوش سن بس انت لسه صغير اوي يا مصطفى
مصطفى: مش بحبها ده تعود بس
حسن بمكر: لو تعود قولي لما حضنتك حسيت بأيه
مصطفى بشرود: مش عارف حسيت اني روحي كانت مسحوبه ورجعت من تاني حسيت اني قلبي بيدق أوي
حسن بمكر: شوفت
مصطفى: دي طفله وكمان ابوها اااا
حسن: سيف فعلا طبعه صعب بس انت مش اي حد انت مصطفي الزيان وكمان انت شخص ذكي اوي يا مصطفى وتقدر تعتمد على نفسك
مصطفى بانكار: انت بتتكلم كأني بحبها ده انا اكبر منها بـ 12 سنه يا ابو علي
حسن: اممم فعلا لما تكبر هي اكيد هتحب وتتجوز شخص تا...
مصطفى قاطعة بغيره شديده وأصبحت عيونه سوداء وهذا أقصى مراحل غضب مصطفى
'' مستحيل لا طبعا دي بتاعتي حتى لو طفله هي طفلتي انا.. انا وبس ''
حسن: شوفت بقى اديك غيران
مصطفى بتعب: سيف عمره ما هيوافق علشان فرق السن
حسن: لسه العمر قدامكم ولو سيف شاف انك تستحق بنته عمره ما هيرفض ابدا بس اوعي في يوم انت تفرض عليها نفسك ممكن هي فعلا تحب واحد تاني
مصطفى بدموع: لا لا والله ما هقدر الموت أهون عليا اني اشوفها مع حد تاني يا عم حسن
حسن ابتسم على الحب ده وآسيا جات
'' مصطفى يلا نلع..... أيه ده مصطفى انت بتعيط ليه ''
مصطفى: لا مش بعيط
آسيا بحزن: انت زعلان علشان إنت قولتلي متلعبيش بعيد وانا جريت بعيد
مصطفى بحنان: لا يا طفلتي
آسيا مسحت دموعها بكفوف ايديها الصغيره
'' طب يلا قوم علشان نروح نجيب ورده من اللي زرعناه انا وانت ''
مصطفى قام: يلا
حسن رجع ضهره لوراء وافتكر مراته وحياته وعشقه حياه رفع رأسه للسماء وغصب عنه دمع
'' ااااه وحشتيني اوي يا حياه يا ريتك كنتي جمبي دلوقتي كنتي خففتي عني مليكه في غيبوبه وملك وعشق بيبينوا انهم أقوياء بس هما من جوا مرعوبين على توأمهم يا ريتك كنتي هنا تطمنيهم انا لوحدي مش قادر ''
..........................
في المطبخ كانت عشق قاعده على الرخامه وبتاكل سمعت صوت رنه تليفونها وكان رقم شغف فردت بمرح
'' بطيخه هانم خير ''
شغف بضيق: هقتلك يا بت دانه اسكتي
عشق: فين باقي العصابه
رسيل: احنا هنا يا فالحه واخوكي هنا على الخط والوحوش متجمعين
عشق: متجمعين عند النبي يا أختي خير
ديانا: فاكره القنبلة المائيه اللي فجرتيها انتي وشغف عند زين وهو علقكم
عشق بضحك: اااااه مالها
شغف: ابعتيها علشان عايزه اسم مكون منها ولو تكرمتي اصنعي واحده
عشق: امممم ليه
مالك: عايزين نعمل بيها تمويه لحد ما نجيب الورق اللي نعرف به مين ابن اخو الزعيم
عشق: ماشي بس مين هيجيب الورق ده اوعي تقولوا ديانا ورسيل
رسيل: لا الياس وجون هما اللي هيروحوا وبيجهزوا للموضوع
عشق: تمام و...... بتعمل ايه يا يامن
يامن بتذمر: باخد كرز عندك مانع
عشق بلامباله: اه بلاش علشان بت اخوك عداهم ولو لقيت واحده ناقصه مش بعيد تدبحك وانت نايم بعد نص الليل من غير ما حد يحس
يامن: يعني حرام اكل يعني
جين: بلاش يا يامن والطيبة احسن دي كانت هطير رقبه معتز لولا شمس مسكتها
عشق: اسمع اهو
يامن رزع الباب: وربنا ما أكل حاجه ده انتوا تجننوا الواحد
رسيل: شكرا على المجامله دي يا يامن
أدهم: عشق انتي متأكده من القنبله
عشق نزلت من على الرخامه وخرجت من المطبخ
'' اه يا عم متأكده وااااااه ايه يا درش مش تفتح ياض وانت ماشي..... في ايه وشك مخطوف كده ليه ''
مصطفى برعب: انا مش لاقي آسيا يا عشق مش لاقيها
عشق: مش ايه... نهار مش فايت
شغف: دوروا عليها البت دي لو حصلها حاجه وشمس قامت وعرفت هتخلينا كلنا جثث مش كفايه كانت هتموت من يومين
عشق بصوت عالي جدا: مـــــلـــــك
ملك بفزع: ايه في ايه
مراد: فيه ايه يا عشق
عشق: آسيا فين آسيا فين
حسن: مصطفى كانت آخر مره معاك
مصطفى: يامن نادي عليا ولما رجعت ملقتهاش
ملك بغضب: يعني راحت فين البنت دي أمانه لحد ما شمس تفوق
حسن: دوروا عليها بسرعه
اما على الناحيه الأخرى كان يجلس البنات والوحوش ورسيل قامت وجابت اللاب وبدأت تضغط على الأزرار
فهد: بتعملي ايه يا رسيل
رسيل: اللاب دي مشابه للابتوب بتاع شمس بس ده احنا عارفين الباسورد بتاعه وهو متحكم في كاميرات معظم القصور والفلل وقصر مراد واحد منهم
سيف: وانتوا تفهموا في الهكر
جين: شمس علمتنا شويه وكمان ده متحكم بس مش محتاج هكر ومحدش يعرف باللاب ده اصلا غيرنا احنا
رسيل: لقيتها
ديانا: فين
رسيل بصت للابتوب وقالت
'' عشق ملك انتوا سامعيني''
عشق مسكت تليفونها وفتحت الاسبيكر
'' ايوه فيه ايه ''
رسيل: آسيا عند شمس فوق
ملك بخوف: عند شمس
ملك وعشق جريوا لفوق بسرعه وفتحوا الباب وآسيا اتخضت
عشق: بتعملي أيه
آسيا بصت على شمس: هي مش راضيه تصحى ليه
ملك بحنان: هي نايمه يا آسيا
آسيا: بس اتاخرت ده كله نوم فيه حد بينام ده كله انا جبتلها ورد ابيض مصطفى قال إنها بتحبه بس برضو مقامتش
عشق: استنى بس انتي دخلتي هنا ازاي الباب مقفول والاوكره بعيده عنك
آسيا: في كرسي صغير بسيبه جمب الباب بركب عليه وافتحه
مصطفى: الباب ده دايما مقفول اصلا
آسيا: ما انا بدخل الكرسي وبقفل الباب تاني
عشق وملك والبنات في صوت واحد
'' لا يا بت فالحه زي ابوكي ''
آسيا بغيظ: هو كل حاجه ابوكي ابوكي شبه ابوكي شخصيتك زي ابوكي طريقتك زي ابوكي عينيكي زي ابوكي وانا اصلا ابويا ده عمري ما شوفته
مراد: ولا هو شافك
شغف: يعني نكدب انتي فعلا شبه ابوكي
آسيا بحزن شديد: طب ليه هو عمري ما جيه ليه سابني للست اللي اسمها امي تعمل فيا كده ليه رماني ليها تضرب فيا ليل نهار انا فقدت صوتي بسببها
مصطفى قلبه وجعه عليها اوي ونزل لمستواها
'' هي متستهلكيش اوعي تعيطي ابدا ''
جين: ليه واحده تعمل في بنتها كده جالها قلب منين دي ولا البشر بقى قلبهم اسود علشان يعملوا في اطفال كده
سيف حس بضيق من لما سمع صوت آسيا الحزين وميعرفش ليه
آسيا: طب هو ليه سابني ليها
رسيل: هو اصلا ميعرفش انك موجوده يا آسيا امك خبت عنه
حسن بشك: عرفتوا منين
عشق: ايه ده مش بنتك راحت ليها واحنا روحنا معاها فضول نعرف هي هتعمل فيها ايه
مصطفى أيه ده انتوا روحتوا تاني بعد شمس فرمتها
شغف: اااه وانا اديتها ماده مهلوسه وهي قال إنها مقالتش ليه انه عنده بنت بس معرفش ليه وبنتك مسكتها عجنتها العافيه
مصطفى بضحك: صدقا انا اول مره في حياتي اشوف شمس بتتعصب بسرعه كده وخصوصا من واحده ست ده البنات مسكوها بالعافيه والله
ديانا: بصراحه شمس معاها حق لما قالت فيها ايه علشان يبص عليها اصلا
بصولها الشباب باستغراب ده معناه انها غيرانه أو مضايقه وسيف اضايق من فكره إنها كانت غيرانه على راجل من مراته
(غبي ما الراجل ده هو انت 😾)
آسيا: طب هي لون عيونها ايه
ملك: ازرق
آسيا: زي مراد
ديانا: اه زي مراد
ملك: احلى لون عيون زرقاء في الشله دي هي شمس ووعد وزين وجدو عثمان الله يرحمه هههههه والخال
مراد بضيق: تقولين زين من دون ألقاب وانا تقولي ليا يا خال انتي مستفزه يا ملك
أدهم قعد يضحك: اشرب يا مراد جدعه يا ملك
جين: إيه يا مراد مش انت خالها برضو
مراد: بصراحه يا وحوش انا دلوقتي اقتنعت بالمثل المصري ده
عشق: استنا أقولهولك انا متخافش من المجنونه وخاف من خلفتها ههههههههه
رسيل: تايجر قاله يا اخويا لما كنا عندك آخر مره
مراد: تايجر هنا امتا وازاي
ملك: يوم ما قلب شمس وقف وازاي ايه هو مجهول المخابرات من فراغ يعني
شغف بضحك: تعرفي يا آسيا شمس طول فتره لما انتي كنتي في غيبوبه كانت هتموت وتعرف لون عيونك أيه
عشق: مش تبص لابوها ما هي على ما اعتقد نفس لون العيون
حسن: لا والله
ديانا: بت عيب ابو علي واقف ودي بنته برضو والشرف غالي
أدهم: شرف
حسن خرج: مجانين
آسيا: مصطفى يلا نخرج
مصطفى: تعالى ومتمشيش من جمبي تاني
آسيا بطفوله: طب شيلني طيب
جين: شيلها يا اخويا شيل
ملك: الا قولي يا خال هو أبو اسيا لو عرف اني شمس خبت عنه هيعمل ايه
مراد خرج وقال ببرود: سوف يقتل اختكم
البنات: أعوذ بالله ايه سدت النفس دي
يامن قعد يضحك: من خلال معرفتي السطحيه بابوها اعتقد يعملها بصراحه
عشق خرجت وراهم هي وملك: ليه يا عم ده جزاتها علشان بتحمي بنته
مراد: كان بأمكانها أن نقول له وهو كان سيحميها لكن هي لم تفعل هذا ولا أعلم لما
ديانا: اااه من خلال اللي اعرفه هو ممكن يتعصب عليها بس يقتلها لا معتقدش
ملك: لحظه بس هو فين ياسين من ده كله
رسيل: هدورلك عليه اهو في الجنينه أخص على الدنجوان بيعيش لحظات مع غزل والقصر كان بيقلب من شويه
عشق وملك بخبث: فين بالظبط
حسن: سيبوا اخوكم ومراته في حالهم علشان انا عارف نظره العصابه دي
شغف: ليه بس دي اسعد اللحظات لما تقطع على واحده ومراته واسأل صحابك كان بيتعمل فيهم ايه
مراد: لا تفعلوا شئ
عشق: اطلع منها انت يا مراد
ملك وعشق جريوا لبرا بصراخ
'' يــــاســيـــن ''
أدهم بغيظ: انتوا ليه بتقطعوا عليه
جين: أصله دي هي المتعه انك تقطع خلف اتنين متجوزين وابقى اسأل بيتر وفادي
سليم بخفوت: بكره يتردلنا والله بسببكم
ياسين كان قاعد في الجنينه وأخد غزل في حضنه وبيتكلم معاها
غزل: تفتكر البيبي هنسميه أيه يا ياسين
ياسين: اممم لو ولد هيبقى حمزه
غزل برقه: ولو بنت
ملك دخلت رأسها في النص ما بينهم بهمس
'' هتبقى ملك ''
ياسين وغزل اتخضوا وقال ياسين بخوف
'' الله يخربيتك يا ملك في ايه ''
عشق: ايه يا ابو حمزه عايزه تستفرد بالمزه روح اوضتك مش في الطل كده تخدش حياه السناجل يا راجل
ياسين: سناجل مين انتوا اصلا مش بتتكسفوا من امتا والخجل موجود في العصابه
يامن: هههههه وجهه نظر بصراحه
ملك بشهقه: هاااااا الحق يا ياسين مراتك حمرا اوي كده ليه
مصطفى ضربها على قفاها: ده اسمه خجل يا جاهله بيبقى في البنات بس مش في العصابه
شغف بتشنج: قصدك ايه يا درش
يامن: قصده ناقص شنب وتبقى زي
ملك: لا احنا اوريدي ارجل منك يا يامن حتى من غير الشنب
حسن قعد يضحك
يامن بضيق: معرفتش تربى يا حسن يا اخويا علشان بنتك تقصف جبهه عمها
جين: عمها ايه يا يامن ده انت في سن ياسين شوف حتى مش الكبير أدهم لا الأصغر منه
يامن: جاتكم نيله هو انتوا على الخط
ياسين: ااااه وتجمعت العصابه
رسيل: ابو علي وحشتنا يا سكر
ياسين: وهو لا
شغف: كده يا ابو حمزه طب بزمتك مش وحشاك مصايب العصابه
ياسين: ابدا ابدا انا اصلا هنا مش مرتاح فيه 3 بلاوي من العصابه هنا
أدهم: ليه يا ياسين كده دول حتى لطاف
عدي: أدهم بلاش تتكلم احنا قاعدين
ياسين: لطاف مين دول العصابه انت يا أدهم مشوفتش يوم من السنين اللي انا شوفتها دول لما بيتجمعوا في أي مكان لازم يحصل كارثه ده انا جبتهم من القسم هما 7 وعلشان سبب تافه قال ايه صاحب المطعم فاكرهم اجانب راح رافع سعر الفاتورة
عشق بتذمر: ما هو فعلا رفعها احنا حسبناهم لقيناه عايز يضحك علينا وعايز فلوس زياده
ياسين بجنون: أيه الزياده دي ها 2 جنيه كسرتوا المطعم فوق دماغ الراجل علشان 2 جنيه وانتوا اصلا دافعين 4 آلاف بعد الوليمه دي
فهد بذهول: ده حصل بجد
شغف: كانوا 3998 جنيه بس هو اقفلهم ليه 4 آلاف ده يبقى اسمه ايه
مالك: لا فعلا معاكم حق ليه 2 جنيه زياده جاتكم نيله
ملك: وانت ضربتنا على فكره
اكمل: هو اصلا عرف يمسك حد فيكم ده انتوا  كنتوا بتفطوا من هنا لهنا
ياسين: اشهد يا أدهم دول مره سكروا
جين شهقت: هاااااا لا انت كده ابتدينا تدخل في أعراض ناس
حسن: سكروا
ملك: وربنا يا ابو علي ما كنا نعرف أنه خمره كنا  فاكرينه سبرايت
حسن: ليه مش عارفين تفرقوا ما بين الاتنين
ديانا: والله جون ومايك وريموندا السبب جابوا نوع غالي وحطوا في ازازه اسبرايت واحنا شربنا يعني نعمل ايه
ياسين: اه مشوفتش شكلهم وهما سكرانين اااه
رسيل لاحظت حاجه في الجنينه
'' عشق ملك هي آسيا بتعمل ايه باللابتوب اللي في ايديها ده ''
ملك: هي فين؟!؟!
ديانا: هي في الجنينه برضو بس من وراء
رسيل لقيت اللاب بيتسحب منها وكان سيف اللي كان عايز يشوف مين آسيا دي
رسيل: ايه يا عم انت
سيف: عايز اشوف البنت بس
عدي: ليه يا سيف؟؟!
سيف ببرود: فضول
البنات بصوا على بعض بتوتر شويه ممكن سيف يلاحظ الشبه اللي ما بينهم
مصطفى: آسيا بتعملي ايه
آسيا: بلعب باللاب بتاع مراد
مراد: بتاعي انا انتي فتحتيه ازاي اصلا
آسيا: لا دي سهله جداً
ملك: سهله مين دي اللي سهله
شغف: ده احنا كنا عايزين نفتحه علشان نسمح الصوره اللي كان ماسكها علينا زله ومعرفناش وشمس فتحته في دقيقه
آسيا: انتوا مكبرين الموضوع دي سهله اوي والباسورد مش صعب للدرجه دي أقل هكر يعملها
ديانا: هكر انتي بتفهمي فيه
آسيا: كنت بقرا كتب كتير عنه جدي كان بيجيب كتب ليا وانا لقيت في اوضه فوق كتب كتير كل يوم بقرا منه
ياسين: فين الاوضه دي
اسيا: اوضه لونها رمادي فوق فيها صوره لملك بس لون عيونها ازرق
جين: دي اوضه شمس
ديانا بغموض: آسيا انتي بتحبي شغل الهكر ده
آسيا: التكنولوجيا دي زي البحر مش كل الناس بتعرف تقاومه ومش كل الناس بتغرق بس الشاطر اللي بيعرف يساير البحر ويمشي مع التيار.... أيه يا جدعان بتبصولي كده ليه
يامن بذهول : هو انا ليه حاسس اني سمعت الجمله دي قبل كده بس مش فاكر من مين
البنات في صوت واحد
'' مليكه ''
اكمل: فعلا قالت الجمله دي قبل كده وربنا قالتها بالحرف
عدنان: البنت دي بنت مين بالظبط كده ممكن يكون في نسخه من مليكه
البنات: لا لا لا مش هنعيد الماضي ده من تاني محدش هيكون نسخه مننا
ياسين: طب اهدوا مفيش حاجه
ديانا: عشق ملك انزلوا مصر
ملك: ليه؟؟!!
ديانا بغموض: تايجر عايزينا وهو هينزل كمان
عشق: طب وآسيا
شغف: محدش يعرف أي حاجه عن آسيا شمس لما تقوم هي هتتصرف
جين: مراد آسيا متخرجش برا القصر مهما حصل
آسيا بصت لمصطفى بحزن
'' مصطفى هو انا عملت حاجه غلط ''
مصطفى: لا يا آسيا هما بس خايفين عليكي
حسن: هتنزلوا امتا
ملك: دلوقتي
رسيل قفلت المكالمه
أدهم: انا عايز اعرف مين اسيا دي حالا
ديانا بشك: اوعي تبقى زي الغبي رماح وتقول بنت شمس
أدهم: بقيت اتوقع اي حاجه
اكمل: بصراحه بقى انا شاكك
جين: شاكك ايه يا جذمه انت البنت دي عندها 5 سنين وشمس عندها 22 سنه يعني هتخلفها وهي عندها 17 انت اهبل شمس وهي عندها 17 كانت مدمره نفسيا وجسديا واحنا كنا معاها ده انت المفروض تقول العكس
اكمل: يعني صدفه آسيا دي تحب نفس المجال وتقول نفس الجمله فرضنا صدفه ماكس أزاي مأذهاش إلا إذا شم ريحه شمس فيها
رسيل: آسيا دايما بتقعد مع شمس واحيانا بتقعد جنبها عليه السرير طبيعي ماكس يشم ريحه شمس فيها
سيف: مين ابو البنت دي
شغف: هو ليه الكل عايز يعرف مين ابوها انا امها عادي ليه الكل شاكك انها بنتها يا جدعان وربنا ما بنتها ولا حتى شبهها اصلا في أي حاجه وشمس لسه بنت اصلا
أدهم: طب ليه رافضين تقولو مين ابوها
ديانا: علشان شمس طلبت محدش يقول عنها حاجه ولا ترجع لابوها غير لما هي تفوق
عدي: ازاى تقول حاجه زي كده هي ممكن تقعد سنين في الغيبوبه
رسيل: لو قعدت اكتر من سنه احنا هنرجع آسيا لابوها بنفسنا
فهد: انتوا تعرفوا ابوها
شغف بشرح: ايوه نعرف ابوها بس هو ميعرفش انه عنده بنت البنت دي حكايتها انه من كام شهر لما انت يا أدهم روحت لابوك اول لقاء ما بينكم حصلت حادثه واتصلوا على شمس لأنها دكتوره مخ واعصاب الجد مات والطفله كانت محتاجه عمليه في المخ يوقفوا النزيف شمس علمت العمليه بس جسم البنت كان ضعيف فدخلت في غيبوبه وشمس نقلتها المستشفى العسكري علشان تكون قريبه منها والبنت كان معاها شنطه فيها كل الورق الخاص بها شهادتها وكمان ورق يثبت انها بتعاني من توحد وفاقده نطقها
مالك: طب ايه حكايه امها دي
جين بعصبيه: امها دي ست بنت ك...... مش تحمد ربنا اني معاها بنت زي آسيا لا تفضل تطلع فيها غيظها وعصبيتها عليها في الرايحه وفي الجايه لحد ما كرهت البت في عيشتها وخلتها تفقد النطق ولولا جدها كان حنين عليها كانت موتت نفسها من زمان اعمل ايه حاجه للي يجيب زماره رقبتها في أيدي
سليم: خلاص اهدي اهدي يا جين
أدهم: يعني عشق وملك جايين
ديانا: اه وتايجر برضو جاي
مالك بضيق: ليه هو جاي
شغف : بعت لينا اني في حاجه حصلت ولازم الكل يعرفها احنا وانتوا
..........................................
اليوم اللي بعده
أدهم كان متحفز يشوف ملك وعشق وكان الشباب معاه لما دخلت بنت شعرها اسود قمحيه وعيونها بني وقعدت قدامهم وحطت رجل على رجل
'' هاي عليكم ''
بصلها الكل باستغراب شديد وهي كانت بتبص للكل ووقفت عند أدهم وقامت وقربت منه قوي وحطت ايديها على الكرسي اللي قاعد عليه وبصت لعيونه بتركيز شديد
فهد بهمس: البت عايزه تشقط أدهم
سليم: حد يقول لريم بسرعه
ادهم بعد جسمه لوراء وقال
'' ابعدي لو سمحتي فيه ايه ''
البنت: اتخجل يا إعصار وعندك اخوه لا يعلمون معنى الخجل أبدا
سيف: انتي مين؟!؟!
بصت البنت دي عليه وقربت منه بس مش زي أدهم وقالت وهي بتلف حواليه
'' سيف عمران الجارحي الوحش امممم لا أعلم حقا لما يكرهك القيصر إلى هذا الحد أوه هو لا يطيقك يا رجل ''
سمعت البنت صوت من وراها بيقول
'' انتِ هنا حسنا يبدوا ان المتعه ستبدأ ''
لفت البنت ولقيت ديانا سانده على الباب بكل برود
البنت: اوه يا فتاه كيف حالك
ديانا ببرود: كنت بخير لكن الآن لا بسبب رؤيتي لوجهك
قربت منها البنت دي اوي وقالت
'' اوه يا برق لسانك أصبح طويل كما أنكِ أصبحتي سمينه بعض الشيء اعتقد هذا من الحمل صحيح ''
ضربتها ديانا في وشها
'' انتي يا بت مستفزه كده ليه عديتي ملك ''
البنت بضحك: كده يا بت البحيري لولا بس انك حامل لكنت وريتك
ديانا: فلتفعلي هذا
في الثانيه اللي بعدها كانت البنت دي ضربت ديانا في وشها وقالت ببراءه مصطنعه
'' حسنا لا يرد العقرب طلب طلبه صديقه منه خاصه إذا كان واحد من الشياطين ''
ديانا: مش لايق عليكي دور البراءه ده خالص يا بنت أحمد
عشق: انا بقول كده برضو
أدهم قام :عشق
عشق لفتله وقالت
'' متبصش ليا بعيونك دي احسن أضعف ''
ديانا: وشي ورم يا حيوانه
عشق بسخريه: ابقى حطيله تلج كنتي بتاخدي ضرب أشد من كده ولا حد بيعبرنا
ديانا: افتكري حاجه كويسه جاتك الهم
عشق: هغير هدومي اوعي
عدي راح لديانا وقال بضيق
'' بتهزروا ليه بغباء كده ''
ديانا: على بوكس يعني ده على رأيها كنا باخد ضرب اشد من كده
أدهم بسرعه: ملك فين
ديانا: تلاقيها بتفقع مراره التانين هههههه
عدي حط التلج على خدها وهي اتحرجت من الوضع لأنه كان قريب اوي منها سمعوا صوت ساخر من على الباب
'' اوه يا إلهي هذه نهايه العالم برق تخجل ''
بص الكل وكانت واحده نسخه من شمس بس العيون مختلفه شمس عيونها زرقاء زي البحر اما دي عيونها بنفسجيه زي زهور البنفسج
ديانا: حيات ابوكِ يا ملك اركني على جنب نعرف تايجر عايز مننا ايه
أدهم وقف وقرب منها وهي بصتله بمشاعر كتير خوف اشتياق حنان وعتاب وحزن
أدهم حضنها اوي
'' ملك يا قلب اخوكي وحشتيني أوي يا ملك ''
ملك عيطت في حضن اخوها
'' سامحني يا أدهم مكنتش اعرف أقرب منك ''
أدهم دمع: خلاص منفكرش في الماضي خلاص هو راح
ديانا: هذه نهايه العالم الأفعى تبكي إذا هي لديها قلب
@ يا فصيله منك لله ضيعتي اللحظه الاخويه اللي بنستعد ليها من سنين
أدهم: عشق
عشق: ايه رايك كده احلى
أدهم فتح دراعه التاني: تعالى يا عشق
عشق حضنته وغصب عنها دمعت
رسيل من وراهم: تراني تأثرت لحظه ابكي اهي اهي
ملك: ابو شكلكم قاطعين اللحظات السعيده
شغف: يا اختي بلا محن المهم فين تايجر
عشق: واخده بالك انا جاي من تركيا مش من إيطاليا
جين: ما احنا عارفين هيتاخر يعني
ملك: منعرفش المهم انا عايزه اشوف ابن اخويا واحضنه واشوف هو احلى ولا السكر
أدهم: أيهم
عشق: ايوه ومراتك عايزه اعرف بتحمر زي غزل ولا لأ
رسيل: الاتنين زي بعض يا اختي
ملك: والعمده علشان وحشني
سيف: نعم قصدك ابويا هو انتوا تعرفوه
البنات بصوا لملك بضيق لأنها دايما متسرعه
شغف بسرعه: اه نعرفه بس متسألش ليه دلوقتي نروح احنا لحد ما يجي تايجر ومراد ومروان يلا يا عصابه
البنات مشيوا تحت استغراب الشباب منهم
..........................................
بعد ساعتين
أمام مبنى المخابرات نزل هو بطوله الفارع ووسامته الشرقيه وشعره الأسود وعيونه الخضراء وركب لفوق
اما عند الشباب كان وصل مراد ومروان من ساعه ودخل عليهم شخص لابس كمامه سوده مراد ومروان وقفوا لأنهم عارفينه
'' تايجر ''
تايجر بهدوء: مرحبا
سيف ببرود: تتكلم العربيه أليس كذالك
تايجر بصله بنظرهم طويله
'' ايوه بتكلم انا اصلا مصري ''
مالك: حيث كده انت عايزنا ليه
تايجر بهدوء: آدم قالكم انه لغي مهمه الياس وجون صح
أدهم: ايوه
تايجر: المعلومات هتوصل من طريقي بس فيه الأول مشكله الأول نخلص منها وبعدين نعرف مين الشخص اللي يقرب للمافيا
مروان بتركيز: مشكله ايه
تايجر بهدوء: لما البنات يوصلوا
بصوله الشباب بضيق وهو ابتسم من تحت الكمامه
'' انا عارف انكم مش ضايقيني علشان انا قريب من البنات بس المفروض تعرفوا انهم كلهم اخواتي والله ''
اكمل: هو انت مسلم
تايجر بصله بصه غريبه محدش فهمها غير مراد ومروان
'' ايوه مسلم ''
سليم: إذا كنت انت واحد من المخابرات العالميه احنا برضو مش فاهم ليه حاطط الكمامه
تايجر: قريب هتعرفوا فين البنات صحيح
عشق دخلت: احنا هنا يا اسطا
تايجر بملل: لم تتغيروا
رسيل: ايه يا ياض مالك مش طايقنا كده ليه اشحال انت اللي مدربنا
تايجر: يا ريتني ما عملتها
ديانا: جاي ليه يا تايجر
تايجر بجديه: لقد أفاق
بصوله البنات بعدم فهم شويه وبعدين قالت جين بشك
'' فاق ولا فاقت فيه فرق لاني لو فاقت يبقى ملاك رجعت ''
تايجر: انا قولت فاق يعني مذكر
جلست ملك على الكنبه وقالت بضياع
'' فاق دلوقتي فضل 9 سنين في الغيبوبه عشان يفوق دلوقتي الوقت غلط ''
تايجر نزل لمستواها
'' الوقت صح يا ملك خليكي انتي قويه ''
ملك بصتله وكانت عيونها حمراء
'' شمس مش موجوده ازاي ابقى قويه ونصي التاني في غيبوبه ''
تايجر: ياسين موجود والبنات موجودين وكمان أدهم ده كله ومش شايفه انك قويه
ملك بدموع: هي غير يا تايجر
الشباب كانوا بيراقبوا بهدوء علشان يفهموا
عشق: هو عرفك
تايجر بغموض: ايوه طول عمره ذكي وطلب حضوركم انتوا والوحوش وياسين وحد تاني
رسيل: حد تاني مين مليكه في غيبوبة و.... لا لا قصدك على
ملك وقفت بصدمه: ابويا
تايجر: اه
ديانا: تبقى مجنون يا تايجر انت كده عايز تحط البنزين جمب نار شغاله من 30 سنه
تايجر: اكيد القيصر مش زي زمان
شغف بسخريه: اه فعلا مش زي زمان ده أسوء من زمان انت فاكر علشان موت مراته وجعه هيبقى ضعيف ده انت مشوفتش عمل ايه من 3 سنين
أدهم: عمل ايه
جين: عمل......
Flash back
من 3 سنين في الحاره كانت شمس ماشيه وكانت دايخه شويه لاني السكر واطي عندها خبطت في شخص
'' انا اسفه ''
الشخص ده بصلها وكان واحد من فتوة الحاره فقال بسخريه
'' هو انتي يا زعيمه العصابه شكلك مش مظبوطه وانا لازم اخد حقي ''
شمس بغضب وضعف
'' ابعد عن وشي السعادي بدال ما اعملها معاك ''
الراجل بسخريه: ههههههه انتي اصلا مش عارفه تصلبي طولك حتى بصي
الراجل ده زقها وهي اتهزت شويه وسندت على حاجه علشان متوقعش وصحاب الراجل ده ضحكوا عليها
الراجل: اممم بصراحه قالوا إن لون شعرك حلو وانا حابب اشوفه
نظرت له شمس نظرات ارعبته لكن غلب عليها التعب وحاولت تقاوم والراجل ده مد ايديه علشان يشيل الطرحه بس لقى ايد مسكته لف وشاف نظرات من الجحيم من حسن لأنه فيه طفل قاله انه كاونه (اسم الراجل) بيضايق شمس وزقها
حسن: لا عاش ولا كان اللي يحاول يكشف بنت حسن
ولوي ايده كسرها وزقه بعنف فوقع على الازاز وصرخ من الألم
صحاب كاونه قاموا بس حسن مسكهم ونزل فيهم ضرب والبنات عرفوا ونزلوا بسرعه وعمر وياسين كانوا وصلوا
حبيبه قربت من شمس واديتها الدواء وهي استعادت وعيها وياسين قرب ورفعها من على الأرض وبصوا الاتنين بذهول لابوهم لأنه لسه بصحته فعلا يستحق لقب القيصر
عمر: احيه الحق ابوك يا ياسين قربت يقتلهم
حسن رمي آخر راجل وقرب من بنته
'' شمس يا بنتي انتي كويسه ''
شمس رفعت ايديها بخوف
'' وربنا ما انا اللي بدأت ده هما ''
آيات: ايه يا ابو علي شوهتهم على الآخر يا راجل
حسن: بجد
أمل: دول بقيوا كفته
حسن ببرود: احسن علشان ميقربوش من ولادي تاني
عمر: ابقى فكرني يا ياسين مبقاش اعصب ابوك بعد كده
ياسين: فعلا
Back
تايجر بضيق: بس قدامه مش هيأذيه
ملك بسخريه: يا راجل دي شمس وهي عندها 12 سنه كانت قدامه جبروت فما بالك بالقيصر اللي اسوء من بنته واكيد هو كمان مش سهل ده علي الألفي يا تايجر
الكل وقفوا بصدمه ماعدا البنات
'' نعم علي الألفي "
..........................................

Sabreen💜