هل تتخيل نفسك ان تعيش بشخصيتين أحدهما الحقيقيه والأخرى مزيفه..... ماذا سوف يحدث ان احبك شخص بشخصيتك المزيفه وهو لا يعلم حقيقتك سوف تعيش في خوف من ان يعلم الحقيقه..... ماذا ان كان لديك ماضي يمنعك من ان تبادل حبك لهذا الشخص على خوف من ان يتركك
هم:أفض...
الفصل 8 نبدأ بالصلاه على النبي 😇 بعد ما فروا الشابين دول من الرعب من مالك وفهد رجع فهد ومالك مكانهم تاني بكل هدوء ولا كأن حاجه حصلت بس جواهم فرحه اني اللزقين دول مشيوا من وجهت نظرهم آيات بهدوء: ها هتحتاجي ايه أمل وهي بترجع للتجربه تاني: دوري كده على ماده......... آيات وهي بتبص حواليها: تمام هشوف آيات لقيت الماده بس كانت بعيد ومفيش سلم هنا وفهد لاحظ انها بدور على حاجه فقام علشان يروحلها بس مالك وقفوا وهو بيقول: على فين العزم فهد : مش عارفه توصل الماده هجبهالها مالك ابتسم بمكر: ماشي فهد راح لآيات اللي كانت وراء صف من المواد الكيميائية يعني امل ومالك مش شايفينهم وسمعها بتقول بغيظ طفولي: ااااه ياربي مش لو الواحد كان طويل شويه كان عرف يتصرف بس ازاي بطول أولى اعدادي ده اووووف فهد ضحك عليها وقال: يا قصيره آيات بخضه ونسيت نفسها: يا لهوي خضتني يا عم انت مش تكح ولا وتقول دستور حتى فهد باستغراب :يعني ايه دستور؟؟ آيات بعفويه: والله يا اخويه ما اعرف بس المهم تقدر تجيب الماده اللي فوق دي اصلك طويل يعني فهد ابتسم على عفويتها وقال بمرح: ماشي يا قصيره آيات بغضب طفولي: على فكره انا مش قصيره انا بعون الله ١٥٩سم ده انتي اللي عمود نور فهد بذهول :انا عمود نور آيات وقد لاحظت كلامها: احم انا اسفه بس لو سمحت هات الماده لاني مش عارفه اوصلها ومفيش سلم هنا فهد بهدوء: ماشي وجبهالها بس قبل مايديهالها قال: علي فكره انا مزعلتش منك وانتي عادي اتكلمتي بعفويه آيات بجديه وهي بصاله: لا انا غلطت وبعدين مكنش المفروض اتكلم معاك بعفويه وهات الماده بقى فهد مسمعش ولا كلمه اكتفي بس بالنظر لعيونها التي تشبه بئران من العسل 🍯 الذي لا يكتفي منه ابدا آيات اتحرجت ونزلت دماغها لأنها لاحظت انه بيبصلها في عيونها وابتدات تفرك في ايديها وقالت بخجل لا يوجد في شخصيه آيات : لو سمحت الماده ومش ينفع وقفتنا كده لأنه كده حرام فهد بإعجاب من أخلاقها: تمام اتفضلي رجع فهد وآيات أمل بهمس: كنتي فين يا كلب البحر ها آيات : كنت بجيب الماده الله أمل : طيب هاتي يا اختي ومتمشيش من هنا آيات قعدت وقالت باللامباله: ده على اساس اني بفهم في الكيمياء أمل باستفزاز: لا بتفهمي في الفن آيات باستفزاز اكتر: Sure baby أمل حطت نقطتين ورجعت للوراء والتجربة عملت سحابه زرقاء آيات بتشجيع: الله الله يا فخر العلوم الله أمل بضحك: اومال بس خلصنا عاوزين سرنجات بقى آيات : ودي هنجيبها منين مفيش هنا فهد :متأكده؟؟ آيات : ايوه مفيش لازم نجيب من الصيدليه وطلعت علشان تقول لروان تروح تجيب سرنجات .......................................... الجو كان مشحون بسبب نظرات حمزه وأسر اللي محدش فاهمها روان بهمس لحبيبه بس وصل لسليم : هما هياكلوا بعض ولا ايه ايه النظرات دي سليم بسخريه: لا ياختي دول بيقولوا يا هادي بس حمزه وقد لاحظ الهدوم اللي لابسينها البنات: اممم انتوا لابسين كده ليه انتوا في الجيش على فكره عدي بهدوء اقرب للبرود: عارفين على فكره وهما ملحقوش يغيروا حمزه رجع راسه للوراء وقال: بس فيه قوانين سيف ببرود شديد: بس احنا مش فتره عمل دي فتره راحه ومحدش صاحي الاغلبيه نايمين ولا ايه حمزه بصله نظره بارده بادلها سيف بنظره ابرد وقاطعهم خروج آيات آيات : روان روحي الصيدلة وهاتي سرنجتين بسرعه روان قالت:مفيش جوا آيات : لا مفيش روان قامت وقالت: ماشي هروح سليم بسخريه: ليه فاكره نفسك في شارعكم انتي عارفه الصيدليه فين روان بغباء :تصدق معاك حق سيف بهدوء: روح معاها يا سليم سليم :ماشي يلا روان اترددت لأنها هتمشي معاه لوحدهم في نص الليل بس وافقت لما سليم قال بهدوء لأنه لاحظ توترها: متخافيش في عساكر تحت روان بتردد: ماشي يلا آيات لاحظت شرود حبيبه قربت وقالت بهمس: مالك انتي كويسه؟!؟ حبيبه بصتلها وقالت ببرود: مين فيكم اللي ضربت الشاب آيات باعتراف: وربنا ما انا دا البت أمل حمزه بسخريه: ضربته سيف بهدوء لأنه عارف ايه اللي ممكن يحصل: ضربته ليه؟؟ آيات ببرود لحمزه لأنها معجبتوش سخريتها أو بمعنى بتكره حد يسخر منها قالت: ولا حاجه يا فندم هما بس كانوا معطلين التجربه وشغالين اسئله ملهاش لازمه طلبنا منهم بالزوق انهم يخرجوا بس رفضوا وأمل اتعصبت وضربت واحد فيهم بس ده كل اللي حصل حمزه اتعصب من برود البنات في الرد بس سكت وده اللي خلاه عدي يبصله بذهول أكبر لأن اللي يعرفه عن حمزه اني لو حاجه حصلت لحد من كتيبته حتى ولو هو اللي غلطان يقلب الدنيا بس هو هادي جدا بص عدي لسيف بمعنى ايه ده هو ده حمزه سيف بصله بمعنى في حاجه غريبه وحبيبه كمان حست اني في حاجه غريبه ولازم تفهمها بس مش وقته الأول تتطمن على شمس .......................................... داخل المعمل أمل خلصت التجربه وابتدات تلف في المعمل وتبص على المواد الكيميائية ومالك وفهد متابعينها فهد بهمس لمالك علشان يستفزه:بصراحه هي شاطره مالك بصله بغضب ونظرات ناريه فهد : ايه بتغيري يا بيضه اعترف بقى مالك بصله بغضب وقال بغضب مكتوم لامل : ايه عاجبينك أمل وهي لسه بتبص على المواد ونسيت انهم موجودين وقالت: بصراحه جدا وانا واحده عاشقه للعلوم مالك باستغراب: طيب ليه دخلتي طب مش علوم أمل بغضب طفولي: اااه والله يابني زماني دلوقتي في أمريكا ولا حاجه بس نقول ايه منك لله يا يوسف انت السبب في الرميه السوده اللي انا فيها دي إلهي تشرق وانت بتاكل ده كله وفهد ميت على نفسه من الضحك اما مالك فكل حاجه وقفت اول ما سمع اسم يوسف ده حس بنار لفكره انه حد مهم في حياتها لدرجه انها سمعت كلامه ودخلت طب مش علوم وقال بكل غيره: مين يوسف ده ها مالك بصتله وقالت بتسرع :وانت مالك مالك كان رايح يكسر دماغها العنيده دي بس فهد مسكه بسرعه لأنه عارف غضب مالك لما بيتعصب بيبقى زي القرش فعلا اما أمل فهي لعنت نفسها الف مره هي مش بتخاف من حد ابدا ودايما عنيده وجريئه بس قدام مالك حست بالخوف الشديد من شكله مالك فلت من فهد وقرب منها وقال بغضب شديد وصوت رعبها جدا:مين يوسف ده ردي أمل غمضت عنيها بخوف وقالت بسرعه: عمي وربنا عمي مالك هدى وبص لقاها مغمضه عنيها زي طفله مذنبه وبلبسها الطفولي ده شكلها كا..... قاطع تفكيره المنحرف ده صوت فهد وهو بيشده بعيد وهو بيقول: مالك ايه اللي انتي بتعمله البنت خافت منك اقعد بقى وبعدين قال لامل انا اسف يا انسه بس شكله من قلت النوم مش عارف هو بيقول ايه مالك بصله برفعه حاجب ورجع قعد وفهد قعد جنبه بغيظ اما أمل فلفت تاني بس ابتسمت جدا وحست انه غيران عليها شافت ده في عنيه بس ابتسامتها اتمحت لما افتكرت هي هنا ليه وأنه مستحيل يحبها أو هي حتى تحب وقالت في سرها: ايه أمل نسيتي ايه اللي حصل زمان ولا انتي بتحبي الوجع قاطعها آيات وهي بتحط ايدها على كتفها وقالت : مالك انتي كويسه سرحانه ليه أمل : ها مفيش راحوا يجيبوا سرنجات آيات : ايوه راحت روان ومعاها كابتن سليم.... وكملت بمرح وبعدين متخافيش شمس هتقوم وهنضرب تاني أمل : اااه والله وقعدوا على الكراسي وقدامهم بس بعيد بشويه فهد ومالك وعم الصمت لدقائق قبل ما تقطعه آيات وهي بتقول: هي الساعه كام دلوقتي؟؟؟ فهد : 12 ليه أمل : هو عدا كام ساعه على كده مالك : لو احنا خرجنا 10 يبقى ساعتين البنات اتنهدوا بقلق فهد بهدوء: متخافوش هتبقى كويسه ونلحق نوصل امل وآيات بحزن شديد: يارب يارب مالك وفهد اتوجعوا عليهم واتمنوا لو يقدروا يخففه عليهم فهد بمرح عشان يكسر الحزن: لو انسه أمل كانت عاوزه علوم حضرتك يا انسه آيات كنتي عايزه آيات بهدوء: ف..... وقاطعهم صوت واحد بيقول: ايه اللي بيحصل هنا .......................................... عند روان وسليم بعد ما خرجوا روان مشيت وراه سليم بس العساكر كانوا بيبصوا على شكلها ولبسها باستغراب سليم لاحظ ده ووقف وروان اتخبطت فيه لأنها كانت سرحانه روان بألم وهي بدلك انفها: اااه يا مناخيري خبطت في حيطه سليم بهدوء يسبق العاصفه: امشي جنبي روان : ايه لأ طبعا انت تقربلي ايه علشان امشي جمبك سليم بصوت غير قابل للنقاش: قولت امشي جمبي روان بجديه: صدقني مش هينفع انت مش محرم ليا ولا حتى جوزي علشان امشي جمبك سليم أعجب باخلاقها اكتر بس قال بجديه: ماشي بس بسرعه وبص على العساكر نظره خلت الكل يشيل عينه خالص وبعد شويه وصلوا الصيدليه لأنها مش بعيده دخلوا وكان فيه راجل هناك بص لروان باستغراب روان بجديه: عاوزه سرنجتين ومحلول...... بالوازم بتاعته وخليك في شغلك ومتبصش الراجل مشي علشان يجيب وسليم ابتسم عليها روان اتنهدت وهو قال '' هتبقى كويسه متخافيش '' روان : يارب الراجل جاب السرنجتين وقال ب.... روان هتطلع من جيبها الفلوس بس سليم سبقها وادي الراجل الفلوس وهو قال '' ثواني هشوف فكه '' سليم :ماشي اتفضل الراجل خرج وروان قالت بغيظ: دفعت ليه كنت هدفع انا سليم : ليه مش راجل معاكي عشان انتي اللي تدفعي روان بعند: انا اللي هدفع وشكرا ليك سليم بصلها بصه دبت فيها الخوف وقال بصوت يرعب: قسما بربي لو ما سمعتي الكلام لكون عامل تصرف مش هيعجبك فاهمه روان هزت رأسها بخوف: فاهمه فاهمه وكملت بخفوت: روح يا بعيد إلهي يجيلك دور اسهال ما تعرف تخلص منه ابدا سليم بضحكه مكتومه: سمعتك على فكره روان بغضب طفولي وشكلها يضحك: ما تسمع اعملك ايه سليم بضحك: ماشي يا زتونتي روان : نعم بتقول ايه سليم بصلها في عنيها وقال ولا حاجه روان اتحرجت ولفت وشها وابتسمت على الاسم ده زتونتي وسليم شاف ابتسامتها في انعكاس المرايه وابتسم لابتسامتها ورجع الراجل بالباقي وأخذوا ومشيوا بس وهما في الطريق على السلم روان وقعت ورجلها اتلوحت: اااه سليم بقلق: مالك روان بتألم بسيط: رجلي بس انا كويسه وحاولت تقوم بس وقعت تاني سليم :اهدي هي اتلوحت بس وانا هعدلهالك و... روان برفض: لأ طبعا حتى لو اتكسرت متقربليش سليم بصلها بغيظ بس اتقلب لمكر وقال بخبث: براحتك بس انتي كده هتشغلي الكل اكتر وهتتاخروا اكتر على انسه شمس روان :احمم خلاص ماشي اعدلها بس لو سمحت متقربش اوي لأن ده حرام سليم بإعجاب اكتر: ماشي وبدأ يعدلها رجلها وهي اتألمت بخفوت ووقفت بس كانت هتقع بس سليم مسكها من دراعتها وكانت قريبه منه جدا لدرجه اني أنفسهم بقيت واحده روان بصتلوا ولاحظت لون عنيه كانت ازرق فاتح زي السماء الصافيه روان بعدت عنه ووشها احمر جامد: ااانا اسسفه اوي كنت هقع بس.... سليم بهدوء: حصل خير انتي كويسه دلوقتي تقدري تمشي روان هزت رأسها بخجل بمعنى ايوه سليم : طيب يلا علشان اتاخرنا وطلع قدامها وهي وراه وكانت مكسوفه اوي ودقات قلبها بتعلي حطت ايدها على قلبها لقيتوا بيدق بعنف روان بتوهان في نفسها: انت بدق ليه كده أهدى اما سليم ابتسم بشده عليها وقال في نفسه: اخد اجازه بس ونشوف الزمن مخبي ايه .......................................... اما عند حبيبه والباقي وصل المسئول عن المعمل بعد ما قالوله الشابين على اللي حصل (المسئول ده اسمه سعد وهو في أوائل التلاتينات) سعد:حمزه بيه ايه اللي بيحصل حمزه بهدوء: مفيش محتاجين تجربه سعد: ومحدش قالي ليه سيف ببرود: المفروض ناخد الأذن منك سعد بخوف لأنه عارف مين الوحش: لا لا لا يا فندم بس واضح اني البنات دول مش خبره وكده فأنا ممكن اشوفهم حبيبه بسخريه: خبره..... وأكملت بعدم اهتمام: ادخل وشوف بس نصيحه بلاش كلام كتير معاهم اعتقد شوفت ايه اللي حصل سعد دخل علشان كان عاوز غلطه يمسكها على البنتين دول لأنهم ضربوا واحد من أهم الدكاتره في المعمل ده غير انهم مش من الكتيبة دي ......................... عم الصمت تاني لحد ما قطعوا رنه تليفون حبيبه وهي بصت على الاسم لقيتها مريم عدي بهدوء: مين؟؟ حبيبه بقلق:مريم وهي اللي قاعده معاها لحد ما نيجي سيف اتعدل وقال: ردي اكيد في حاجه حمزه ركز معاهم وسيف ركز مع الكلام حبيبه : الو ايوه يا مريم حصل ايه؟؟ مريم بخوف: شمس ابتدأت تهلوس بس هي قايمه وعماله تنادي عليكم وعلى باباها واخوها وملك وعشق وادهم بس معرفش مين دول وبتقول هقتلك هقتلك حبيبه : مريم اهدي وهي مش هتعمل اي حاجه وزي ما إيمان قالت اي حاجه تقولها متهتميش بيها هي بتهلوس من الحمه بس شمس ابتدأت تصرخ وتقول: سيبهم انا اهو متعملوش ليهم حاجه حرام عليكم يا ملك يا عشق مريم بخوف: يا حبيبه حبيبه قامت برعب على صديقتها واختها: مريم ابعدي عنها وهاديلك رقم تتصل بي فيديو وتسيبلها الاوضه كلها وتبعدي خالص مريم ببكاء: هي مالها بتصرخ كده ليه حبيبه بأمر: مريم اسمعي الكلام وتبعدي من الاوضه علشان متخافيش منها اوعي شمس تخرج من الاوضه يا مريم ولو اضطرتي تربطيها واقفلي الباب كويس خدي الرقم اهو......... مريم عملت زي ما حبيبه قالت وشغلته وسابت الاوضه وخرجت بعيد وقالت ببكاء: هي.. هي هتبقى كويسه صح.. مش هيحصلها حاجه حبيبه اتنهدت وقالت بغموض: متخافيش هتعدي زي كل مره سيف كان سامع كل حاجه والحق قلبه تألم كثيرا عليها بس الكلمات دي مش فاهمها زي هقتلك، وسيبوهم، بس لما ذكرت أدهم اتأكد وقال بغموض هامس: يبقى انتي سليم وروان وصلوا روان بقلق: في ايه شمس حصلها حاجه حبيبه بتوتر:لازم نرجع فين السرنجات سليم : اهم ودخل علشان يديهم لامل روان لحبيبه : اتصلتي على تايجر حبيبه قاطعها: ايوه وهي اكيد دلوقتي هديت شويه روان بغموض:اتمنى بس هو كده هيعرف حبيبه رجعت راسه وقالت بنفس الغموض: سواء كده او كده هيعرف هو الوحيد اللي ممكن يهديها .......................................... سعد دخل وقال ايه اللي بيحصل هنا ده فهد باستغراب: مين حضرتك سعد: انا دكتور سعد اللي مسئول عن المعمل ده آيات ببرود: خير الحمارين اللي كانوا هنا قالوا ايه سعد بغضب: أن...قاطعه لما شاف التجربه لأنه ماخدش باله منها وراح عندها وأمل وقفته وقالت:ايدك متلمسهاش سعد بذهول: مين اللي عمل التجربه دي؟؟ أمل بثبات: انا واسفه لو عملت مشاكل بس كنت خايفه على اختي سعد: لا عادي بس هو انتي علوم مالك بغضب: لا طب مش علوم ويستحسن تقل الكلام مفهوم سعد بخوف: مفهوم مفهوم بعد ثواني سعد :بجد انتي محترفه مش موهوبه لازم تكوني هنا أمل ببرود: لا شكرا مالك بهمس: اهدي انت مالك اصلا بس فهد سمعه وحب يشعلل الموضوع وقال: فكري يا انسه أمل الشغل في الجيش حلو آيات باستغراب: هو حلو ااه بس هي مش محتاجاه مالك بص بشرار لفهد بس اللي زاد الشرار اكتر هو سؤال سعد سعد باستفسار:هو انتي حضرتك في كتيبه ايه مالك بغضب جحيمي: الوحوش وأخرس بدل ما اخرسك بطريقتي سعد خاف جدا من منظر مالك فعيونه كانت حمراء من الجحيم وملامحه عليها الغضب كله آيات بصت لامل بخبث ووجهت كلامها لسعد بس يا ريت ما عملت دي أشعلت النار في فهد وهي بتقول: وحضرتك شكلك كده من الاسكندريه سعد خاف ليتكلم هو مش مستغني عن حياته فهد بنبره مرعبه: اعتقد ده ميخصكيش آيات بغضب: وانت مالك يخصني ولا لأ فهد بغضب أكبر: الزمي حدودك يا بنت انتي آيات بعصبيه ولغه صعيديه:واه عليك مفكر انك بصوتك العالي ده خوفتني إياك لاه أقف معوج واتكلم عدل (آيات وأمل لما بيتعصبوا بيتكلموا صعيدي لأنهم من أصول صعيديه وعاشوا في الصعيد فتره ) امل مسكت آيات لاني ده إنذار الخطر: آيات خلاص اهدي محصلش حاجه مش عايزين مشاكل مالك بسخريه: مشاكل وانتي مش من نص ساعه مضيعه عين واحد امل بغضب: ولاه انت متعصبنيش مالك : احترمي نفسك انا القائد بتاعك آيات بغضب: الكلام ده في وقت التدريبات بس احنا دلوقتي في فتره راحه فهد بغضب أكبر: لا وانتوا فاكرين انكم في التدريبات بس لا ده حتى في الراحه لحد متخصلوا كل اللي عليكم سعد زي الاهبل واقف في النص مش عرف يعمل ايه ملحوظة....... (محدش من اللي برا سامع حاجه لاني المعمل عازل للصوت يعني الخناقات دي محدش سامعها) سليم قطع الخناقات دي وهو داخل بالسرنجات سليم باستغراب: في إيه هو انتوا بتتخانقوا أمل : جبت السرنجات سليم : ايوه أهم أمل اخدتهم وبدأت تملأ منهم سعد: لو سمحتي يا انسه امل ممكن تسيبي من التجربه دي للمعمل أمل بعدم اهتمام: مش هيزيد للأسف انا هحتاجهم كلهم سعد: طيب ممكن تقوليلي عملتيها ازاي أمل ببرود: لا وشكرا وطلعت ووراها الباقي .......................................... بعد ما خرجوا قالت آيات : مش هينفع نرجع مشي هنتاخر حمزه: انا هوفر ليكم حالا عربيات تنقلكم لهناك فهد ومالك بصوله بذهول سليم بهمس: ده انتوا فاتكم نص عمركم وانتوا جوا فهد : شكلوا كده ........................... اتقسموا على 3 عربيات عدي وحبيبه وآيات مالك وسليم وروان وأمل سيف وفهد .......................................... بعد نص ساعه في الطريق وصلوا للسكن وحبيبه راحت بسرعه لامل علشان تصحيها حبيبه : بت يا أمل قومي امل بنعاس: خمسه يا رباب خمسه مفيش محاضرات النهارده آيات راحت لروان : انتي يا حيوان الكسلان انتي قومي روان بنعاس: امشي يا درش واطفي النور بدال ما اطلع القديم والجديد عليك سليم وفهد بيضحكوا عليهم ومالك بيبتسم على أمل آيات أدت روان روسيه محترمه وقالت: صلوا على رسول الله هوب روان :ااااه يا دماغي منك للي أكلت دراع جوزها ااااه يا بت عادل إلهي يتردلك بس ساعتها تلاقيها من شمس روان :خلصت ولوله يلا قومي ..................... سيف :اي واحده فيكم تديهالها مش لازم اللي نايمه دي روان بوجع وهي بتفرك دماغها: لأ لازم هي حبيبه بملل قالت: معلش يا كابتن في مايه في العربيه دي سليم جابلها مايه واتوقع انها هترش بسيط ولا حاجه وقال اتفضلي ثانيه اتنين تلاته :هاااااااااا بغرق يا لهووووي حبيبه قلبت الزجاجه كلها على أمل حبيبه ببرود:صحي النوم قوم يلا وصلنا روان بضحك: تستاهل يا صلاح علشان تبقى تعملها فيا كل يوم البنات طلعوا اما الشباب استنوا تحت سليم لسيف :احم بقولك يا وحش سيف بصله: ها ايه سليم : اني البنات دول تعبوا النهارده ومعتقدش انهم هيقدروا على بكره انهم يصحوا وكده فاكنت بقول بلاش بكره ليهم سيف بغموض: مينفعش اليوم كله باقي الطلاب هيتكلموا عدي بتفكير: ممكن لحد الفطار ويجوا يعني قدامهم لتسعه سيف : ماشي دلوقتي واحده هتنزل ونشوف .......................................... البنات ركبوا ولقيوا مريم قاعده على السلم مستنياهم وبتعيط ولما شافتهم وقفت وقالت: الحمد لله ها المصل فين أمل وهي رايحه على الاوضه: اهو عملناه البنات راحوا على الاوضه لقيوا شمس بتتكلم مع نفسها والابتوب مفصول قدامها حبيبه قربت منها وقالت بحنان:شمس احنا جينا اهو شمس بضياع:جيتوا انا انا راسي وجعاني اوي ومش فاكره حاجه روان بهمس لامل : يلا يا أمل واحنا هنمسكها شمس بتشوش: قتلهم مش مش فاكره حاجه يا ملك يا عشق أدهم ليه مشيت حبيبه مسكتها من ناحيه وآيات وروان من ناحيه شمس : مممسكني ليه إيمان بحنان: هنديكي حقنه شمس بصراخ:مش عاوزه حاجه سيبوني انا عاوزه مااااماااا يا ماماااا يا ملك يا عشق، أدهم، يااااسيييين يا بااااابااااا أمل ادتها الحقنه وهي ابتدأت تترخي وتقول بخفوت: ماما يا جدو يا رحيم متسبونيش مريم كانت بتبكي والبنات بصولها بكل حزن ووجع عليها حبيبه غطتها كويس وقالت: آيات روحي مع روان واشكريهم وقوليلهم لو ينفع شمس متجيش بكره البنات هزوا دماغهم وراحوا أمل حطت السرنجه التانيه في التلاجه وقالت: مريم نامي انتي واحنا جمبها مريم: لأ انا هكون معاكم حبيبه بحنان: لا يا مريم انتي مش متعوده على السهر نامي انتي واحنا هنا مريم هزت دماغها لأنها مش بتحب السهر فعلا وراحت علشان تنام حبيبه راحت للابتوب ومسحت آخر مكالمه وقفلته وامل ابتدأت تعلق المحلول لشمس حبيبه : مش غلط عليها المحلول دلوقتي امل بنفي: لا المصل كان علشان يخلص من الماده اللي في جسمها اما المحلول علشان ينزل الحراره حبيبه هزت دماغها وقعدت على السرير اللي مقابل لشمس وهو كان سرير روان .......................................... آيات وروان نزلوا ولقيهم لسه واقفين روان بامتنان: شكرا علشان ساعدتونا علشان نعمل المصل وعلشان كل حاجه سيف بهدوء: العفو هي كويسه دلوقتي آيات : ايوه بس يعني يا كابتن هي ممكن متج....... سيف بمقاطعه: بكره قدامكم لتسعه وتكونوا في التدريب روان وآيات بابتسامه: ماشي يا كابتن سيف : يلا يا شباب الشباب مشيوا رايات وروان طلعوا لقيوا مريم نايمه على سريرها وحبيبه وأمل قاعدين قدام شمس اللي نايمه بكل عمق حبيبه : ها عملتوا ايه آيات : قالوا قدامنا لتسعه الصبح ونبقى في المستشفى أمل بهدوء: تمام 9 كويس هي تفوق 7 الصبح وبعد نص ساعه المحلول خلص وحبيبه شالته وكلهم غلبهم النوم ناموا .......................................... مريم محبتش تصحيهم فقامت هي ولبست ونزلت وقفلت الباب وراحت مع باقي الطلاب على التدريب في الساحه الكل كان متجمع والبنات مش موجودين مريم دخلت والكل اتجمع حواليها مريم باستغراب: ايه في ايه شاهندا: كنا سمعنا صوت صريخ من اوضتكم في ايه بنت١: وسمعنا صوت البنات نازلين بنت٢: هم البنات فين وهما كويسين دلوقتي يحيى جيه بسرعه وقال: انسه شمس فين هي كويسه ردي يا انسه مريم مريم بصتلهم بحيره وبعدها قالت: بصوا شمس جالها حمه شديده بالليل فالبنات راحوا علشان يجيبوا حاجه تخفض الحراره وهما فضلوا سهرانين جمبها لحد 2 بالليل والصبح لقيتهم نايمين ومقدروش يقوموا فسبتهم ونزلت بس كده مريم محبتش تذكر تفاصيل علشان خاطر اللي سمعتوا وعلشان يحيى برضو ميلومش نفسه أحمد: يعني هما كويسين مريم بهدوء: ايوه هما تمام سيف والشباب وصلوا ولاحظوا تجمع حوالين مريم سيف بصوت جهوري: الكل يقف الكل وقف والشباب لاحظوا عدم وجود البنات وراح الكل للمستشفى .......................................... في اوضه البنات الساعه 7:50 الباب فتح ودخل شخص مغطى وشه بكمامه وطقيه وراح على السرير اللي نايمين على البنات وقعد على كرسي قدامهم وقال بهدوء : يا بنات كفايه نوم قوموا بقى أمل صحيت وقالت بنعاس: ايه ده هو انت هنا ولا انا بحلم المجهول بلغه اجنبيه: لا يا امل انتي لا تحلمي أمل بنفس اللغه: رأيت الذي حدث لنا آيات وحبيبه صحيوا لقيوا أمل بتتكلم مع واحد آيات بصوت صعيدي: واه التار ولا العار يا هريدى الشخص بصلها وقال بضحك: انتي لن تتغيري أيتها الغبيه آيات بمرح: اووه هذا انت لقد اشتقتلك لك كثيرا يا رجل الشخص وبص على حبيبه وقال: وانتي يا فتاه الن تسلمي عليا حبيبه ببرود :لا الشخص بضحك : وانا ايضا وليوقظ أحدكم حيوان الكسلان هذا روان بغيظ: يا رجل لست بحيوان كسلان انها امل أمل ضربتها في وشها بالمخده وقالت: على الصبح أعوذ بالله روان قالت بمشاكسه: كيف حالك يا بوب الشخص بضحك: بخير أيتها المشاكسه امل بضحك: اوووه يا رجل عليا ان استيقظ على عيناك الخضراء هذه أشعر أني في غابه الشخص بملل: حسنا بدأنا ولن ننتهي فلتبتعدي كي أرى صغيرتي النائمه روان بغيظ :اشمعنا هي صغيرتك النائمه وانا حيوان كسلان حبيبه وآيات : الاعتراف بالحق فضيله الشخص راح لشمس وباس دماغها بحنان وقال: شمس يا صغيره فالتستيقظِ هيا شمس فتحت عينياها وقالت بنعاس: انا لست بصغيره لدى 22 عاما الشخص بمرح :لاتزالن صغيرات شمس قامت بتعب والشخص ده ساعدها وقالت: ايه اللي حصل وانت جيت هنا ازاي؟؟ حبيبه بسخريه: وهو في حاجه هتمنعه يجي وبصراحة توقعت ده الشخص بهدوء: اشرحن لي ما الذي حدث ليله أمس اتصلت بي فتاه بشعر قصير من الابتوب ورأيت شمس بحاله ليست جيده شمس بهدوء: أخذت ماده أتت بالسلب على جسدي الشخص بهدوء: ومن الذي اعطاكي اياها آيات : اخذتها بالخطأ وقامت أمل بعمل مضاد لها واخدته وانتهى الأمر الشخص بغموض: وكيف صنعتي المصل أمل أعلم أن لا يوجد معمل طبي هنا في الكتيبه هذه أمل : ذهبنا إلى كتيبه أخرى بجانب هذه الشخص: ومن الذي ساعدكم البنات بصوا على بعض شمس بهدوء عاصف: مين ساعدكم ها الشخص :ماذا لن تذهبوا إلى كتيبه أخرى بدون مساعده حبيبه بهدوء: الوحوش شمس بصدمه: ايه الشخص: امممم حسنا هل حدثت مشاكل أمل بعدم اهتمام: لا لم يحدث الشخص بتحذير: امـــــل امل بتذمر: حسنا حسنا قمت بضرب شخص شمس : لا والله الشخص قام وقال: حسنا أراكم لاحقا يا فتيات شمس بتذمر: ماذا سوف تذهب الان هذا ليس عدل آيات : كيف ستذهب الشخص: لاتقلقن علىّ سأذهب الان ومشى الشخص ده من غير ما حد يشوفه شمس للبنات: ايه اللي حصل وبالتفصيل حبيبه حكت لأنها عارفه شمس وعنادها حبيبه : وبس يا ستي احنا دلوقتي قدامنا ساعه وربع ونمشي شمس بهدوء: طيب هاتي اللابتوب ده علشان نكلم درش والباقي فيديو البنات بفرحه: طيب قولي والله شمس : ايوه وهاتي يلا .......................................... في شركه كبيره من أكبر شركات المعمار في الوطن العربي في مكتب ياسين كان شغال على مشروع دخل عمر وهو بيقول بمرح:ياسين صاحبي وعم عيالي ازيك يا اسطا ياسين بقرف: يا اسطا ايه يا بشمهندس يا محترم الألفاظ ده ابوك لو سمعك هيعلقك درش من وراهم: ما البركه فيك يا سونا ياسين باستغراب: مصطفى ايه اللي جابك هنا مصطفى بدراما: جيت اشوفك وانت بتخوني يا ابو البنات هي دي العشره يا فواز هي ده الوصيه عمر بتشجيع :الله الله عليك يا فنان المشهد اللي بعده بقى ياسين بملل: بقولكم ايه هما العصابه اختفت هتطلعوا انتوا ويلا هش من هنا ده مكان شغل مصطفى بقرف مصطنع :هش ايه الألفاظ دي يا ياسين ده انت لو ابوك سمعك هيعلقك عمر بضحك: قلو درش: ما انا بقولو مصطفى وعمر بغناء: وقولوو ياسين كان هيقوم يضربهم بس سمع صوت مكالمه من اللابتوب بتاعه وراح يشوف مين وابتسم عمر بسرعه: ولاه يا مصطفى اجري بسرعه قول عمك حسن ابنك المصون بيكلم ستات ياسين بضحك: دول المجانين تعالوا عمر ومصطفى بضحك: العصابه مصطفى بترحيب: هلا هلا هلا هلا هلا خمسه هلا عليكم امل بضحك: يا درش وحشني والله روان : ايه يا حمار من غير ديل عامل ايه مصطفى: ميت فل وعشره آيات : ايه الأحوال من غيرنا عمر باستفزاز: هدوووووء ما بعده هدوء حبيبه :لا والله بجد؟؟! عمر: اااه وربنا بقى لينا شهر مااسمعناش عن مشكله واحده بس مصطفى: الحياة ممله والله كنتوا عاملين حس في كل محافظه فيكي يا مصر البنات بفخر: طبعا ياسين : اخبارك ايه شمس شمس بتذمر: متسألش يا ياسين كفايه التكتيفه بتاعتك دي نضاره وعدسات ما تنقبني احسن عمر بمواساه: معلش يا اختي اخوكي واحد غيور جدا نعمل ايه نتبرا منه مصطفى بتكمله: ولا نرميه في الشارع استحملي وخلاص ده مهما كان اخوكِ برضك شمس بحزن مصطنع: استحملت كتير وكتير ومش عارفه اعمل ايه آيات لياسين: ارمي عليها يمين الطلاق ياض البت خلاص طهقت منك ومن تحكماتك عمر: طلقها طلقها يا اخويا وانا اجوزك ست ستها ياسين:ايه يا عمر هو معاهم معاهم عليهم عليهم عمر بغباء: الله قولت اشجع بس استنوا ازاي بتتكلموا دلوقتي دي الساعه 8 وربع روان بكذب: لا ما احنا إعفاء النهارده مصطفى لاحظ انها بتكدب بس قال يستنا لحد ما يتكلم معاهم لوحده أمل مغيره الموضوع: بس اتصدق ياض يا ياسين الكريمات دي بفايده صحيح ياسين فخر: طبعا اومال ده انا خبره عمر بتأيد: واسأل مجرب ولا تسأل طبيب الكل فضل يضحك ويتكلموا .......................................... ياسين حسن علي 26 سنه شعره بني مائل للأصفر وعيونه زرقاء بيحب اخته جدا بيعتبرها بنته غيور جدا جدا على اللي يخصه واللي اولهم شمس بيحب البنات زي شمس بالظبط وبيحب مصطفى صبور لأبعد الحدود ودي خبره اكتسبها من مصايب العصابه مهندس معماري وعنده صاحب اسمه عمر
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عمر عمران الجارحي 26 سنه شعره اسود وعيونه سوداء مرح آخر حاجه ويموت في الهزار بيحب البنات زي اخواته ومصطفى زي اخوه صاحبه المقرب هو ياسين وبيكون مهندس معماري زيه دايما بيخبي عن مصايب البنات وأحيانا يعملها معاهم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
