عشق الوحوش والشياطين

الفصل 17

الفصل 17
نبدأ بالصلاه على النبي ☺️
بعد 5 دقائق
وصل اللواء إسماعيل والكل وقف وقدم التحيه العسكريه وجلس اللواء إسماعيل في مقدمه الطاوله وجلس الجميع من بعده ماعدا شمس والباقي ينظروا للجميع باستغراب فلما قاموا فهم لم يتحركوا ابدا
مريم بصوت منخفض: هو احنا المفروض كنا نعمل كده
روان : معرفش بس انا صواميلي تعبت فمش هقوم ابدا
اللواء إسماعيل بصوت جهوري:
دلوقتي يا جماعه نتكلم في الموضوع المهم... ثم نظر للطلاب وقال انتم أفضل 12 طالب على مستوى الطلاب بقيتم دلوقتي مقيدين رسمي في دفاتر الجيش المصري بأنكم طلاب طب الباقي هياخد اجازه اما انتوا مش دلوقتي هتكونوا في المستشفى طول الوقت عارف انه هيبقى ضغط علشان كده تقدروا تسلموا شفتات مع بعضكم ها اي سؤال
شمس : لا يا كابتن
اللواء إسماعيل: ماشي خلاص تقدروا تتفضلوا دلوقتي
الكل خرج وقالت أمل : إلى الطعام يلاااا
..........................................
اما في الداخل
اللواء إسماعيل: نيجي بقى للموضوع المهم
مالك بهدوء: خير يا فندم
اللواء بغموض: دلوقتي هتعرف بس يوصل الشخص الأول
سليم بفضول: مين ده يا فندم
اللواء إسماعيل: كلكم تعوفوه يا حضره المقدم
دق الباب وسمح اللواء إسماعيل للمجهول انه يدخل ودخل وقدم التحيه العسكريه
صدم الجميع عندما علموا هويته وخاصا سيف الذي قال: اااااه يا واطى
اللواء بابتسامه: طبعا عرفينه المقدم أدهم حسن
سيف بسخرية: طبعا يا فندم ده واحد مننا ولا ايه
فهد بصدمه: بس ده كان في اجازه يا فندم
أدهم بابتسامه: ما انا قاطعتها لما كلمني حضره اللواء
نظر سيف لادهم بنظره لم يفهمها غيره فلا يستطيع أحد فهم الوحش غير الإعصار
اللواء إسماعيل بجديه: دلوقتي نبدأ في الجد
وشغل الشاشه العرض: نبدأ بقى في المهمه الجديده
بعد ساعه
اللواء إسماعيل: تمام كده لازم تعرفوا اني المهمه دي لازم تتم خلال 24 ساعه بس تمام يا شباب 
أدهم بهدوء: مفهوم يا كابتن
الشباب ابتسموا على كلمه أدهم لأنهم افتكروا البنات لأنهم بيقولوا كابتن مش فندم
اللواء إسماعيل ابتسم وقال: فعلا يا سيف شبهه اوي دي تربيتك يا أدهم
أدهم: هي ايه دي يا فندم؟؟!
اللواء إسماعيل: روح مع المقدم سيف وهو هيفهمك يا أدهم ومتنساش اني اللي علم خير من اللي اشتري
سيف بابتسامه ماكره : حاضر يا فندم
إسماعيل: ماشي بس من غير غباء انا اللي قولتوله الموضوع يكون سري يا سيف
سيف بخبث: اكيد يا فندم
عند خروج آخر فرد من القاعه وهو أدهم ولف لقى لكمه شديده من سيف في بطنه وقال: بقى اكون مكلمك امبارح ومتقوليش
أدهم بألم: ايه يا عم الغباء ده في حد يضرب كده يا جدع
عدي من وراها: لأ اضربه كمان يا سيف علشان يحرم
سليم بضحك: عليك بيه يا سيف
مالك : تستاهل والله العظيم 
..........................................
اما عند شمس والباقي
كان أذان المغرب أذن والبنات فطروا والكل ابتدا يهني التاني بحلول عيد الأضحى المبارك
شمس بابتسامه: كل سنه وانتم طيبين يا جماعه
أمل بمرح: كل سنه وانتم طيبين يا قوم
شهد باستغراب: هو انتم كنت صايمين يا بنات
آيات : ايوه يا قمر شوفت اللي حصل ميجبوش التدريب النهائي غير في الصيام بس الحمد عدينا
أحمد: بس بصراحه انا مش عارف برغم صيامكم الا انكم نجحتم بجداره وكمان اخدتم المكافأة
جمال بصدمه: ده بجد
علاء بامتنان: بصراحه لولا انكم كنتم واقفين معانا يا بنات مكوناش بقينا هنا خالص
مريم ويحيى: بجد شكرا يا بنات انتوا تستحقوا اكتر من كده
روان : عيب يا صلاح مفيش بينا الكلام ده ده احنا عشره 3 شهور يا راجل
روان بخبث: ده انا هفرم الواد درش بس اروح الأول
جمال: درش مين؟؟؟
أحمد بضحك: اصبر ده انت هنشوف العجايب مع العصابه
..........................................
اما في مكتب سيف
كان سيف قاعد وحاطط رجل فوق التانيه
أدهم بهدوء: هو اللواء إسماعيل كان يقصد ايه بكلامه يا سيف
سيف بخبث: والله انت المفروض كنت تعرف لاني الظرف وصل من 6 دقايق
أدهم بعدم فهم: ظرف ايه ده انا مش مسريحلك ياض في ايه
سيف بضحك: طب اتحايل عليا اشويه كده
أدهم: قسماً بالله لولا انك اخو المدام وابن الحج عمران والحج عمران ممكن يتعب لو عرف انك حصلك حاجه كنت عرفتك معنى كلمه اتحايل دي
سيف مد ايده وعطا ملف لصديقه بل أخيه ونصفه الثاني وقال بجديه: افتح الملف ده وانت تعرف
أدهم: وادي الملف فتحناه اهو
ولكن عندما قرأ اول اسم رفع رأسه لسيف  بسرعه وهو مصدوم وعيونه مليئه بدموع الفرحه
سيف بابتسامه: انا وعدتك اني هلاقيهم ليك يا أدهم مهما حصل وكمل بغموض كمل قرايه لسه في مفاجأه
أدهم قرأ اول ورقه وكانت
استاذ حسن علي
مدرس رياضيات للصف الثانوي بمدرسه....... بمنطقه.........
والعنوان..........
تاني ورقه
ياسين حسن علي
مهندس معماري بشركه........ وتم تعينه دكتور بكليه الهندسة بجامعة عين شمس السنه دي
والعنوان.........
ثالث ورقه
شمس حسن علي
أدهم رفع رأسه وقال: نعم ازاي ده؟؟؟
سيف بهدوء: انا افهمك طبعا انت عارف العجز اللي في الدكاتره هنا و.............
أدهم بفرحه: يعني هي هنا وكمان من 3 شهور طيب هي فين انا عاوز اشوفها
سيف بهدوء: تقدر تشوفها بس كمان شويه وكمل بغموض ودلوقتي لازم نشوف خطه للمهمه
أدهم بغموض: جه الوقت وهندمه على السنين اللي بعدته فيها عنهم
..........................................
في مكتب عدي
كان يقف أمام الشباك وهو لا يشعر بشيء وهو بيفتكر لما ضمها ليه وهي انفجرت في حضنه وعلى خجلها معاه بارده من برا وطفله مجنونه وعنيده من جوا ابتسم لما افتكر طفولتها لما عطاها الدبدوب وقد ايه كانت فرحانه برغم من اني لو واحده غيرها كانت استحقرت الموضوع سند راسه على الشباك وهو بيفكر في ضحكتها وغمازتها وعيونها الامعه
اما سليم كان يجلس أمام مكتب عدي وهو يكتم ضحكته عليه ويفتكر برضو رده فعل روان على الهديه
Flash back
روان بتذمر: يعني مفيش عيديه يعني يا اخ
سليم بابتسامه: لأ فيه
روان : اوعا تقولي شبشب بصباع ازعل والله
سليم بصدمه ايه!!؟؟
روان بضحك: أصله الواد درش عملها فيا قبل كده
سليم بحب: لا حاجه أكبر
وطلع كيس وادهولها
روان فتحته واتذهلت وبعدها طلعته وحضنته جامد وقالت بفرحه شديده:
دبدوووب
سليم همس بضحك: يا ريتني مكانه وكمل بصوت وقال: ايه حلو
روان بفرحه طفله: اوي اوي اوي ده احلى من الفلوس والله
سليم ابتسم على الطفله المشاكسه دي
Back
سليم فاق على فتح الباب وكان أدهم بيقول:
ايه يا عدي اتاخرت كده ليه
فوجد عدي أمام الشباك في عالم آخر وسليم أمام المكتب يكتم صوت ضحكته
أدهم باستغراب: في ايه يا سليم عدي ماله
سليم : أصله عدي وقع ورافض يعترف
أدهم بمكر: لأ سيبها على دي بقي
سليم : والواد مالك معاك لأنه رافض هو كمان
أدهم بصدمه: لأ ده انا فاتني كتير
سليم ضحك بصوته كله:
هههههههههه كتير اوي يا أدهم ده انت فاتك نص عمرك
أدهم بضحك: ده باينله بجد
عدي فاق على صوت ضحكهم وقال: في ايه ياض انت وهو بتعمله ايه اصلا هنا شكلك يل سليم عايز تاخد علقه
أدهم: لا يا عم بعد المهمه ابقى اعمل اللي انت عاوزه لأحسن سيف يبعتنا كلنا يلا قدامي على أوضه الاجتماعات
سليم بدراما: ماكنش العشم يا طلبه بترميني لعدي
أدهم بسخريه: عدي ولا سيف
سليم وهو جري لبرا ودخل راسه من الباب وقال: فهد حبيبي طبعا
أدهم بزهق: هما معقلوش
عدي :ابدا ده سيف كان هيضربهم بالنار من شهر
..........................................
في قاعه الاجتماعات
سيف بغموض: ها كل واحد عرف هيعمل ايه
سليم : ايوه.... بس مين اللي هيكون مسؤول عن الطلاب في فتره غيابنا
فهد : النقيب رحمه
مالك : تمام كده
سيف رن الجرس اللي على الطاوله فدخل العسكري بسرعه
سيف بصوت قوي: روح للبنات يكونوا قدامي خلال 5 دقائق بس انت فاهم يا عسكري
العسكري بخوف: فاهم يا فندم
قدم العسكري التحيه العسكريه وهرب بسرعه البرق
..........................................
اما في الساحه
كان يجلس الجميع أمام النار ويتحدثون
أمل بفضول: هو انت ناوي تتخصص في يا احمد
أحمد: ولا ما عارف ممكن باطنيه
علاء: طب حلو علشان نبقى مع بعض
روان : انت ناوي علي باطنيه يا علاء
علاء: أن شاء الله تعالى وانت يا يحيى
يحيى: انا......
قاطعه العسكري وهو يقول بصوت عالي:
حضره المقدم سيف عاوزكم في غرفة الاجتماعات حالا
الكل اتفزع من صوت العسكري لأنهم ماخدوش بالهم منه
البنات بخضه: اعااااااااااااااا
أمل بغضب: إلهي تنشل في لسانك يا سيد كوبايه الشاي اتقلبت منك لله
سيد بخوف: مش وقته يا انسه أمل الحقه روحوا ليه قبل ما يقتلنا كلنا واولكم انا
حبيبه : ماخلاص يا سيد ماشي جايين
سيد: طب بسرعه يلا
الكل قام وراح لاوضه لاجتماعات وفي الطريق شمس كل ما تتقدم قلبها ينقبض اكتر لحد ما وقفت.... آيات بصتلها باستغراب: مالك في ايه
شمس : مش عارفه حاسه اني في حاجه هتحصل
البنات رجعهولهم وقالت روان : نفس احساسي والله
حبيبه : اهدي يا شمس مفيش حاجه ان شاء الله
امل : شمس انتي اخدتي دواء السكر
شمس هزت رأسها بأيوه 
الكل قرب وجمال خبط واستنوا الأذن
..........................................
اما في الداخل كان ادهم قاعد ومتوتر جدا من مقابلته مع اخته بعد السنين دي كلها
فهد : مالك يا ابني محسسني انك رايح تخطب
عدي بغموض: ربنا يجمعك بيهم على خير يا أدهم واهدي كده
أدهم : هو انت كنت تعرف يا عدي
عدي بهدوء: ايوه من شهر لاني انا اللي بعت وجمعت المعلومات بأمر من الوحش طبعا
سليم بضحك: واحنا عرفنا النهارده وكمل بابتسامه: ربنا هيجمعكم أن شاء الله على خير
مالك :أدهم متوترش
أدهم بقلق: متوترش ده ايه انا هشوفها بعد 9 سنين يا ترى هتفتكرني ولا لا ولو افتكرتني رد فعلها هتكون ايه وهتسامحني ولا لأ
سيف حط ايده على كتف أدهم وقال: اهدي يا أدهم اكيد هيسامحوك لما يعرفوا السبب اهدي
الكل سمع الباب بيخبط وسمح فهد بالدخول وقلب أدهم بيدق بخوف
دخل البنات وشمس كانت تنظر بصدمه تكاد تفقدها عقلها للذي يجلس بجانب سيف والبنات بصدمه شديده وبصوا لشمس بقلق من ردة فعلها وروان وحبيبه مسكوا ايدين شمس جامد وكانت متلجه
حبيبه بهمس: شمس اوعي تعملي حاجه تهد اللي فات
اما أدهم فكان ينظر إلى شمس بشوق وحنان جارف فهو لا يصدق انه رأى اخته الصغيره ذات 13 عام فهو عندما اختفى من حياتهم شمس كان عندها 13 سنه وياسين 18 سنه ادمعت عيناه من الفرحه والحزن معا لكن مسحها بسرعه
سيف بجديه : دلوقتي انتوا هتكونوا الفتره اللي جايه دي تحت قياده النقيب رحمه وهي اللي هتفهمكم النظام والقواعد هنا...... مفهوم
الكل: مفهوم يا فندم
سيف للبنات: وبالنسبه للتخصص تبلغوا باقي زمايلكم يختاروا بسرعه قدامك يومين ودكتوره شمس انتي اللي هتكوني مسؤله قدامي عن تسليم ورق تحديد التخصص لما نوصل تجيبي الورق على مكتبي مفهوم
شمس :.............
آيات ضغطت على ايد شمس كتنبيه
شمس بسرعه: ماشي يا كابتن بس سرحت شويه
أدهم بابتسامه: ولا يهمك انتي المسؤله عن ورق التخصص
شمس بصتله بغموض وقالت ببرود صاقيعي:
ماشي يا كابتن
البنات بصوا لشمس بحزن خفي لأنهم الوحدين اللي عارفين اني وراء قناعها البارد ده براكين هتنفجر في أي لحظه
سيف بصوت قوي: تمام تقدروا تتفضلوا دلوقتي
بعد ما مشي الشباب والبنات
مالك : احنا المفروض نتحرك بعد ساعتين من دلوقتي
عدي بهدوء: ايوه
سيف بص لادهم بحزن على حاله وقال: ايه يا أدهم مش مبسوط انك شفتها
أدهم بشرود: اتغيرت اوي بقيت بارده ليه
فهد رجع راسه لوراء وقال: لأ من الناحيه دي فماتخافش هي كده مع الأشكال الجديده ومش هي بس هي وباقي البنات
سليم بضحك: صبرا بس كده نرجع وتشوف الجنان على أصله
أدهم: هما البنات دول صحابها
عدي : والله يا أدهم لولا اني اساميهم مختلفه لكنت قولت انهم اخوات بس على رأي سليم صبرا وانت تشوف
أدهم باستغراب: بس عنيها مكانتش سوده
سيف بهدوء: عدسات
أدهم: نعم وانت عرفت ازاي
مالك : سمعناهم قبل كده أصله تشاء الظروف والصدف انها تجمعنا قريبين من بعض واحنا بناكل
أدهم بشك: لا والله
سيف قام وقال: يلا كل واحد فيكم يجهز نفسه علشان الوقت خلاص
..........................................
بالليل
شمس وقفت قدام الشباك بتفكر في اللي حصل النهارده وغمضت عنيها وسابت الهواء يطير شعرها
حبيبه حطت ايدها على كتفها وقالت: بتفكري في ايه
شمس وهي لسه مغمضه عنيها: الوقت جيه وانا كنت خايفه منه بس خلاص الكل تعب
آيات : يعني خلاص يا شمس
شمس فتحت عنيها وكانت حمراء سوداء بشده وبصت للبنات وقالت: سيبكم من الموضوع ده دلوقتي علشان ميعطلناش جهزتي نفسك يا آيات
آيات بغموض: ايوه كله تمام
أمل بغموض: بالنسبه للباقي
شمس بهدوء وهي باصه للقمر: تمام
حبيبه بجديه: شمس ما بلاش انتي تروحي واروح انا مكانك
شمس :لأ يا حبيبه لازم اروح وبصتلهم وقالت: ربنا يعديها على خير يلا ننام بكره يوم طويل اوي نخلص من الموضوع ده الأول وبعدين نشوف الجديد ده
..........................................
في مكان مهجور امام البحر كان يجلس رجل في الظلام وأمامه شخص في عمر 29 عام
الرجل بشر وخبث كل حاجه تمام يا أكرم
أكرم: تمام ياعفريت الرجاله مستنين بس أوامر حضرتك
العفريت بشر: حلو خلال 48 ساعه العلاقه ما بين مصر وأمريكا والاتحاد الأوروبي هينتهي تماما وتبدأ الحرب
أكرم بخبث: تؤمر بحاجه تانيه يا عفريت
العفريت بهدوء: لأ وكمل بكره: نهايتك على أيدي يا سيف زي صاحبك 
..........................................
اما في مكان آخر بعيد في البحر المتوسط قريب من الحدود المصريه على متن سفينه في نص البحر كانت هناك فتاه لا يظهر منها أي شئ سوى عيونها الزرقاء المليئة بالجحيم كانت تمشي واي شخص أمامها تقتله بدون تردد وبكل برود ودخلت إلى غرفه وجد أكثر ما فيها هي جثث مقطعه
البنت بسخرية: انتي دموي اوي يا فوكس
نظرت الفوكس والتي كان تشبهها في شكلها وبرودها اما نظراتها مجنونه وقالت:من بعض ما عندكم يا M
قالت M ببرود: فين الدكاتره
الفوكس : الشبح والعقرب راحوا ليهم بعد ما فكوا القنابل مع الضبع اما الأطفال الكابوس والضبع خلاص هربوهم من هنا على مركب مع كام ظابط أوربي
قالت M بهدوء من خلال السماعه: نانو انت فين
نانو بعملية: M في عند الضبع والكابوس 20 راجل مسلحين رايحين ليهم لاني الأطفال لسه متحركوش
ردت M بخبث : تمام يلا يا فوكس
..........................................
اما عند الأطفال
الكابوس كان بيهرب الأطفال والضبع بيحمي ضهره فجأه شاف رجاله جايين بحذر ناحيتهم فطلع سلاحه وقال: كابوس جهز سلاحك
الكابوس بصله وطلع سلاحه وقال للظباط الأوروبين: فلتنطلقوا بسرعه ولا تلتفتوا ابدا
ظابط بجديه: حسنا سيدي
وبدأ ينزل بالحبال للمركب تحت وبعدها شغل المركب وانطلق بأقصى سرعه
الرجاله شافوا كده سرعوا اكتر يمكن يلحقوهم وبدأ اشتباك بين الكابوس والضبع والرجاله قتله منهم 9 ولسه هيكملوا لقيوا M والفوكس جم وبدأ يساعدهم وبعد ما خلصوا منهم قال M: الأطفال مشيوا
الضبع: ايوه يا M
نانو: M في 30 شخص بيقربوا من الدكاتره والذخيرة اللي مع العقرب والشبح مش هتكفي
الفوكس : احنا جايين وتعالى انت كمان لاني دي النهايه وهنمشي
نانو بجديه: تمام
اما عند الشبح والعقرب كانت الذخيرة على وشك النفاذ الا انهم لقيوا الدعم من الباقي وبدأت المعركه وبعد ما خلصوا على 20 منهم بدأت حرب التقطيع من العقرب والفوكس بدأو يقطعوا بالسكاكين وكانوا مش بيرحموا اما M كان بيقتلهم بصمت وبيكسر الرقاب اما الشبح راح والضبع راحوا علشان يرجعوا السفينه لأنها مصريه والكابوس ونانو راحوا يشوفوا الرهائن التانين غير الدكاتره الأوروبين
بعد ماخلصوا الكل راحوا لمكان قياده السفينه عند الشبح والضبع واللي كانوا اتخلصوا من العقبات اللي هناك اما العقرب كان انضم للكابوس ونانو لما لقيوا عدد من المسلحين برضو بس في الطريق لما اتلاقوا كان الكابوس ونانو هيتصابوا بغدر من وراه العقرب قدر يتفاد وقتل اتنين منهم اما الكابوس ونانو M والفوكس لحقوهم بس ما يتصابوا
نانو بقلق: M رسيل انتو كويسين انتوا بتنزفوا
رد M بلا مباله: لأ احنا تمام
الفوكس بغيظ: اتكلمي عن نفسك لو مش حاسه بوجع انا بموت