عشق الوحوش والشياطين

الفصل 30

الفصل 30
نبدأ بالصلاه على النبي☺️
بعد يومين في غرفه الشباب كان اكمل يجلس مع الوحوش فقال أدهم وهو يدرس ملف
'' الملف ده خلص فين التاني ''
سيف بهدوء: التاني مش موجود
مالك: اومال فين؟؟؟!
فهد: اكيد مع شمس أدهم اتصل بيها لاني حتى البنات مش هنا
أدهم اتصل بس كان مغلق فقال: مغلق
كلهم بصوا لاكمل اللي كان بيبص في اللابتوب بتاعه وحس انهم يبصوا عليه فقال: احممم في ايه بتبصولي كده ليه
سليم بضحك: هههههههه الواد خاف مفيش بس عايزين نوصل لشمس ومش عارفين
أكمل بغباء: طب ايه اتصلوا بيها
عدي: تصدق مفكرناش في الموضوع ده قبل كده جبتها منين..... مغلق يا فالح
اكمل: احممم ماشي ثواني... وكمل بخفوت منك لله يا شمس على اللي انا فيه ده
شمس: اممم الو عايز يا أكمل
اكمل: مال صوتك انتي بتعملي ايه
شمس: بشرب شاي ليه
اكمل فتح الاسبيكر وقال: الوحوش طالبينك
أدهم: شمس فين الملف........
شمس: معايا ليه
سيف: معاكي بيعمل ايه
شمس: بدرسوا ولا انا لازمتي ايه وبعدين انا زي زيكم بس بقضي معظم الوقت في المستشفى
عدي: تمام بس هتجيبيه امتا
شمس: هجيبو.....
بصراخ: شـــــمـــــش
شمس بصراخ: اعااااااااا
الخط قطع وسيف قام وطلع جرى لبرا ومعاه أدهم ووراهم الشباب ماعدا اكمل اللي قال بعد ما مشيوا وهو باصص لتليفون: اللي صرخت في الأول دي امل وشمس صرخت مخضوضه مش موجوعه يبقى شكلنا هناخد العزا في امل
..........................................
اما عند شمس فهي كانت بتتكلم وفجأه أمل قالت بصوت عالي من وراها: شـــــمـــــش
شمس بخضه: اعاااااااااا
والتليفون وكوبايه الشاي وقعوا لتحت
شمس بصت لامل بشر وأمل قالت وهي بتبص لتحت: احيييه عمي جمال اتسلخ
شمس بقلق: عمي جمال
شمس سحبت الحجاب بتاعها ونزلت جرى لتحت ووراها أمل ومعاها علبه الإسعافات
اما جمال فكان ماسك ايده بألم لاني كوبايه الشاي وقعت عليه اما التليفون وقع على زرعه جمبه
شمس نزلت جرى وقالت بخوف: عمي جمال ايدك
جمال: متخافيش يا شمس هي كويسه
أمل بقلق: كويسه ايه هات نطهرهالك
حبيبه جات بسرعه لما واحد من العيال قلها انه ابوها وقع عليه حاجة من فوق وقالت بخوف وقلق: بابا مال ايدك
جمال: مفيش يا بنتي انا كويس
شمس مسكت ايد جمال وبدأت تطهرها ولفتها بالشاش وقالت: حقك عليا يا جيمي إحنا آسفين
أمل: ايوه فعلا يا جيمي الحق على شمس هي اللي رمت الكوبايه
شمس بذهول: انا
أمل باسف: ايوه انتي مش انتي اللي كنتي مسكاها
شمس: ومش انتي اللي خضتيني
أمل: بس اللي كانت مسكاها انتي واللي سابتها تقع من ايدها انتي ولا مش انتي
حبيبه: يا أمل شمس هتقتلك
شمس بجنون: مش انتي السبب
أمل: لا طبعا انتي
شمس بصراخ: والله لاقتلك
أمل طلعت تجري وقالت: يا لهوووي الحقوني
كانت أمل بتجري في الشارع ووراها شمس ووراهم حبيبه وهي بتقول: الله بخربيوتكم اقفوا
أمل بصراخ: لااااا لو وقفت هتبلعني
شمس: طالما انتي عارفه كده بتقولي ليه انا اللي رميت الشاي
أمل : ما أنتي فعلا
امل : والله لاقتلك يا أمل الكلب
أمل: يا لهووي
أمل دخلت في شارع كان آخره في قهوه
أمل بصراخ: عــمــي شـعـبــان الـحـقـنـي
شعبان "صاحب القهوه": يا لهوي في ايه
أمل استخبت وراه وشمس بتحاول تمسكها وفضلوا يلفوا وراء بعض وشعبان في النص
شعبان بصراخ: يا ولاد المجانين ابعدوا عني
شمس راحت مسكت سكينه وشعبان استخبي وشمس رمتها بس أمل وطت وحبيبه مسكت السكينه قبل ما تيجي فيها
حبيبه: اه يا بنت المجنونه يا شمس
أمل طلعت تجري لبرا وراها شمس وكانت عربيه هتخبطهم فوقعوا هما الاتنين على الأرض
أمل: اااااه يا رجلي يابا
ياسين نزل من العربيه وعمر قال: مين اللمونه والبرتقاله اللي دوسناهم دول
ياسين: هو انتوا يا مصايب
شمس: ااه يا اخويا احنا دهست رجلي منكم لله
عمر: الله وانا مالي ياسين هو اللي كان بيسوق
أمل: دلوقتي مين هيجبسني
شمس ضربتها على رأسها: تتجبسي بس بعد ما اكسرك انا
أمل: الله وانا مالي يا لمبي
حبيبه جات ومعاها البنات ومصطفى
عمر: واضح اني الفواكه عندكم منتشره يا ياسين
صوت احتكاك قوي من عربيات كتير
مصطفى: يا لهوي أمن دوله دول ولا ايه
سيف نزل هو والشباب وقال أدهم: شمس انتي كويسه ليه صرختي
اما الشباب بصوا للبنات بغضب فكانوا يرتدون ________________
شمس
بجامه صفراء عليها رسمه ليمونه
أمل
بجامه برتقاليه عليها رسمه برتقالة
حبيبه
بجامه حمراء عليها رسمه توت
روان
بجامه تيشرت احمر وبنطلون أخضر عليها رسمه بطيخ
آيات
بجامه تيشرت ابيض وبنطلون بنفسجي عليها رسمه عنب
__________________
شمس وهي لسه على الأرض
"والله انا صرخت من الخضه بس وبسبب الجذمه دي"
أمل: لا حول الله يا رب يا بت حسن الكوبايه كانت في ايدك
آيات: طب قوموا من الأرض الأول
أمل: ايدك يا فوزي
شمس: هاتي ايدك يا اخت
مالك: افهم بس نازلين كده ليه
البنات بصوا للشباب ووجدوا الغيره الشديده ولو كانت النظرات تقتل لماتوا الان
شمس بصتلهم ووقفت البنات وراها وقالت
"باي صفه اصلا بتسالوهم"
بصلولها للشباب بذهول وقال سليم
"يا سلام مفيش صفه خالص "
مصطفى وقف جمب شمس وقال: اه طبعا هل انتوا جوازهم كتابين كتاب دي يا دوب خطوبه
شمس بتكمله: يعني ممكن عادي جدا يبقى مفيش في الاخر نصيب وده شي اتأكدوا منه
تحولت عيون الشباب للون الأحمر من الغيره فلن يجرا احد على التفكير بأخذهم حتى
مصطفى بخوف: يا لهوي دول هيتحولوا ولا ايه
شمس بصت وراها وكانت أمل بتتسحب فقالت بغيظ: تتضربي الأول يا بت شريف وبعدين تبقى تهربي
وطلعوا يجروا وراء بعض
ياسين للشباب: هو انتوا جايين مره واحده كده ليه
أدهم: ها اصل كنت بكلم شمس وبعدها صرخت والتليفون اتقفل فطلعت أجرى والشباب جم معايا
خالد من وراهم: نصيحه اخويه بلااااااش هما 3 إيام وراء بعض وهترجعوهم واسالوني
ياسين وعمر: اتفق معاه بصراحه
فهد بضحك: هما بقالهم 3 شهور عندنا في الكتيبه فاحنا عارفين اكيد
خالد: والله يا ابني ما انت عارف حاجه
روان: ايه يا ابو الخوالد نحن هنا على فكره كفايه تقطيم
خالد: الله مش احذرهم بس
-انتوا واقفين كده ليه؟؟!!
الكل بص وكان حسن
البنات بصوا ليه من فوق لتحت وقالت آيات
"ايه ده يا ابو علي إنت كنت فين باللبس ده"
حسن: في مشوار ليه
حبيبه: مشاور ايه انت شكلك كنت بتخطب
مصطفى: كده يا ابو علي بتعملها من ورانا طب كنت قولي كنت جيت معاك
حسن بزهق: بخطب ايه بس مش كفايه بنتي عليا
حبيبه : والله معاهم حق حتى اشهد كده يا عمر
عمر: حصل وانا اشهد
حسن: ملقيتيش غير عمر هو اللي يشهد
عمر بشهقه عاليه خلت الكل يبصلوا
"هاااااااا ليه أن شاء الله مالوا عمر ناقص ايد ولا رجل ها "
سيف ضربوا على دماغه: ناقص عقل ايه يا حيوان اللي عملتوا ده
عمر: الله عملت ايه
مالك: عملت ايه... ده انا كنت هشك فيك
أمل: تشكوا في مين؟؟!
شمس بصت لابوها وقالت هي وأمل
"ايه ده يا ابو علي كنت فين باللبس ده "
حسن: والله كنت في مشوار
روان: طب بقولك ايه النضاره دي لزماني
سليم: بس دي رجالي
روان بلامباله: عادى ما انا بلبس تيشرتات خالد هي جات على النضاره
شمس: شوفت يا ياسين ظهر الحق مش انا بس اللي بلبس تيشرتاتك اهو
ياسين وخالد: اصلكم جزم
أدهم بضحك: انا شوفت كتير وقليل مشفتش زيكم
خالد: اهو علشان تفكروا تاني علشان بعدين هقولكم البضاعه المباعه لا ترد ولا تستبدل
البنات: هاااااا مباعه
مصطفى: يعني مباعه ضايقتكم وبضاعه لأ
آيات: بقى عايز تبعنا يا خالد أخص عليك أخص والله لأقول لعبده لما يجي
عبد الرحمن: هتقولي ايه
روان: الحق يا بابا ابنك عايز يبعني....
عمر: باااااس صلو على النبي احنا بلاها الجاوزه دي  4
مصطفى: اتفق مع الواد ده بصراحه
أدهم بص للشباب وقال بخفوت: دي هتولع
عمر شهق بصدمه: هااااا
آيات بضحك: الله عليكي يا ام احمد يا جامده
ام احمد: يوه معلش يا سي عمر مكنتش شايفاك يا اخويا
حسن: خلاص يا ام احمد حصل خير
عمر: حصل خير ايه انا بقيت مبلول ويريتها مايه ريحتها حلوه اوووف ايه الريحه انتي يا وليه غاسله الهدوم بايه
ام احمد بفخر: بوكسي
سليم بضحك: بوكسي ده كلب ده ولا ايه
فهد بضحك: مش كان اسمه اوكسي
ام احمد: الاه مين الحتت المستورده دي يا عمر ده ملونين ياض اشي اصفر وبني واسود والواد الحليوه ده ابو عيون زرقاء ولا اللي عيونه رمادي ده يخربيت شعره
شمس بغيظ: بقولك ايه يا ام احمد اتنيلي ادخلي بدال ما تطلعلك يشعلك
ام احمد: بس استنى شويه يا داكتوره بس الواد المز اللي شبه ابو ياسين ده يا لهوي ده شبه اوي ولا الواد اللي شبه الممثل اللي اسمه ايه يا ربي كمال اه كمال ده شبه اوي علي جوز عيون سود
مالك بإحراج: احممم هي مش عليا صح
أمل: يا وليه اسكتي هجيبك من شعرك
أم أحمد: يا لهوي على اللي عيونه زرقاء ده وشعره اصفر مهند يا ناس
مصطفى مسكين روان بسرعه
"اهدي يا ابو صلاح مش كده "
روان: هعرفها غلطها بس سيبني
ام احمد وهي بتبرق عيونها: شوكولاته يا ناس عيونه وشعره وعضلات واللي جمبه ده كلهم موز موز
حبيبه: خلاص جبت أخرى سيبوني عليها
البنات طلعوا ليها فوق وهي خافت ودخلت بسرعه
عمر بغيظ: ادوها ما تحرموها بتاعه بوكسي دي
ياسين قعد يضحك وقال: طب تعالى غير هدومك طيب
عمر بقرف: يلا يا اخويا
..........................................
في مكان آخر
كانت في بنت بتعدي الشارع بس ماخدتش بالها من العربيه اللي جايه فخبطتها وكان اللي بيسوق العربيه دي هو زين "آخو مالك "
زين نزل بسرعه وقال: يا نهار اسود يا انسه يا انسه طب اعمل ايه
واحد من اللي واقفين: متشيلها وتدوديها المستشفى مالك واقف كده ليه
زين بتوتر: ماشي ماشي
زين شالها وراح على المستشفى اللي هو شغال فيها وقال بصوت عالي: ترولي بسرعه
الممرضات جابوا ترولي وحطوا البنت عليه وهي اتخبطت في دماغها فاخدت فيها 4 غرز
زين قعد قدام البنت دي على كرسي وهي نايمه على السرير وقال: انا حاسس اني شوفتك قبل كده بس مش فاكر فين
بدأت البنت تفوق وهي بتأن: اه ااه ااه
زين بانتباه: انتي كويسه يا انسه طب انتي سمعاني طيب
البنت وكانت "هنا": اااه دماغي
زين باسف: انا اسف بس انتي
هنا بفزع: ايه دماغي مش موجوده
زين بغباء: ايه؟؟!!
هنا: هو ايه اللي ايه انت مين اصلا
زين: انا اللي خبطتك و....
هنا: يا حيوان انت اللي خبطني
زين بعصبيه: حيوان في عينك انتي اصلا اللي مش شايفه قدامك في حد يعدي والعربيات رايحه وجايه
هنا سكتت شويه وقالت: احممم انا اسفه انا اللي فعلا ماخدتش بالي
زين هدى شويه وقال: خلاص حصل خير
هنا بعدم تصديق: انت يا اخ مفيش انا اسف
زين بصلها شويه وبعدها انفجر في الضحك وقال: انا اسف يا ستي حلو كده
هنا بصتله وسرحت قد ايه وسيم
زين بصلها وقال: حلو صح
هنا بسخريه: لا مش صح انت واخد في نفسك مقلب على فكره
زين بذهول: انا
هنا: اومال خيالك في حد غيرك هنا
زين بصلها بغضب وسكت وهنا حطت ايدها على دماغها وقالت: هو ايه اللي حصل
زين بجديه: اتخبطي في دماغك واخدتي 4 غرز بس كده
هنا بشك: ومين اللي خيط الجرح
زين بخبث: انا ليه
هنا بغضب وصوت عالي: انت ازاي انا محجبه
زين اتضايق من صوتها العالي وقال: وطى صوتك احنا في مستشفى وبعدين مش انا اللي خيطها دي دكتوره هنا علشان انتى محجبه
هنا بغيظ: وطالما كده حضرتك بتقول ليه انا ها ولا هو غيظ وخلاص
زين باستفزاز: اه غيظ وخلاص
هنا ودت وشها الناحيه التانيه وزين بصلها وقال: على فكره انا مرتدش دكتور راجل يكشف عليكي علشان انتي محجبه
هنا: شكرا واسفه على صوتي العالي بس بجد اضايقت لما قولت انك انت اللي كشفت عليا
زين بصلها بإعجاب من أخلاقها وقال
"احمم لا عادي وانا اسف علشان كنت بهزر معاكي بالطريقه دي"
هنا بتذمر: اااه فعلا انت غلطان
زين بصلها بذهول على حالها اللي كل شويه بشكل وقال: انتي ملبوسه يا بت
هنا: لا حول الله انا ملبوسه ولا انت ها
زين قام وقال: لا يا اختي ولا انا ولا انتي انا ماشي
هنا بسرعه: استنا لو سمحت
زين: في ايه؟؟!
هنا بإحراج: كنت يعني عايزه اعرف انا فين وكمان الشنطه بتاعتي فين
زين: الشنطه تحت في الاستقبال بس عامةََ لو محتاجه تكلمي والدك تليفوني اهو
هنا: اااه لو سمحت
زين: طب الرقم
هنا: _______011
زين اتصل وقال: الو
عادل: الو مين معايا
هنا اخدت التليفون وقالت بمرح: دي انا يا دولا
عادل: هنا انتي فين
زين ابتسم ونطق اسمها ببطء: هنا
هنا: احمم شد حيلك كده انا في المستشفى
عادل بفزع: مستشفى مستشفي ايه
هنا أدت التليفون لزين وزين قاله على اسم المستشفى وبعدها قفل وهنا قالت: شكرا يا...
زين بابتسامه: زين دكتور زين
هنا بابتسامه جميله: وانا هنا بس هو انت دكتور بشرى ولا جامعي
زين: لا دكتور بشرى في المستشفى دي وانا دفعت المصاريف خلاص
هنا: لا مفيش داعي شكرا
زين: لا عادي لا شكر على واجب بس هو انا شفتك قبل كده
هنا بتفكير: اممم مش فاكره يمكن
زين بشرود: يمكن
..........................................
بعد يومين
في غرفه الاجتماعات خبط العسكري ودخل وقال باحترام: في حد برا يا فندم وعايز يقابل حضراتكم
عدي: مين ده؟؟!!
العسكري: مقالش اسمه يا فندم
سيف بجديه: طب دخلوا
دخل شاب جسمه رياضي وشعره بني وعيونه بني ولابس كمامه وماسك في ايده كاب اسود كانت على دماغه وقال بهدوء
"السلام عليكم"
الكل بصله باستغراب اما اكمل فهو مكانش معاهم كان بيخلص شغل على اللاب ولما سمع صوته رفع رأسه بصدمه
الشاب بمرح: اكمل وحشني يا راجل
اكمل وقف وقال: معتز الله يخربيتك انت مش المفروض جاي بكره ايه اللي جابك النهارده دي لو عرفت هتفرمك وتفرمني
معتز: يا عم هتخوفني ليه بعدين هي اصلا اللي قالتلي انزل النهارده فكرك اجي كده وهي مش عارفه ده جون لما عملها حرمت عليه ينزل مصر لسنه كامله
كل ده تحت نظرات الاستغراب من الوحوش فقال سيف بصوت جاد: ممكن نعرف مين انت
معتز بجديه: انا الرائد معتز يا فندم اللي كنت ماسك قضية الإرهاب اللي.......
أدهم: ايوه انت الظابط اللي هتكون معانا
معتز بهدوء: كلنا معاكم يا فندم بس انا اللي ظهرت بس
فهد: طب مش المفروض تيجي بكره....
قاطعهم شمس وهي بتقول من وراء معتز
"حمد الله على السلامة يا معتز"
معتز لف وقال بعدم تصديق: حمد الله على السلامه مره واحده انت سمعت يا أكمل صح
اكمل بضحك: ااااه سمعت
شمس ببرود: اممم طب اخيرا شرفت يا معتز
معتز: اهي هي دي الملكه اللي نعرفها
شمس قعدت جمب أدهم وأكمل ومعتز قعد جنبها وقالت بجديه: ده الرائد معتز هيكون معانا في القضيه اللي جايا هو اصلا كان مسكها مع كام ظابط وهيشرح اللي وصل ليه في القضيه والمعلومات دي هي اللي هتوصلنا للجاي وهنحتاجه معانا وانتوا اللي هتجهزوا الخطه بإذن الله
سيف: تمام بس مش في المكان ده
شمس: الدور فاضي يا حضرت المقدم و4 أدوار دول محدش يقدر يخترقهم ولا يطلع ليهم شخص غريب من غير اذني
أدهم: تمام نبدأ كده
معتز عطا لاكمل فلاشه وقال: اكمل شغل دي
اكمل شغلها ومعتز وقف وبدأ يشرح ويعرض صور وقال بعملية شديده عكس شخصيته المرحه: ده سلطان الدمنهوري أو ابو حذيفه رئيس خليه...... في الصحراء الشرقيه على حدود الدقهلية والقاهرة الراجل دي ماسك الخليه دي من 5 سنين قدام الناس هو سلطان الدمنهوري المرشح المحتمل لمجلس النواب في دايره الدقهلية بس وراء ده كله فهو ابو حذيفه وهو واحد من اللي مفروض ينفذوا عمليه بعد حوالي شهر ونص أو اكتر المعلومات في الوقت مش مأكده 
عدي بذكاء: امممم الفروض في واحد على كده بيبعت ليكم المعلومات
معتز ابتسم على ذكائه وقال: مجدي التهامي ظابط جديد هنا في المخابرات بس لسه مش معروف مزروع هناك من سنه وهو بيمد لينا بالمعلومات
فهد: بس ظابط جديد وثقتوا فيه بالسرعة دي
معتز: اكيد لا ده اتحط تحت اختبارات كتير والكابوس هو اللي اختاره وأعتقد كابوس المخابرات محدش يقدر يشكك في نزاهته
أدهم: اكيد كمل
معتز: مجدي بعت وقال إني ابو حذيفه بيجي كل اسبوعين مره بس بيقعد يومين هناك وبعد اسبوعين تاني يجي في نفس اليومين
سليم: المره اللي جاي امتا
معتز: بعد اسبوع يا فندم ومجدي ممكن يبعت بكره معلومات عن اللي حصل المره اللي فاتت
مالك: بس انت بتقول كل أسبوعين ده معناه انه اسبوع مبعتش المعلومات
معتز: مجدي كل أسبوع أو 10 ايام بيروح لمكان محدد في الصحراء دي وبيبعت المعلومات
شمس: تمام بكره هيبعت المعلومات ليك ونتجمع تاني هنا ونجهز خطه على حسب المعلومات الجديده عن اذنكم انا
أدهم: على فين
شمس: عندي عمليه جراحية كمان ساعه معتز هتبات فين
معتز: عند عمي منصور عندك مكان تاني
شمس ببرود: لا في اي حته عادي المهم متشلش الكمامه طول ما انت هنا تمام
معتز بخفوت: ابو برودك يا شيخه
شمس بمكر: معتز معاكم في التدريبات من النهارده
معتز بفزع: تدريبات تاني
شمس : ايوه سلام
معتز بسرعه: شمس استني هو انا مش هشوف رعد والباقي
شمس: أكمل كمان ساعتين وتعالى مكتبي وهات الواد ده معاك
معتز باستنكار: واد شكرا يا ملكه بت أصول
شمس بمرح: اكيد طبعا عمك حسن عرف يربي
معتز بضحك: اكيد طبعا وانا اشهد على المشاكل واحده واحده
شمس: سلام يا فالح
شمس خرجت وابتسمت ابتسامه جانبيه ليس على الكلام ولكن على نظره الغيره الشديده التي رأتها بعيون سيف تقسم أن كانت وقفت نصف دقيقه أخرى لاحترقت هي ومعتز
اما بالداخل لف معتز وقال: هو التدريب هيكون تحت ايد مين
سيف ببرود وبسمه مخيفه: انا يا حضرت الرائد
معتز: احمم ماشي يا فندم بس ينفع اروح علشان لسه جاي من السفر على طول ومرتحتش
سيف خرج وقال ببرود: اكيد بكره تكون هنا
سيف خرج وقال معتز بصوت مسموع قليلا
يا لهوي يعني اسيب بلاك يطلع ده منك لله يا شمس
سليم بضحك: سمعناك على فكره
معتز بمرح ودراما: طب استر عليا الله يسترك
فهد: شكلك نكته بس على عكس وانت واقف من شويه هنا
معتز: اكيد طبعا بس هو التدريب معاه ايه نظامه
أدهم: بتعرف تتدرب لكام ساعه
معتز بص لاكمل وقال: والله هو ميتحددش كده هو اسوء من شمس وبلاك ولا 
اكمل بمرح: والله ما اعرف مجربتش
معتز: الله يبشرك بالخير يا اخويا
..........................................
في قصر الجارحي
كان عمر بيمشي في البيت وهو باصص في التليفون فخبط في واحده ووقعت على الأرض
البنت وهي باصه في الأرض: انت يا حمار مش تبص قدامك
عمر عرف الصوت فقال: انا حمار وبعدين انتي بتعملي ايه هنا
تمنى: عندنا Test بكره وبنذاكر وبعدين انت اللي باصص في التليفون يعني انت اللي غلطان
عمر: خلاص انا اللي غلطان هاتي ايدك علشان تقومي
تمنى: لا شكرا لخدامتك وسع كده
تمنى وقفت وقالت: وسع
عمر باستفزاز: لا
تمنى تروح شمال يروح هو شمال تروح يمين يروح هو يمين
تمنى بعصبيه: يا بني آدم عديني اووف
عمر: اهو اتفضلي
تمنى مشيت وهي بتمتم وعمر سمعها بتقول
"بارد ابو شكلك"
عمر: سمعتك على فكره
تمنى لفت: ميهمنيش على فكره
عمر اتحرك فتمني طلعت تجري لفوق بخوف وقال عمر بعدما ما مشيت: عنيده بت الايه بس بحبها
..........................................
اما في مستشفى الشرطه
كانت آيات واقفه قدام الشباك وماسكه في ايديها فنجان قهوة ☕ وبتفكر في حاجات حصلت في الماضي
__________________
من سنين فاتت كان فيه بنت عندها 16 سنه
البنت بخوف ورعب: لا لا لا لا مش همضي مش همضي
شاب عنده 20 سنه: هتمضي أمضى بقولك
البنت ببكاء وانهيار: لا لا مش همضي
الشاب ده ضربها على وشها بالقلم مره واتنين لحد ما وقعت على الأرض وقالت بصراخ: مش همضي مش همضي
الشاب راح جاب حاجه وهي بصلته برعب وقالت: لا متعملش كده انا بنت عمتك يا كرم حرام متعملش كده ااااااااااااه
__________________
آيات شربت من القهوه وقالت: افتكر بس وموتك هيكون على أيدي يا كرم هدوقك عذاب السنين اللي دوقتها ليا يا ابن خالي
⚡⚡⚡⚡
آيات ادخل
معتز بمرح: سوسو القمر عامله ايه
آيات : معتز يخرب عقلك بتعمل ايه هنا
معتز: والله يا اختي أمل في عمليه وحبيبه وروان وشمس معرفش فين ملقتش غيرك قدامي بقى المهم انا جعان اطلبي اكل عبال ما يجوا
آيات بقرف: عبال انت يلاه متأكد انك عايش في روسيا
معتز بضحك: وحيات جدتك الأستراليه روسيا المهم هتطلبي الأكل ولا لأ
آيات: ماشي اصلا انا جعانه
..........................................
في مكان ملئ بالمحرمات كان يجلس شاب في الثلاثينات من عمره أمام سلطان الدمنهوري
الشاب: العفريت بيقولك عايزين شويه قلق على توتر كده علشان الشحنه تعدي
سلطان: اكيد بس......
الشاب: نصيبك محفوظ والانتخابات انت ضمنها ولا ايه يا ابو حذيفه
سلطان بطمع: اكيد قولي بس الوقت وانا عندي الف ينفذ
الشاب بنبره خبيثه: مش دلوقتى بس قريب
..........................................
عند سيف كان بيتدرب وهو بيضرب كيس الملاكمه بقوه والعرق نازل منه وهو لابس تيشرت حماله اسود مبين عضلاته
سيف كان بيضرب الكيس وكل ما يفتكر شمس وهي بتهزر مع معتز يتعصب اكتر ويضرب الكيس اكتر وفي صراع بين قلبه وعقله
القلب: أيه حبيتها ولا ايه
العقل: لا طبعا احب مين مش عايز اعيد نفس التجربه تاني
القلب: يا سلام طب تقدر تقولي ليه كنت غيران عليها النهارده تقدر تقولي ليه وقفت جنبها برغم اللي عملته ها ولا معندكش رد دي حتى آمنه عمرها ما حركت حاجه جواك اما دي تتمنى تخفيها عن العالم خالص اعترف بقى انت حبيتها لا ده انت عشقتها
العقل: لا انا......
القلب: انتهت يا حضرت المقدم انت عشقتها وخلص الموضوع
سيف فاق على صوت أدهم: ســـــيـــــف
سيف وقف: في ايه يا أدهم
أدهم: بنادي عليك انت فين
سيف: هنا.... بقولك تلاعبني ملاكمه
أدهم بصله هو عارف انه بيلعب ملاكمه لما يبقى عايز يفكر في حاجه
أدهم: اكيد يلا
أدهم وسيف لبسوا قفازات الملاكمه وبدأوا وفي وسط اللعبه قال أدهم: مالك احكيلي
سيف: اختك
أدهم ضربه في بطنه بالبوكس وقال: ما تحترم نفسك اخوها قدامك
سيف ردله الضربه وقال: طب قدامك احسن من وراك
أدهم: امممم مالها
سيف: شاغله تفكيري والله
أدهم ضرب بوكس اجمد من اللي قبله وقال
"بتحبها صح"
سيف وقف وقال: نعم يا اخويا
أدهم لف دراعه حوالين رقبته ووقع وقال
"اعترف يا وحش وقعت خلاص بس قولي برغم ده كله"
سيف قعد على الأرض وقال بهدوء: على فكره اختك مش بتعمل ده من فراغ بدليل البرود اللي بتتعامل به مع الكل
أدهم بشرود: عارف بس مش عارف السبب نفسي اعرف السبب اكيد انتقام ليهم
سيف: أدهم الموضوع لو مكانش هيضرك كانت قالتلك اكيد اللي حصل زمان اثر عليها اكتر من اللي انت شوفته
أدهم بصله وقال: مقولتش برضو حبيتها
سيف وقف وقال: سلام يا أدهم
أدهم بصله وقال: وقعت يا وحش بس ربنا يستر منكم انتوا الاتنين
..........................................
ج