عشق الوحوش والشياطين

الفصل 9

الفصل 9
نبدأ بالصلاه على النبي 😇
الساعه 9:15 في المطعم دخلوه البنات بطبيعتهم ولا كأني حاجه حصلت الطلاب كلهم وقفوا عن الأكل
سليم اللي كان مع الشباب بيفطر
'' في ايه الكل سكت ليه؟!؟''
فهد باستغراب: معرفش يكون اللواء إسماعيل جه
سيف ببرود: هيجي وميبقاش عندنا علم
الطلاب كلهم قاموا ويحيى وأحمد وعلاء وراحوا للبنات
بنت١: شمس انتي كويسه
بنت٢:حاسه بحاجه انتي تمام
بنت٣: الف سلامه عليكي يا شمس
مالك لطالب: في ايه هناك؟؟
الطالب بخوف: دول يا فندم البنات المحجبات وحده فيهم كانت تعبانه امبارح فيقولوا ليها حمد الله على السلامه
عدي :تمام امشي انت
الطالب مشي بخوف
والشباب كملوا الفطار عادي وبعد الفطار راحوا البنات المستشفى
ملحوظه.........
وقت الاكل الكتيبه كلها بتروح المطعم علشان ياكلوا
..........................................
الساعه 3:30 عصرا
في المطعم دخل الشباب بكل ثقه وكبرياء كعادتهم وقعدوا على طاوله ووراهم طاوله فيها كام شاب وكل واحد من الشباب كان بيدور علي البنت اللي سحرته بشخصيتها لحد مادخلوا البنات بمرحهم المعتاد وقعدوا على الطاوله اللي عليها مريم ويحيى والباقي الشباب كانوا بيصوا عليهم من بعيد لبعيد علشان محدش يلاحظ بس على مين ده سيف معاهم وبصلهم بمعنى شيلوا عنيكم الكل حط عينه في طبقه بس سمعه كلام من طاوله الشباب اللي كانوا وراهم كفيل انه يحرق الكل
شاب١: اوبا البنات اللي دخلوا علينا دول بصراحة عاملين شغل جامد
شاب٢: بصراحه معاك حق بس باين انهم مش سكه
شاب واسمه اسامه كان في نفس الكليه اللي فيها العصابه
اسامه باستغراب: بنات مين اللي بتتكلموا عليهم
شاب٣: البنات المحجبات دول
الشباب كأن النار مسكت فيهم حتى سيف حس عاوز يكسر المكان عليهم لأنهم بيتكلموا على البنات
ملحوظه........
(الشباب كلهم عندهم غيره ناريه وتملك وهما مش معترفين انهم لحد دلوقتي وقعوا في حب البنات بس كل واحد معتبر البنت اللي فريقه محدش له الحق حتى يبصلها يكفيهم يحيى وأحمد وعلاء دول)
(هيقعوا ويعترفوا بالعشق بس قريب 😅)
الشباب كانوا هيقوموا يكسروا الطلاب دول بس وقفوا على صوت اسامه اللي بص على البنات دول ورجع قال رعب وخوف كأنهم أشباح:
الله يخرب بيوتكم دول العصابه اوعوا واحد فيكم يفكر حتى يقرب
شاب١ بذهول: ايه يا ابني الخوف ده
شاب٣: بسخريه ليه يا عم بيعضوا
اسامه بسخريه أكبر: لا يا خفيف بيكسروا
الشاب٢ بذهول :ازاي يا عم ده شكلهم اتفه من أنهم يعملوا كده
اسامه: لا ميغركش الطفوله والتفاهه اللي هما فيها دي ده مع بعضهم بس اما مع صنف الذكور اللي زينا فهم كتل تلج ماشيه على الأرض ده انتوا مش عارفينهم علشان في جامعه عين شمس اما انا القاهره وبقولكم اهو بلاش دول
الطلاب هما الاربعه بصوا على اسامه وقالوا
'' احكي ''
اسامه بخوف: احكي ايه يا عم انا مالي
الشاب٤: لا وحياه ابوك انا الفضول ابتدي مني ولازم اعرف
التلاته التانين: واحنا كمان
اسامه بقله حيله: ماشي هحيلكم بس علشان تبقى عارفين هما بيعملوا ايه في اللي بيقرب منهم
اسامه ابتدا يحكي......
كل اللي اعرفه اني هما من أُسر متوسطه وعايشين في حي بسيط في القاهره وطبعا اول يوم في الكليه وانتوا عارفين الشباب اللي في الجامعه دول ومعاكسات ومضايقات بس على مين دول العصابه المهم في أول شهر محصلش حاجه بس في مره في الكافتيريا في واحد قرب من واحده فيهم وحاول بيجيب معاها بس هي صدته وكانت هتمشي بس هو قالها
طبعا ما انتي واحده مش متربيه وزباله
على أساس انهم اني يشوه سمعتها وكده تفتكروا عملت في ايه
الشاب٤: مشيت وقعد تبكي
الشاب١: طلبت الأمن
الشاب٣: ادتلوا قلم على وشه
اسامه بسخريه: قلم ياريت هي رجعتله وهو كان فاكر انها جات معاه بس دي ادته حته دين روسيه إنما ايه وقع على الأرض وماخيره نزفت ومش بس كده دي كسرت على ضهره كرسي الكافتيريا وقالت كده بكل برود
دلوقتي عرفنا مين المش متربي
الشاب٢ بذهول: وهو بيبص للبنات لا يا راجل طيب أنهى واحده فيهم
اسامه: معرفش والله الكلام ده من 5 سنين مش فاكر
الشاب١: طب كمل كمل
اسامه بمتابعه: ومن ساعتها والكل كانوا عاوزين يقربوا منهم بأي طريقه
الشاب٤ بسخريه: اكيد علشان يبينوا للكل اني مفيش بنت تقدر تقول لأ
اسامه: عليك نور المهم في مره واحد بقى اتجرأ ومسك واحده فيهم من ايدها ولسه هيتكلم لقى ايده اتكسرت في وقتها ولا وشه الجميل يا عيني راح
الشاب١ بصدمه: لا متقولش كبت عليه مايه نار
اسامه: لا مسكت راسه وهاتك يا ضرب في الأرض لحد ما الواد اغمى عليه يسكوتوا لأ ازاي صاحبهم اتعجن العافيه قرروا يعلموا البنات دول الأدب قالوا يجربوا وسط الجامعه لعل وعسى يكسروا كبريائهم ولا حاجه
الشاب٣ بتركيز: ها وبعدين
اسامه بتكمله: في مره اتنين من العصابه كانوا في الكافتيريا شابين من صحاب الولد اللي اتضرب ده قال هيوريهم
Flash back
الشاب١: القمر قاعد لوحده ليه
أمل ببرود: مستنين البنات
الشاب٢: طيب ماتيجوا ونشوف البنات
آيات ببرود: شكلكم فاضين
الشابين: جدا
آيات : ايه رايك انا زهقانه وملانه
أمل بشر: يلا بينا يا كبير
الشابين كانوا هيمسكوهم بس آيات كسرت كوبايه على دماغه والدم ابتدي ينزل منه
الشاب١ بألم: ااااه يا بنت ال......
آيات بشر:بنت ال....... دي هتوريك يا روح امك
الشاب كان مسك آيات من ايدها بس آيات عوجت ايده وراه وادته روسيه وبوكس في التاني في التالت في......
(عملته كيس ملاكمة 😅)
اما أمل فمسكت رأس الشاب التاني وخبطتها مرتين في الترابيزه ورمته على الترابيزه التانيه ووقع من عليها ومقدرش يقوم
Back
الشاب٣ بذهول: يالهوي طب وأمن الكليه فين من ده كله
اسامه:حاجه زي دي معروفه في الجامعات كلها انها دفاع عن النفس
الشاب١: ايوه بس مش للدرجة دي
اسامه: ااااه ما هما كانوا بيروحوا كل أسبوع عند العميد بس زي ما قولت دفاع عن النفس غير كده كان في واحد دايما بيجي احيانا بيكون واحد وأحيانا بيكونوا اتنين هما اللي بيجوا لو استدعوا حد من معارفهم
الشاب٢:طب صحاب الولاد اللي اطحنوا دول ايه نظامهم استسلموا للأمر الواقع ولا ايه
اسامه بضحك: ههههههه لا طبعا قرروا يخطفوهم
الطلاب: ايه!!!!
اسامه: اااااه والله وياريتهم ما عملوا كده هما فعلا خطفوهم بس تاني يوم لقنياهم داخلين الجامعه عادي
الشاب٤: هما مين؟؟
اسامه:العصابه طبعا اما الولاد فاسمعنا انهم في المستشفى وعضمهم لا عضمهم ايه؟!ده ماكانش في عضمه سليمه اصلا كأنهم فرمهم قطر ولا حاجه
الشاب٣: طب قول و الله هما اللي عملوه فيهم كده
اسامه: اااه والله ومن يومها الكل بيقول عليهم العصابه واللي بيقرب بيتفرم دول معندهمش ياما ارحميني وزيد على ده انهم مشاكل وكوارث متحركه ايه مكان هما فيه بتحصل فيه حاجه يعني لازم هما يعلموه علامه فيه
الشاب٢: يعني بتوع مشاكل يعني
الشاب١: ايه الجبروت ده انا مشوفتش بنات كده
أسامه بشرود: على فكره هما طيبين جدا وبالنسبه للمشاكل فهما اللي بيقعوا فيها كأنها بتجري وراهم
الشاب٤: يا راجل قول كلام غير ده
اسامه: لا فعلا ده فيه في مره كان علينا محاضره مهمه والكل كان رايحلها بس قدام الجامعه كان في راجل عجوز تحسوه كده مش طبيعي وشه متشوه شويه أو مريض المهم الراجل ده وقع جامد على الأرض وفي ازاز دخل في ايده والراجل مكانش قادر يقوم حتى والكل كان مشغول أو خايف يقرب منه بسبب شكله
Flash back
الراجل: اااااه
وبص حواليه ملاقاش اللي يساعده والعكاز بعيد عنه دموعه ابتدأت تتجمع في عنيه بس لقى اللي بيمسح دموعه واتنين بيساعدوه يقوم وواحده بتجيب العكاز وواحده بتلم الحاجات اللي وقعوا منه على الأرض
شمس بحنان للرجل ده: اوعي تعيط يا راجل يا طيب
امل وحبيبه ساعدوه يقوم
وروان بتجيب العكاز وآيات بتلم الورق بتاعه اللي واقع على الأرض
قعدوه على كرسي في الكافتيريا اللي قدام الجامعه
شمس قعدت قدامه وابتدأت تتطهر الجرح للراجل ده
العجوز بدموع: شكرا
أمل مسحت دموعه دي وقالت بمرح:
مش شمس قالت بلاش دموع ولا انت عاوز البنت دي تزعل واحنا نزعل
روان وآيات بمرح: لا شكله كده عاوزنا نزعل
العجوز بوجع: انتوا مخفتوش مني
حبيبه وهي بتقعد قدامه:
مين بس اللي يخاف من العسل ده ها ده انت احلي مني
العجوز بحزن: بتجبره بخاطري
شمس بطيبه: على فكره الحرق اللي في وشك ده صغير جداً ولو اتعمله عمليه هيروح وبعدين يا عم ده انت حتى عنيك خضره شوف يعني قمر
العجوز ضحك
حبيبه : ايوه كده اضحك خلي الشمس تنور
أمل بضحك: وربنا ماحد واخد منها حاجه
العجوز بطيبه: انتوا في كليه ايه
آيات بمرح: 3 طب والعياذ بالله
العجوز: ده انتوا عندكم محاضره مهمه جدا دلوقتي
روان : يا عم فداك الف محاضره من الطله القمر دي
العجوز :روحوا على المحاضره يا بنات علشان مش تفوتكم حاجه
وبعد إصرار من الراجل ده البنات راحوا المحاضره ومستنين الدكتور وابتدات المحاضره وبعد نص ساعه
الدكتور: علي فكرة انتوا دفعه محظوظه اوي في دكتور من أهم دكاتره في فرنسا كلها هو مصري بس كل حياته في فرنسا وقرر يجي جامعه القاهره اسبوع
الدكتور ده دخل وإذا به العجوز ده الطلاب بصوله باستنكار من شكله بس هو مهتمش وبدأ كلام وقال
هحكيلكم حاجه حصلت معايا دلوقتي
وبدأ في حكي ما حدث معه في الخارج
الدكتور: تعرفوا برغم اني عايش في فرنسا الا اني في ناس طيبه هنا تعرفوا مين البنات دول
الطلاب بان على وشهم الفضول
الدكتور ده راح للبنات وقال:
بشكركم من كل قلبي على اللي عملتوه معايا ده انتوا فعلا شرف الكليه دي
Back
الشاب١: بجد ده كله حصل
اسامه: مش بس ده اللي يدل على طيبتهم يعني مثال تاني الطلاب اللي مش بيقدروا يشتروا ملازم وكده هما كانوا بيشرحولهم واي حد كان عاوز مساعده بيساعدوه
الشاب١: من البنات بس صح
اسامه: لا بنات وولاد هما بيتعاملوه كعصابه مع اللي يستاهلوا وبصراحه كل اللي اتعلم عليهم دول يستاهلوا
الطلاب بصوا على البنات وقالوا: بصراحه شخصيات جميله أكيد كان بيتقدملهم عرسان
اسامه بضحك: يوووووه كتير
وها نحن نشعل فتيل النار في الشباب لأنهم يستمعون منذ البدايه
اسامه بتكمله: بس دايما بيترفضوا يا ببرود يا بجروح
الطلاب: جروح
أسامة: ااااه والله زي مابقولكم بس بصراحه مش عارف حكايه اي عريس
شاب٤ باستفسار: على كده هما اكتر حاجه بيكروها الرجاله
اسامه سكت شويه وقال: لا التنمر
الطلاب: ايه تنمر!؟؟
اسامه: اااه لو شافه حد بيتعرض للتنمر كأن في عفريت مسكهم ولا حاجه دي حتى في مره حد أتعرض للتنمر قدام واحده فيهم تخيلوا عملت في ايه
شاب١: بصراحه مش متخيل خالص
اسامه بخوف: طحنته وبكل معاني الكلمه مش ضرب لا ده طحن ده انا وانا بشوف حسيت بالوجع مابالك باللي بيطحن ده قسما بالله 4 رجاله ميعرفوش يشيلوها من عليه
شاب٤: لا ياراجل
اسامه: اقسم بالله ما ببالغ العميد وتلات دكاتره حاولوا بس مقدروش مقمتش من عليه غير شمس  قالت كده بكل برود قومي وقامت ده العميد بوقه بقى مترين لتحت من الصدمه الانسه شمس دي رئيسه العصابه وكلهم بيسمعوا كلامها وان جيت للحق هي شخصيه قويه جدا
الشاب ١،٢: بخوف تصدق خوفت
اسامه بسخريه: خوفت ده انت لازم تترعب ده شباب الكليه لما بيشوفهم جايين بيفلسعه من قدامهم جرى كأنهم شافوا مافيا ولا عفاريت
الطلاب بصوا للبنات بنبهار وإعجاب
الشاب٣: بس هما اكيد متعلمين عن الدفاع عن النفس والا ازاي هيعملوا كده
اسامه: اكيد وبرغم كل ده هما الأوائل ديما على الدفعه
شاب٢: معاك حق ده انا لما سمعتهم وهما بيعرفوا عن نفسهم بكل برود كده حسيت اد ايه احنا فيران قدام فرقه ابولهب
سليم وفهد كتمه ضحكتهم بالعافيه ومالك وعدي بصوا على سيف بابتسامه ضاحكه
اسامه بحزن: بس هما مرضي
الطلاب: ااااه الانسه اللي لابسه نضاره دي تقريبا سمعت انها عندها السكر
اسامه مش بس دي وواحده كمان عندها حساسيه شديده على الصدر من أكل تقريبا
شاب٢ بشفقه: بجد من أكله ايه
اسامه: معرفش أنهى واحده بس في مره أكلت الحاجة الغلط دي في الكليه والباقي كانوا بساعده طالب تقريبا المهم انها كانت هتموت فيها وسمعت انها قعدت تقريبا 3 ايام في العنايه المركزه لأنها ملحقتيش تاخد الدواء
يعتصر قلبهم بشده لفكره أن التي يفكر فيها عندها هذا المرض
اسامه بتفكير: بس الانسه شمس ماكانتش لابسه نضاره ولا حتى لون عنيها اسود
الشاب٢: الحلو مش بيكمل و........
قاطعه شرقه قويه من شمس وحبيبه خلت الكل يبص عليهم
الطلاب كلهم بصوا على البنات
Flash back
لما البنات دخلوا المطعم قعدوا على الطاوله اللي فيها أحمد وعلاء ويحيى
يحيى بقلق: شمس متأكده انك كويسه مفيكيش حاجه يعني
شمس : يا بني كويسه وربنا كويسه انا مدخلتش في غيبوبه والله ده كانت مجرد سخونيه
يحيى براحه: طيب الحمد لله طمنتيني
حبيبه بسخريه: يا رب متسألش نفس السؤال بعد ساعه كمان
علاء باستغراب: اومال آيات وأمل راحوا فين دول كانوا هنا من شويه
روان وهي بتاكل: راحوا يتكلموا في التليفون
بعد 10 دقايق
امل وآيات دخلوا وباين على ملامحهم الحزن الشديد
مريم: أهم ج...... مالهم في ايه
البنات بصوا عليهم وقالوا في صوت واحد: استر يا رب
البنات قعدوا
روان وهي بتاكل: خير يا طير مالكم
أمل بحزن: عم أيوب مات
شمس وحبيبه كانوا بيشربوا وأول ماسمعوا شرقوا علطول
Back
شمس وهي بتكح:
كح كح كح مات ازاي كح كح
حبيبه وهي بتكح بشده:
كح كح ازاي كح كح وامتا كح كح
أحمد بتوتر كفايه كلام هتموتوا
شمس خلعت النضاره وجريت على الحمام وهي بتكح بشده ووراها مريم اما حبيبه وشها احمر جدا وهي بتكح لدرجه اني عدي كان هيروح ليها بس قعد تاني لما سكتت
حبيبه غمضت عنيها جامد وهي بتنهج وفتحت عنيها لقيت روان قدامها بعد ما عرفت تهديها والباقي بيبص بخوف عليها
حبيبه بهدوء ما يسبق العاصفه:
امتا مات وازاي
روان باستمتاع: الله يرحمكم مقدما
آيات قامت بخوف وأمل وراها
امل : احمم هو بصي درش الواطي عملها فينا
آيات ببسمه غبيه: قوم ايه احنا عملناها فيكم
ثانيه اثنتان
اااااااااااااااااااه
ويصدح صوت آيات بعد ما مسكتها حبيبه من شعرها وهي بتقول بغضب شديد وصراخ:
ده انا هولع فيكي انتي والحماره دي ومصطفى الحيوان
آيات بصراخ مشابه: يا لهوي يا بنت جمال سيبيني الله يخربيتك انتي يا كلبه البحر من ليها حوشوها عني
أمل بخوف وهي بتستخباء وراء روان :
ياروح ما بعدك روح ده انا هتفرم وراكي
روان بلطم: احيه احيه انتي بتستخبي ورايا هنتفرم احنا الاتنين
..........................................
عند الوحوش
فهد قام وكان هيروحلهم بس وقفه سيف
سيف بهدوء: متروحش
فهد بغضب: دول شويه وهيضربوا بعض
عدي بهدوء: احنا دلوقتي في راحه الغداء يعني ملناش دخل غير اني ده هزار بنات وهما عملوها قبل كده من 3 أسابيع وبعدها ولا حاجه
مالك بهدوء: يعني هزار بنات في الاخر لاني شوفتهم في اليوم ده
فهد قعد وبص عليهم
..........................................
حبيبه وهي بتهز في دماغ آيات :
ده انا كنت هموت من الشرقه وفي الاخر مقلب
آيات بصراخ: سيبيني جالي ارتجاج في المخ واضربي التانين
روان ، :ليه الت.....
قاطعها صراخ
'' أجروا يا بنات شمس هتقتلكم ''
الكل بص على الصوت لقيوها مريم وهي بتجري وراء شمس وبتحاول تهديها وشمس منطلقه زي الرصاصه وملامحها تدل على مقتل احد
روان وأمل جريوا وهما بيقولوا بصراخ: اجرررررررررررررري
آيات فلت من حبيبه وجريت وراهم وهي بتقول بصراخ: هاتوا زيييين هتقتلنا
شمس جريت وراهم وهي بتقول بصراخ:
هتقتلكم وربنا لاقتلكم
مريم والشباب كانوا هيروحوا وراهم بس وقفتهم حبيبه : محدش يروح
اما حبيبه اتصلت على حد
حبيبه : الو يا عمر هو عم أيوب مات بجد
عمر بص لياسين وقال باستغراب: مات ازاي
ياسين: مين اللي مات؟؟
عمر: دي حبيبه بتقول اني عم أيوب مات
ياسين بذهول: مات ازاي ده انا لسه مشتري منه الفطار الصبح ادهالي كده.... الو يا حبيبه
حبيبه : الو يا ياسين
ياسين: عم أيوب مات ازاي انا لسه شايفه الصبح مين اللي قالكم مات
حبيبه بغيظ: حمار السنين اللي اسمه مصطفى
ياسين بضحك: يبقى مقلب
حبيبه : طيب اقفل دلوقتي يا ياسين لاني في مجزره هتحصل هنا
حبيبه قفلت ولسه هتتحرك وقفتها مريم وهي بتقول برجاء:
بالله عليكي متعمليلهم حاجه ده مجرد مقلب
حبيبه بسخريه: اعملهم ايه ده تلاقي شمس مسبتش مكان مضربوش فيه ده اكيد عملتهم بطاطس مهروسه
ولسه هتتحرك شمس دخلت بكل برود عكس ملامحها اللي لسه خارجه بيها
شمس قعدت وكملت اكل وقالت ببرود: روحوا ضمدوهم
حبيبه بسخريه: حيين ولا ميتين
مريم ويحيى وأحمد وعلاء راحوا يشوفوا البنات
اما حبيبه قالت: ما ماتش طلع مقلب من مصطفى
شمس : يلا اخدوا اللي فيه النصيب
روان جت وهي حاطه ايدها جمب بوقها
وقالت بوجع: ااااه ياني انا مالي انا معملتش حاجه اضرب ليه
شمس ببراءه: الله امل هي اللي استخبت فيكي والضربه جات فيكي انا مالي بقى
روان  بغيظ: ايه بت البراءه دي
حبيبه كانت راحت تجيب تلج وجات
حبيبه : هاتي يا ضنايا احطلك تلج
روان بولوله: باظ صح باظ ااااه ياربي منك لله يا شمس انتي السبب انا مالي انا اضرب ليه وشي راح هدر
شمس ببرود: كفايه ولوله هي ضربه بس اللي جات فيكي
أحمد وعلاء جم
علاء: يالهوي عليكي يا شمس ايه اللي عملتيه فيهم ده
شمس ببرود: ايه دول كام كدمه بس مفيش كسور ولا حاجه
روان بضحك: عملتهم بلوبيف... اااااه يا وشي
أحمد بخوف: لا انا ابتديت اخاف منك
حبيبه : لازم تخاف
شمس بهدوء: خدوا التلج ده خليهم يحطوه على وشهم
علاء باستغراب: ماشي
علاء وأحمد مشيوا
شمس عملت سندويتشين وقالت : روحي هاتي مرهم من الصيدليه
حبيبه بهدوء: ماشي
روان  بتذمر: طيب وانا
شمس بضحك: تعالى معايا يا اختي
روان بغيظ :يعني بتضحكي بعد ما فرمتي تلاته
شمس : هما اتنين بس وانتي اخدتي ضربه واحده
روان بغضب طفولي: بس بتوجع
شمس بضحك: خلاص يا صلاح انا اسفه
روان بمرح: عفونا عنك يا شمس
البنات وصلوا لآيات وأمل اللي كانوا بيولولوا
أمل بولوله وهي حاطه تلج على خدها اليمين:
ااااه ياني ياما عينى عليكي يا أمل وشك راح يا أمل اااه يا صغيره على الفرم يا امل
آيات بولوله برضو وهي حاطه تلج على عينها:
اااااه على اللي جرالك يا آيات روحي يا شمس يا بت حسن اشوف فيكي يوم اااااه يا عيني ياما يا عيني ياما
علاء ومريم وأحمد ويحيى كانوا فطسانين ضحك
أمل بغيظ: ماشي يا درش الكلب هو يعملها واحنا نلبس وربنا لاطلع عليه القديم والجديد
آيات بضيق: روح إلهي ربنا ياخذك انت وروان من حيث لا تدري
أحمد: ايه ده هو درش ده طلع يقرب لروان
نور بغيظ: ايوه يقربلها إلهي يعضهم كلب هما الاتنين
روان جات وقالت بغيظ: وانا مالي يا لمبي ده انا اخدت ضربه مكانك 
شمس اديتهم السندويتشين وقالت
'' خدوا كلوا إلهي يطمر فيكم ''
آيات بضيق' هي دي اسف بتاعتك
حبيبه سحبت السندويتشين وقالت
'' خلاص هاتي انا ''
أمل بصراخ: السندويتش يا بت جمال هموت من الجوع
آيات : امسكيها يا بت اوعي تفلت
طلعوا يجروا وراء بعض كالعاده وهما بيضحكوا من الصعب حد يفهم علاقتهم وكان بيتابعهم اتنين
مريم والباقي اللي بيضحكوا عليهم والوحوش اللي ابتسموا على طفولتهم دي
..........................................
بعد 5 دقايق
الطلاب كلهم اتجمعوا زي كل مره
سيف بصوت رجولي عالي: انتوا مستواكم في التدريبات ضعيف فهيبقي 3 ايام تدريبات و3 في المستشفى النهارده في تدريب الإسعافات الاوليه هيكون جماعي قدامكم أشخاص في حاله حرجه جدا تقسموا نفسكم هتنقذوهم ازاي
مالك بصوت عالي: واللي هيفشل هيتخصم من الفريق كله نقط نبدأ بقى
..........................................
عند شمس
شمس لاحظت اني يحيى وأحمد ممتازين جدا في الإسعافات الاوليه غير انهم سرعين جدا في تحديد الإصابات 
علاء: ها يا شمس دورك هتعملي ايه
شمس قربت من الشخص ده وعرفت اللي عنده وبدأت تعمله الإسعافات الأولية الازمه
شمس بابتسامه جميله بينت غمازاتها بوضوح أشعلت النار في قلب الذي يراقبهم من مسافه
شمس بابتسامة لأحمد ويحيى: بجد ممتازين جدا في الإسعافات
يحيى وأحمد :شكرا يا شمس
سيف بصوت عالي: كفايه كلام وكملوا
بعد 10 دقايق شمس راحت لسيف اللي كان بيراقبهم وقالت بهدوء وامتنان: شكرا على مساعدتك للبنات علشان يعملوا المصل يا كابتن
سيف بهدوء: العفو ومتبقيش تاخدي حاجه غلط تاني
شمس بهدوء: ماشي عن اذنك
..........................................
عند حبيبه
حبيبه علشان تنقذ الشخص اللي قدامها اضطررت تحط راسه على رجليها وقالت دكتور محمود ارفع رجليه
الشخص فاق بعدها وشاف بنت جميله في وشه بتقول بابتسامه هاديه: حمد لله على السلامة
بعدته عنها وقامت بهدوء بصت على عدي لقيته بيبصلها وعيونه حمراء ونظراته مرعبه جدا
حبيبه خافت منه ولفت وشها بسرعه وقالت في سرها: يا أمي شكله يخوف اوي.... لحظه بس وانا من امتا بخاف اصلا لا الراجل ده خطر عليا
..........................................
عند روان
كانت بتبرطم بالكلام وهي بتشتغل
سليم بصلها باستغراب هو الطلاب اللي معاها
بنت١: مالك يا روان
روان : مالي ما انا حلوه اهو
سليم بخبث وصوت عالي نسبيا:
انسه روان كفايه كلام
روان وقفت وبصتله بغيظ وراحتله وقالت بغضب: يا فندم متقولشِ اسمي كده علناََ عيب
سليم ابتسم بفرحه لأنه نادها باسمها عالي علشان هو عراف انها هتيجي تتخانق معاه وهو ده اللي عاوزه انه يشوفها من قريب
(ااااه يا خبيث 😅)
سليم بصلها في عنيها وقال: ماشي يا انسه روان مش هكررها تاني
روان اتحرجت لما بصلها في عنيها بشكل مباشر بس بصت فجأه ليه وقالت ببرود :
عن اذنك
ومشيت تحت أستغراب سليم
روان بتأنيب لنفسها: متنسيش انتي هنا ليه اوعي تنسى ماضيكي يا جين
..........................................
(السلام عليكم ورحمة الله وبركاته)

Sabreen😇